日常素食 (已結業)

初一十五的約定，一個月兩次固定素食期，最近朋友講緊減碳環保，都開始學習素食，而家嘅齋跟以前真係唔同，花款多選擇當味道更勝從前。去完黃大仙廟參觀，順便去到旁邊商場搵食，一眼就見日常素食。放題價錢CP值高，晚餐不用 $150，抵食！餐廳半開放式設計，就好似酒店buffet一樣，鍾意食乜嘢就攞乜嘢，最緊要係珍惜食物唔好浪費。冷盤、沙律、熱盤、炸物、蔬菜、點心、水果糖水、清熱涼茶、雪糕甜品，應有盡有！沙律醬、粟米、蕃茄、青瓜，清新健康減肥就最啱食。我個人心水推薦，食齋必定會食嘅芋頭魚，酥脆可口。炸春卷、咖喱角少食開胃。齋叉燒幾可亂真，味道帶一點鹹香，生炒排骨酸酸甜甜，羅漢齋少鹽少糖好健康。所有素肉都十分爽口彈牙。魚香茄子我平時就最鍾意食㗎啦！唔通我有幻覺我食到有鹹魚味，食食吓都唔記得咗自己食緊齋。澱粉質女孩就有炒飯同埋炒麵選擇，炒飯粒粒飽滿又乾身，炒麵一啲都唔油膩。素羹、齋湯，一樣清甜好味，飲落都幾滋潤。最後一定要食豆腐雪糕，味道清甜，拍得住日本食嘅豆香味。總括而言，嘗試素食絕對令你有新體驗。

今日去搵朋友食飯，咁啱行過黃大仙，見到呢度有素食嘅自助餐，咁就來一試啦！餐廳環境都大，幾開揚。位置都易搵。雖然係素食自助餐，但種類都好多花多眼亂呀！涼拌青瓜雲耳，酸酸辣辣都幾好食。好耐冇食過蛋散啦，竟然係呢到見到，即刻夾番舊食下。仲有蘿蔔糕，齋叉燒，齋蝦餅，都一樣好好食😋傳統嘅齋一樣有，亦都有唔同煮法既蔬菜！嘢飲，有蜂蜜雪梨水、羅漢果茶亦都有西洋菜湯、薑醋蛋、腐竹薏米椰汁糖水。糖水幾好味，好有椰汁味，好香好滑！仲有水果、沙律同雪糕🍦呢個價錢有自助餐，真係好抵食！又岩曬我呢d樣樣齋都想食小小既人

最近食得太多肉想食下素，就去左附近日常素食吃放題～由於係最高一層，環境清靜，可以慢慢享受蔬菜，不用同人迫～菜式選擇都好多，熱食、冷盤、飲品、湯品、甜品都有，粥粉面飯都齊全～我先食冷盤，沙律菜新鮮乾淨，我最愛雲耳，夠厚肉～芋頭魚好鬆化，芋頭夠香炸素卷必食，好鬆脆香口～我最感興趣係素製成的「肉類」製作得好似！好有趣～做得出「三文魚」質感和味道～「回鍋肉」半肥半瘦的模樣，「豬手」半透明的豬皮同脂肪，製作得好似！幾可亂真，好有趣～甜品有桂花糕，馬豆糕，雜糧糕、馬拉糕～有楊枝甘露、南瓜西米露，每樣都試少少都好飽了～

本身食開港島區素食放題，一般幾十蚊都不會要求太高，昨天要到黃大仙拎嘢，適逢齋期上openrice睇下有冇素食放題，食評都正面，價錢比銅鑼湾貴小小，好食都唔緊要，去到原來齋期加二十蚊，都冇所謂，嘢食很少，完全唔好食，炸嘢粉太多，薑醋蛋稀到似水，有個阿姐話醋好貴，銅鑼湾68蚊一位樣樣都正正常常，最後我两人咖哩汁撈白飯，食飽走人，冇下次

