日日香鵝肉飯店 (和富中心) (已結業)

上次吃過紅磡店,今次經過和富中心見到又心癢癢就走入去食,由於鋪頭喺地庫,人唔算多,坐得非常寬鬆舒適。我哋二人叫咗一個獅頭鵝皇飯同獅頭鵝肉飯,仲加多兩杯飲品。獅頭鵝皇飯好豐富,有鵝片、鵝肝、鵝腸、鹵豆卜、鹵水蛋…希望冇數漏,用一個大碗載曬咁多材料,睇見就流曬口水。我叫嘅獅頭鵝肉飯,分別就係冇咗鵝肝同鵝腸,真係覺得有啲遺憾。首先冇得食好爽口嘅鵝腸!又冇得食潮式鵝肝! 雖然鵝肝size唔大,但係做得唔錯。可惜我心裏面仍然念念不忘想當年喺潮州食嘅鵝肝,入口溶化不油不膩嘅鵝肝,同西式煎鵝肝嘅方法不能相提並論,好神奇嘅口感,真係食到有飄飄然嘅感覺!好似太誇張㖭,總之暫時香港都未揾得到。一邊食飯一邊見到旁邊嘅電視不停loop謝霆鋒同楊千樺,講佢地去食呢間鹵水鵝嘅節目片段,仲有大大嘅poster,寫住"澄海鹵",係國家非物質文化遺產喎!我諗呢間鋪頭喺國內真係唔惹少,香港仲有好幾間分店。呢間舖頭諗到用碟頭飯嘅形式賣鹵水鵝,經濟實惠,啱曬我呢啲有時想食鹵水鵝,又唔想買半隻咁多嘅人。整體食物水準真係唔錯,如果唔係我都唔會番食其他分店啦。

食開呢間餐廳嘅鵝片飯，味道唔錯鵝肉鮮味。今日心血來潮轉左鵝肉飯，碗飯嚟到發現啲骨仲多過肉。最大問題係啲骨斬到碎晒，食鵝肉每一啖有骨碎不在話下，啲骨碎仲要跌晒落碗飯入邊，每食一啖飯都要拎返啲骨碎出嚟，實在同佢餐牌入邊嗰幅相差好遠。最後同待應反映嘅時候，我都忍唔住問佢：「請問我呢碗係鵝肉飯定係鵝骨飯？」佢話鵝肉飯就係咁嘅，唔想要骨就叫鵝片飯。當個侍應咁樣解釋，就知道依間餐廳冇諗住改。平時食開都滿意，但今日實在唔太好彩，最後趕時間連飯都食唔飽就繼續做嘢。建議叫鵝肉飯套餐前要諗清楚

5月7日中午去到和富中心地庫商場找東西吃，看見日日香這名字很有趣，之前見到這店的時候想幫襯，只是因為去購物沒有時間。今天點了午餐無骨豬手飯，鵝片飯 。份量適中食了味道很好，最有驚喜的就是配菜有炸魚條，半隻蛋，青菜及鹹酸菜，覺得很用心機去做。人客不多，但招呼很好，我會再來的。

同屋企人撐枱腳，於是就去咗屋企附近嘅呢一間餐廳食飯，有一個好抵食嘅二人套餐都只係$288！呢一度嘅滷水拼盤真係好好食，燒鵝髀啖啖肉，而且呢度嘅滷水汁非常之香，唔會係好鹹嗰隻！滷味拼盤仲有豬腸，豆腐，滷蛋，紅腸，真係非常之豐富，用嚟送飯真係一流

跟朋友黎到北角搵食，佢好燒味，所以黎咗呢間專食鵝嘅。感覺都幾新鮮。由於唔想諗嘢，所以隨便揀咗兩個有鵝嘅套餐就等食了。先上滷水鵝脾瀨粉，賣相相當唔錯，上碟時亦有陣陣燒味味，令人食旨大動。為方便食，師傅已切件，易夾。食落無想像咁韌，皮有啲脆，頗有驚喜。旁邊仲有豆腐豆卜同埋蛋呢啲滷水嘢解下膩，幾好。再上特級滷水鵝皇米粉，有鵝片鵝腎鵝肝鵝腸鵝蛋，真係俾你試齊哂。自己麻麻地肝腎呢啲食落好粉嘅，但一場黎到都試下，佢比想像中實啲，啱我呢啲驚粉嘅人。鵝片相當腍，有驚喜。最驚喜係鵝腸，勁爽又彈牙，忍唔住一條接一條咁食。呢間份量頗多，所以唔好俾價錢嚇親，佢堅足料！

