日日香鵝肉飯店 (淘大商場2期)

营业中

休息中

自己呢排都幾鍾意嚟呢度食飯，因為佢嘅滷味、鵝肉真係幾好食；我哋午餐例牌都會叫豬手飯，同埋特選滷味飯。60幾蚊，包埋飲品，午餐來講算係幾唔錯。餐廳亦都特別強調嘅滷水鵝係最招牌。每一碗豬手飯，都會有除咗豬手，亦會有滷水蛋、豆腐卜、同埋酸菜，豬肉切得圓轆轆，味道亦都醃得幾香。飯亦都好大碗。午市套餐加$9，可以飲到呢一個鵝骨湯，我覺得餐廳都幾聰明，識得將鵝骨發揮係一個更加好嘅用途。鵝骨湯唔鹹，少清香。朋友叫咗呢個特色滷味飯，特別鍾意係佢嘅豬大腸，多膏好食，碗飯熱都幾大碗，再加埋佢啲豬腩肉，係幾唔錯。

🍴日日香-開心鹵味餐 入冬總是喜愛有點飯氣下肚，相約友人到淘大吃開心鹵味餐，步入餐廳前看到師傅豎起大拇指表示自家出品的鹵水食品頂呱呱，逗得客人十分開心。和友人選取了店中「開心精選二人套餐A」，套餐包招牌鵝肉（例牌）、任選小食兩款、滷汁油菜一碟、原盅老火燉湯兩客、頂級泰國香飯兩客。📍 原盅老火燉湯-是日燉湯是玉竹沙參燉竹絲雞，燉湯內有烏雞、瘦肉，真材實料熱辣辣，喝了相當暖胃。📍 招牌鵝肉（例牌）鵝肉份量不少，肉質嫩滑，滷汁香濃，有有濃濃的香料味道，讓人回味無窮，下飯一流。📍小食雙拼豬耳拼豬手 - 豬耳皮Q彈，滷得入味，軟骨位爽脆，是美味的小吃。豬手稍為帶點肥肉，豬皮軟糯，蘸一點醋吃會更開胃。📍 滷汁油菜生菜保持翠綠爽口，加了滷汁的生菜會比平常的蠔油生菜更清甜可口，感覺會輕盈一點。🔸小總結：餐廳舒適好坐，食物份量充足，且價格相宜，值得回訪。👅 味道：4.7/5💰CP值：4.8/5🕴🏻服務：4.8/5🔰餐廳環境：4.8/5👀回頭率：4.75/5🍽 餐廳：日日香鵝肉飯店🌐地址: 九龍灣牛頭角道77號淘大商場二期地下G254號舖

遠遠見到「鵝」招牌，餓餓地趁三點三入去Tea一Tea！原來滷水飯套餐下午茶有88折，幾抵食🤩！滷水雙拼飯黎到鵝肉飯店，一定要試試鵝先啦🤣！揀咗鵝肉拼鵝腎😍！套餐配埋滷水蛋、豬肉條、豆卜、甜酸菜、時菜！真係豐富到震🥰！仲以為姐姐送錯食物Tim😂!鵝肉肥瘦均勻，滷得入味👍🏻！鵝腎有嚼勁！滷水鵝片飯鵝片另上唔怕浸到淋，好窩心❤️！鵝片啖啖肉唔韌，做得不錯！飯可以轉米粉、瀨粉、河粉！套餐仲包埋熱飲☕️

今日睇完醫生就同左BB去食滷水鵝，平時都好多人排隊，可能今日比較晏所以就唔使排隊可以入座啦✌🏻呢度好好枱面已經有點滷水用嘅酸醋，同埋已經有滷水汁喺度，如果自己想點醋嘅話可以自助安排👍🏻我哋叫咗二人超值套餐A （$228）🥙滷水小食兩款-有幾款選擇我哋揀咗鵝腎同豬手😋鵝腎—-好入味勁有咬口，份量都好多😋豬手—-豬手就好似燻蹄嗰啲咁，好香滷水味，切得好岩一口一片🦢滷水鵝肉—-好大一碟嘅鵝片，切到厚薄適中，食到鵝肉嘅質感而又唔會有柴口😋😋🥬滷汁時菜—-滷水汁配菜心其實都好啱味，同埋枱面都有如果唔夠可以自己加滷水汁🍵原盅老火燉湯—-蟲草花燉烏雞，足料好味熱辣辣🐷滷水豬大腸—-大腸好林，又入味唔會好肥🦢滷水鵝紅—-限量推介，鵝紅口感比較煙韌，有好入味好好食

