新羅寶韓國餐廳 (利舞臺廣場)

营业中

休息中

10年都唔過香港一次, 難得同媽媽要到SOGO入貨, 冇思考過就揀了新羅寶. 這間店我食過幾次午餐, 就係唔捨得食晚餐, 聽說一位都要$300以上. 午餐最貴每人不到$100 前菜先有8款前菜, 有d款同隔離枱唔同. 除了薯仔, 其他都冷食. 正宗泡菜味都只有新羅寶同尖沙咀梨花X做得到. 但新羅寶好味d. 主菜未到都食飽晒, 一d都唔孤寒! 豬肉石頭飯怕冇飯落肚會餓, 點了個石頭飯. 豬肉份量多而且入味, 唔想有太多飯焦一到就要即刻攪伴. 配菜有菠菜, 芽菜, 冬菇, 紫菜都是常用的配料. 辣醬加了3次, 原先個飯冇味的. 雞&牛鐵板燒 (配上羅白湯同白飯)牛是必點鐵板料! 韓國料理就是把雞豬牛都醃得好入味, 一定要配白飯吃. 鐵板食到15分鐘後仍然好熱, 飲羅白湯就可以清減一d濃味, 喉嚨舒服d.最後兩個人剩了1/3食唔完, 實在太飽! 還有疑似薏米糖水送, 真係食唔落.

如果有人問，星期曰在銅鑼灣，那兒最多韓國人，我會毫不猶豫答: 新羅寶，因其星期日自助餐十分受韓國家庭歡迎。而且，在十多年前，我在韓國的樂天世界也光顧過其主店，我想她在香港來說算，是較正宗及地道的了！此處的泡菜及前菜變化多端，調味各異，十分滋味。是夜最欣賞的是蒜心脆蝦，甜味魷魚絲及辣味蔬菜。每次必叫醃味牛肋骨，用醬汁，蒜泥，蜂蜜，雪梨汁醃製，故味道鮮甜得來有果香，反而另一款鮮牛肋骨，因没有汁料包裹，燒烤時會容易過乾及無味！牛肋肉可點燒烤豉油或另叫麻油淮鹽，也可加點生菜/紫蘇葉連豆醬同吃，韓國人一般都會這樣吃。大蝦一客有四只，記着要連檸檬片一起烤，檸香令蝦肉提鮮數倍，侍應會於蝦將近烤熟時替你去殼剪件，方便進食。也叫了一客海鮮煎餅，是夜的煎餅粉漿過厚，竟有港式厚底pizza feel，不過味道卻算不錯。最後點選了牛肉湯麵，侍者會在席前，先將牛肉，蔬菜放入清湯中，然後再下白色自家製麵條，最後再加芝麻，蒜蓉，淮鹽和辣粉，此時你可按自己的喜好請侍者加減調味，這道菜吃的是又滑又有韌度的麵條及韓式湯底，牛肉反而因烹調過久會變老！若想吃較嫩的牛肉，可挑牛肉火鍋，可自行控制淥焯的時間，又有大量餐廳自家農場

其實 新羅寶一共去了兩次.因為第一次太好吃而且可以慢慢吃.所以一直想再去一次.這次和朋友本來去盛八,因為臨時決定,所以沒有訂座.盛八已滿座,反正已在銅鑼灣,就打算去 新羅寶.沒有訂座的情況下,我是打定輸數的心情去碰運氣. 到餐廳時接待處說,沒訂座的話,八點半要交枱,當時是六時五十X分.我看也可以吃個1.5小時,朋友OK,我們便入座.點了牛排,冷麵,沙津和一個已忘了是什麼的菜.因為有點趕,所以沒有拍照,和上次一樣,食物好吃,很懷念上次的宮-炆牛骨,但朋友不吃很多肉,這回就沒點了.吃到八時,滿桌菜淆都還有一半以上,侍應已把賬單奉上,我們以為只是希望等下省時,可以立即清桌,我們也沒計較,便先付賬.沒想到五分鐘之後,讓我們入座的那位侍應過來'請'我們還枱.我們跟她說是八時半還,怎麼成了八時.她竟說入座已說好是八時,她有訂座簿是不會說錯的. 所以一定是我們聽錯?! (再三確認過的....難道以後要錄音?)口同鼻拗沒意思,我只問她如何處理? 我們還沒有吃完.她只請我們打包!!! 我們付六百多元吃一個被趕的晚餐?! 坐在房中,我以為外邊全院滿座,她沒能安排搬桌,也不想難為她,也就她們打包食物便離坐.