今日去左北角staycation 咁就試下係酒店附近既一間潮洲鹵水鵝專門店 日日香鵝肉飯店去到伙記態度好nice 唔會好似一般茶餐廳粗聲粗氣,亦好快serve你。點左兩個人氣好高既金牌鹵水鵝片飯同一個 招牌滷水鵝髀飯 本來勁想食瀨粉 可惜去到2點到已售罄😔想食既朋友記得早少少去食啦!貌似黯然銷魂飯既兩碗飯出場!份量好足 賣相吸引 先講下個鵝片飯,最鐘意佢薄切又來又唔會太多肥肉同脂肪 好嫩口 唔會駭 鹵水亦醃得好入味 !😋配搭既酸菜亦非常出色 平時唔鍾意食呢d野既我亦清哂 酸酸甜甜好開胃 隻鹵水蛋亦好入味!另一個招牌鵝髀飯,成隻鵝髀好大隻 成個飯就算係男士食都好夠飽 髀肉亦相當嫩滑 皮薄餡靚 皮既油脂分配岩岩好 唔會太油 有驚喜!餐廳亦有好多鹵水鵝拚盆 咁刁鑽嘅部位都有 岩哂鍾意食鵝既你 就算我平日唔算多食 今次都覺得物有所值 好滿意既一餐😁😁

呢度下午茶餐都抵食... 50幾蚊左右! 我叫咗鹵水豬手飯... 豬手有六片... 鹵得好入味... 伴有菜、咸酸菜、鹵水蛋... 最愛咸酸菜中和豬手本身肥膩... 特別開胃!😋😋😋

工作後在北角和富中心商場行街，在商場地庫又被我見到這間“日日香鵝肉飯店“，上次食過一次真令人忘懷。這店真材實料， 並不是與一般的餐廳一樣鴨肉當鵝肉賣！ 聽聞這是國內著名的潮州鹵水鵝肉店 ，作為最受歡迎的滷鵝餐廳，日日香鵝肉飯店每個月接待食客超過十萬人次；將鵝肉也變成非物質文化遺產是這裡的特色，價錢豐儉由人外賣還有八八折呢！招牌滷水鵝肉飯鵝肉皮脂分佈平均， 鵝肉嫩滑喜歡咬骨的人最啱，加埋秘製的白醋汁更添惹味。金牌滷水鵝片飯大大件鵝肉分量足，裏面仲有滷水蛋、涼拌鹹酸菜、豆付卜……鵝肉片皮爽肉嫩滷水味濃郁。加＄18便可品嘗滑滑的鹵水豆腐，美味無窮。加$38有原盅茶樹菇燉湯，湯料豐富用了杞子及藥材淆製，熱辣辣味道清甜！想吃得清淡一點可選擇菜遠湯粉， 有米粉、 瀨粉、河粉可供選擇。最後來一客鹵水汁時菜 ，簡單新鮮又健康。

北角和富商場新開左間潮式飯店，係非物質文化遺產，澄海滷，好似幾正就入去試下！叫咗個二人餐！$228任選小食2款要約豬手同腩肉，腩肉肥瘦均勻一層肥，一層！哈哈，我朋友話個精粹係豆腐卜，因為索晒啲滷水汁！招牌鵝肉（例）滷水鵝個汁真係一流，係我食過最入味嘅滷水鵝！食到停唔到口！色香味俱全！滷汁時蔬可以選擇菜心、生菜、同介蘭，選左菜芯，菜芯夠甜同淋！原盅老火炖湯燉湯好足料！夠鮮味！味道未到冇得彈，晚飯好選擇！

今日夜晚放工嚟到公司附近位於北角和富嘅日日香鵝肉飯店，其實之前中環食過一次，喺銅鑼灣希慎廣場又見到已經好想試，只係好多人排隊無機會，今日見到仲有位就即刻入咗去食。交通尚算方便，巴士同地鐵都係行5分鐘內就會到。環境都十分乾淨，非常值得一提嘅係餐廳本身嘅設計非常用心，有好多燈牌做裝飾，而且風格一致，整體感覺好似真係地道嘅滷味，氣氛感覺幾好，再加上侍應禮貌都幾親切，加分！最後睇完餐牌，決定試下個二人餐！佢包兩個小食，兩碗例湯，兩碗飯，一碟菜，野飲加$8，同埋佢地最有名既鵝肉！！都好抵食個餐。整體黎講，可以話好有屋企飯既味道，而且味道唔會太重，因為我通常都好怕出街食會太咸，但呢到剛剛好。佢最好食一定係鵝肉唔使講，肉質鮮美多汁，同埋感覺好新鮮。整體黎講我會俾90分，值得一試，而且我會返去再食😝

