日昇小食

营业中

休息中

呢排夜晚冇得堂食,有時口痕唯有食下街小食外賣🤭而早排經土瓜灣就試左佢地區內好有名嘅-日昇韮菜餅🤤.🌟($16/3 件)開係土瓜灣,絕對唔會坐地起價,價錢非常親民,而且非常高汁! 外表炸至金黃色,皮薄,咬落去係會爆汁(小心辣親🥵)見(圖二)韮菜量係非常多🤤 一食即刻停唔到口,特別係依家天氣凍凍地咁食仲正,難怪見區內街坊係半打/一打打咁買返去..🌟($20/3件)韮菜餅外另一選擇🤤係我再訪日昇小食時試,果然冇令我失望👍🏻都係皮薄多汁,啱哂各位‘茜’友🤟🏻.除左韮菜餅/芫茜餅外其實仲有好多小食,價廉物美,如果經過土瓜灣不妨一試👍🏻😋

土瓜灣黎講，呢間都算係好出名，有賣啲唔同既小食，每次經過都總會有一兩個人買緊，今次經過見到有芫荽餅，俾佢吸引左🤣默默地拎張廿蚊紙出嚟💸。🐒芫荽餅💰$20*3本身以為係大塊啲，但原來係細細塊既，好足料，芫荽控唔會失望，不過因為係半煎炸，有心理準備都幾油。另外我覺得入面中間位唔係太夠熱，如果再熱啲就應該會好正😋另外都有試韮菜味，不過就普普通通，值得一讚嘅係佢嘅料好足，同埋好juicy，$20有三舊來講算係咁

土瓜灣最好小食店！夜晚依然在覓食既我選擇落巴士後光顧這間小食店，這間小食店時常獲土瓜灣街坊力推。店員有兩個，我叫了一碗重慶酸辣粉，$36/碗加兩餸和一包紙包飲品。我叫了墨魚春卷和芝士腸作為配料，湯底小辣。其實這間重慶酸辣粉不算正宗，略嫌沒有麻的口感，亦不夠酸味，不是傳統川味味道。整體來講都是好味，夠辣，配料墨魚春卷好味，浸過湯後更為入味。芝士腸和粉條則不過不失，正正常常。下次還是會繼續光顧，宵夜之選。

🥟韮菜餃 • 🥟芫荽餃💰$16 (3件) • 💰$20 (3件)😈平時成日想經過就買日昇小食既韮菜餃🥟我今日接🐻收工就去買個🥟點知見到佢岀左芫荽餃😍我地都係茜人所以我就各買三件返去試下🤤不過好多人叫所以都要等多一陣😝一拎上手真係好香我地快快手揸🚗返屋企都仲係少少微暖💛但係一打開我地已經分唔到佢邊個係韮菜邊個係芫荽😂但食落就會知🥬想講下佢個皮真係做得好薄身但入面佢個餡係超爆餡同好足料😝食落仲勁香芫荽韮菜味🥟佢係用煎既方式去整呢個餃子🥟煎到好香口但咁多餡又唔會爆🤤建議大家要早少少黎買因為下午就會好快賣哂😢我見啲人都係大量咁買

今日黎到土瓜灣staycation見到呢間小食店就叫左幾樣野試下炸魚腐$12/3粒，係凍肉店買反黎的，普通d花枝粒$15/細份，大份就$22，感覺好似真係食緊魷魚腳禁呢個好味，後悔冇叫到大份黎食！最後個韭菜盒$16/3個，外面脆卜卜，裹面有濃濃的韭菜味，如果佢係裹面加少少肉，應該會更加好味，不過整體和個價錢都算唔錯。今次的vip我會比花枝粒，因為好似係大排擋食緊新鮮的炸魷魚禁！正下次如果有機會經過土瓜灣我諗我都會再光顧

話說屋企人買咗盒韭菜餅返嚟平時食譚佬都會走芽菜韭菜嘅我諗住咬一啖試吓點知停唔到口😂真係好好食🌟佢韭菜唔會有嗰種我最唔鍾意嘅草青味同埋好好好好好足料👍🏽價錢仲要好平 $16/3件

芫茜餅Price：$20 / 3 pcs📌繼馳名既韭菜餅之後，又新推出咗芫茜餅，作為一個稱職既芫茜黨黨員經過開梗係要試下🤪Order即叫即做，等大約10mins左右⏱芫茜餅熱辣辣，好足料撐到個餅漲卜卜🥳芫茜味好出眾，食哂3個都幾濟，成個口都係芫茜味好滿足🤤

-炸花枝粒 無影相簡單啲講炸魷魚 新鮮有咬口 唔係梅身個個粉漿做得夠薄身 但又唔會炸到甩哂粉上粉依一部份無返咁上下技巧炸出嚟會甩皮甩骨-鹽酥雞粒 都係無影相雞肉唔會太乾唔會炸得乾身-芫荽餅＋韭菜餅香口，皮薄，餡料比例幾好正正因為有啲肥膏粒所以個餅唔會鞋烚烚 咬落有汁

