新蘇記燒豬大王

营业中

休息中

行經想食燒味飯，外賣問個收銀，叫野先定比錢先，佢唔答你，之後真係排錯隊。落order話叫薑蓉，收銀叫廚房記得就比啦，現場客得5個左右，又唔係急單，使唔使。呢啲態度免費都唔要。

剛剛買完下庒燒鵝回家，125元+ 1元汁另上，收錢後就叫出店舖門外等，都冇得睇冇得揀，都心知不妙，回家打開，份量少過燒鴨！覺得店舖吾老實，不過好彩味道幾好，挽回分數。但係個心都係有少少唔舒服，因為都唔知佢俾咗乜鬼嘢比我

今日突然之間好想食燒味，有朋友食過呢間野話好得，咁就落去買啦…去到見到要排隊，好在師傅斬得好快，好快就輪到我買喇，我買咗一條燒骨、叉燒同乳豬，買到返屋企擺咗3個鐘先開飯、嘩燒肉d仲係脆嘅，燒得好透好正，入面嘅肉係有肉汁…叉燒好林味道好好，冇牙都可以食到連平時唔多食肥膩嘢嘅媽咪都忍唔住食咗幾舊，一路食一路話好耐冇食過咁好味嘅燒味喇好正呀🤣🤣🤣唔怪之得成日都大排長龍，原來唔止個賣相靚，仲要咁鬼好食………

乳豬$200 四分一隻回到家後 打開見比以前買開細份很多一定沒有四分一隻 燒味師傅不老實 味道如何都不會再幫襯 由舊店幫襯到新店 大多都是街坊客 如果要為這些事而令到影響到名聲 真的不值得

深水埗新蘇記燒豬大王。平時都有食開佢嘅燒肉，味道幾好～今次試下佢雙拼飯$38蛟好抵食 飯嘅份量唔算多，但都夠食。燒鴨食落口有啖啖黑椒味，好香。再試佢個油雞，有驚喜！幾好味，個人覺得好食過燒鴨，啲雞皮食落唔太油仲好香，宜家已經唔食雞皮嘅我都忍唔住食晒成塊。佢啲蔥油都好足份量，唔會俾得少少。個飯食到見底後見個飯盒都唔會好多油。 個飯仲有跟湯（五指毛桃煲粉葛）聽到都覺得降火😂飲落比想像中好！因為好多跟燒味嘅例湯都係淡而無味/死喊。但佢有老火湯感覺，都叫有誠意之作。

事源 係外賣APP叫左外賣落左兩盒叉燒燒鴨飯後尾佢送左一盒黎（都好世界級啦，成盒飯都俾漏）點知打去，問佢可唔可以送番盒飯黎，已經叫佢放係大堂，唔洗上門。點知個職員三句話：我地唔識，我地唔送，我地無人送外賣。 原來餐廳自己做錯野一句話唔識就可以搞掂件事，真係世界級。仲要叫幫我打番去外賣APP到取消番張單，叫佢陣間覆番我，佢竟然收我線。問佢做咩收線，佢竟然話個電話過左時會自動cut線，又話踢到電話線制 自己收左線，真係好x 野。就算野食幾好食，間餐廳服務態度咁都唔會想再幫襯。

放工路過，見到呢間店，門面裝修都好乾淨企理，就打算幫襯，買外賣燒肉。見到上一位阿姐，都買得幾靚，肥瘦適中，我就決定買半斤$60。回到家 發現是豬頭燒肉， 全是肥肉…將最肥的全部賣給我，好不厚道😡…以後不會再買。

我成日都會黎呢到食碗燒鴨叉燒瀨(///▽///)佢地既lunch set係抵食既 第一次食有啲嚇親又湯又菜咁一set送上黎 （真係幾滿足）雖然有時啲燒鴨係多骨無乜肉 但5次有3次都肉汁滿滿 所以我比合格佢啦～╮(╯▽╰)╭

前排本來諗住幫襯，但竟然要等位，算數放棄。今次過咗午市時間，一於再去睇睇，有位於是入去試試。原來店內冇乜位，唔怪之得成日門口排隊啦。乳豬客飯套餐（$68），乳豬併燒鵝飯、油菜、例湯、餐飲（凍飲+$3）。燒味份量合適，乳豬皮脆，腩位有肉食冇肥膏，不錯。燒鵝有啲驚喜，鵝皮微脆，鵝肉好濃煙燻香味，肉質唔乾唔嚡口，都不錯。

