日昇車仔麵

营业中

休息中

其實通常食車仔面, 講求快, 3餸1麵是基本, 也有幾款set好既麵, 隨手選了牛腩, 辣魚蛋同蘿白, 麵選了粗麵. 好多地方既車仔麵個湯都會好重口, 但日昇則用上了幾清既湯底, 因為有叫牛腩, 也有少少腩汁. 而魚蛋唔係就咁加醬係面, 太多醬會整到個湯太漿.魚蛋彈牙, 牛腩入味, 蘿白清爽甜, 不過不失. 當係一個早午餐, 好夠飽!其實上次Yellowland 都有訪問過老闆, 但一時三刻無印象要叫什麼野食, 大熱天時簡單清清地食個麵, 個麵好快就食完老闆同熟客對答成為了車仔麵的伴菜, 老闆好記得熟客每次來都會點什麼飲什麼, 慚愧地今次係第一次去幫親日昇, 平時搵野食都會四圍去, 但地點搭車經過比停留多, 今次真係咁啱停到落來食個麵, 非常回味

如暴風一樣的兩天全日禁堂食,將全香港既餐廳迫向死角我們只能做的,就是用錢去支持小店即係去食飯,今日在太子午餐,GOOGLE到有一間港式車仔麵店價錢最便宜只要3種配料+一個麵底 即$6X3+$8,即$26就食得飽如果晚市外賣仲有得減一蚊添另外想貪心D,可以選招牌麵或一品麵都係由店家指定11種食材或7款其中呢度既牛腩真係好食,個腩汁一飲就知調校得好講返一品麵,有11款料,紅腸,魚蛋,生菜,豬皮豬紅,牛腩,鳳瓜,豆卜,蘿蔔,翼尖等等以牛腩最好食,仲有蘿蔔無渣清甜,仲有鳳爪,翼尖都做得唔錯呢最底消費3料+1麵 食材都做得用心,係好抵食既車仔麵小店同埋環境都好乾淨,冷氣夠凍,態度又好

太子區其實有好多黃店,未知是否租金相對便宜,所以店舖的裝修都會較簡單,今次來到一間專吃車仔面的小小店,老闆是一位好豪爽霸氣的男店主,聽他說話感受到聶風的威風,實在厲害~由於吃過下午茶,經過純粹支持,感謝老闆讓我只吃小食入內參觀休息。文宣好多,冷氣都夠,尚算可以。生菜魚肉湯  13元  3.5/5分生菜魚肉湯絕對是所有香港人小時候都一定吃過的街頭小食,其實我不是特別喜歡魚肉,但配上生菜和胡椒粉卻出奇地配合,所以今次食到一碗正宗的湯非常懷念。這個價位吃到我想香港絕無僅有。車仔面好平又大碗,我想好多人會過來試試,有緣再來一定支持車仔面,加油~

剛行過想食下車仔麵才去shopping! 我第一次幫襯，好有驚喜. 有時d車仔麵湯底過濃及咸，會得個咸字。不過呢間車仔麵店就幾唔錯，雖然舖頭細細，坐位不多，但地方算乾淨！食物方面，款式多選擇，味道啱啱好。好多車仔麵檔的湯底都太濃太咸，佢呢個湯底夠味得黎又清。此外，我最鍾意就係鹵水雞翼，鹵水汁較得夠味而唔咸。價錢係我最感到驚喜，五餸一米粉，加一罐無糖可樂，才$46！抵食之中佢嘅食物味道及質素都係好！一定會再幫襯！

有朋友約我食下午茶，咁啱喺太子，咁就喺附近搵吓有啲咩好食。見到日昇車仔麵好似唔錯，門口仲貼左唔少藝術品，就入去試下。食車仔麵好自然地就拎張車仔麵總揀自己鍾意食嘅餸啦，但係我今日唔想諗，見到佢有個已經配搭好嘅面麵招牌麵，有豬紅、豬皮、牛腩、雞翼尖、生菜，都幾豐富，就揀佢啦。首先講一講豬紅，好嫩滑，一啲都唔鞋，好似豆腐咁樣，火候啱啱好。而雞翼尖同樣唔差，煮之前有用咖喱腌好，好食。反而牛腩同埋魚蛋就較為遜色，牛腩鞋口，魚蛋冇乜味，扣左少少分。但總體來講$30食到呢碗麵已經收晒貨，買單加埋支可樂$40都唔使

