無肉食 (My Central)

营业中

休息中

之前吃過一些素食餐廳，不是覺得太油就菜式不吸引。無肉食 是一間素食自助餐，吃過以後覺得「無肉食」都可以很豐盛。午市每位 HKD 99，不設加一服務費，另用餐時間為75分鐘。因為我們是一開門就去，所以有些食物是中段時間才出。 🥗有一大堆沙律菜。沙律醬是分開的，可按自己喜好添加。配生果來吃也沒問題，會有西瓜、香蕉、哈密瓜。前菜冷盤大多是酸、辣口味，但調味不會太濃，吃落剛好。涼拌的珊瑚草口感爽脆，天熱吃起來都幾開胃。🥦熱食都有不少炒菜，所以本身喜歡吃菜的朋友一次過能試很多種。另外也有炸物，新鮮炸起夠脆身，不會很油膩。想飽肚一點亦會有皮蛋粥、炒粉之類，吃飽沒問題。最後再吃涼粉做結尾；飲品則有洛神花、檸檬水或熱茶。據說不同時段的菜式都有所不同，那麼下次可試試來吃晚餐。非繁忙時段更不設限時，可以慢慢吃。中環店的用餐環境都頗舒適，另外旺角、荃灣、將軍澳都有分店。

服務員態度很差，不會有下次只問可唔可以坐喺某個位置，她想也不想，只有這邊位置，明明不是太多人.還有環境不太吸引，嘢食樣子唔覺得好吸引.原本帶著期望，現只有失望！

每隔一輪我就會同家人或者朋友嚟中環呢間蛋奶素自助餐廳盡情食一餐。未嚟過你想像唔到，就算冇雞魚肉冇海鮮竟然都可以食得好開心好滿足。呢間無肉食餐廳係L型格局，對住門口最埋邊仲有一間典雅別致嘅包房（另加100蚊可包房）。成間餐廳嘅設計係木系簡約feel，隨意得嚟都舒適，幾啱開飯。一入門口就可以畀咗錢先，晚飯按人頭每位139蚊，唔使服務費（嚟親都覺得佢哋好有禮貌）。午餐同下午茶再抵啲，不過晚飯嘅款式多啲。好欣賞呢度有專門洗手區，可以食飯前後或者隨時需要都可以洗乾淨隻手。食物案種類分區擺放，大致有：涼菜沙律、炒煮熱菜、香口炸物、炒粉麵飯、湯水飲品、甜品水果......食材新鮮，出品都頗講究，整體味道不俗。各款菜餚按需求時時更新，周不時食到啲新口味。如果經常嚟食，會發現呢度有唔同嘅食譜，時時轉款。既然係自助餐，唔爭在自助埋最尾自己執碗碟呢一步啦~最緊要係慳到成本回饋食客，抵食。因為食物花款多又好味，素食都可以令到你眼花繚亂、眼闊肚窄，分分鐘起到自助餐嗰種令人食到扶牆而出嘅效果！

6/7 @無肉食·中環店 90 分鐘自助晚餐$128(菊花茶、蓮藕湯、綠豆沙、粥、西瓜、哈密瓜、香蕉、新鮮秋葵、苦瓜炒蛋、蘿蔔糕、炸香蕉、西多士、齋滷味、⋯⋯）選擇都多、不斷加新菜式。巧豐富的素餐👍😋值得去試吓。食飽記得自己收晒放去指定地點。

