新蘇記燒豬大王

营业中

休息中

好耐都陪媽咪行街食野，今日突然心血來潮想食燒味，之前聽個客講話深水埗有間燒味係西九龍中心對面，成日都好多人排隊又好食，於是就走左去食大概晚上6pm去到門囗見到真係好多人排隊買外賣，堂食就仲有位，我見呢度出名燒鵝同乳豬，貪心既我就梗係叫雙併啦，叫左乳豬燒鵝飯 $75 因為我唔多食飯，所以叫姐姐少飯，套餐有埋例湯➕飲品，一嚟到見到碟飯賣相唔錯而且仲好好味，乳豬皮好脆，雖然有少少肥，黑椒汁燒鵝其實我第一次食，燒鵝皮同樣都好薄好脆已經叫定媽咪下次加餸斬料要黎呢間

今天是端午節，聽講新蘇記重開，尊登一早九點鐘坐車去買燒肉做節，去到九點十五分，奇怪唔似以前一早有人龍排大隊等買新鮮出爐用新鮮豬燒的豬，只有兩三個人排隊，只見燒肉已經分成一份份小份，唔見成隻猪掛住俾人睇，既然一場來到，都試下啦，買了一份燒腩骨，唔知幾重，又唔係成隻猪斬出來，要$253,叫佢切埋，買師父啲皮脆唔脆，佢話好脆，但見佢斬燒肉時一D聲都冇，就知唔多妥。另外買了一隻黑椒燒鴨，要收$180, 網上話$140,唔通端午節坐地起價。中午攞燒肉出來食，皮全是淋，我覺得應該是隔夜賣唔去的燒肉返燒，肉地乾到飛起，味道不用提， 燒鴨亦淡而無味，聽人話老闆仲係龍哥，我覺得同以前完全無得比，相信可以心息，以後唔使山長水遠一早搭的士去買，可以慳番，結論係永冇下一次。

話說我同愛人都好仲意食乳豬⋯⋯有一日突然想食，查看open rice竟然毫無提意邊度有好味乳豬（糯米豬除外）！但係我倆仲未死心，終於發現好嘢！去開電腦商場，西九龍泊完車走去之際離係街見到有條長龍排隊唔知做乜，望高d見到個招牌再上open rice睇下，無特別介紹乳豬！唔心急地買完野約左朋友就走左！第二次去，大約晚上八點鬆d，兩公婆衝住去，行入去見無乜燒味掛喺度，亞姐話今晚有工程所以早閂門！撲個空，嬲豬求其搵d野醫肚算！第三次，約七點三倒，一坐低，乳豬係指定動作，拼乜就即時諗，黑椒燒鵝聽聞係代表作，所以我叫左乳豬拼黑椒燒鵝，老公就乳豬三寶（係乜未知😆😆😆）急不及待品嚐乳豬！點知....第一啖咬落去，乳豬皮唔脆，肉同皮間肥油唔夠，有d失望！呢個moment 老公果碟都到，老公夾左佢果碟乳豬俾我試，嘩，完全兩回事，皮脆肉嫩，更不用提中間肥油，脆卜卜，大滿足！係時候試埋舊黑椒鵝，不得了...普通燒鵝食得多！黑椒堅係第一次！果塊皮黑椒味不蓋過鵝本身香味，而且越嚼越香口！立刻愛上太好味關係我顧住食無影老公個飯乳豬三寶（乳豬、叉燒、普通燒鵝

此店乃石硤尾新蘇記之再生花，是地區名牌燒味老店的不死傳奇，是「地頭蟲」對「過江龍」的回應。贏街坊口碑「新店」依然如昔日在大埔道時，是「黃昏長龍」，我特意來懷舊一下。黃昏時，太陽餘輝由深水埔警署旁斜照，把貴妃雞和黑椒鵝鑲上黃金。老街坊秩序井然地排隊，渴望「斬料」，為家人「加餸」，舊區風情活現。輸格局管理雖然是新裝修，風格仍然十分老派，擺設凌亂，堂食區狹窄如巷，食客坐得侷促，店方沒有服務，沒有營銷策略，沒有現代管理，我只建議外賣。贏在低價格勿買20元外賣單拼飯盒，主要是優惠街坊而已。價格十分低廉。堂食了义雞飯，只是售42元（送豬骨湯）。並堂食了黑椒燒鴨髀拼燒肉飯，只是售50元（送豬骨湯）。輸在燒肉前者水準一般，雞算是滑，义燒頗佳，如聲明要肥义，會有更好的稔甜口感。後者測試的兩項都是重點燒味。測試結果是燒肉十分脆皮，燒肉則十分瘦，頗為嚡口。此店的豬，身形龐大如壯漢，難免會如此。晚市時的燒腩仔質素應較好。此店的燒腩仔在本區甚有名氣，與同區的公和豆腐齊名，豆腐火腩飯的浪漫傳說，估計是由此而來。148元/斤燒腩是懷舊價，街坊價，與我曾推薦的陳記燒鵝同價。贏在燒鴨黑椒燒鴨是由澳門傳入，原本是燒鴨，後