新華茶餐廳

营业中

休息中

夜晚到長沙灣辦少少野, check下有咩好食, 見佢有咁多好評就入去試下同女朋友入到去, 環境整齊乾淨, 幾靜, 無電視同收音機聲食左個沙嗲牛肉丁麵特餐, 對我黎講, 咸左dd不過其他各方面都幾好, 麵又煮得o岩o岩好, 侍應又有禮貌而且係一個傾計既好地方

去開長沙灣, 記得有間茶餐廳好似幾多好評, 當然要去試試, 我個人通常比較為鐘意座樓上, 所以今次都選擇了座樓上的位置, 由於下午茶時間, 叫了一杯凍奶茶及一個蛋撻, 環境同食物質素都唔錯, 中途見到有幾多人食奶油飽, 好似幾好食, 本身都幾飽吓, 但都抵擋唔住佢可的賣相, 叫了一個食, 一個圓圓而漲卜卜的奶油飽送到我面前, 好好味喎, 奶油好香, 而且不太大個, 份量啱啱好, 不過食完真係好飽, 食完個肚都好漲, 個飽原來都只係$3.5, 真係好抵, 食完都有啲掛住佢添!!!!!!!!

一行四人來到這所人氣鼎盛的街坊茶記。自己先後來過數趟，帶同小友前來還屬首次。除了固定的小友飯腳外，今次連稀客鄧sir都抽空來一湊熱鬧。根據他以往吃東西的習慣，叫至滿枱皆是食物是可以預料到的了....被安排坐在一個狹迫的四人卡座內，坐得當然不夠舒適，而且由於叫的食物又多，弄得那張小枱全然不夠放。吃得縱甚是狼狽，但只要東西好吃，吃得人暢快淋漓，我們一眾饞嘴人倒也不大介意....未吃正餐之前，先來幾個蛋撻及雞批吃吃已是例行公事。老實說這一類傳统出爐西餅，只要是真正剛剛"出爐"的，食味是怎樣也不會差得到那裡。要吃到理想的，當然"三點三"是最佳的時機，當然時近午飯也是不俗的。今天遇到的酥皮蛋撻就很不錯 --- 酥皮尚鬆化，夠flaky，沒有烘焦味；蛋漿甜度剛好，吃進口是熱至"辣嘴"的，亦沒有感受到很強的人工香精油味，是很高水準的一個傳統茶記蛋撻。單論酥皮的水平，除了何文田的富威之外，當要數到這兒了；雞批的外皮很脆也夠鬆化，是脆鬆得一碰便散滿一地；白汁餡料有點糊糊的，吃後很"漿口"，是犯了傳统茶記雞批共通的毛病。一粒粒的雞肉仍是可吃得到，但火腿粒卻又不多。當然只是數塊錢的貨色，不能有太多的要求，但

平日的1:45分1個人去到~不用等之餘, 仲有卡位坐今次叫左炸菜肉絲米粉奄烈同埋 凍奶茶~~~炸菜肉絲米粉 好好味, d炸菜 同平時d 茶餐廳唔同的~奄烈比較油, 但係d旦好滑凍奶茶都ok~下次會再試埋個雞批

正如豬仔所講, 常餐即係快餐即係午餐又係晚餐係新華就可以甘樣了, 因為佢有幾款常餐係一天到晚都有供應的火腿絲奄列, 好油, 下次轉要煎雙蛋好了餐包 , 正常沙爹牛麵 : 麵係例牌的大光麵 但煮得幾爽口, 但沙爹牛超咸, 食完好口渴奶茶 : 我覺得出品一時時, 睇下你的彩數環境 : 懷舊茶餐廳FEEL招呼 : 雖然笑容欠奉, 但好快手

很久之前, 曾經應承老婆會帶她到一些茶餐廳食好味的蛋撻和飲出色的奶茶, 但是一直都沒有實行, 今天吃完那碗不滿足的米線後, 特登乘車到長沙灣實踐這個承諾, 目的地就是新華茶餐廳.認識它, 始自很久之前的某飲食雜誌, 到後來成為Openrice一份子後, 發現不論從評分, 好評數量甚至是從食評內容來看, 新華都是頗高的, 所以挑選它絕對是正確. 當時我相信, 新華應該不會令我失望, 但凡事總會有例外, 今次終於給我遇上了!這裏, 的確很有舊式茶餐廳的味道, 微黃的燈光, 木坐椅, 高身的卡座, 舊式的裝修, 還有一個個中年或以上年齡的男侍應, 全部都是70,80年代冰室的模樣, 懷舊味道十足. 但地方卻頗整潔, 不會像現在很多茶餐廳般地下佈滿垃圾. 唯一的問題是空調不太夠, 不過人情味卻十足, 當你和他們相熟後, 這些侍應哥哥會對你有特別的關顧, 為何這樣說? 事緣當我們離開結脹時, 剛巧有位熟客想坐下, 那位侍應哥哥立即說 : 不要坐這裏, 這邊不夠冷氣, 到那邊來, 涼快很多! 看, 熟客真好呢! 怪不得很多人(尤其是男性)喜歡每一天都上同一間食肆了. 待遇是不同啊!說回我們自己,