#20240601 💛📍 無肉食 中環嘉咸街23號My Central地下5號舖 🍽️將軍澳｜旺角｜荃灣均有分店➖➖➖➖➖➖➖➖➖➖➖➖➖➖➖➖➖#素食自助餐 $159/位 🥢 #前菜💭 有時想食下自助餐，但又嫌太貴，素食自助餐真係一個好好既選擇，依家中環呢間晚市仲做緊優惠無限時，勁抵食🤩前菜有沙律又有啲涼拌野食，有啲睇樣睇唔出係咩，憑口感都歸納左佢地為蒟蒻，建議應該要寫個菜牌係前面😅有個#蒟蒻三文魚 好得意，食落又幾好味🍣. 🥢 #主食💭 澱粉既野食唔太多選擇，連炒飯都無🙈但要飽肚都可以都有炒麵、撈麵，又有白飯或者粥可以撈餸食既，不過有咁多野食可以揀，呢啲都比🐷排到最後，淨係試左炒麵一款，味道正常啦👅. 🥢 #小菜💭 熱食有個#腐皮卷 好好味，勁鐘意食呢啲素既腐皮卷，而且入面夠足料其實都幾飽肚，另外仲有啲#蕃茄炒蛋 都好好送飯，特別一提有個#金銀蛋冬瓜 超好味，忍唔住覆桌左兩三次🤤. 🥢 #炸物💭 去過其他素食自助餐，呢度算係比較多炸野，佢啲炸野可以多到自己放埋一個corner，有#炸鮮奶 🥛#炸香蕉 🍌#燒菠蘿 🍍呢啲平時少見啲野食，又有啲#脆麻花 、#西多士 、#蘿蔔糕 呢啲都算係

佛誕同👦🏻細細去食素自助餐，前一日打電話去中環無肉食訂位，假日午餐都係$99，冇加一，用餐時間有75分鐘，都可以食到好幾轉。食物方面有前菜、粉麵飯、炸物、小菜、湯、糖水、生果同羅漢果水等，而且會轉款出新嘢，選擇都幾多，同埋食物係refill得好快，每次出去都會有新款嘢食。前菜種類好多，食落好開胃，推介麻辣珊瑚藻同麻辣雲耳，👦🏻就最鍾意個綠色青瓜🥒冷麵。小菜係最經常轉款，唔同蔬菜、瓜類，各式煮法，番茄炒蛋同腸粉好好食，據聞有個乾炒河都好好味，不過得返啲碎濕濕我冇拎到，再之後就出咗豉油王炒麵，都好食👍🏼。炸物係重點推介🌟，炸粟米同炸椰菜花有驚喜，唔乾之餘仲幾juicy，忍唔住要encore😋！另外炸物上面仲有啲類似七味粉，所以食落好惹味，食咗好多都冇喉嚨痛🤪。水果有原條蕉任食，啲橙全部都又大又甜又多汁，仲有西瓜🍉，最估唔到係哈密瓜🍈都有。印象中呢度係冇特別啲花巧素食，即係冇素鵝、素叉燒、素壽司呢啲，所有食物基本上一睇就知用咩材料，亦都有蛋奶素同用五辛。另外就係食完唔會有人收碟同餐具，需要自己將廚餘同用具分類擺好。無肉食係有比較多分店嘅素食自助餐，價值都算合理，性價比都算高，不過👦🏻係食肉獸

平時出街食飯想揾條菜都難🤔，呢間餐廳主打素食自助餐，好多選擇同款式，不定時會refill新既餸，抵食好食又健康仲要食到飽😍.當日有油麥菜🥬、蕃茄炒蛋🍅、豆角炒蛋🍳、土豆絲🥔、芥蘭、生菜、西芹、蓮藕椰菜🥦、四季豆🫛、滷水豆腐、炒麵🍝、腸粉，仲有炸物，水果(橙🍊﹑香蕉🍌﹑柑﹑火龍果)﹑涼菜🥙(青瓜🥒﹑皮蛋、蓮藕片、薯仔🥔、芽菜）、湯糖水嘢飲……

