新興發粥店 (已結業)

傳統老店已買少見少，多附近街坊幫襯。因是老小店，故環境及服務不要多要求。是日想食多D菜，故叫了菜肉湯(魚腩，肉碎，鯪魚球)加豆漿。菜湯稍咸，不飲湯即可，菜及魚肉都好食。

LUNCH時間入去~~無咩人~~都照食啦~~~叫左幾次落單~~入面f呀姐愛理不理咁~~之後話:你啦啦，我地聽倒!咁我就叫左個招牌鮑魚粥同齋腸~~咁我聽倒佢同廚房講要個粥啦~~咁我以為佢聽唔倒就再叫多次啦~~~跟住佢好不滿咁同我講:聽倒喇~!!!嘩，咩意思先~~我驚你無落單0者~~之後上菜~~碟腸粉真係好膠~~我好懷疑佢點整lo~~d醬ge味又好怪~~花生醬唔似花生味~~~甜醬又有d酸酸地~~~so個腸粉食左幾舊就無食lu~~之後個鮑魚粥...料就夠~~~有好多鮑魚片~~但d粥好似粥水咁...一d都唔綿~~~但都擺得入口ge~~~

那天遊玩完畢，隨便找了間粥品吃吃，最近實在吃了太多，十分需要吃些清淡的食物，如果每天再暴飲暴食，我肯定很快會變大肥婆 很久沒有來過這裡了，記得以前有任飲任食，那次吃過後就怕怕了，實在太飽，而且又不算很好吃，自此都沒有來過了。今次吃完後，肯定以後都不會再來了，實在太難吃，可能是我吃過最難吃的腸粉!!炒麵($10) ，賣相很一般，味道又一般，非常普通的炒麵，為了填飽肚子而吃的，但為了填飽肚子的話，這個份量都不見得足夠硬膠腸粉($8)，不知道這個腸粉到底用甚麼做的，感覺是在吃膠質的食物，又膠又不滑，非常唔掂!而且很貴，$8只有這麼少!皮蛋魚片粥($16)，粥品比小吃好，至少是足料，不過其實份量很少，而粥不不綿的，雖然只是$16，但份量與味道都很一般。皮蛋瘦肉粥($16)，這裡的瘦肉與一般粥店吃的是不同的，這裡是切條的瘦肉，多麼的特別。艇仔粥($14)，也是這樣吧，沒什麼特別。總結: 不會再來，北角好像都沒有一間粥品是好吃的，最近要去到quarry bay的生記，而腸粉是任何一間小食店都比這好吃。吃飽每人也要二十多元，不如去吃個麥當當好了。

我本來一星期都有一兩朝到該店買外買早餐，不過經過今早的經歷，我諗會有一排唔去買。今早再到該店買早餐，平時很少會排隊，但今朝門口卻擠滿人，要排隊，我已經比亞伯插隊，都算，點知到我時，叫了我要的食物，亞姐唔知係真聽唔到定扮聽唔到，跟住有個女士走入去坐低，佢就拿拿聲問佢要咩，仲上埋比佢，當我透明，我咪叫多次要咩，佢居然鬧我唔排隊，我真係好嬲，答佢話我排左好耐，嘩，佢離晒譜，仲話我「趕時間就早D出門口，買野係要排隊.....」態度真差，我都唔知咩事﹖

早上剪髮後仍有些時間才上班，天寒地凍吃點東西暖暖身子較上算，不想吃火腿炒蛋或漢堡包，吃腸粉和粥會更合口胃。轉入了後街，找到這間粥店，印象中以前路過時，門外掛滿各式各樣的粽子，蔚為奇觀。叉燒腸粉配牛肉粥是我今次的選擇，腸粉只得兩條，做早餐也足夠，叉燒質素不是太差，粉皮也不算厚，豉油不甜，牛肉粥是碎牛粥，粥底不錯，但味精頗重，過了幾小時後口都苦埋。整體不過不失，價廉物美，若要求不高，不怕味精，可一試。

北角茶餐廳多如繁星, 一條街往往三五七間亦不足為奇今日放工後隨便食餐飯, 而電器道曾是我一段長時間踏足的地方 "新興發粥店" 從前過門而不入; 今晚己來之則安之 差不多每枱都是食粥, 而我則選定了蒸雞飯. 因為突然很懷念新釗記的蒸飯, 是何等美味。另外再點了 荔灣艇仔粥, 炸兩, 咸肉糉等 先來蒸飯及送的豆漿: 所謂蒸飯, 鋼碗只是微暖的, 連最基本蒸過的痕跡也沒有, 明顯是一碗白飯+雞骨+幾條白菜+幾片冬菇+幾滴醬油, 而溫溫吞吞的暖度, 更加反感。 隨口渴了一啖豆漿, 也是淡而開水試了一口艇仔粥, 粥底也淡薄, 似米水多過粥水，料雖然正常, 但粥底唔好, 神仙難救也 咸肉糉: 糯米太多, 綠豆相對太小, 而一丁點咸香也沒有, 再借助醬油改運 ! 再來炸兩, 雖然又凍又腍, 但係無野落肚既情況下唯有頂了幾件 一路食一路媽媽有聲