都市人營養過剩，間中都要食得清啲，好 #比時間身體休養生息🥒 呢日特登帶 #老竇 同 #老媽子 嚟個 #素食放題，比佢哋可以多啲選擇之餘，又唔怕佢哋食得太肥膩😉每次經過附近嘅 #快餐店，都有衝動入去「日常素食」八吓係咩嚟，不過得我一支公... 悶咗啲喎👉🏻👈🏻 呢日難得兩老有興趣，就齊齊去試吓新嘢啦。餐廳以開放式設計，而 buffet bar 就擺喺室內嘅位置，食嘢嘅時候唔會被攞食物嘅食客打擾，呢個設計都幾好喎。放題時間90分鐘，大家坐定定之後就開始出去攞嘢食，以$118嘅價錢，食物嘅選擇都唔少，#冷盤、#熱盤、#水果、#糖水 都有齊🤩 如果要我比分，我會推薦大家一定要食佢哋嘅 #炒蘿蔔糕、#素魚生，#蘿蔔糕 炒得好有鑊氣，蘿蔔味好濃好足料👏🏻👏🏻 點啲 #芥辣 同 #豉油 喺素魚生上面，味道幾可亂真，我直頭以為自己食緊 #魚生 呀🤩食飽飽最後嚟一碗 #海帶綠豆沙 同滑滑嘅 #椰汁糕 做結尾，真係冇諗過食素都可以咁滿足㗎🥳🥳

近期有點飽飽滯滯，於是去吃素食。 餐廳像是半開放式，因為他們是在商場內劃分一個位置用來作餐廳之用，沒有一般餐廳的侷促。可以選自助餐按人頭計劃吃小菜。 如果自助餐的話年滿65歲的長者更加有特別優惠， 例如晚餐118元一個人，長者只收88元。自助餐方面看見有一個餐廳侍應不斷在清潔餐盤上的蓋子，以免交叉感染，在疫情時，這個令人吃得放心。食物方面有湯也有素湯羹，冷盤方面有醃菜、沙律等，飲品有羅漢果水，普洱茶或雪梨茶。 有蒸包點，白米飯或粥。炸品方面也有六七樣選擇， 芋頭魚也在炸品之內，另一個較常見的春捲及咖哩角也有提供。我比較喜歡他們的炸品，每件分量設計比較細小，可以按自己胃口去選擇，減少浪費，每次供應分量不多，能保持脆口。一個大家一定要吃就是他們的叉燒，我初初看見叉燒有一點點黑色，還以為是焦燶的。 原來那些黑色是欖角， 味道帶一點鹹香，能增加叉燒的香氣。熱盤方面一定要吃咕嚕肉，甜甜酸酸之外，裏面的素肉也做得十分爽口。羅漢果水初時我還以為是非常甜，但入口是清甜的，感覺不錯。一般素食，大多是蠔油味或豉油味，但他們的熱盤我吃了四五款，發覺每款味道也有輕微不同， 的確是在每樣素食內加了心思。

平時都無食素的習慣，老公之前食過一次覺得唔錯就帶我來試一試。佢係比左錢覺入去食晚餐係$188（免加一），自助餐既形式，亦帶自選外賣$60一盒。熱飲、凍飲、沙律、熱食、炸物。 自己鐘意食咩就夾咩，食完碗碟就放去收集處。沙律吧有生果，沙律配菜，同一些餐前小食（涼拌青瓜、木耳泡菜）。凍既糖水有楊枝甘露，好足料。熱食有咕嚕肉，炆冬瓜素肉，麵食都好出色。對於我少食素覺得好新鮮，原來真係同食肉好相似。炸物有平時成日見到既芋頭魚， 腐皮卷，蘿蔔膏，炸春卷等等，依然脆卜卜，熱㷫㷫。佢亦都有熱既湯同綠豆沙，依個價錢，有咁多選擇，真係好抵食，大家都可以試下行下green day。

今日預祝母親節🤣，約了媽媽按摩後，再和她到黃大仙吃素，媽媽不太嗜肉，希望她滿意今次的安排呢😋日常素食的位置就在商場2樓的尾端，自成一角，環境清幽。店內掛上風景畫，佈置簡單清幽，環境舒適。店內的食物選擇繁多，有沙律、糖水、各式各樣的煮食和炸物等等，非常豐富。菠蘿咕嚕肉在眾多熟食中，菠蘿咕嚕肉跑出🤣簡簡單單的素肉，令我吃得安心😚味道和街吃的實在沒兩樣！芋頭魚芋頭肉香，配上脆卜卜的外皮，正宗外脆內軟👍🏼🤤黃耳薑蛋媽媽最愛吃薑醋蛋，加上黃耳後，更有口感。蛋和薑很入味，薑亦沒有渣。甜品的選擇也有不少，有楊枝甘露、椰汁紅豆糕和杞子桂花糕等等。有杞子的香味和桂花，清甜又清新，好味。

