新華茶餐廳

营业中

休息中

過左長沙灣呢邊做野，黎左呢到幫襯。寫呢篇食評既時候，此店是沒有喊面的茶記，係有它的原因。冰室feel，午飯時間，人滿滿的，要搭枱，一個人冇咩所謂。要左個特餐，先黎火腿奄列加個軟餐包，餐包夠熱夠軟牛油亦多。奄列有蛋汁，火腿亦唔係草草了事得幾條。沙爹牛麵賣相好一般，冇咩汁禁樣，食落原來非常入味，麵唔太冧，水準很好既沙爹牛麵。見蛋撻出爐，亦要只黎試下。酥皮不俗，蛋味十足，亦滿滿的。係非常好味既蛋撻。咖啡很香，冇澀味，醒神。水準很高的舊式茶記，經過是值得支持呢。

新華茶餐廳食評：位於長沙灣青山道334的新華茶餐廳據說奶茶一流，蛋撻馳名。美豬蓮對此傳聞非常興奮，於是一行二人決定在中午時份到此一吃。茶餐廳上下共兩層，由近收銀處的樓梯上落，櫥窗放滿了切蛋、杯戟、紙包蛋（蛋糕）和曲奇等。門外亦擺放了鹹甜麵飽、蛋撻及雞批，最特別的還有立體粉紅色 的芭芘娃娃蛋糕。推開正門，坐位都給食客坐了七八成，幸好有一對坐卡位的食客剛結帳，美豬蓮便火速進佔這卡位。取得有利位置後，即打開餐牌看發現還有很多懷舊食品例如，蓮子冰、雪糕新地和杏仁奶糊等。由於美豬蓮越看越餓，便立刻叫侍應落單，今次美豬蓮點了酥皮蛋撻、雞批、西多士和炒蛋多士，飲品有立頓奶茶和凍荷蘭谷咕。數秒鐘後，蛋撻和雞批火速送來，先講蛋撻，一看蛋漿糊已經開始下陷表示這蛋撻已過了最活潑的時候，但是一吃下去還有點微暖，蛋液豐富香滑，唯獨是蛋味不夠，酥皮不夠鬆。雞批也不是新鮮出爐的，吃時餡料既冰凍又無香味，像凍結了罐頭忌廉雞湯，批皮亦較堅固。美豬蓮相信如果是熱吃，可能會好一些。西多士是有花生醬的，但他們不是用鮮牛油，而是人造牛油（馬芝蓮）味道即扣了分，加上多士炸得極不脆像過了氣般，油膩得很。當然可能是美豬蓮落多了糖膠啦

由於先己笨了，早了兩個站下車吧，所以要走多二十分鐘的路才走到今天的目的地，在中途還要是餸得不能再不吃，所以來到的時候已經是有點東西墊肚。由於未見有新鮮蛋撻及雞批出爐，先點一個特餐，包了一碗沙嗲牛肉麵，跟上一份火腿奄列、牛油餐包及啫喱或茶，先來碗沙嗲牛肉丁，丁麵沒有煮得過腍，但如能煮少二十秒左右，相信會有更彈牙的口感，麵身吃起來沒有臘味，而所謂的沙嗲味道夠濃，牛肉有些微梳打成份，但絕不過份，吃起來還有點牛肉味的，算是一碗在現今茶記來說是難求的美味。另外也吃那奄列，原來也很是不錯，奄列的蛋煎得剛熟，內部還有點蛋汁，吃起來滿有蛋味，有蛋味的的煎蛋，配合內部足夠多的火腿絲，也是美味；最差也是個餐包了吧，包身不鬆化不熱不香，配合塗了一層不太香的牛油，真的是肚餸才會吃光。邊吃邊等，皇天不負有心人，在樓上一望下去就知道原來有新鮮熱辣的雞批及蛋撻吃了，這隻雞批其實真的是比一般茶記的大，吃下一口，外層的餅皮很鬆化，真的比得上金鳳，但牛油味沒有金鳳的那麼強，可是，雞批餡料這一環就是比金鳳優勝，一叉子舀一口吃，材料果然是豐富多了，在內有很多的雞肉粒，也有不少的忌廉醬黏合着所述的雞肉粒，是真正港式的美味。蛋撻

的環境唔錯.好乾淨.服務.樓面得一個人做....一set餐二十六元......個飽好軟.....奄列大大件·.好好食好過碗麫...碗麫好似好淡.....牛肉足料....個日食完飽到.晚上個餐都唔駛食

行完長沙灣電腦展., 專登到好多笑臉0既新華食飯...當日好少人, 唔知是否因為就發打佯的關係。見個個都係讚個牛麵, 梗係要試下啦....先黎牛麵, 個樣真係無乜特別, 覺得佢好淡, 但好彩食落又唔係。但係我又覺得唔太有驚喜, 可能我睇得太多食評, 對佢要求高左,,,再黎奄列, 好大份..但都幾油, 老公話唔個奄列唔得, 又多油, 同埋佢話個蛋燶燶地..anyway , 以呢個價錢, 我又覺得ok , 都飽(但唔知關唔關我先前食左5 隻餃子事)不過唔會食完覺得好好味咁~

