新鳳凰餅店

营业中

休息中

個人幾鍾意食蛋撻，聽聞這間餅店蛋撻幾出名，今日終於食到啦！屋企人經過個頭，買半打蛋撻返屋企。蛋撻顏色不錯，鮮黃色。曲奇餅底，我鍾意食曲奇底，因為香脆度又高D。外型焗得幾好，雖然有一個蛋撻有小小焗焦，但勝在人手製造，在所難免有瑕疵，值得欣賞。輕輕一拿，已經有小小裂口。餅底幾厚。呢件蛋撻係真材實料，食左一件已經飽飽地，雖然我食既時候已經擺了一段時間，但味道幾好，蛋味香濃，餅脆依然脆，唯一缺點是甜度可以降低小小。

是日同事請吃蛋撻，訂了數盒蛋撻供大家享用本身不太熱愛吃蛋撻，通常一件起兩件止，而且要熱食。新鮮出爐的蛋糕很吸引，一件件就似太陽花，顏色鮮豔，亮麗的黃色襯著曲奇餅底，蛋漿和蛋撻底都很燙，此時的蛋撻最好吃的蛋撻外型完整，蛋漿滿溢，遠遠已經聞到蛋香輕輕咬一口，曲奇底酥脆可口，蛋漿香滑軟順，蛋漿就像焦糖燉蛋的口感，滑如淡奶，令我想起某朱古力廣告的對白：「絲滑的口感。」不過再吃多兩口，略嫌太甜了，吃了半件已經覺得這甜度有點過火，如果糖分減半，味道會更佳後來有幾件蛋撻無人問津，不知人為或是意外，有件蛋撻已經有缺口，加上表皮焗得焦黑，這件應該無人敢食，作為東主，不應該把這件蛋撻賣出去。遠鏡再拍一張覺得這樣敷衍了事的將焗壞的蛋撻出售，實在有點缺德，麻煩東主正視。偶爾吃一件熱辣辣蛋撻是開心事，糖份減半更加好，另外數十件蛋撻質素不平均，有少部分焗得焦黑，有望作出改善。

我是挺喜歡中式傳統麵包店的，因為總是比西式麵包店較便宜，而味道上較為簡單得美味。買了一個三角型朱古力蛋糕和一個長方體朱古力蛋糕，$11/2件。個人偏好前者，因為前者有脆脆的朱古力外層，而且朱古力味比較香濃。另買了卷蛋和十字提子包，倒是忘了哪個$4，哪個$5，反正就是很便宜但味道一流。卷蛋比西式連鎖包餅店的較香軟，而提子包外層有點像鬆餅，但裡面是麵包的質地，味道和口感像自己做的麵包一樣，你會感覺到它的用料充足，吃完好飽肚。

因爲筆流都係節制住自己唔好食咁多麵包所以次次去餅店都會精挑細選一輪唔想浪費卡路里白方包超級鬆軟，作爲早餐三文治底夹住芝士真係一流麥方包一般，首先佢唔係全麥亦都唔係半麥，只係加咗啲麥麸既麵包，同一般餅店一樣，想减肥就揀過第二啲啦芝士條够多芝士，好食蛋撻底係曲奇满分，撻餡完全唔會腻，仲有好香牛油味，如果唔係佢卡路里太邪惡，我會日日掃幾個過落肚唔知有冇人試過$5包既麵包皮係收銀櫃隔離佢地焗到冇曬水分，邊食好似食緊薯片咁，超脆超香口仲要好大包添，不過食多唔好，節制啊

大熱天時，街上三十度有多，真係寧願坐係公司涼冷氣都好過周圍走。下午三點三，又係tea time，心諗如果有人買下午茶比我食就好。說時遲，那時快，公司呀姐竟然大叫過嚟食蛋撻，心中立即暗暗歡喜。原來呀姐岩岩去完大陸旅行，發現無手信岩買比同事，於是就借蛋撻當手信。佢清一色買左曲奇餅底既蛋撻，正合我意。呢度既蛋撻餅皮都幾脆，中間蛋既部分夠多，而且都幾滑，我相信食新鮮出爐既一定更好食，不過呀姐一番心意我已經好開心。

每逢公司training先有機會到鰂魚涌，每次都一定會買個包食，因為真係又平又實在！見食評話必食雞批，今次就買個黎試下，果然係冇令人失望。外皮焗到好鬆化 有牛油曲奇嘅口感，最欣賞就係個皮唔會咬一路咬一路跌d碎，不過食落真係似叉燒酥個d味，無論顏色定係口感都有d似。而家又平又好食嘅面包舖真係唔係周街有，而且呢間仲要有好多選擇，如果冇目標要食咩的話真係會花多眼亂。朝早返工時間會排長龍，返工一族真係要預返時間，不過阿姐手腳都好快嘅

途經北角, 聽聞新鳳凰蛋撻出名, 於是買了幾個。怎麼蛋撻filling奇怪的有chewy的口感... 有點失望。反而雞批味道還真的不錯! 可以吃到caramelized的洋蔥味! 搉介!

去鰂魚涌開會，趕到無時間食飯，一出地鐵站就見到呢間麵包店覺得呢間鋪頭好熟口面，記得係以前新聞介紹過既良心小店買左一個椰絲bun，好大隻，$6大大隻，咬落去真係覺得自己食緊包，唔係食緊空氣T_T甜度適中，唔算好甜，食完一大隻都唔覺得膩，椰絲都幾多好鐘意舊式麵包鋪，好耐無試過，搵返細個時食既麵包既味道食完呢個太飽，無試到蛋撻><不過為左支持小店，下次過黎開會會再幫襯!

