新豪餐廳

营业中

休息中

元朗行山，雞地唔熟架步，見到呢間茶記就走入去。叫個早餐，炸雞翼米粉拼餐肉蛋加餐包，$36價錢ok，餐蛋同個包都ok，一般茶記水準，炸雞翼個樣唔錯，誰不知一咬開佢就見紅，隨手擺上碟切開佢，裡面好新鮮啊！流晒血啊！話俾收碟阿姐知，一句回應‘哦，㕑房知道㗎喇’，咁就冇咗下聞，唔知乜態度。乜冇諗過整過俾我咩，雖然我都唔會要，都冇晒胃口，出去收銀阿姐度埋單走人，心諗都有番句唔好意思啩，又係一廂情願。最好彩嘅係，到依家都冇肚痛（touch wood）。想去食嘅，祝好運

11:57叫外賣，12:41見未到打去問，個阿姐，就話外賣出左好耐。我等到1:00都未收到，再打去問，個阿姐態度勁差話出左好耐啦。好，我再等。等到1:15分，我再打去話都個幾鐘唔要啦，個阿姐sorry都無句就ok收我線。你做唔切唔好做啦，我行過黎十分鐘都唔洗，你個幾鐘都送唔到？個阿姐係咩事，乜野態度黎。已經唔係第一次，咁差都唔處理，等負評？

下午3:06叫外賣4:15都仲未送到，打電話去問，就話出咗餐好耐，好多單要等，咁我就等多陣，到4:20我再打去佢先話幫我問吓到邊個位置接電話嗰個阿姐就話我，話我應該4pm食飯，就早10分鐘打電話去問，我話我已經早一個鐘打電話外賣，俾足時間送外賣嚟， 之後佢就cut我電話。咁我當然會再打電話去問， 佢就好臭串咁話幫我打電話追， 話今日好多單好唔得閒，咁我話俾時間佢問一問跟住又cut我線。我等咗一陣我再打電話去跟住佢就鬧我：咁我都不甘示弱我話你哋好多單接唔到就唔好做外賣啦我等咗一個半鐘到4:25， 講真有送外賣出嚟，我俾足時間等，唔係準時四點送到我都當4:15一定要送到邊有可能腳程7分鐘嘅路可以一個半鐘都仲未送到黎！我忍無可忍之下我話個外賣唔要之後佢又cut我線。我等咗咁耐，根本就唔知幾點先會送到黎，同埋我食飯時間已經冇咗25分鐘，位阿姐勁臭串就係咁鬧我，我真係預祝佢早啲執笠，唔係貪方便咁近我都唔會嗌佢呢間外賣， 俾錢買難受😣。

正正常常既茶記，最緊要個老闆好人，開聲同佢講咩都會聽，而且出品算唔錯，好過其他茶餐廳。 晚餐都多選擇，我成日食，都會食牛腩飯，中式牛柳都唔錯，肉醬意粉ok, 蒸倉魚穩陣，唔夠飯佢肯加飯、其他餐廳你會唔敢開聲，大食的朋友我介紹俾你地啦。

已經好多次,送個飯黎入邊倒瀉哂出黎,包O個個包到根本歪的一拎起,送O個個又求其,攪到黎到飲品又瀉湯又瀉飯的汁又瀉,袋又穿,一放上枱攪到成張枱污糟哂又滴埋落地下.好心你地比少少心機好嘛,而家咁點生存呀???????????????

其實同一般茶餐廳嘅早餐選擇分別不大，叫咗雪菜肉絲意粉配餐肉煎蛋，平時茶餐廳更多士多，呢度係咁餐包，不過隻餐包似係類似嘉頓麵包買嗰隻，而唔係西餐跟紅白同果隻餐包，相對之下冇咁好味，用嗰隻牛油都一般，唔算太香，冇乜味，但係個雪菜肉絲意粉就幾好味，應該唔算太多味精，至少食完之後唔會話真係好口渴，餐飲帶咗熱咖啡，都ok嘅呢間新豪早餐有一個好處，就係勝在配搭多元化，可以唔要餐蛋腸嗰啲，轉奶油多，奶醬多，菠蘿油

平時都有叫開外賣 但試過幾次等個外賣 等左2個鐘 痴線 打去問話出左 再等左半個鐘 都仲未到 個外賣黎到 凍曬都算 仲要杯野飲都倒瀉左一半甘濟 痴線 .................