今晚要聽講座, 趁未到時間入座, 吃番小小食物醫醫肚, 皆因講座都要成2個半鐘頭的時間長。行過電器道, 發現有間粥店, 便入去試一試, 粥店名叫"新興發"。因為未到放工時間, 所以都很容易找到位, 看看餐牌, 我order了"荔灣艇仔粥"。很快就奉上食物, 而且很多材料, 機乎整碗粥都是...yummy材料有魷魚, 花生, 碎牛肉, 蔥花。店主很週度, 蔥花用匙盛住, 不喜歡吃蔥的朋友可以容易移走。除了粥之外, 還有馬拉糕, 腸粉, 糖水, 油器, 咸肉粽供選擇。不過我距離講座只有15mins, 都是吃一碗粥已足夠!!價錢合理, 而且又多餸, 可以醫左肚就專心去上講座!!

在北角街頭閒逛時, 我家大人看到那盤白色鬆糕而停下腳步, 弟婦也對其肥大肉厚的牛脷酥極有興趣, 結果買了一堆糕點、牛脷酥和油條在北角街頭齊齊分享。自己小試油條一段, 剛炸起的油器連那陣熱氣也未過,正常來說怎會難食?? 油條炸得外脆內軟的鹹香十足,沒有怪怪臭粉味,相當可口;油脷酥有厚度之餘外表微脆鹹中帶甜,兩款新鮮油器各擅勝場;白色鬆糕件頭大大, 味道很香像平時鬆糕般有彈力,只是被風吹乾了點,自己也沒問大人評價如何;繼而看到門前有一大籃瓦煲仔, 原來晚上有煲仔飯供應,是日晚餐在沒頭緒下就來吃很久沒吃的煲仔飯了。 晚飯時間比傍晚熱鬧,但相對其他旺區來說已不算擠擁,起碼不用排長龍去等。一坐下先點需時最久的鳳爪排骨煲仔飯,慢慢再想其他。看到不少北角街坊吃一菜三肉湯飯套餐,而且蔬菜份量奇多,在這個追求飲食健康時期,這種有湯有菜有肉的配搭實在不錯。大人點了蝦米炸兩, 阿姐拿來兩碟早已拉起的蝦米腸和炸兩各一,究竟是誰的美麗誤會??早已拉好的腸粉味道一定不及現拉,室溫食味的確大打折扣,蝦米份量也清晰可見,不是寥寥幾粒跟食客捉迷藏;炸兩的油條完全沒下午吃過的鬆脆,每件油條都是淋韌的,餐牌說是即拉,但看到

今年一直想食煲仔飯而未有機會，曾在openrice搜查了不少煲仔飯出名的餐廳，可惜位置都不便於我，到北角來想著應該很容易找到一間供應煲仔飯的餐廳，但原來也不易，可能已過了煲仔飯熱潮的時候了，最後走到 新興發粥店 來。四人叫了不少東西，炸兩、豉汁鯇魚煲仔飯、窩蛋牛肉飯、豬肉丸煲仔粥、及第煲仔粥、炒面和油菜。只掛著吃，都沒有把所有食物拍攝下來。炸兩(忘了價錢)：份量可以，但內裡不脆的，普通。豉汁鯇魚煲仔飯（好像是$34）：很不錯，飯上有不少白菜，豉汁很夠味，鯇魚份量亦不少，三十多元算是抵吃的。窩蛋牛肉煲仔飯（好像是$34）：上來等了一會才打開，不知是否因此令飯上的蛋都變半熟了，飯上同是有不少白菜，牛肉可以，但汁料不足，相比豉汁鯇魚煲仔飯之下，窩蛋牛肉飯失色不少。兩個煲仔飯底都有飯焦的，但怕熱氣，都是淺嘗，過過口癮罷了。豬肉丸煲仔粥、及第煲仔粥($22)：豬肉丸煲仔粥有八粒豬肉丸，尚算闊綽，本人沒有吃就不置評了，但有人吃出是有味精的。炒面（＄９）：本沒打算叫的，但侍應在廚房拿出一盤來並大叫：「熱辣辣炒面！」，就叫了一碟，本人又是沒有吃 (始終喜歡吃飯的說) ，但看起來是不錯的。油菜($10)

Original Review with Photos:http://foodofhongkong.blogspot.com/2010/10/sun-hing.htmlCame here twice for congee and stuff for supper. The Congee is so loaded with MSG, I had trouble finishing a quarter of it. The Cheung Fan's and the 粽 suffered the same, with too thick but tasteless skin on the former and the latter stuffed full of fat but without much flavours, also really mushy. NOT RECOMMENDED, EVEN AFTER THEIR RECENT RENOVATION.