之前每日返工,一定要去新鳳凰買個包,佢地真係照顧每個趕返工人士,兩旁已經有個姐姐係到standby等你,你叫個包,佢就極速幫你夾!!!!日日食腿蛋包!!真係好好味~隻蛋係煎既~夾係個包中間,個包又香又軟熟~呢個配搭,間直係絕配!!!真係好好味!!!!仲有蛋撻,熱辣辣,個蛋黃仲郁郁下~鐘意食牛油撻既我~真係一試愛上!!佢地既凍奶茶,絕不簡單!!佢預先係雪櫃雪住,唔會被冰溝淡!!!!茶味濃~而家唔係附近返工,都會專登走去成個蛋撻加杯凍奶茶,一路行一路食~仲要貪心到,買個腿蛋包拎走添~哈哈~良心小店,而家真係好少,人情味既店,更少,價錢唔係貴,但係用料足,比起d連鎖集團既空氣包,真係有良心好多,希望呢d小店,可以繼續做落去!!

其實，一個樣子普通過不普通的提子包有什麼好寫？近年很多人都在找什麼良心店主，其實沒有見報、默默造福人群的，可能就有一個在左近。只賣 $3.5 一個，已是無敵抵價，質感實在不會像賣貴兩倍的連鎖店般，吃完還覺得輕飄飄，慢慢搣都可以吃好一段時間。麵包帶甜香，雖然提子乾只得幾粒，但是又快又平又吃得飽才是王道啊。

在附近的商廈拿完東西，回程前當然會非常順便買新鳳凰的雞批啦。上次吃一個簡直不夠喉，今次一心肥就肥啦決定打孖上，半小時後在車上享用著還暖烘烘的批，是自己給自己的一個小快樂。雞批有手掌般大，金黃美麗的外表，批身相當之鬆化，入口陣陣牛油味，勁誘人呀。今次的內餡比上次多很多(發達﹗)，勁多熟洋蔥以及勁多已去皮的雞粒，配以那甜而不膩的醬汁，絕對是啖啖肉的傑作。上次實在食不出任何芝士味，但今次又吃得到微微的喎，但個人認為那醬汁已經好好吃啦，令我都不在乎芝士了。雞批散發牛油香實在不弱，所以在坐位上我要半屈著身子偷偷地享受它們，怕引得附近的乘客口水流我會不好意思了啦。(說笑)其實我本身好少會食雞批，正好早前肚餓買了連鎖店的雞批頂下肚，結論是...令人汗顏。那時候就即時掛念新鳳凰的雞批了，可是...我不是經常可以到北角遊玩耶﹗(哭)

行過地鐵站見到間麵包鋪係Openrice 熱店之選 就唸住買個包黎試下啦，買左幾個最愛ge 雞尾包返屋企，好抵，3.5一個，平過屋企附近ge多多聲。一食個雞尾包，wa,,,,,經典啊，成個口充斥滿椰香同芝麻香，而且不太甜，好鬼正。一路都好鐘意食雞尾包，好耐都揾唔到呢隻味道喇,感動.....屋企人都話好食，睇黎以後行過都要買返個過下癮至得：））））

Gave up with their cakes because I think their pies taste better so I got the cheese and chicken pie again.This time I ate it imediately when it was still hot.★☆★☆★☆★☆★☆★☆★☆★☆★☆★☆★☆★cheese and chicken pie:Eating the pie hot really made a difference because the taste was so much nicer. The crust tasted more buttery.★☆★☆★☆★☆★☆★☆★☆★☆★☆★☆★☆★

近日蘋果日報發現連鎖麵包商店所售賣的菠蘿包食落一陣風, 並不飽肚, 它們每克的平均售價是6-7仙, 比小店所賣的貴2倍, 而菠蘿包的重量亦是小店菠蘿包的一半, 據蘋果日報所述: 當中又以美心最唔抵食, 僅重69克, 差不多要吃兩個, 才抵得上旺角金華冰廳的一個112克菠蘿包； 蘋果日報亦開名提及鰂魚涌新鳳凰麵包店及深水埗櫻桃麵包西餅店所賣的菠蘿包都相當抵食。今天剛好要來一趟鰂魚涌, 一出地鐵站口便想起這篇報道, 遂立刻向左走......來到麵包店門口, 先看到新鮮出爐的芝士雞批 $6一隻批面鬆脆, 亦不會太易碎散成屑 , 隨著咀嚼後批殼會糊開, 感覺到麵粉的充實芝士雞批的餡汁竟非芝士白汁, 啡色杰汁看似叉燒醬, 甜甜地卻嚐不出芝士味來 內餡除了汁醬外還有雞粒及洋蔥片, 雞粒切得有手指頭般大小, 味道是蜜蜜甜甜, 洋蔥片亦咬到厚度, 並非胡亂敷衍了事, 完全滿滿地塞在批內跟著, 當然是要買個相當抵食的菠蘿包比女人的拳頭還要大隻 包面脆皮鬆化, 不易掉屑, 啖啖咬會有清脆的脆皮「呱呱」聲發出 麵包軟熟, 包肉是綿綿中帶質感, 最難得就是包身(面層脆皮除外)是帶甜味, 是透澈

On your way to OpenRice you are bound to pass this shop if you are coming by MTR.Even though I am not fond of their cakes I always end up getting something from here.So far the cheese chicken pie is the best and the cakes are just so-so.This time I got the cake mille feuille.★☆★☆★☆★☆★☆★☆★☆★☆★☆★☆★☆★Cake mille feuille:It had dry white brittle cream on top which was quite artificial.The rest of the cake was just so-so, it was cake sandwiched in between some flakey pastry layers.The sweetness was ju