屋企係無飯家庭，平時都有叫開呢間都幾準時。但一次外賣早餐，諗住食個靚早餐就趕出門，佢地話送外賣果位今日8點先翻工，不過應承我地8點20分一定會到，我地等到8點40分，就打去問。遲到其實唔係問題，叫外賣預到咁趕我地都唔岩，但係當我地堅持取消份早餐佢態度真係好差😪真係神咁早人都未醒，俾佢個態度搞到我成個人醒哂。不過，呢間都抵食既，記得之前食佢個焗豬扒飯，都幾正。但真係唔肚餓唔趕住食，呢間都ok嘅。👌🏼

呢個係豬頸肉炒河定係齋炒河 吾好講好吾好味 一打開個飯盒 係無肉 係咁搵 成盒得四塊 打去了解 員工態度差 話:"午巿餐係咁伽啦 已經平左伽喇咼 豬頸肉咁貴緊係吾比多您啦 您想點？"其實見到咁既情況 已經好嬲 仲要咁既態度 毫無誠意解決 呢盒野34蚊 平吾平大家心裏有數 係餐廳最細既果種外賣盒吾緊要 肉得四塊？？係米太誇張 ？大家都吾想受氣都吾駛食呢間野

「新濠餐廳」下午茶「雞腿薯條連凍飲」只是$35，至好味套餐。打開盒子，香雞味已經飄出來。雞髀十分脆囗，外面呈金黃色，明顯是脆漿炸令色澤金色，輕輕一咬下肉汁流出，相信油溫高鎖死肉汁，令人食指大動。雞肉嫩滑，雖然這是冷鮮雞，但是賣點就是炸得香口，份量是一個手掌般大，這已經是一等級的美食。薯條呈曲線形狀，明顯放久了有點軟身，厚度比麥記粗，但脆度比不上。可能底沒有吸油紙，油反而浮出來，感覺有點膩。我重點只會放在雞脾，在午餐不飽下更覺美味。最後來一杯凍檸茶，消除油膩膩的感覺。一個好滿足的下午茶時光就是這樣渡過......

趕時間加十級飢餓，必須要隨即鯨吞一個平、靚、正的快餐醫肚，此時，被地上新豪的下午茶餐牌「揚州炒飯」四個大字吸引著，旋即不顧一切直入！「唔該呀靚姐！揚州炒飯熱朱古力。」誰會帶著太高期望去一間極普通的茶餐廳，炒飯一碟，份量夠，填飽肚便算～！炒飯來炒飯粒粒分明是基本，蝦仁是沒有的，有些火腿、蛋、叉燒和葱粒，我很餓，不理三七廿一，豪吞一大匙，嘩！不得了！好香啊！不能確定是什麼香味，似是咸蛋，但絲亳不見有咸蛋，到底是那是什麼香味呢？我有想過可能炒飯的蛋是鴨蛋，老實說，我至今都不清楚，亦可能炒飯的鑊上一道菜的殘餘味道，又極有可能是我太肚餓，出現了幻覺。不過，這個黃金揚州炒飯，我想會再來找它的，不過為避免被店內蒼蠅先生對我的苦苦痴纏，下次我會買外賣回家品嚐。

我間中去元朗做facial,美容院隔離有一間茶餐廳，叫新豪餐廳，其實光顧過2次,而家的起心肝出食評，這裡環境都OK，服務只是一般,至於食物水準都OK,奶油豬仔包好好味,奶油豬十分脆口,我覺得好好味，奶茶就太甜啦,這間地點好方便，位於yoho附近，好近西鐵呀,地方不算大,座位之間不會太迫,尚算舒適味道:奶油豬仔包幾好吃，炒蛋就—般 ，覺得唔夠滑，奶茶太甜,整體一般服務:我覺得一般環境:尚算舒適番吃:經過才會光顧

近日去得最多的地方一定是元朗，上次在另一間餐廳試過牛肉麵，原來都是未夠保險，今次改要火腿通粉，夠安全了吧？通粉是在下最愛的軟硬度，而且通粉之中還加入了粟米及甘筍粒，好味得多；雞蛋亦煎得四平八穩，就連方包都鬆軟。慢慢的呷著茶，看看報紙，做一陣子「歲月神偷」休息一下又要趕下一場。

2010年12月28日 元朗 ( 新豪餐廳 - 1)( 首評:251)今天前往行山，路線：從元朗行到深井。早上在元朗集合，先到這店嚐個早餐，選了早餐第二款，有生菜沙嗲牛肉麵、腸仔煎蛋及餐包，餐飲要了熱奶茶。生菜沙嗲牛肉麵，牛肉嗱過偏腍，顏色亦比較淺，沙嗲味不夠濃，反而加入了生菜就幾特別，配合沒有過腍的麵條，洽到好處，整碗來計，都可以說是OK。腸仔煎蛋及餐包，腸仔OK，煎蛋改了炒蛋，炒蛋有點老，餐包軟熟，可惜牛油少了點。熱奶茶，夠香滑，算是好飲的。餐廳環境與服務都OK嘅。