看了這餐廳的食評,,,一直想試個究竟為何一間普通不過的茶記可以座擁八十多個笑面而無一喊面!今日登門拜訪 終於明白固中原因午飯時間,一心來試那個主打的茄汁燴豬扒因要取其飽肚的關係,只跟了白飯而沒跟燴意汁底濃味而不會過火位,味道是對辦的,心想現在有心機花時間調這種兒時味道的茄汁底茶記真的不多豬扒是另外預備好的是汁還汁 扒還扒的貨色但豬扒的味道卻絕不欺場 鬆身而帶有肉汁,不會乾身絕不是扒爐早煎好放置一旁 待有單才再拿來翻熱唯一不太討好是較為薄切,個人比較喜歡厚身一點裝潢傳統有味道得來又不會有那種 舊式茶記的通病 總是昏昏暗暗而不太整潔這裡光猛舒適,,,看得出不只是你眼看到的地方才有所清潔看來餐廳對門面衛生一方面是執著而細心 十分欣賞這點伙計亦很是這兒的其中一寶雖然他們外表像一班持老賣老 什無招呼或態度不太友善的侍應但其實每人勤力爽快之餘,留意到對客人十分細心而不會嫌煩食客們題問亦無任歡迎一一樂意解答,真的很抵讚!!!對了! 從前兒時的感覺就是這種!!茶記!? 本應如此才對辦

第1次去食豬扒燴意$32汁好燶..豬扒唔太肥...+6蚊有杯冻飲第2次去食楊州抄飯...好多料又好食$25

久仰其名，今天碰巧經過，即使差不是時候回家吃晚飯，仍立刻吃個快餐！我叫了一個沙爹牛肉麫特餐，女友則叫了一個雞批。沙爹牛肉麫果然如各食家所說的讚。看上去沒甚沙爹汁，但其實牛肉已經入晒味，非常好食！不過本人覺得湯底有點咸。至於雞批，可能由於時間太晚，很凍...味道是不錯，但因為已經凍晒所以唔香口...總的來說味道真的很好，下次一定要正正式式來吃個飯，嚐個痛快！

上次去依間都係買佢出晒名既蛋撻同葡撻今次就入埋去入面坐係度食下~都幾好Feel~D擺設用品係舊式~但係都幾新淨~叫左個常餐~有個牛油餐包~同埋要左火腿奄列同沙嗲牛肉麵~之後要杯凍奶茶少奶~另外要左牛油曲奇同埋蛋撻~先黎就係牛油曲奇~好正~第一次食茶餐廳整既曲奇~同麵包舖既有得比~正~而且中間有D朱古力夾心~好得~同埋真係好大塊~下次一定要再食過~之後個蛋撻就無上次咁好食啦~因為凍左呢~但係入面個餡仍然好有蛋味~而且撻面冇出水~如果見佢熱辣辣出爐~真係試得過~下次等佢出爐先再叫~個奄列好大塊~好好食~熟既情度剛剛好~料足味夠~GOOD沙嗲牛肉麵好好食~沙嗲味濃~牛肉夠嫩~麵既分量亦足夠~而且味道亦好好~杯凍奶茶少奶亦Very Good~D茶味好出~好香~唔會太甜~希望下次黎可以食完個牛油曲奇同蛋撻之後再叫其他野食試下啦~

曾是多年街坊,兩間也幫襯過無數次,但始終對金園偏愛多一點!搬走後也會常回來亮相,今天特意來這邊,是想看看近年為何會這麼多好評.豬排會意粉----有骨薄猪排是早己煎定後再翻熱貨色,茄汁比較薄及酸,意粉炒得太濕.金園的厚身無骨豬排勝在是即叫即制!茄汁較杰及意粉乾身一點.沙爹牛肉麵----牛肉軟滑沙爹味濃份量較多,麵亦煮得較有彈性.這裡做得好一點.火腿奄列----生熟程度剛好,是半圓形中間有蛋汁的,亦是這裡做得好一點凍奶茶----奶味比較重茶味薄弱,這次金園挽回一仗!往那邊走真要視乎想吃什麽!個人認為堅持不賣飯的金園"型"Ｄ,因為很少見到有做晚市的茶餐廳無飯食!

呢間係我讀書時的指定飯堂今次舊地重臨, 當然要食我最愛的干炒牛肉意粉+凍奶荼啦, 而我個FRIEND就叫左個佢次次黎都要食的芺蓉蛋飯多年以來, 無論裝潢陳設都沒有太大轉變, 感覺回憶無窮, 就連食物的水準都沒有令我失望, 保持很好的水準, 好鑊氣!!!!干炒牛肉意粉的色香味都沒半點減退, 不油不膩 , 再加上香濃的凍奶荼, 簡直 正 !!!!好味到我地兩個女仔成碟都清晒, 真係飽到......同學仔, 你地都返去回味下啦!!!