今次我行到中環，發現一間人氣純素餐廳，決定落腳試吓佢哋的特色菜式。一坐低，我點咗沙嗲金菇粉絲猴頭菇，不得了啊，呢個猴頭菇炸得脆卜卜，咬落去口感輪廓分明，滿嘴都係香濃沙嗲味，簡直好過癮👅！再嚟就係個「乾炒牛河」，夠哂火候夠哂味道，食落就好似食緊真正的牛肉咁，齋食都可以咁滋味，真係正到不得了。unlimeat嚟啦，真係非一般嘅仿肉體驗，好入味又好食，整個質感都得嚟好啱口味🍜。自助吧就更加多得驚喜啦，有湯、有青菜、炸物前菜，仲有好多款小食可以揀。我著實鍾意珊瑚草，清新脆口之餘，仲有一種特別嘅海洋氣息。而磨菇湯濃郁到話不得，係冬天飲真係一流，滋味十足，仲好暖笠笠嘅感覺😊！甜品方面就真係夾硬佢！紫薯蛋糕啖啖都係芳香綿密嘅紫薯味，又唔會太甜，正！士多啤梨撻雖然唔算出眾，但總體嚟講都幾好食，而抹茶brownie對於喜愛抹茶嘅朋友嚟講，就係絕對嘅天堂。😋總括嚟講，呢間餐廳給嘅感覺係質量兼備，健康食品選擇豐富，下次繼續嚟，向親朋好友推介無誤！🌱👍

普通自助餐就食得多素食自助餐真係第一次一個人$158 而且唔收加一中環區嘅晚餐來講算係非常抵食而且款式多多 花多眼亂 味道都無可挑剔 好味😋餐廳空間闊落非常適合聚會#美食指南 #素食餐廳推薦

七一公眾假期，和Joey妹補祝生日，首次帶來到這間分店，環境和氣氛和旺角及荃灣分店不同，雖然選擇比旺角少，但我喜歡這裡的寧靜和寬敞，且食物質素相當不錯！炸物很多，但我沒試(妹妹說炸物很香脆，炸金菇因剛炸起，尤其美味)。我喜歡他們的涼拌青瓜、木耳和肉鬆豆腐；車厘茄、西瓜和哈密瓜也很爽甜和新鮮，我吃了很多。蒸南瓜很軟甜，我連皮也吃了；瓜菜款式多，有通菜、菜心、菜仔、娃娃菜、青瓜、翠玉瓜等，款款也很甜，軟硬度適中；我最喜歡豆腐和蒸蛋，豆腐款式很多，鹵水豆腐和冬菇超美味，我吃了多件；唯一遺憾的是沒有蕃茄炒蛋、豆漿和紅豆沙(只有五花茶、羅漢果茶和南瓜西米露)，如有就更完美了！雖然熱葷的盤不像旺角分店和銅鑼灣《樂園》般多，但職員密密換盤和換款，吸引我們多次走出去覓食，我前後吃了五輪，十分滿足！接待我們那位收銀女職員很有禮貌，向每位顧客致謝；唯一感覺有點怪的是由客人自己揀位，我們清理碟子準備離開時，下午茶時段開始，有食客站在我們枱旁等位，感覺有點古怪，如果付了錢開始計時又沒座位怎算呢？午餐每位$98，價錢合理，有機會我會再來的！

❤️唔係朋友帶我黎我都未必知有間咁企理嘅素食buffet🥬木糸嘅裝修簡簡單單、乾乾淨淨💯坐滿人都唔會有壓迫感呀👍🥬🫒素食食物款式都唔少✅熱食、湯、粥、炸物、刺身、壽司等等💯我最欣賞係佢地個椰子湯🥥味道真係好香好甜呢👍蔬菜款式勁多👍仲有辣🈶️唔辣添😍佢哋個甜品南瓜西米露都做到好甜好濃郁💯一食落口已經食到佢係真材實料嘅味道🥳💰呢個素食buffet真係超抵食呀👍閒日星期一至四都係$138/位✅限時90分鐘⏰仲有買十送一優惠👍仲有自助外賣飯盒🥳午市收＄60、晚市收$78✅你可以先去收銀處俾咗錢先💰跟住就拎個飯盒☺️揀自己喜歡嘅食物夾入盒😍真心抵呀💯

