新鹿鳴居

营业中

休息中

經過一間打冷店除咗打冷嘅嘢掛曬喺櫥窗之外，亦都見到大量新鮮海鮮！！ 為食嘅我又點可以錯過 ！！雖然要等位， 但係都值得嘅！！入到去見到餐牌都有好多選擇， 價錢合理！！入座時間大概係八點半，但仍然滿座， 證明真係有好多捧場客！！ 鹵水鵝片紅腸墨魚拼盤～ 估唔到鵝肉可以咁嫩滑！ 極之順喉柔軟， 極力推介！！ 墨魚竟然非常脆口 ，口感一流！！紅腸下亦墊有牙菜！ 索曬啲鹵水汁 ，好味抵食之選！小炒王～ 鑊氣考驗之選， 好彩都冇令我失望，而且用料唔差，腰果香脆！ 炒起嚟大大碟 ，絕對唔會小氣！！蠔餅～ 食親潮州嘢都會叫蠔餅!! 呢度嘅出品香口、 美味！！ 而且採用嘅蠔仔大大隻，一啲都唔腥！！yummy! 豉汁蒸倉魚～ 一睇個汁就知道極度夠味，而且魚肉都算係厚身， 呢款魚出名小骨， 食落啖啖肉， 仲要係游水生猛，即劏即整！！好食！！

Great traditional Chiu Chow cuisine served in a restaurant with a friendly atmosphere. The place is packed which only means one thing in a traditional Chinese restaurant in Hong Kong - the food is GOOD! Tried the marinated goose, pig’s blood jelly casserole and oysters in ginger and spring onion. These dishes were exceptional. A totally satisfying experience.

上個月去食呢間。以前都有食過幾次，覺得幾好，但係今次真係好唔掂。話說我哋叫咗個蠔仔粥，一路食已經覺得好多沙，到尾重要有頭髮。我已經多年無寫食評，都忍唔住影咗張相。

呢間潮洲菜不在當眼位 不過不能錯過喔！1. 鹽焗烏頭 $138好入味 烏頭中間仲放左舊lemon系入面蒸魚嘅鮮味帶出左 加上有少少咸 好好食2. 鵝片 $118不得了 真系名不虛傳 正底仲有少少鹵水豆腐😋

今天晚上和朋友打算食D重味菜，看了menu決定食萬州烤魚。落單時問佐辣度，姐姐話唔會好辣，但係一定夠味。等佐大概15分鐘，魚上來之後，聞到好香，但係味道偏鹹，師傅既手藝需要提高，食客建議➕飯中間姐姐會過來加一次水，一份魚夠兩個人食，裡面有芽菜、粉絲、藕片，p.s.粉絲太少了。完全唔需要再加其他菜。這家餐廳還有其他烤物，煲類食品，都值得一試，見到其他人食雞煲、田雞煲，好似幾好味，而且唔需要排隊。有機會再來試下其他菜式

今日同朋友打算去食烤魚，去第一間餐廳見無岩食既魚，結果行到去鹿鳴居，見到有烤魚就問問有咩魚類選擇，問到有魽魚，我就一時衝動坐低左，落單時已經要求走麻少辣，但出到黎乜都無走到，味道仲要超咸，因為唔想浪費食物，所以我叫伙記幫忙加水，伙記好灰諧咁同我講，叫我自己加氣水落去⋯⋯⋯之後佢都仲係幫我地加左湯⋯⋯咸上加咸就連之後叫既馬拉盞通菜都完全食唔到任何味道！我真心覺得難為了朋友！完全因為我既衝動，令到我地都要食啲咁既野⋯⋯我發誓我以後都唔會再黎，唔會再咁衝動

做冬一家人去過隔離間漁民火鍋，結論“食到成肚氣“！今次黎鹿嗚居試下，食物係幾好嘅，不過環境就真係比漁民差更加多，漁民同鹿鳴居同一條街，只差幾個鋪位，點解會比漁民更差？原因係……呢間野啲垃圾一袋袋搭哂喺門口出少少嘅樹底下，搭到成坐山咁高（眼見最少15袋），仲要係包得超差，啲汁留哂出停車場都算喇，就連養住海鮮啲喊水，同洗完碗嘅水，都係直接倒出門口，最恐怖係藏哂喺路上邊，形成幾個非常大的黑色污水餸汁大水氹，超級嘔心，嗰陣刺鼻嘅臭味，似足一堆腐屍味，唔明點解可以咁無衛生常識，就算坐喺室內，人一邊食，蚊又跟住一齊食，呢條街嘅食店比鹿嗚居拖累哂，再好食都必定無下次，如無必要，絕對不會再走進這條街，條街嘅味仲臭過垃圾房，店內環境更不值一提！食完行出門口時，我個女反應唔切，比個呀姐倒啲喊水潑濕隻腳，個呀姐啤左一眼就走人，道歉都廢事。可能有人覺得我係某店打手，我可以同你講，我絕對唔係，覺得我吹水誇大內容嘅話，麻煩各位請親身到此店就明白環境有多惡劣！！