前排無意間發現現到係呢區既只有笑面既茶餐廳就好想黎試. 因為根據係OR搵食咁耐既經驗, 係呢d非旅遊區有好多好味既餐廳因為專做街坊生意, 所以好少人專登上黎比個好評佢. 所以雖然呢到極其唔就腳都一直好想黎試. 今日黎開香工, 雖然仲要專登搭幾個站都黎一試.下午茶時間, 黎遠就見好多人係門口買佢地既出爐麵點, 舖頭入面既裝修都係舊式茶餐廳, 不過係我見過最乾淨既茶餐廳, 去到下午茶時間個地下仲係好乾淨同乾. 呢樣野真係好surprise我! 因為無位, 本來我地係要同人搭檯, 不過坐左一陣坐係我地後面張卡位既人賣單, 有伙計就即刻問我地坐唔坐! 二話不說即刻搬位啦! 黎茶餐廳通我一定飲奶茶. 不過諗左好耐先諗到食咩. 因為門口個個餅櫃實在太吸引喇. 諗左好耐最後決定要個出爐既酥皮蛋撻同埋舊式曲奇餅. 說實在呢到既奶茶只係普通, 酥皮蛋撻既酥皮油份太重, 所以咬落去既時候一層層既酥皮立時變左一舊, 無左個種一層層既感覺. 最令我回味既反而係件舊式曲奇餅! 兩塊牛油味十足既牛油曲奇背對背咁用古古力醬黏住! 曲奇入口鬆化但唔鬆散. 食完之後滿口濃而不膩既牛油香, 真係好想食多件呀!為左呢件曲奇

喜歡去舊式茶記的出爐麵包,見到佢d批好正,好酥脆咁,可惜呢排食得太多野,唔敢再食高危食物。仲有熱辣辣葡撻,實在太誘人喇!!!!麵包只有雞尾、火腿蛋、甜餐包、墨西哥、义燒。係無牛肉包law!問店員,有無牛肉包,佢話要叫入面做。吓!?咁即係本身有無呀!?唉….無牛肉包,咪吃牛油切蛋。糕身鬆散,牛油味略賺未夠。而且薄身,食完唔夠喉。不過牛油切蛋始終係我的最愛蛋糕。

近期心癮起十分想吃雞批，心癮到只有一個方法去制止，當然就是先吃而後快。下午四時零五分到達「新華茶餐廳」，樓下已爆，只好走上樓上雅坐，馬上點了熱奶茶少奶($11.00)。為甚麼要少奶，我也不知道，相信又是心癮所至。另外，當然不少得點一個雞批($7.00)。由於雞批只需在樓下的麵包櫃取出，所以馬上知道雞批暫時售罄，但我仍然堅持等下去，一定非吃到不可，但怎料就連熱奶茶也等了十分鐘才送到。由於少奶關係，色水上也偏向茶色，下了來，呷一口，茶味會較濃已是預期中事，可惜茶過鞋，而茶味亦澀至帶酸。如果不是要求少奶，奶味至少可以減輕苦澀感，今次實在是捉蟲。一等再等，等了又等，在四時二十九分，一共等了廿四分鐘，熱騰騰出焗的雞批終於送到。說也奇怪，感覺上好像比以往的細小，但由於等得太久，馬上將其破開，希望熱力可以盡快釋放出來。剛出爐雞批的熱力比出爐蛋撻熱上多倍，但由於時間關係，已不能等其自己冷卻，吹了數遍便放入口中，其時熱力仍然澎湃。亦由於此，牛油皮的香味四溢，鬆脆感覺在口中盤旋。餡料方面，今次的比過往少，沒那麼豐富，但基本的餡料也是整全。雞肉仍嫩，汁亦豐富，雖未算是最佳狀態，但亦算是止了心癮。

本地搵食團其中一項為長沙灣新華, 終於在某個週末一行五人齊齊參與,由長沙灣街坊帶領著左穿右插地走,原來可以省回不少路程。佔據著樓上全場唯一大桌的五人皆點著名沙牛特餐,連我也不例外, 除了想嘗試一下其沙爹汁美味外,為了某些原因那天想吃牛肉可愛朋友說平時很快就有東西吃,那天幾個女子說了很多東西,笑了很多回也未見食物蹤影,奇怪?! 反而其他點飯/ 意粉的客人很快就有得吃,終於好多分鐘後,叔叔一手拿幾碟蛋來分配.....沙爹牛肉麵用上大光麵, 白雪雪的即食麵煮得未夠彈牙,幸好吃得夠快,麵條也不致過軟,個人還是比較喜歡爽口彈牙的即食麵;沙爹汁份量看似不多,剛剛沾著幾塊牛肉似的但其實相當濃稠,雖然只是地道港式沙爹味道,沒有什麼香料或椰汁味,但混進本來清淡的湯底後就變得很惹味,味道即時提升不少;牛肉切得厚薄不均,吃來還有點兒嚼勁,不是太過梳打牛的水準,畢竟牛肉配沙爹汁真的絕配,無可否認。火腿庵列配牛油餐包好閃亮的登場!!餐包本身帶甜味,質感也算柔軟只是未有翻熱,甜包重手地抹上大量牛油後,本已是肥人大忌, 誰料包底更把庵列的油份也吸了不少, 上下夾攻油香和油膩十足!麵包也變得比平時更油潤,嚇得正在減肥