新陶園海鮮酒家

营业中

休息中

上個月同屋企人提早食中秋團年飯, 知道流浮山新陶園全新裝修, 咁多年一向都幫襯開, 都好想試一試佢有無以前既水準, 就一早訂定檯, 寫訂菜... 所以就算節日出街食飯一樣無有怕! 結論: 樣樣野食都同以前一樣咁正, 再加上全新裝修, 感覺更舒適, 冷氣廚房都好潔淨... 真係要讚呀!!! ^^

同男朋友屋企人去郊遊 黎到流浮山食海鮮~唔係話特別好食 可能價錢比較相宜但係蝦好新鮮好甜 魚亦好味道 蒸得唔錯 鮑魚仔唔會韌 炸蠔唔會腥 非海鮮類就無咁好食 但都達到水準 都係開心嘅一餐

第一次食到那麼一流的炆魚，外脆內香，能保持魚的水份和鮮味，頂呱呱！鮑魚炆雞值得讚嘆，鮑魚炆得恰到好處，雞肉也炆得入味，頂呱呱！椒鹽瀨尿蝦值得推介，色香味俱全，事頭婆推介的事頭婆炒飯也可以！酒家內各員工都招呼親切，不叫也主動來換碟加水．

新嚟既同事 Ling Ling個男友原來係流浮山做海鮮批發, 咁啱又係黃油蟹季節,一於由佢發版食餐勁既5人同行黄油蟹宴 :勁大隻大連鮑魚每人2隻上湯大蝦伊面 "正"清蒸瓜子斑 :時間掌握好好超正黄油蟹每人1隻無得頂海鮮湯 good good good連工包料 $2700超抵, 下次再搵 Ling Ling個男友先今晚d餸超水準,新陶園值得一讚 So Good

老友Winnie生日,一行8人開車入流浮山食海鮮慶祝！見呢間好多人咪試試囉！佢地帶咗我地去揀海鮮(龍如酒家門口), 個肥仔老板好有耐性介紹(好似幾 pro.),我地order 蠔、大蝦、龍蝦、聖子、青班同奄仔蟹.問佢幾多$$$佢就話可以係新陶園一齊計好方便講番d海鮮 :豉油王大蝦~好好味蒸青班~ok啦上湯龍蝦炸生麵~d生麵好脆配龍蝦冇得頂豉椒聖子~唔太辣油炎焗奄仔蟹~多膏兼好味炸蠔~好脆口 "正"連工包料$2100坻佢地仲送咗海鮮湯同椰汁馬豆糕**最哀冇帶相機

這是第二次幫襯新陶園海鮮酒家了，只因想試吓鮑魚炆雞 提早兩天致電老闆娘英姐預訂15人的份量同菜式。1.椒鹽賴尿蝦2. 大班兩味 (紅炆班頭腩超好味)3. 鮑魚炆雞4.豉椒炒蜆 (好野味)5.豉椒炒蟶子6.粉絲蒸元貝7.薑葱炒花蟹8.炸生 (雖然唔當造都好好味)9.炒飯甜品馬豆糕(似大菜糕)都 ok！我地帶咗兩支紅酒，呢度免收開瓶費架！咪幫襯多幾支汽水(12支)埋單 $4100另外門口小吃最啱媽咪同老婆，佢地買到唔停手

價錢合理!岩哂一班人去食當gathering飯後仲有椰汁西米糕!門外仲有得買小食! 正試過其他酒家都係覺得呢間最好老闆娘仲好好人tim不過好嘈太多人!

好久沒有參加團了, 真的好久, 也好久沒有吃團餐. 是日團契的一日遊, 終於有機會去吃個團餐. 地點當然係旅行社揀的, 就係這家專做團餐的酒家, 是日就好像全場都係團來的. 落了車, 也要行一陣先入到來, 怎知仲未有位, 就成六十人係窄窄的巷入面等, 都幾麻煩.環境當然係麻麻, 不過效率係幾好, 坐底無耐已經有得食了.白灼生蝦: 先來的係蝦, 但看上去實在不覺得係生蝦, 霉霉的, 不吃為妙.清蒸海上鮮: 5分, 要同時間處理那麼多條魚, 也預計到水準會如何. 魚肉實實的, 不過仲未算好老. 但係沒有甚麼鮮味.瑤柱粉絲蒸水蛋: 6分, 相當簡單大路的菜色, 也切合團餐的需要. 蛋不夠滑, 不過加上瑤柱粉絲, 係幾好撈飯的.魚香茄子: 4分, 從圖中可見, 係好杰好大達汁, 就算撈飯都不用下這份量的汁嘛. 吃不到魚香了, 只有大大件的茄子. 雖然係平凡的菜色, 但係真係做得比較差.酥炸生蠔: 4分, 這個餐叫做生蠔海鮮餐, 掛頭牌的當然係這味酥炸生蠔. 一人一隻蠔, 或許又係同時間要炸太多蠔, 係炸得相當之差, 過了火, 粉槳係不太夠. 蠔不太肥味, 也係無乜鮮味, 吃落口係有渣的. 認真