同事生日，約埋一齊吃晚飯，揀咗去太和中心的「新鹿鳴居」吃潮州菜。這間不需靠裝潢，但人流旺盛的食店，看來食物品質應該有保證。我們下單叫了幾個小菜，因為人多，有些餸菜上枱速度稍慢，但我們一邊吃著等，一邊傾偈，亦沒有太大影響。今次重點推介兩個小菜，分別是「潮式煎蠔餅」及「京都骨」。蠔餅上枱時還熱氣騰騰，炸漿唔算多，外脆內軟，蠔仔份量足料，大大粒，鮮味肥美，而最欣賞的是蠔仔洗得乾淨，吃時唔會咬到殻，亦唔會滿口油。京都骨用的材料是帶骨的肉排，咬落啖啖肉，肉質軟腍唔韌，茨汁做得非常好，濃稠適中，味道酸酸甜甜，惹味醒胃，配飯吃，簡直是一絕。總括來說，今餐飯菜很滿意，雖然坐位有點狹窄，但勝在食物質素搭夠，街坊店嘛，下次再安哥。

今次係我第二次嚟食，可以嚟食第二次，證明佢嘅質素一定有返咁上下上次我食咗椒鹽九肚魚、柚子排骨、蠔餅，都覺得非常唔錯👍🏻👍🏻今次同朋友再嚟食，叫咗豉汁炒大蜆、腰果雞軟骨、腐乳通菜同麻油海蜇雞腐乳通菜係好食嘅，夠惹味呢個都係好食嘅，非常香口，同椒鹽九肚魚一樣，我覺得都係炸得好好👍🏻至於個海蜇滑雞呢啲海蜇唔夠爽脆，我覺得似啫喱多啲啲雞係好滑，但好似冇乜雞味😂😂所以我唔太推薦呢一味個炒蜆真係好麻麻，啲蜆唔係好新鮮，食落有腥味，唔識形容，總之唔鮮甜有好多隻都冇開.....同埋不時食到沙有好大嘅改進空間🙈🙈🙈🙈不過總括而言，我都會比好評因為其實上次嚟食我係真係覺得樣樣都幾好食，今次好似嗌得唔啱，就有啲失望所以黎到要識嗌餸，唔係乜嘢都好食😂嗌啱嘅話真係好唔錯，佢菜式好多，同埋價錢合埋

昨晚跟個仔去打冷，點解鹵水集會會比埋D吾熱又睇見賣相都吾開胃嘅賣剩樜貨色過我們倆父子呢？莫非睇客蝦客精神？以後吾去⋯⋯行去門口打冷檔睇下個切嘢師傅個樣，真的替老闆傷心，因為呢個伙計拎食店蒙羞...

我真係食到好飽喇，真心飽到食唔落呀！道道菜都超水準表現，雖然等左四十五分鐘有點不耐煩！生意好到做唔切，旺到連芽菜都賣晒，真的嗎？去完船河成六點半先落船，等的士等到七點幾先上到車，睏死想返屋企！但朋友仔想一齊食飯，性情難卻，好啦好啦，我都想食海鮮宴，一半海鮮一半肉都好。全日出海剛回來，睏死我喇，食飽飽就回家休息！粟米魚肚羮，保持水準夠濃郁又夠厚，足料無欺場，唔會水汪汪，香甜粟米雞湯可口，魚肚爽爽不腥不硬，正呀。兩大碗羮 HKD60 蚊有找，堅抵食，平靚正，一定飽，我食一碗都夠晒。 豉汁蒸鯧魚，白雪雪滑嘟嘟既魚肉，海魚既魚味特濃，鯧魚魚皮及魚頭膠質特別豐富，黏黏滑滑，大愛 ﹗魚肉浸滿香口豉汁堅要食津津有味，連魚骨都損得乾乾淨淨反晒光呀 ﹗始終有點心理關口，覺得鯧魚太過平民又太過普通，出街食飯不多願食呢 ﹗本來想食豉汁蒸排骨，見小強大大力推銷游水鯧魚非常生猛紮紮跳，而且 HKD100 蚊條加送個淨豬紅添，我信你！四男女食五個菜，碟碟美味可口無投訴，辛苦晒！淨豬紅，湯汁味道香濃，已浸透每粒豬紅，一咬爆破，充滿滷水氛芳。煮既時間剛好，夠滑溜不乾鞋，好味。滷水鵝片，師傅好刀功好手藝，鵝片紋條有序，