和同事食開年飯 好耐無口o黎利舞台食飯嘩, 好多人排長隊等搭lift 門口reception 好好笑容新裝修, 坐得舒服4個人叫了:豬手 – 入味同爽口, 而且份量十足 ! 什錦鍋加麵 –有火腿, 金菇, 年糕, 加埋麵真係好正呀 ! 泡菜薄餅 – 味道適中, 但無gum 燶就更好 超級飽 !! 但待應服務質素一般我地4個人得4 碟前菜想叫侍應比多幾碟,叫左好耐都無人理 同事埋單有9折, good !

情人節時候, 周圍食野都超多人...行下行下去左利舞台搵野食~去左樓下幾間日本菜都 full booking上到新羅寶門口冇人就入去喇~估唔到, 入面仲有好多位淨!!係咪korean food唔夠浪費, 所以大家唔去??!因為岩岩去完韓國, 對韓國野食完全著謎<3 辣炒八爪魚又爽又夠辣, 正!! 韓式蠔餅都ok... 但係我都係中意潮州果隻多d ^~^ 海鮮鍋我地叫左個細siZE, 都夠4個人食ga!好足料~有大蝦, 蟹, 8爪魚...林林總總物有所值 生牛肉因為唔係我叫, 所以唔知叫咩名...搵塊牛肉包住d配菜~好fresh連唔食牛ge我都忍唔住食左2件!! 臨尾仲一人一碗仔柚子茶~飲完成個人爽晒!!略有不足ge係 前菜少了點...4個人得果幾塊kimchi...好似配給咁 =__="雖然有得refill, 但又唔好意思叫人refill咁多次...overall, 呢餐真係令冇情人ge情人節加添左喜悅<3<3

Got to know about this restaurant through friend's recommendation.. We called to make reservation a day before, so there is no waiting time for table. We ordered a 2-person set meal. We've got the beef changed to marinated pork because we don't take beef. The marinated pork and kim-chee fried rice were really good, like them very much. The stir-fry korean noodles were alright. We like the "after-meal" drinks, very refreshing after all the BBQ food.The service was alright and the waitresses were

好開心銅鑼灣店重開了！ 可是，舖位細了一半，但因新裝修，令人眼前一亮，地方也不太擠。我們吃了:1. 牛肉麵 (味道跟以往一樣的好，只是牛肉看起來薄了)2. 燒牛肋骨 (我選了鮮牛肋骨即沒有調味的，因為牛的味道很香，還有比較健康)3. 燒豬腩肉 (肥的部分不多，肉也不厚，燒得香口就非常好啦)4. 燒雞腿肉 (由於調味比較甜，所以要小心的燒，否則很容易燒焦。 如果燒得好，肉很多汁，而且甜)5. 菜 (很新鮮的菜，包起肉來吃味道配搭很好)6. 豬手+菜 (味道不錯，而且爽而不油膩，可是我稍嫌豬手切得細片，可以大一些)7. 甜品: 燒南瓜餅 (南瓜餅裡有紅豆，所以有些甜，燒得很香，用紅棗造的玫瑰花很美)8. 甜品: 燒花餅 (第一次吃花餅，其實是普通燒糯米餅，但賣相與味道也非常好，絕不油膩)