我該會給這裡一個喊臉...可能個人對粥類食品一向不是極有興趣, 加上此店的門面較為不吸引我, 所以扎根北角 N 年的新興發, 我在 2011 年前, 是從未親身入去光顧過的。有的話, 都是老爸外賣回來的齋腸。這裡是 $8, 捲得很整齊, 不知是否即製; 腸粉皮相當的厚, 甜豉油也是重味精的類型。有一天大清早要找早餐吃, 天寒地凍, 竟然想到來吃粥。吃了皮蛋瘦肉粥 ($15) 和叉燒腸 ($11)。粥呢, 很多味精, 講完。因此吃不到半碗便放棄了。最好吃的也許是皮蛋, 夾埋應該有一整隻吧。腸粉證實了是即拉的, 即使如此, 也是厚身無比, 只吃它都會夠飽; 已醒目地叫豉油另上, 不過都是逃不過叉燒粒裡的味精。付款後在門口見到有白糖糕賣, $6 兩件, 之前那晚在灣仔生記吃了不錯的, 又要了兩件拿走。除了吃之前忘了撕開表面的保鮮紙, 撕開的時候又比較狼狽之外, 白糖糕的味道竟然還不錯, 即是味道清甜, 有一點點米香, 而且沒有久放而產生的酸味, 真的估佢唔到。家人來過吃那什麼自選三肉一菜湯, 還有煲仔飯, 說還可以, 我自己就沒什麼興趣再來囉。

今(29-1-2011 Sat)朝同男友o係北角起身後,大家先食個早餐,然後佢返工,我就要返荃灣整頭髮.北角佢熟啲,我o地一路行佢一路諗,諗到呢間粥舖.入到去都幾多人,不過都重有位.睇menu,,除o左有粥外重有公仔麵如蒸飯,蒸飯要11:00am後至開始供應.而腸粉種類都有好多而且好有特色.男友要鬆糕,亞姐問佢要白色定黃色o既?男友答白色.亞姐拎個白鬆糕o黎喇,我好奇下叫個$15.00o既芫茜皮蛋腸同$13.00o既牛肉粥,亞姐話唔知有冇芫茜,睇睇先.啊.然後忙得團團轉o既佢拎o左芫茜畀佢同事,即係有著落喇.之後佢問我牛肉粥係咪未到?我答係,佢好快就攞o黎,男友加一杯豆漿同炒河,亞姐問佢要凍定熱,男友揀熱.除o左芫茜皮蛋腸因即叫即蒸之外,其他o野都好快到o左.白糖鬆糕,IMG:1],唔係好甜,口感正常.熱豆漿唔太熱,但入口o個吓好甜,都飲到少少豆香味.牛肉粥,牛肉都有好多,粥唔太綿,但仍唔太差.炒河唔太大碟,味道已經好夠,但加麻醬重好味啲.最後o既芫茜皮蛋腸到o黎,我夾起,嘩!芫茜冇切到,一夾就扯晒成條出o黎,多咁芫茜就一定好夠香味,但皮蛋好似唔多,而且冇乜味.不過我o地係完一條,食另

我記得上年都有order個e間d粥個時我覺得一碗12蚊都ok la!!!今年又眼白白睇住佢加價-.-白粥變左$7蚊...平時食既艇仔粥$13蚊...外賣仲要各加一蚊~即係$14係,,,,佢比起其他地區都算係平…不過個粥底真係差左d 唔好棉><上年食都ok!!今年食總是有點不同!!!同埋佢個炒麵真係太油~食唔落口好滯=.=加左一蚊價…$9不過算係咁啦~~~~佢買滿$30 就有得送外賣同同事夾~~~都係人人$15算抵食架啦!!!次次新一年都要加價-.-

今日去左呢間野食炸兩,蘿蔔糕同糉炸兩唔錯,有得自己加料蘿蔔糕得蘿蔔,好一般出面個d好食好多糉都係一般但係態度真係唔得埋單個陣竟然同餐牌唔同餐牌個度寫住炸兩7蚊埋單佢話8蚊我同佢理論啦佢話:我好忙,唔得閒同你嘈嘩咁都得- -佢錢都已經收左我都費事同佢嘈雖然只係多左一蚊但條氣真係唔順

九月下旬．晴晚上有訓練，下午要吃得「充實」一點，加上涼涼，來吃碗粥也不錯。但坐低發現，有湯飯供應。我看上的不是湯飯，而只是那碗熱騰騰的菜湯。在這個微涼的天時，喝這個正好，立即來一碗。可以選三款肉，要了豬潤、肉片及豬肚，加白菜。喝起來有菜甜味，當然也有味精的味道。肉片太滑，豬潤爽，豬肚就韌得咬不入。不過墊底有不少的白菜，好吃又暖身，吃得滿足。本來是跟一碗飯，吃不少，叫阿姐要「少飯」。她不理，結果也是來了一大碗。不想浪費，叫她拿回去減半，她「唧」一聲，面露不悅之色，那算了，成碗拿回去吧，一點也不用浪費。想要少點飯也不行，服務零分的地方。