旺角操完泰拳急急返大埔食個晚飯再去史生日會！近年叫外賣多，過黎坐低食真係非常少喇，心血來潮過黎探下小強班啦！中學十幾歲已開始係大元邨冬菇亭大排檔幫襯，之後搬左去海寶花園，到依家搬左黎太和中心，一直到有幫親，都幾有緣份。咸菜胡椒豬肚湯，例湯都可以賣晒？真係咁好飲？我最愛飲湯架！唯有飲胡椒豬肚湯頂住先。淡荗荗，水汪汪既？粉腸瘦猛猛得層皮，豬肚夠腍還可以，兩者都不苦不澀，免免強強啦。炸乳鴿，招牌菜無得輸，即叫即炸，香氣宜人，聞到已流晒口水。肉質彈彈，身材又 fit 無肥膏，皮脆肉嫩又 juicy，醃味甜美不過火不過咸，鴿頸鴿腦同樣正呀！瑤柱扒白菜仔，大量瑤柱好足料，海味味濃，包著白菜仔同吃都不錯，唯獨菜有少許苦澀呢。清蒸鯇魚腩，好耐無食魚腩喇，熱騰騰又香噴噴我好想食架！點解咁唔小心出事架，一啖都無食過就要原條退回，無得食，陰功豬。滷水鵝片，終於食到爽甜多汁既大豆芽喇！前幾次都係上水榮發打冷，大豆芽又腍又瘦又乾，難食。鵝片滷水味道清爽，咸香中泛著香料甜味，但為何質地那麼硬既？隻鵝過度興奮所以肌肉硬過石頭？食開一向非常嫩滑架喎，從來未發生過呢。連我咁有牙力都趙得好痛苦，試左兩片都要退貨，真係食唔

工作中午餐，已過午市高峰期，店內無乜人，普通茶餐廳格局，比較殘舊，可以坐到靠牆卡位，店員好急要落單，食物好快到！冬瓜粒海鮮湯飯（$48）一個闊平口碗，湯濃味唔味精，冬瓜粒好多，質地爽口，海鮮以魷魚為主，淋身唔硬！另有啲蠔豉，甘甘地好濃味，雞肉嫩口！加啲仿蟹柳，消暑清爽！凍檸茶（少甜）（$2）茶底味道清爽，檸檬唔澀！正常阿姐店員爽手唔廢話，另外一個後生馬尾店員就好有趣，我哋食飽佢每枱派下午茶餐牌，仲同我們講：「食唔食下午茶？」我哋3個都呆咗，我哋啲碟都未收，佢見到都問？廁所非常濕滑兼殘舊！倒胃口！

昨晚醉爆飲天光，險些兒想放飛機，最終我都醉住咁到場喇，雖然遲左成個鐘，sorry sorry！依然 Super hangover！今晚慶祝鹿鳴昌就任，點都要出席賀賀去既。今晚係 9 男女晚宴係鹿鳴昌舉行，出席既當然有鹿鳴昌同伉儷啦，仲有詠春史提夫、老師菲臘史密夫、老師皮雲域夫、羽球車厘、排球瑪雅、熱舞積奇連、拳皇熾天使雷，唔知幾多年無一齊出街食飯喇。順理成章由主人家發版，名菜佳餚都已經一早 order 好喇，依家只需放空腦袋等開飯。我完全飲唔到酒囉，飲住熱茶先啦。滷水雜錦，都係肥豬肉紅腸墨魚大豆芽，一般啦，無意見。最愛大豆芽捲住肉塊一齊食，又爽又多汁混上滷水肉，味道好夾剛剛好。我以前完全唔食芽菜、大豆芽，都係早幾年先開始食到，因為受唔到草腥味。炸蠔餅，出色喎！新鮮炸起乾爽鬆化，淺黃色既外衣好吸引，蛋漿麵粉少雞蛋多，無偷工減料。蠔仔份量滿意，肥美可口，蠔汁豐富係舌頭上翻滾，配豆瓣醬或魚露同樣美味。蒜蓉開邊蝦，時間拿捏不錯，如果早十多秒出爐就更爽滑。蒜香飄飄，濃而不濁不過火，仍然食得到游水蝦鮮甜。炸乳鴿，招牌菜都會有失手既機會，鴿肉乾而瘦，肥美不足，醃味強烈，豉油味過重而略咸。滷水鵝半隻，

>>藥膳醉雞煲一上枱個煲就超濃藥材味，但當然唔係令人抗拒嗰種中藥味，而係種女仔會似層相悉ge 感覺，當歸，黨參，紅棗同杞子，全部都係女仔滋保養顏ge 藥膳，mix 埋一鍋，再加上隻醉雞，完全係滋保到極點！至於隻雞，皮薄肉嫩，不過就咸咗少少，，令到個煲都有啲過咸，不過加水沖淡都ok, 唔算太big deal~>> 豆豉鲮魚炒油麥菜Good! 基本上都唔駛點樣調味， 豆豉鲮魚同油麥菜呢個黃組合，加上炒成翠綠色 ge 油麥菜，喺等個鍋滾時已經令人食唔停口，飽咗3分1!不過要挑剔ge 就係有d 偷工減料，一碟得4,5塊鲮魚，仲要係碎塊，雖然個價唔算貴，但都多少令人有種被呃ge感覺~~