邊個話自助餐一定係大🐟大🍖⁉️無🐟無🍖都可以好多選擇又好食呀😉既想食清啲 又好為食 毫不猶豫揀左呢間餐廳👍🏻平時食buffet 冇$500 都落唔到樓💸素食自助餐$150 仲要有找🤓🙌🏻大概分左有炸物區🍤熟食區🍲前菜區🥗甜品區🥧仲有白飯 中湯 同埋飲品可以拎🙌🏻炸物款式好多🍤 全部個皮都唔會好厚👍🏻大部分都好夠熱 睇相都知好多都清得好快🤭推介金沙九肚魚 咸蛋黃超香🤩 入面當然唔係包住九肚魚😙 應該係腸粉👍🏻好夾😋黎到熟食區🍲大概有8盤但會不停換款😋主要有啲小炒菜式 例如蜜椒炒薯角🥔另外有啲清炒蔬菜🥬 炒粉麵飯🍜推介蜜椒炒薯角 唔俾牛柳粒🐮做主角 薯角🥔自己一個都可以好好食🤭另外有鹵水蛋/豆腐/菇🍄 鹵水超入味好好食🤤前菜區同甜品區🥧 作為蔬菜達人超級滿意😙車厘茄 蓮藕 紅菜頭 萵荀 茄子 青瓜 沙律🥗諗到嘅都有🫶🏻平時唔鍾意食蔬菜嘅人 總會搵到啱食嘅野喇🤭仲有啲壽司 冷麵🍜甜品就有啲水果/涼粉/糖水/甜品😙芝士撻🧁應該係用素芝士做🧀味道唔會好假👍🏻 最最最推介紅豆糕 好多紅豆🫘個糕底做得好好 好香濃又唔會太甜🤤 總結🙌🏻 香港地食野 食物精緻少少 地方舒服少少都要百幾二百💸 所以百幾蚊有

今餐飯喺突發，老友喺做揸老細車，呢幾日佢老細出遠門，所以，走過嚟搵小弟食晏，咁有誠意，當然要出嚟聚下啦。餐廳就由去搵，結果帶我嚟呢間素食餐廳「無肉食」試試，佢就試過覺得幾好，小弟就第一次到訪。真喺唔行到入去都唔知，初時以為地方唔喺好大，原來餐廳呈L型，入到去非常之大，而且，裝修簡約，一室淺色木系，又夠晒光猛企理，相信就算坐滿人，應該都唔會感覺太逼。裡面角位仲有個半開放式嘅「廂房」，唔知喺咪雅致得滯，成個午市都無見人入去坐，可能嚟食晏嘅人都喺一、兩個，或者兩、三個，咁就無謂入去掗住晒。呢類素食自助餐家下都好流行，其實玩法都好簡單，入門口喺收銀處俾咗錢，入到去就自己顧自己，位置隨便坐，餐具、餐碟放晒出嚟，自由取用，零服務，勝在無拘束。收費方面，午市收$98（時限75分鐘）、下午茶收$80（無時限）、晚市收$138/$158（限時90分鐘），但呢間中環店晚市就不設時限，話說有時限，但都會睇入座情況，未必會話好嚴格執行，好似我哋食咁個幾鐘都無人理。此外，又有買十送一優惠，亦做埋自助外賣飯盒，收費午市收$60、晚市收$78，喺收銀處俾錢，攞個飯盒後就可以入去裡邊自己夾喜歡嘅食物，仲會送多碗素餐湯

母親節同屋企人去中環食素食buffet。星期五/六/日/初一/十五晚市都係每人$158(無加一)，星期一至四$138，最緊要係中環分店無限時，仲要坐得舒服啲😎，buffet形式又可以滿足老豆同我個大胃😂。食物會不停refill或者換一盤新既菜式，所以成日去都有收穫🤣。食物款式好多，飯、麵、菜、沙律、甜品、麵包同生果etc.，揀飲擇食既我都實有野啱😝。炸物控推薦蛋散，炸得好香脆好好食😚，仲有金沙九吐魚，韓式炸雞等等。芝士撻屋企人都話好正👍🏻。💬Buffet最怕野食refill得慢同野食凍左，但呢間完全無呢個問題👍🏻。北角分店好可惜去到月尾就結束營業，希望大家珍惜小店🥺，偶然都食下素，健康啲😌。

趁星期六，到中環試下吃晚市自助餐，旺角已經到過多次。中環地方比較寛濶，旺角人流比較多。今次，仲可以用八達通付款。😊😆食物款式分別有椰子湯，PIZZA，西米露，朱古力牛角麵包........