如果想食香口既小食，去日昇小食就一定冇錯。坐落響馬頭圍道，日昇既店面毫不起眼，亦都冇華麗既裝修，係一間樸樸實實既街坊小店。小食黎講，選擇都唔少，而且好味質素好，價錢又相宜。有招牌既韮菜餅($16 三件)，有芫茜餅($20 三件)，亦都有其他小食，好似魚蛋燒賣，炸花支粒，腸粉，雞翼尖，仲有有辣有唔辣既兩餸麵餐(都只係三十幾蚊)。今日因為唔係好肚餓，就買左芫茜餅同大既炸花支。炸花支係我時時都幫襯既小食，鍾意佢啖啖肉得黎炸得香口又唔油，$22蚊大大包，一食就食唔停口。芫茜餅有三件，充料又炸到脹卜卜，一個人清晒係有D多，但又忍唔住會叫。

喺關注組見唔少人討論過芫荽餅，所以唔順路都特登走咗過嚟買。去到睇睇，原來小食都有唔少選擇，有炸燒賣，韭菜餅，鹽酥雞等等。最後自己揀咗個酸辣粉，再試吓個芫荽餅。不過因為係買外賣，隔左成30分鐘先真正坐低食，酸辣粉已經太林🤣酸辣粉份量都唔少，同其他地方一樣，都係配左榨菜同埋肉碎，我自己就加咗魚肉同魚皮餃兩個餸，揀咗小辣。芫荽餅$20三個，都幾足料，脹卜卜，不過可能始終放耐左少少，所以標咗少少油。最後自己到咗啲醋黎點，個味道都幾正

📍日昇小食 (土瓜灣)土瓜灣馬頭圍道428號地下C舖芫荽餅😋$20/3件土瓜灣必食名店👏🏻平時我都食開佢地個韮菜餅😄咁啱今日又經過，竟然遇上佢哋最近推出嘅芫荽餅🍀我呢個芫荽黨黨員當然衝去試吓🥸由於即叫即煮，所以都要預返10分鐘左右先有貨☺️新鮮熱辣辣🤗件件都好飽滿😎芫荽味都算幾出😜整體都算OK🤗芫荽控可以一試嘅🙂但係同馳名嘅韮菜餅相比😆我都會揀返韮菜餅食🤣注意：疫情期間，無堂食🙂

呢幾日想懲罰黃店，於是就來到日昇買小食。相信住土瓜灣的朋友對呢間唔會陌生，呢間長期排長龍，原因係價錢平、食物質素ok和係💛店，而且款式都算多，我就買左炸燒賣、夜市鹽酥雞、爆花司華力腸和韭菜餅（無影到相食評留返下次寫）去試食，其他就留返下次再去試🤤..1️⃣日昇夜市鹽酥雞 $15/份 （7.57/10）鹽酥雞用得太少鹽，鹽味唔夠出，唔會厚粉，食落去都算脆身.2️⃣炸燒賣 $12 8粒 （7.65/10）特色係落左少少椒鹽做調味，價錢以而家黎講算平，圍返起都係$1.5/粒.3️⃣爆花司華力腸 $12/條 （6.54/10）見相有醬，可能太忙漏左俾醬😅司華力腸size正常，係稍為咸左少少

日昇小食係我上網搵野食嘅時候搵出黎嘅，見食評好吾錯，今日一於去買黎試下！試左佢好出名嘅韮菜餅($15/3個)，饀料飽滿即叫即煎，熱辣辣食超正。另外我叫左碗生菜魚肉($18)，叫完見佢整緊先發現原來有魚肉魚翅兩溝($20)，咁梗係兩溝更正更抵啦，唯有下次...🤣見到佢仲有好多小食，全部都好平，黎緊我會將我想食嘅逐樣試晒佢！😎😎😎

土瓜灣必食小店😉上次試過韭菜餅😇的確一試難忘👍今次就試吓其他小食😝黃金薯仔餅🥔$15/3件咖哩薯仔餡料，味道濃郁☺️即叫即煎，外層煎得非常脆口😝新鮮食，好好食😘椰菜木耳餅😉$15/3件比起韭菜餅的話，相對失色咗少少🙈不過味道都唔錯，餡料豐富😉可以一試😛墨魚春卷🐙$12/3件即叫即炸，唔太彈牙，味道尚可😁腸粉😛$8/4條普通腸粉，不過不失😎日昇小食 (土瓜灣)土瓜灣馬頭圍道428號地下C舖

係附近返工， 食過幾次終於記得幫佢影下相。小店馳名既 韮菜餅， 即叫即煎， 非常香口同脆， 本身我唔特別中意食韮菜都覺得幾好味。見小店有咁多平既小食， 就嗌多幾樣試， 生菜魚肉正常味道，不過好足料好多魚肉，咖哩魷魚同牛栢葉都好腍唔驚咬唔開， 加埋本身個咖哩辣汁幾惹味，而家仲有優惠， 魚蛋$5串 有8粒， 仲咁有心機畫得咁靚， 又平又好味， 值得再幫襯因為鋪面比較細， 得側邊少少位可以俾你立食， 一係就要買走， 不過啲小食又平又好味， 2個年輕老闆(?!)又有禮貌， 都幫襯得幾開心。