每年都會去黃大仙廟拜拜神，之後就會食下素食。剛好去到黃大仙廟附近商場就有一間素食餐廳，仲可以自助式，餐廳起商場內不算大，食物品種還算可以。因為行左一日好口渴，見到有羅漢果茶，倒左杯試吓，味道濃濃的羅漢果，熱熱的，飲完感覺喉嚨舒服曬。仲有烏龍茶，好有茶香味。旁邊就放有素湯，雖然沒有肉類，但湯還是清甜的。雖然我對素食興趣不大，但偶然試試也無妨。素食離不開都係菜或模仿肉類製品。不過今次我比較鍾意食素蘿蔔糕，好多蘿蔔，味道好香。仲有飯後甜品紫米西米露，不會太甜。椰汁糕以及桂花糕都好好味。偶然清淡一點也不錯👍🏾

雖然香港近年多咗唔少素菜自助餐餐廳，但今次都真係第一次試平日晚上唔多人，有唔少都係中年以上嘅顧客，但座位闊落舒服岀去行咗一圈，食物選擇比想像中多，例如湯品都已經有三四款當中嘅粉葛甘荀湯我幾鐘意，清清地夠鮮甜，粉葛味岀有前菜沙律area，但生果可以再新鮮啲有炸物煮物，有較傳統嘅齋菜，亦有唔少年輕人啱食嘅餸我尤其鐘意一味炒淮山，炒得夠爽口，唔會過咗火喉素咕嚕肉亦做得唔錯，夠開胃仲有埋糖水、桂花糕，就連平時鐘意食肉嘅男朋友都好夠飽👏🏼👏🏼

之前食過日常素食嘅自助午餐，已經覺得入面食物款式好多，而且又好食，最重要嘅係仲要好抵食，所以今次就再過嚟食埋佢個自助晚餐，依然係大件夾抵食。除咗自助餐之外呢度仲會做小菜，都見到有好多人走來買外賣返屋企食。呢度就係冷盤佢啦，沙律，冷盤小食，仲有自家製嘅楊枝甘露自家製嘅糕點，好似午餐同晚餐都會有少少唔同佢嘅飲品好天然，飲得出係完全冇加糖熟食都有好多選擇，炒麵炒飯，咖喱都有，想飲熱野嘅話，有湯，羅漢果茶，亦都有糖水，仲有五寶素羹，好足料仲有我最欣賞嘅炸物區，呢度啲炸嘢真係好好食，食完完全唔覺得油膩，因為係全素所以覺得自己食得好健康，食完之後即刻飲番杯羅漢果茶，即刻覺得一啲都唔熱氣仲有港產雪糕食，呢度係豆腐味同埋雲呢拿味，雪得都好夠凍餐廳都好嚴格，非常留意客人，如果唔記得戴口罩出去拎嘢食嘅話我即刻衝過黎提你㗎

日常生活咁忙，間中食嘢都想食得清淡啲💚💛可以清一清腸胃，而且更加健康🥬🥦🥒一直都鍾意食菜嘅我，今晚決定全面食素🌽🥬而我都係第一次試素食嘅放題，好新嘅體驗呀！ 😙-今晚嚟到黃大仙嘅日常素食💚地點易搵又方便，而且喺商場入邊嘅露天餐廳，用餐期間感覺更開揚同舒服!📍-第一次食素食放題，價錢也十分合理💯而且選擇也有不少，有不同的款式選擇!‼️分別有前菜、不同主題、飯麵及點心類，任勻選擇!😍-我個人一直好喜歡食前菜，因此也試了很多不同款式🥢包括有雲耳、青瓜、酸菜及大白菜等🫒🥒🫑不同的味道可以滿足不同的口味呢，我最喜歡的是雲耳及青瓜!🥒而且更有水果同沙律選擇呀!🍒🍎🍇-在點心方面，有我最愛的馬拉糕呢!😆另外，食素當日有一些傳統的素菜，入面有我最愛的酸齋，好好食呀!😋另外，特別要一試素叉燒，無論外貌同味道都好似! 推薦大家一定要試!✅-當然仲有好多唔同蔬菜，可以試呢!🧄🫑🌶滿足唔同味道同口感，食素身的自助菜都一樣豐富呢🧄🍆🍅而且飲品方面仲有牌蜜雪莉! 又甜又岩飲!🍐記住要飲呀!-簡單又滿足的一個晚上!💚💛打開對食素的一個想法同嘗試!如果想試下唔同食物，值待得一試，無論對腸胃同環境，都多一個選擇呢!💚💛💚