經過聞到好香滷水汁味，又見到門口掛住d 滷水鵝好吸引，就決定試下！叫左個好抵食既2人餐，包括1份招牌例牌鵝肉，自選雙拼小食，油菜，燉湯同埋2碗香飯～非常飽足既一餐！❤招牌鵝肉 雖然係例牌但份量都好大，啖啖鵝肉索晒d滷水汁好入味️🧡滷水小食 跟餐既小食可以揀鵝腎 豬大腸 豬耳 紅腸 豬手 同埋豬腩肉當中2款，揀左紅腸拼豬腩肉～豬腩肉好肥美，點埋滷水汁更香～💛燉湯 湯料有桂圓 蟲草花 瘦肉 烏雞等等既材料，無味精夠健康，好甜好滋潤

突如其來好想食鵝肉！朋友介紹呢間餐廳！餐廳有幾間分店🤪我地就去左淘大呢間！餐廳裝修幾新穎 感覺好cyber😂睇餐牌覺得價錢合理😆我同朋友2個叫左個二人套餐A😍上曬菜後覺得好抵！一來份量好夠！連招牌鵝肉都夠曬大碟🤩雖然係套餐 但小菜同油菜都係誠意之作！鵝肉好香濃 唔鞋口😆肥瘦均勻🥰好好味❤️絕對可以一解想食鵝肉既慾望😇小菜點左豬大腸同鵝督都好好食！另外想讚個老火湯！足料又夠火喉！食得岀冇落味精😆配合埋佢個油飯 今餐又飽又暖笠笠又滿足🥰

呢間每次經過都會聞到好香既滷水味，決定入去試一試！揀左下午茶去食，仲有88折添～！叫左兩個雙拼餐，一個係鵝肉鵝腎飯，鵝肉份量意外地多！🤤一d都唔姑寒喎，一排既肉，食落一d都唔韌，鵝腎就十分爽口，兩樣都好入味，有滷水汁應有既香味，唔會得個咸字，係幾唔錯！另外就叫左一個鵝腸墨魚，轉配河粉。鵝腸同樣有好香既滷水味，爽口易咬，墨魚就片到好薄，都係偏爽口彈牙既口感，而湯河都唔錯，唔會係味精湯，份量都好足👍🏻之後仲加左一碟豬大腸，夠入味，不過不失～另外仲有佢既配菜，酸菜同豆卜都係好正😝😝下午茶黎嘆滷水鵝係幾唔錯既選擇，抵食👍🏻

「日日香鵝肉飯店」開咗好多分店，淘大都有一間，今晚去試吓～ 滷水鵝片飯 $75本身想叫粉麵的，但係店員話5:30pm已經賣晒，認真好賣👍🏻 唯有叫飯～ 滷水鵝片有六至七片，好大片😍 肉好滑，味道好好👍🏻 沾上醋食更好味👍🏻滷水雙拼飯 $75雙拼叫咗鵝肉同豬耳，鵝肉係有骨嘅，味道一樣好😋 豬耳好爽口入味👍🏻原隻帶骨豬手 $68豬手叫咗帶骨的，皮比較多，肉唔算多，如果想食肉的，應該叫無骨豬手比較好，店員話係好似燻蹄咁～油菜 $24新鮮～ 柚子蜜/ 凍檸茶夠大杯～下次去要試粉麵呀～