只是父母o黎過呢度兩次，成日都話又抵又好食，今次就第一次跟埋o黎，可以話無o黎錯解凍三文魚 - 味道唔濃但可以入口，點都係三文喔(但韓式??)八爪魚鬚 - 呢個就真係硬了點又無乜味涼菜伴粉皮 - 咩粉皮? 只係一大件像x蒻的東西，好普通韓式豬手 - 呢個好唔錯，肉嫩味不太濃，食得番豬手味醬炒八爪魚 - 呢個幾有特色，唔太辣，仲有o的冷麵伴o黎食，夠韓風凍蝦 - 無咩特別o者各式天婦羅, 炸雞, 蛋卷 - 有原味的填肚之物，算唔錯o既仲有o的少量熱盤, 泡菜, 炒飯 - 可以的炸醬麵味道實在不知怎形容，不是中式的不定時供應而有專人負責o既有湯麵, 燒豬牛, 牛肉卷甜品幾特別o架，有雜錦湯圓(有o的好有o的怪)，鮮菠蘿，麥芽糖水食到飽一飽，侍應生們都幾勤快，亦有好些係韓國人添絕對能夠一試

配菜好味! 唔錯! 烤肉牛肋骨, 牛舌 - 味道唔錯, 夠入味! 石鍋雜錦飯味道ok! 但用料不多, D飯較稔! 少少失望!! 甜品松子冰糖水 - 沒有深刻印象!總結 :-這裡的食品質素絕對OK, 但服務質素仍有改善的空間, 同尖沙咀相比簡直係天壤之別~~食客嚟幫襯, 相信都不希望看到店員都是苦瓜乾嘅口面, 好似死老豆咁~~ 如果走高中檔路線, 仲要係"米芝連", 除咗食物質素除要高外, 相信客人亦要求相對的服務質素囉~~

是日午餐，友人早說定要吃韓國燒烤，重指定要食新羅寶，咀尖朋友介紹得應該唔會差得去邊。於是一人order一個烤肉Set Lunch，肉的份量不多但味道不錯，友人跟餐的香辣豆腐湯+白飯，跟我的韓式雜錦飯一樣好味，配埋前菜五小碟，胃納剛好滿座。服務很好，雖然不像晚市幫客燒埋，但烤Pan都換了3、4次，唯獨是待應生唔太識廣東話(但理解「堆單」二字絕無問題)，坐得舒服、不用等位，而且食完衣履均未有沾上燒烤味。離開時見逢星期日有Buffet Lunch，都只係$128+10%，即刻決定擇日重賽

年廿七去維園行花市, 天寒地凍, 最好食熱辣辣既野暖下個胃先慢慢行! 之前食過呢間韓燒好好味, 好掛住佢既燒牛肋骨, 今次去開銅鑼灣, 一定要回味一下!今次兩個人點左四樣野:牛舌 待應小姐好整齊咁將燒好既牛舌放上洋蔥上面, 等你慢慢享用... 啲肉汁不經不覺索晒入個洋蔥度, 嘩! 我急不及待已經想食塊洋蔥囉! 為左佢而黎既牛肋骨 入口軟腍腍, 肉汁又多, 真係好好好好好味! 去骨豬肉 諗住普普通通啦, 點知啲豬肉好滑, 有驚喜! 最後黎多個豆腐海鮮鍋, 都幾好食, 兩隻大蟹腳, 仲有好多好多好多蝦! 加多個白飯埋齋! 嘩! 飽到上心口! 飯後仲送糖水做甜品... 圓滿呀! 今餐好滿意, 唯一要彈既, 就係待應無主動添前菜呀! 下次唔該醒目返啲!