舊式茶餐廳, 有閣樓.不太平, 常餐也要$26,倒不如要公司會意粉更佳. 好像也是 $2x-$3x茄汁, 少少橙橙地, 卻未如其他店子一樣重色素, 叉燒, 腍腍的, 少肥少瘦, good!午餐肉煎得香香的, 但薄如白紙...有些少牛柳條, 也是腍滑得宜.一只雞蛋亦會有漏喇的感覺沒set 叫, 散叫凍飲好貴, 本來媽想一齊飲, 但我口快快講左兩杯...凍檬茶$14, 但味道一流.雞批都挺不錯, 僅$6, 可能因為size較小吧, 像小豬兒一樣小小的.烘得香香的, 內含小雞粒 一流!

天氣炎熱加上空肚,一坐下急不及喝一口茶,怎料,除了茶味,未叫野食就嘗到一小口蛋糕類物體... 大概這是在舊式餐廳的風味吧~唔理喇,叫野食..蛋撻*2 : 我是愛好曲奇皮派系,所以對於酥皮蛋撻,我不能對酥皮有任何不公平的評論,倒是可以說一下蛋,不太甜,非常好~不過新鮮出爐的應該會更好~雞批: 喜出望外...酥皮非常非常的香,只食酥皮,不食餡料也是一絕...再食餡料,有雞肉,蘑菇,火腿。連埋酥皮,足皮足餡,讚!當然熱辣辣就可以再加分啦~特餐o黎喇, 餐包,廚房唔記得落牛油,補番,唔該哂~火腿奄列,幼幼的火腿絲,不是滿瀉蛋汁的滑蛋style,以為唔太突出,卻比想像中好吃~沙爹牛肉麵, 香噴噴的沙爹,麵亦是爽的!爽呀!熱奶茶,滑呀!唔澀! 滿意呀!

路經此餐廳，正值蛋撻新鮮出爐，一次過食勻其出名的蛋撻雞批和奶茶。蛋撻新鮮出爐，是燙口的，已知一定唔會難食。酥皮十分鬆化，蛋餡是滿有蛋香，同時不會太甜，食過番尋味。雞批是這裡最出名的食物，我間中也會外賣兩隻邊行邊食。事實上，這熱辣辣的出品，餅皮酥脆，充滿牛油香，餡料的有雞肉、火腿粒及少許蘑菇片，雞肉又帶少許肥，絕對是足料好吃。奶茶是用厚身杯盛著，夠熱，喝起來幼滑順喉，茶味奶味平衡得宜，掛杯，是典型的一杯靚奶茶。

到了午餐時間,就去新華食蛋撻,一入到店見到有2樓就立即上去(大多數店都冇2樓,所以有就大多數會上去),睇吓menu發現有好多其他冇的食品(如保什麼牛汁?飲品),午餐特餐同米粉餐得個麵有分別=.=其他都一樣(何必改咁多餐名,比我自己選咪好),要了個午餐(叉燒湯意,火腿奄列,餐包,凍飲)加多個蛋撻,total28+4=32叉燒湯意:一般好食,湯幾清,意粉冇淋晒,合格之上火腿奄列,餐包:火腿奄列仲有蛋汁算好食,餐包就唔熱的,牛油都未溶~_~不過唔係大問題凍飲:我要了凍奶茶,超難飲,甜到死,唔係一般過甜,係好似糖加水咁(基本上冇可能整成咁,可能我運氣差啦)蛋撻:係好食,不過可能係我期望過高啦,so出到黎唔係咁特出加上唔算新鮮出爐整體上黎講:唔計杯凍飲算係好食的,不過佢杯野太失準,所以算ok~

上次食過金園,大讚。今日試埋新華。新華保留完完本本的冰室的枱櫈/環境,加分!食左份特餐、奶油多。特餐中的火腿奄列,蛋已煎熟透,沒有蛋汁,no good no good!沙嗲牛肉麵,沙嗲極濃!牛肉當然係腍啦!麵,沒有「大光麵」的”旱”口味,軟熟兼連沙嗲渺味,正!奶油多雖然係傳統薄切麵包,但即叫即烘,香脆到不得了!而且兩片多士,夾住奶油,比單片厚多士上查醬,來得好食!奶茶茶味好濃!略嫌奶多左D,不過對奶茶講究既老公,覺得這裡、金園、金華都是奶茶最好飲的地方。離開時,買件雞批$5。又係好食啊!裡面清楚的食到有火腿粒、蘑菇、雞肉。批皮乾爽不"立"口,食克唔覺膩滯。