今日食鵝，位於淘大的日日香鵝肉飯店，門口好sharp 好吸引。我哋食左開心精選二人餐，二百零蚊有成 set ，計落其實好抵。招牌鵝肉例牌鵝肉，份量都唔少。鍾意佢啲鵝肉唔太肥之餘，亦好有鵝味。滷水汁好香，鵝肉有口感，不錯！小食 - 鵝腎、豬大腸、豬耳、紅腸、豬手、豬腩肉之中可以任揀兩款。我哋揀左豬耳同鵝腎，豬耳肉嫩軟骨爽脆，而鵝腎就入味又有口感，仲有兩、三件豆卜墊底，作為兩人餐的小食嚟講，都幾大碟。原盅老火燉湯 - 蟲草花元肉竹絲雞湯燉湯味濃，而且夠多元肉好清甜。天氣忽冷忽熱，飲下蟲草花燉湯增強免疫力就啱晒套餐仲包油菜同白飯，加 $8 有冷熱飲品，柚子蜜同凍檸樂都可以，超值。二百零蚊有咁多嘢食，座位舒適，環境衛生服務又唔錯，值得再來。

🦆日日香鵝肉飯店🦆📍:九龍灣淘大商場二期地下G254號舖⏰:11:00am-10:00pm💰:人均$100-$150(不設加一)⭕️:現金、Alipay-開心精選二人套餐A- 💰228🌜招牌鵝肉(例) 🌜任選小食(兩款)🌜滷汁油菜 🌜原盅老火燉湯(兩客)🌜頂級泰國香飯(兩客) 🌜椰汁紅豆冰+$8🦆鵝肉皮薄肉嫩 唔會好肥 有肉味 食落都啖啖肉架 滷水汁唔會好鹹 如果覺得唔夠濃味既話 旁邊有滷水汁可以加😚亦都有醋可以落 最鐘意鋪起底既豆腐卜 索晒啲滷水汁好入味 鵝肉份量一啲都唔少 大約有十至十二件🤣🥢小食我地叫左豬腩肉同埋鵝腎 仲有好強款式可以揀架 有豬手、豬耳、豬大腸 豬腩肉少少肥 脂肪均勻 豬肉有咬口 啖啖肉 撈飯一流👍🏻鵝腎好爽口 容易咬開 幾鐘意呢個！🥬菜都有三種款式 菜心、芥蘭同西生菜 我地簡左西生菜 好大碟 好淋 滷水汁好入味🥣燉湯好足料 有烏雞、蟲草花 無味精 好濃味😚🥛我地叫左兩杯椰汁紅豆冰 紅豆好軟淋 撈埋椰汁飲唔會好甜 唔錯👍🏻🌟餐廳好光猛乾淨 枱與枱之間距離都好闊 坐得好舒服 講到明係鵝肉飯店 裏面嘅食物當然係圍繞着鵝 鍾意食鵝肉既可以試吓 味道唔錯 價錢唔貴 外賣更

星期六係淘大行完街肚仔餓,見到門口掛住d鵝肉好吸引,於是就走入去食日日香原來下午茶時段仲有88折優惠!好抵呀來到日日香當然要必食鵝肉啦,於是我們點了一份滷水鵝片河粉，一份滷水雙拼鵝肉、豬腩肉瀨粉滷水鵝片河粉河粉同配料分開上的，呢樣幾抵讚，唔怕浸淋左d 肉或者配料，鵝片切得薄薄的一層，食多多都不會膩，再加埋滷水蛋，豆卜，酸菜配河粉，好快可以食完，而且河粉本身的湯底比較清淡，因為配料有味道，所以我覺得剛剛好滷水雙拼鵝肉,豬腩肉瀨粉瀨粉比較硬，鵝肉都不錯，不過鵝片會更勝一籌，豬腩肉好入味，薄薄地肥瘦均勻👍🏻老闆都好有自信隻碟寫住”一輩子吃不膩”,無可否認鵝肉真的不會膩，可以繼續食。