星期六跟友好聚舊,吃,一定是全晚主打!吃膩了西餐日本菜泰國菜打邊爐,韓國菜算是不錯選揀。韓燒,不一定是自助的。染色三文魚,腸仔壽司,泰式椰汁糕...吃得"立雜",不能吃到韓燒真味,腸胃也吃不消。不想吃一些不知就裏的"李X記"調味料醃的烤肉,可以試試金羅寶。先提提你,要去的話請先訂位。江湖傳聞尖沙咀的較好吃,很難訂位,銅灣的機會比較大。我去的,是銅鑼灣。店面裝潢沒有太花巧,有足夠空間不用坐得像沙甸魚就是了!最起碼待應捧菜不用"側側身"。食物方面,先上幾款泡菜,爽脆~該是夠新鮮的關係!沒有太烈的香料味,港人比較容易接受。種類方面,對不起,點菜的不是我,沒能提供太多資料....我們叫了的是牛舌,牛肉,辣雞肉,海鮮薄餅和一客粉絲。肉類方面很好很新鮮,肥瘦適中也爽口。只是熟食方面會有參差,我是第 一次光顧,同行朋友是略有經驗,說這次的粉絲跟薄餅沒上次出色。嗯...的確是這樣啦~這兩款熟食屬普通水平,或許石頭飯會更好!飯後,來了一小碗像姜茶的甜水,挺好喝的!省下了飯甜品!服務方面,待應都很細心,會主動換龜背,加水等等。部份是韓藉服務員,以英語溝通一般都能聽懂。總體來說,三五知己聚腳又不想到CAFE

本黎想去尖沙咀嫁,點知冇哂位,咁我就去CWB啦.地方都OK方便,宜家都幾大啦.幸好早左一個小時訂位,咪都冇得食.食左個牛舌,蠔仔餅,豬同石頭鍋飯.好似其他人一樣,真係個餅最好食!香到不得了!好味道.牛舌都好香,不過我中意厚一D嫁~個石頭鍋好好味呀!可能因為我係飯桶啦~~HAHA!我中意佢硬更地,有得咬下!!係WO,唔記得佢有D前菜,我唔係好食泡菜,唔中意佢陣味,但係今次又OK,幾爽口.其實2個人食,食下食下都好飽啦.點知佢有個小甜品WO雖然我中意食ICE CREAM多D~~不過佢個糖水都幾清甜嫁!我估我會再去,再食個蠔餅,我都好想試下個帶子,$130,8粒,幾OK!

一直都想同男朋友去食下韓國既,知道呢間係米芝蓮咁就試下啦.點知又幾OK.一黎到,就有個識講廣東話既姐姐黎招呼,好好人,我估係新人加香港人啦!D價錢其實OK既.一黎就有6個前茶,我中意食魚仔~~~D菜都OK.我叫左豬腩肉,牛舌,雞同蠔仔餅.豬好好食呀!!!燒左出黎勁香LO!不過厚小小就好啦~~雞都幾甜啦~~~而且好多呀!!我個人就中意牛舌LO咁我就問佢要多個LEMON.暇好食一定係蠔仔餅!!!!勁中意食,不過好後悔最遲先叫,好飽啦...

噚日去左 cb 搵朋友一齊 Lunch, 佢揀左去利舞台食韓國菜, 呢間我都未黎過, 都好, 又可以試新野, 可能因為 12 點, 所以都唔係好多人, Menu 都幾多款 set lunch 選擇, 我揀左烤肉餐!而且佢地仲有免費任食有機菜沙律同埋有機南瓜湯, 味道都唔錯!佢地 d待應都幾細心, 走黎問你 d 肉洗唔洗幫手剪開一件件, 呵呵.....呢 d 咪 service 囉! 海帶湯 - 味道一般飯 - 係我鐘意既珍珠米配菜 - 3 碟 4 款, 都唔錯啦!烤肉 - 有 3 款, 味道唔錯, 夠入味!生果 - 橙甜品 - 唔知咩雪梨, 米咁..... 因為我怕甜, 食左一啖冇食, 友人就食晒!總括黎講都好食, 下次有機會都會再黎過!!