男人想食燒味,見d街坊話哩間應該ok,就直接過去,入去叫我嘟安心,我話寫紙,佢份表可以睇曬人地d 資料,希望冇人打比我啦,一坐低,隊左兩碗黑媽媽野黎,冇講係咩,原來生熟地煲豬肉,我冇飲,男人話藥材味,睇完餐牌,男人食鵝瀨,我食油雞燒鴨瀨套餐,有生菜,有野飲跟,要左個凍奶茶小冰,生菜好食XD 仲好嫩,瀨粉都好食,彈牙,燒鵝,男人問師父要左隻鵝籮柚....醬料齊全雖然師父已經比鴨脾同雞脾我,但D 肉真係好硬,柴皮肉硬,我箍緊牙係冇可能咬到結果.男人都咬唔到佢果d 鵝XDDD個鵝籮柚係好好味,但超韌,我用手搣細先食到XDD食到咁上下,突然有陣疑似渠味湧出,拿拿聲逃走.

唔建議大家去食！好垃圾，服務態度，食物，衛生都唔掂。買3盒飯，分哂盒......都全部撈亂哂！！因為乳豬飯要分開，走之前已經問左店員邊袋係乳豬飯..............實牙實齒答左，都要搞錯！.......... 好無奈...........食物已經唔想評論！又唔係買$28盒個d平飯，都做到咁差，叫人仲點幫襯你，乳豬飯，燒鵝飯，價錢同棋哥一樣，服務態度又差，點解要幫襯你話可以俾薑蓉又漏俾...........以後都不會再幫襯！！

經過呢間嘢諗住買啲燒味返屋企食，竟然俾我食到我人生入面最難食嘅燒鴨。咁大個人第一次食到臭嘅燒鴨，仲難食過北河街街巿對出，個啲普通燒味檔嘅燒味。返到屋企，一擺落口，啲燒鴨凍冰冰仲有陣臭味，忍住食左幾舊就頂唔順唔食。完全唔明點解仲有人排隊去食！啲燒鴨斬到好多碎骨，一係就斬唔斷幾舊痴埋一齊。啲職員冇禮貌都算，啲嘢食仲要係臭嘅。以後都唔會再去食！食左幾舊真係頂唔順，張相係剩低個啲，我直接掉落垃圾桶。唔會再去幫襯！

由地鐵站行去西九龍中心通常都會幫襯附近的一間珍珠奶茶店，珍珠奶茶店旁邊有一間燒味店，每次等候時望著廚房吊起的各種燒味，都有衝動幫趁，可惜每次已買珍珠奶茶，不好意思拿著外來飲品進裡。今天剛好在買奶茶前看到它，一於先幫襯，走的時候再買珍珠奶茶！點了雙併油雞叉燒飯，配例湯 $45。例湯清淡，淡而無味。叉燒肥瘦適中，有點韌，蜜糖味不夠香甜。油雞入味，跟一般燒味店無異，沒有驚喜～終於試了這間燒味店，以後再不用心掛掛了！

外賣價錢平又好食 又有例湯送 凍飲都係加七蚊 我就試咗個黑椒鴨髀飯 第一次食黑椒鴨髀飯 原來可以加黑椒 入口多汁 表面鬆脆 飯量夠大 而且價錢只係40幾文 食落去質素幾好 可以再試一次 而且門口好多人排隊

成日見到好多人排隊買外賣，心思思睇下有幾好食，呢度有堂食的，呢日經過見到無乜人，見堂食仲有兩枱人食緊，有一枱係女士，甘就入左去坐係女士前面張枱，見佢寫住乳豬大王，又想食燒鵝，就叫左個雙拼（乳豬拼燒鵝）乳🐷皮不夠脆，味道尚可——問店員尚有大約一小時收鋪，甘差不多收工乳🐷皮不脆可以理解，燒鵝一般，兩個味道尚可，不過不失。佢地服務態度不過不失，不是太差，可接受的，不過一路提住夠鐘收工，真係食到慌失失😰由入去坐底到食既期間，我真係差D想嘔🤮事緣係我一路食，斬燒味一位較大年紀和一個較小年紀，兩位男士，一老一嫩，與及兩位女待應一直說一些男女畏鎖的事，這個我懶理，當聽吳到，一路食一路好嘈，知道佢地在開玩笑，算吧。🤮後來較年輕的那位斬燒味男士，就講💩尿，聽到有D反胃，點知他説完又說繼續再講💩講尿，大佬，人地食更嘢架，食嘢講呢D，我反胃完再想嘔🤮！我真係頂吳住lol，由食物到坐大約十分鐘，我即刻叫女待應，我用盒拎走，佢以為我食吳曬拎走，係我聽住你地講💩講尿，重覆又重覆，我真係頂吳信食吳落lol🤮🤮🤮🤮下次米搞我，應該係無下次先啱🤮😓👎