又口痕 ...考完試, 坐小巴去新華食飯 ... 12:45, 唔係好多人wor ~ (對上一次多人到要坐閣樓最近廚房個張枱 ... )又係照舊 ..." 唔該, 特餐, 蛋撻,熱奶茶 "只需5分鐘, 全部嘢到齊晒 ~我已經餓到傻左 ...真係快, 仲快過D快餐店TIM ~沙嗲牛面, 味道好大路 ...但係佢個兜令我懷念 ... 除咗沙田某大排檔同興記, 原來仲有你 ~ 奄列, 好耐冇食過有蛋汁 GE 奄列 lu ~正 !!! 蛋撻, 賣$4賣得有道理 !皮酥蛋滑 , 可惜凍左咋 如果唔係一定仲好食 !凍左都仲咁好食, 少有 !作為一個對奶茶好敏感嘅人, 奶茶嘅優劣由我個胃決定 ! 因為 ? 太多茶或者茶太濃嘅奶茶我會反胃 ... 哈哈 ~飲過 N 咁多杯奶茶, 得好少得到我個胃嘅"歡心" ...恭喜你, 你係其中一杯 !人一世物一世, 呢問嘢唔試唔得 !

只從食過呢到既茶記曲奇之後, 經常會專程過黎呢到嘆下午茶. 每次我都例必點曲奇同蛋撻. 唔知係我次次都咁好彩撞正佢哋啱啱出爐, 抑或係佢哋好生意而經常出爐, 反正我次次食到既蛋撻都係熱辣辣既, 酥皮層次分明. 今日本來食完我既"常餐"諗住走, 點知去到門口時撞正佢既雞批新鮮出爐, 本來都諗住算嫁喇, 最衰都係個紅綠燈係紅燈, 停係到雞批嗰陣牛油味係咁飄過黎... 都係番轉頭食埋佢....係阿姐手上接過既時候仲係熱到辣手的呀, 行左幾味仲係咁香濃既牛油味LING係手上面就更吸引, 忍唔住即刻咬一啖, 咁香牛油味梗係落左唔少牛油, 所以食多兩啖既時候都會有少少好"漏"既感覺, 不過又會引唔住咁食.... 至於雞批個料其實我不嬲都唔係咁好, 我食左咁多間我都係覺得好咸... 所以我都只係係咁e食左兩啖. 但係淨係個批皮都已經值回票價. 好味!!

某天跟老哥出外吃午飯，午飯時間免不了多人，還好這裡有閣樓(真正的閣樓不是二樓)有較多坐位。既然是懷舊茶記裝修自然很古風，不過很難得完全不見破爛完全不像開業數十年。在冰室吃午飯點的當然是快餐=常餐=特餐——火腿奄列、牛油餐包、叉燒湯意(沙爹牛公)，不知道誰人那麼鬼才想出這種配搭可以幾十年不變仍為時人所愛。牛油餐包雖然不是剛出爐，不過不失鬆軟。火腿奄列則很出色，煎得熟而不失蛋汁，蛋汁不多不少就是剛好一滴也不會流失。叉燒湯意則屬大路水準，叉燒不會太柴，湯意不會太淋，湯底不會太淡。倒是沙爹牛公較有驚喜，沙爹味夠濃不會像一些茶餐廳開得很稀，老哥說這就是他小時候沙爹牛的味道。另外再叫了個蛋撻，沒想到蛋撻水準也很高，雖然賣相不佳酥皮也一般但蛋漿則很棒，香濃蛋味又不會過甜而且軟硬適中，茶記有如此水準實在難得。飲品自己點熱唂咕老哥則點凍咖啡，味道不是太香濃的可可味，質素平平。倒是老哥的咖啡又見驚喜，喝起來像印尼咖啡的味道，很香又不會苦澀，沒想到在這裡竟然會遇到遺忘已久的味道呢。

成日都黎食新華 因為媽咪話佢由細食到大! 嘩.. 咁咪成40幾年 蛋撻我其實平時係唔食蛋撻架 但係都極力推薦!!酥皮非常鬆化 入口無油味 唔會唔熟 (唔熟好難食:S) 酥皮香會分佈係整個口腔 一級享受蛋味好香濃 比一般杰身 用料十足!! 好似食緊燉蛋咁 焗得好香 時間控制得啱啱好 會比較大件 我食一個就會飽~係我最欣賞嘅蛋撻!!仲有我記得蛋牛飯超級好食!!!!!!! 不過d服務態度都幾差架 d人好似好嬲咁