每逢初一，十五都會食齋，所以會搜尋啲唔同嘅素食餐廳去試，今日嚟到黃大仙中心食素食自助餐。餐廳環境裝修簡潔，乾淨又企理，晚餐價錢$118，有90 分鐘用膳時間，選擇都幾豐富，性價比高。沙律bar 有沙律菜，泡菜，粟米，蘋果沙律等，涼拌青瓜雲耳等，仲有水果，楊枝甘露。熱食大概有20款左右，每款食物味道都唔錯，蘿蔔糕，腐皮卷，炸春卷，都炸得好香口。咕嚕肉都唔錯，炸到脆卜卜，個汁味道都調得幾好，甜甜酸酸，可以媲美真正嘅味道。另外，第一次食素豬手，估唔到又幾得意，外層亦做到豬手膠質嘅感覺，口感咁都幾相似。蔬菜方面就有干煸四季豆，紅燒茄子豆腐，萵筍炒淮山，羅漢齋，菜心扒豆腐，翠玉瓜炒雜菌等，萵筍爽口清甜，菜心亦夠幼嫩。另外，仲有炒麵炒飯等，豉油王炒麵亦炒得幾有鑊氣。仲有碗仔翅亦值得推介，內裡有木耳絲，冬菇絲，腐皮絲等，口感濃稠，同平時食嘅碗仔翅味道都好相似。甜品有椰汁糕，桂花糕，楊枝甘露，馬拉糕，炸蛋散，紅豆沙等，款式都幾多。最鍾意食椰汁糕，椰汁味香濃，馬拉糕質地亦夠鬆軟，蛋散啱啱炸起，熱辣辣都唔錯。而楊枝甘露亦都唔會太甜，西米亦夠爽口。

極少去黃大仙，也不常吃素菜，不過這一天，我就難得地來到黃大仙，也吃了一頓日常素食。多時沒來黃大仙，原來黃大仙廟附近起了一座黃大仙中心北館，這商場新簇簇的，地方也不太細，不過就只得幾層，這名叫「日常素食」的素菜館正位於商場最上層的其中一邊盡頭處。我吃的是晚市的「素食自助餐」（$118），不用加一，用餐時間是90分鐘。這素菜館的素菜頗為大路，沙律、炸物、齋鹵味、素湯、各式素菜熱盤、甜品等都有。在這晚所吃的菜式中，我最喜歡的要算是像真度不低的「素刺身」、「蓮藕豬手」和「菠蘿咕嚕肉」。在三款「素刺身」中，「三文魚」和「吞拿魚」的口感都十分軟滑，蘸點青芥末和醬油，很好味呢！至於「蓮藕豬手」，爽口的蓮藕無非配角，口感酷似真正豬手的素豬手才是主角，口感好，味道也好，讓我不禁叫好。「菠蘿咕嚕肉」的咕嚕肉像真度也極高，配以菠蘿與青紅椒，伴以酸甜開胃的咕嚕茨汁，是另一好味之選。這裡的炸物也做得不錯，香口得來味道也能令人滿意，至於其他熱盤菜式，好像「傳統羅漢齋」、「茄子豆腐」、「鹵水豆腐」、「咖喱薯仔」、「四川回鍋素肉」、「金針雲耳素雞」、「炒三絲」、「四季豆」等，選擇雖不太多，而且味道也未沒有素豬手和咕嚕

九龍東近地鐵站的素食自助餐只有這間，之前約朋友星期六中午，十分多人，是晚平日星期五，不用排隊，位任揀。樓底商場高度，不會有壓迫感。食物選擇有我喜歡吃的就足夠！首推素叉燒，很快被人夾晒咁滯其次蛋散，有餘溫，自家製的第三，碗仔翅，仿真度高; 胡椒豬肚湯，我至愛另外，杂粮糕幾好食有生果區，夠健康。甜品有熱有冷，夠細心，是晚有南瓜西米，不太甜。食素者，不好自助餐的可以散叫三餸兩餸, 小菜，簡直是初一十五食齋人士嘅救星食完記得自己收拾碗筷。呢度提供埋餐紙巾，做到足！