以前成日周圍食車仔麵, 一係唔夠辣, 一係D餸冇味, 最近搬左黎太子, 決定同老公試下屋企附近呢間日昇。一黎到, 唔洗等位, 問伙記有咩好食, 叫我試下佢地個招牌麵同餃子, 話個麵30蚊有11個餸, 心諗 "咁多"?上菜速度快, 叫完5分鐘就有, 每款餸有幾件, 都幾好, 咩都有得食下。講到味道, 豬紅, 豬皮, 雞腳都幾入味, 蘿蔔都幾甜, 而D辣汁, 都真係幾辣HAHA。過多左陣, 餃子黎左, 等得耐過個麵一陣, 都幾好味, 足料~~最後真係要讚下杯凍檸茶少甜少冰(唔記得左影), 第一次飲, 都幾岩口味, 茶底唔錯!下次都會再黎食~ 老細幾NICE~

咁多年味道都係一樣。職員就越來越串喇。食麵叫來叫去都係呢幾款喇，從中學時期呢間就因為學生先黎。餃子排隊呀，無辦法喇。味道算街坊味道喇。但凍檸茶好難飲。。。未試過，所以都係叫紙包飲品算。

已經有兩年沒到此店享用車仔麵，晚飯時間途經就乾脆入去坐坐，環境如以往沒太大分別，但算是乾淨企理，叫咗碗一品車仔麵，裡頭的配料有 豬紅，蘿蔔，鳳爪，魷魚， 紅腸，豬腩肉，豆卜，冬菇，雞翼尖，生菜伴幼麵，味道不錯， 難得冷熱飲品同價，伙計還介紹咖哩辣椒味醬汁， 如果可以食得辣不妨試下，近門口位賣咖哩魚蛋，魚肉燒賣，還可以外賣。

立即Follow ig @itadaku_hk 每日速遞最真實飲食情報！——依間車仔麵店簡直係窮人恩物，小編們叫左好多餸都勁平，$35 樓下就有找啦。😋🤩😍 《四餸車仔麵連野飲》$32——小編點左勁辣魚蛋🍡、腩肉🍖、白菜🥦同貢丸，魚蛋有4-5粒，貢丸就2粒不過都好大粒，腩肉唔太咸，🥦菜就新鮮既，個碗勁大碗真係好足料🍜🍜，湯底一定要加辣汁同腩汁，就會好入味，👍🏻👍🏻🤤🤤🤤唯獨美中不足既係烏冬食落太過淋，唔夠咬口。 🤦🏽‍♀ 小編以前係太子果頭返學，簡直係學生飯堂，日日都黎食。今次真係食返學生時期既味道👩🏼‍🎓👨🏼‍🎓👩🏼‍🎓👨🏼‍ ——為食指數：7/10推介程度：7.5/10打卡指數： 6.5/10性價比： 8/10

哩間車仔麵我幫襯過幾次，因為一個字”平”，最平5蚊起，我每次點3餸一麵都唔會過30蚊，不過食物味道就不過不失，唔好有要求，唯一值得推薦係黑椒牛丸，好有黑椒味，純粹個人鐘意食

呢間位於太子嘅車仔麵店，相信好多人經過無數次都無入去嘅衝動！但呢間車仔麵價錢超抵食，質素不錯，款式都好多！點餐紙清楚列明每樣餸嘅價錢，可以選辣度同加腩汁。少有的是選烏冬都不用加錢！諗唔到食咩仲可以直接叫一品麵或招牌麵！$30 食到11個餸真係邊度搵？紫菜魚肉湯$12 魚肉無打過分嘅膠、有10幾條左右。超香麻油、淡淡胡椒粉嘅紫菜湯！雞翼、蘿白、豬紅烏冬 三餸一麵 $23雞翼有兩隻，煮得入味外皮是有煎過，羅白稔而甜，無浸糖水。豬紅都一樣入味。辣汁是辣魚蛋醬汁，惹味非常！兩樣野加埋$35 咋今時今日，邊度食到