淘大超多野食，但想食潮州菜真係唔知係邊度，好在新開左間潮式飯店！蟲草花瘦肉燉竹絲雞湯足料原盅燉湯，入邊有埋龍眼肉等配料，原價都要$50，味道濃郁真材實料！凍冰冰飲個熱辣辣嘅燉湯，好養生暖胃！套餐有兩款小食選擇我哋要左豬耳仔👂同豬手，豬耳仔爽口，又唔會好多肥肉！鵝肉飯話明鵝肉飯店一定要食鵝肉，個秘製滷水汁係成傳六代！非常入味，其實未入舖頭已經聞到好香！識落又唔會太咸，反而滷水味道層次豐富！鮮嫩菜心，分量剛剛好夠兩個人！好開心淘大終於有好味潮菜食！

響深圳好耐以前食過，今日嚟到九龍灣終於可以試下。我哋每人都叫咗一款碟頭飯,分別係鵝片飯同鵝肉鵝腸飯, 另外亦叫多咗鵝翼同紅腸，跟飯加多左個菜心。食物嚟到嘅賣相十分之吸引,鵝肉嘅份量都為之多。更加上有唔同嘅配菜譬如蛋,豆卜,酸菜等等。鵝片鵝肉十分鮮甜嫩滑, 食得出鹵水汁非常入味, 而滷水汁唔係淨係單單甜味食得出佢裏面有唔同香料味, 唔會好快食膩。鵝腸好爽口，份量又多。餐廳嘅姐姐服務亦都好好👍紅腸同鵝翼分量超級大份, 特別係 鵝翼唔係只係得骨,佢有好多肉響上面可以慢慢"選"建議可以一家人嚟呢度食一齊分享唔同食物，呢個質素，絕對抵食！

最近呢間日日香鵝肉飯店開多咗好多分店，今日過嚟淘大攞啲嘢俾朋友，所以就約咗嚟呢度嚟試吓。原來呢間日日香係專賣獅頭鵝，記得阿媽講過獅頭鵝係貴好多，今日有機會試吓有咩唔同。二人套餐相對地抵食又夠豐富，所以我哋就揀咗A餐。原盅老火燉湯憑着佢嘅顏色已經睇得出真材實料。入面有烏雞、桂圓、蟲草花煲瘦肉，非常滋補又夠養顏。招牌鵝肉雖然只係例牌，但份量一啲都唔少，而且佢嘅肉質真係特別香同滑，肥瘦適中，再加埋下面有少量豆卜，配合佢嘅滷水汁真係特別好食。雖然我覺得原汁原味就已經夠好食，但枱上面仍會放着醋同滷水汁，鍾意濃味啲嘅可以再自行調味。餐廳內嘅電視仲會播放住建議食法，跟住佢食就更加食得出潮州風味。套餐可以自選兩款小食，我哋就揀咗豬手同豬腩肉，豬手切成厚片，令口感更佳；而腩肉嘅選材肥瘦分明，加上用滷水烹調後令腩肉變得更加鮮味。白灼生菜亦都加咗滷水汁，味道唔會太寡亦唔會過鹹。滷水鵝就一定要配白飯，真係忍唔住清晒成碗飯！

今日約咗朋友係淘大呢頭食晏，以我既認知鵝肉不嬲都係家禽類之中相對比較貴，但見到呢間既lunch都幾抵食，一於入去試下👍我叫左鵝片飯跟例湯，朋友叫左雙併鵝肉墨魚瀨粉飲熱齋啡～例湯係鵝骨湯，加左啲桂圓肉味道鮮甜，感覺幾滋潤👍 跟餐加$9好抵飲👏我既鵝片啖啖肉，肉質超嫰滑，滷汁夠入味，好好食！😱 係我食過最好食既鵝肉！！！個飯有好多開胃配料，豬肉捲彈牙，甜酸菜同鹵水蛋撈飯食一流😋😋朋友嘅鵝肉都好好食，嫩滑多汁，只係皮肥咗少少，墨魚彈牙，瀨粉同樣夠滑兼彈牙👍👍呢個價錢食到咁高質嫰滑既鵝肉，性價比非常高！！