記得第一次食日日香鵝肉飯店是在銅鑼灣的時代廣場food court，估不到連北角和富也有分店。今日前來北角探朋友，邀請她一起晚飯，試一吓新店。滷水鵝脾飯招牌滷水鵝必食。鵝脾位置皮薄，沒有多餘脂肪，肉質軟熟。滷水汁恰到好處，不會太甜膩，建議再蘸少許白醋汁，更顯滋味。配菜有蛋，豆腐…..非常豐富。好喜歡咸菜的配搭，另口感上有層次。見隔離枱的一位伯伯正在吃滷水鵝皇飯，有鵝肝，鵝腎，鵝片….不同部位，相當吸引，下次我也要試吓。

心血來潮想食滷味，諗起朋友介紹過和富薈呢間餐廳。果然有質數，有水準。「特選滷味飯」大大碗．餸料樣樣有d豬大腸．紅腸．豆卜．滷水雞蛋特別喜歡 豬腩肉，口感唔肥膩，有啲似豬手嘅質感，好正「招牌滷水鵝肉河」鵝肉同湯河分開上，唔會令味道變淡，鵝肉好夠份量，連菜心都好鮮嫩。仲有豆卜．酸菜伴碟「鵝骨湯」同一般例湯好不一樣，加入鵝骨一齊煲，味道更香更濃郁。跟餐只係+$9, 認真抵飲👍🏻愛吃鵝肉的...一吃就比較得出，下次一定再嚟。

我最喜愛的滷水鵝店最近於家附近開設分店，立刻興高采烈前往餐廳裝修新淨企理，用料及色調都恰到好處有兩款開心二人精選套餐供應，A餐$228可以任選小食兩款、例牌招牌鵝肉、滷汁時蔬、原盅老火燉湯及頂級泰國香飯小食豬手份量十足，煮得很淋！腩肉肥瘦勻稱招牌鵝肉用的是汕頭澄海的獅頭鵝，堅持每天用新鮮現調滷水滷出來的鵝肉多汁又鮮美，甘香而不膩配上特有的滷汁或者蒜泥白醋，爽口不油膩滷汁時蔬吸滿了滷汁，非常軟嫩原盅老火燉湯沒有味精的肆虐，打後幾小時都沒有口渴頂級泰國香飯口感軟糯，飯味濃郁三檸可樂只需加$8還有無糖選擇

朋友聽聞呢間食滷水嘢幾好味，專登約埋我一齊試下特選滷味米粉 $64有豬大腸、豬腩肉、紅腸、滷雞蛋、豆卜，啱晒我呢個三心兩意嘅人，唔使左諗右諗滷水雙拼米粉 $75朋友雙拼揀咗鵝肉同墨魚片，原來仲會跟埋豆卜、魚片、滷雞蛋同酸菜呢度嘅滷水嘢味道好正宗，滷得入味，豬大腸冇乜肥膏，口感爽滑，豬腩肉睇個樣好似好肥咁，但係食落去唔會覺得好肥膩，重點係唔會有陣臭豬味🙊鵝肉肉質嫩滑🤤，墨魚片好爽口唔會好似食擦膠咁👍🏻米粉又夠爽口下次黎要再試吓佢嘅鵝片先💥

日日香鵝肉飯店，心血來潮想食鵝但又唔想去太遠，公司附近有一間幾正宗既潮州滷水，放工同家人食左個二人餐。個餐包左: 招牌鵝肉，滷汁時蔬，茶樹菇鵝湯(2盅)，兩碗客飯，小食拼盤自選兩款(豬耳、豬手)招牌鵝肉好美味，一啲都唔油膩，厚薄適中，肉質滑有油水，唔會乾同鞋口。小食選左豬耳同豬手，雖然話係小食但份量比想像中多，豬耳係超級爽!!索索聲! 豬手啖啖肉，唔膩亦唔漏，送飯一流。仲有配菜豆卜，浸左滷水汁食真係好入味開胃。菜有幾款，我地叫左滷汁芥蘭，餐廳係用芥蘭苗，新鮮嫩口又整得好淋好易入口，係街都好似食到家常潮州菜咁呀!茶樹菇鵝湯，火喉好夠，好濃味又足料，飲落仲好清甜，並唔係普普通通既例湯。黎到既話真係試湯好過飲飲品。不過因為湯太快飲完，我地最後都叫左一人一杯飲品，慢慢享受個滷水大餐。