學生時代十分喜愛食日昇車仔面，價錢平而且大大碗，著校服食仲免費送野飲，這次有事要黎太子，特意去食日昇回味一下當年的味道食車仔麺本人一向必食河粉，餸有腩肉、魚皮餃、同車麺必食的豬大腸， 因為晚上要打幾個鐘波，費事肚餓所以叫了加底，圖中可見大大碗河粉都只是$31，湯本身沒什麼味道，可是加腩汁令它惹味不少， 腩肉的調味剛好魚皮餃和豬大腸亦不過不失~衛生方面，對於車仔檔來說嘗算滿意，餐具有少少油也是意料之中...小結: $31吃到超飽，十分抵食

小妹前排同男友傾計得知他在中學時期常常光顧這家日昇車仔麵，所以趁今日放假就到此陪男友舊地重遊看看水準還在與否門面就是舊式車仔麵檔的模樣，沒有華麗裝潢，沒有新式電子收銀及餐牌一齊都如初，就一齊填紙仔畫幾多餸及要什麼飲品門外還有個外賣專用小食區環境是舊式，但衛生環境不算差，舊之餘亦不會塵埃滿店找好位置坐下，肚子已經在咕咕叫，所以當然是秒速畫紙，價格抵就已經不在話下，選擇都不缺小妹選擇了三餸粗麵及盒裝菊花茶，合起來都只需要29蚊，30蚊都仲有找男友既七餸幼麵加罐裝可樂都只係50蚊，性價比高既老店，難怪男友中學窮苦書生時期都經常光顧自選車仔麵連盒裝菊花茶 $29 ★★★★ (三餸粗麵：魚皮餃、勁辣魚蛋、豬大腸)粗麵：麵底份量足，蛋味香濃，粗麵蛋香味更出，而且彈牙不會太淋身勁辣魚蛋：彈牙香辣，只能吃小辣的朋友就不建議食用了，因為都真的是蠻辣的，魚香味還是有的，不像是用太多麵粉造的而且一份餸就已經有六粒有成串魚蛋之多魚皮餃：就普普通通跟平常吃的差不多，就是有三粒，份量算足夠，平日有些店麵只有兩粒豬大腸：不像平日常吃的，它沒怎樣用汁醬上色，但味道就有點像平日吃的胡椒豬肚雖然吃不慣，但還是可以接受的

以前太子附近返工，經常都會走過來食車仔麵同燒賣，咁岩經過，都想回味返以前嘅味道，叫咗四個餸，雞髀菇係最好食，蘿蔔唔夠甜，呢度最出名係雞翼尖，每次來都會叫米粉，覺得老闆幾好人，以前佢都會認得我，但可能我真係太耐兩年幾無黎過，所以唔認得了，哈哈，不過唔緊要車仔麵我都係覺得好好食。

香港既傳統車仔麵店真係買少見少而且價錢又越黎越貴一個餸可能都要10蚊起跳今次黎到呢間一入到去店舖右手面就係車仔面檔既開放式廚房廚師點整真係一目了然今次我係點左豬大腸魷魚雞中翼河粉小辣先講下D餸豬大腸好入味,食落唔會覺得苦,而且因為D湯既味道什哂入去大腸度,所以食落好JUICY同好厚肉下魷魚係爽口彈牙,份量又多,不過美中不足係唔係好夠味,因為如果魷魚都索左個湯汁,濃味d會正d雞中翼都算大隻,但係冇因為咁而煮咁好鞋,可能老闆係用腩汁整既,所以都好入味!!埋單都只係25蚊,抵食到震!!!