日昇車仔麵

营业中

休息中

食得日昇車仔麵都係貪就腳，坐得夠舒服，又便宜今次嗌左雞翼，魷魚，豬大腸河粉($22)雞翼食評：係鹵水雞翼，已經鹵到好淋，一咬就散，而且好入味！！必嗌魷魚食評：呢間店既魷魚係爽口彈牙既，唔似有d店呢係用白色個隻魷魚，相當有口感豬大腸食評：都係一樣，已經係煮好淋身，而且都清理乾淨好入面，食落都食入哂味河粉食評：唔會太硬或太淋，正常不過因為個湯底好所以好好味！！總評：價錢公道，岩哂街坊食客食

仲記得以前讀書年代繫依度食車仔面好好食，咁多年後，今日重遊舊地更再次食下，入到去一樣繫寫紙仔叫野食，種類都參唔多，叫咗牛腩朱紅魚蛋粗面，一杯豆漿，先講牛腩，勁硬，又唔入味。豬紅就好鹹。魚蛋似乎煮左好耐。杯豆漿得過甜字，冇豆味。同以前相差太遠了。

好好食的車仔麵。高水準，價格公道。離開香港二十五年，今次回來，車仔麵不同了，貴了很多，味道差了很多。幸好我遇到日昇，材料十足，用味不太重，也不貴。我最喜歡他們的牛腩，不肥，好琳，落足心機，我非常欣賞👍👍👍

車仔面應該平靚正，但依家好多地方食仲貴過食小菜。琴晚終於俾我媼到間好平，平到有少少驚中伏。我睇相點左一品麵，當然識食一定要油麵，有尤魚，豬紅，鳳爪，雞尖，豬皮等。加辣，腩汁，加多罐zero 都係三十幾蚊賣相好多料，好驚喜，真係多食送多過麵味道，汁夠味，因為我知道車仔面係唔健康先好食，所以一定要腩汁加辣。尤魚好爽，豬紅唔碎，鳳爪有雪味，其他水準一般如果淨係味道，呢間真係不入流，但勝在份量超多，啱曬大食人仕

今日行過又見餃子鋪冇開門去食車仔面咯。入到去人都唔多得幾個。寫咗紙仔交比老細，好快就嚟嘞。叫咗牛腩魚蛋蘿蔔，粗面。個面鹼水味很重牛腩又硬又無味。魚旦好似煮左幾日一般梅左，湯底好清，似繫只加了雞粉和味精，蘿蔔個心都未熟，見到係白色。跟住見到比錢走人唔會再嚟食。

下午茶黎到荔枝角道搵食,見到呢間日昇車仔麵就一試,入面陳設簡陋,坐到大慨20人不夠,如同車仔面檔一樣,店員煮車仔麵既位置同客人坐枱好近, 所以點餸時可以睇下D食物新吾新鮮再用點食物紙TICK叫左個車仔麵,包括有粗麵,蘿白,雞翼尖,冬菇,紅腸,雞腳粗麵一般冇特別,蘿白同雞翼尖夠林,冬菇夠多汁但太細,紅腸同雞腳一般湯底偏啖,但佢上面有咖哩汁吊味,甜甜地微辣,不錯總括黎講平均中上可以一試

由細食到大嘅車仔麵，這店的車仔麵味道清淡，湯底沒什麼油不錯。我基本上，一星期都有3至4日中午時間，到這店食車仔麵，貪這店車仔麵湯底清淡沒什麼油。本人最怕食油膩的食物。

八月十一日 (星期日)週日到旺角一帶逛逛出發前正苦惱找什麼當午餐突然想起上次到珠江酒家路經的美味餃子店好!坐言起行，出發!可是又忘記了最重要的一環來到，門口冷清，再次犯上同樣的錯誤 架架仔仔已行到大汗淋漓迫於無奈，走到鄰近的這家車仔麵店快快點個車仔麵就要去第二個check point!豬肉丸挺爽口彈牙，不過牛腩則較韌，也欠肉香米線份量少，看來應作為下午茶會比較合適~看這無麵底的配搭，多半也估到是架架妹妹的午餐因為朝早已與媽媽吃過一頓豐富早餐，這個剩餸的，以份量來說，不會太飽正合心意豬紅味道及質地不俗，不過魚蛋質地太硬實沒有希望，也沒有失望的一餐再找個週末來吃隔鄰的餃子店才肯罷休!!!

駕著車找找吃的, 本來到了黃金商場附近, 不過轉了兩圈也想不到吃什麼, 結果換到去下半截石硤尾街及界限街一帶。心中第一個印象是之前吃過一家餃子店, 想走過去吃吃, 但到埗店外竟然在排長龍!! 真是一個估不到的結果! 再行一個圈, 見鋪頭人流參差, 想了想, 進了旁邊的車仔麵店。麵店簡單, 以街坊小食與車仔麵為主。什麼魚旦, 燒賣, 碗仔翅等全都有。車仔麵就是簡單一張紙都可以, 回想起以前極之好, 一個車仔都動不動都三四十蚊, 這個三餸麵才只是HK$21, 抵食抵食。三餸麵了份勁辣魚旦, 豬大腸和蠔油香菇, 以油麵為底。魚旦不算辣, 可能是因為放進入湯中吧, 反而令湯的味道更好。魚旦入口有點粉, 彈力不夠, 是來料的問題。豬大腸軟稔, 但仍有韌度彈性, 可惜不算入味。香菇味道與質感都是最好, 不大隻, 但隻隻香甜夠味。菇的肉質夠厚, 有嚼勁而外層稔滑, 有能滑進口中的感覺。質厚好嚼, 甜味很高。而油麵粗黃條, 口感滑溜但咬落有質感, 湯底不濃, 加了點腩汁令麵條味道更好。整體來說, 這個車仔麵以街坊要求及價格水平是絕對可接受的。如果隔離真的要排長龍, 這個絕對是個不錯選擇。

星期五開完會已經七點，途徑日昇車仔麵，於是打算入去食碗麵，畫好點菜紙，遞上給服務員，再同佢講我要檸檬茶，點知聽到個服務員好大聲同我講：檸檬茶加一蚊，一蚊者，唔駛咁大聲喔！我點了米粉，牛腩，魚肉，豬紅同魚皮，牛腩好入味，魚肉沒有彈性，魚皮有油益味，其它不過不失啦！食物素質明顯下降，碗野就好大，但係就認真麻麻，又有Ｄ受氣，我唔會再幫襯架啦！

街頭的四川酸辣粉、雲南米線，掀起了一陣熱潮。不過這些東西是完全吸引不到我，我喜歡的是，車仔麵。是晚，疲累得很，沒約人食飯，自己一條友去吃個三餸車仔麵。鍾意食車仔麵檔既公仔麵，因為麵條大多是淥得爽口，加上少許店鋪自家調出來的辣醬，味道總不會差。而這裡的，亦對辦。三款餸之中，最喜歡蘿蔔，貪其稔身無渣，入口清甜；豬腩肉，是薄片，肥瘦相間，但是並算不上鬆化；肥牛則帶點筋，但都可以接受。一坐低就掛住對著車仔麵紙揀呀揀，到了點餸後發現有一品麵 (即樣樣餸都有的)才$25，似乎更加抵食，只怪自己沒有看清楚。不過，我的三餸麵，連罐裝可樂只售$22，都絕對吃得過的。

今晚阿媽唔得閒煮，我又唔想行出去食，於是又係食外賣。叫咗阿媽行去買車仔麵。之前試過佢嘅招牌麵，滿意，所以今次試一品麵。一品麵有好多料，每樣一至兩件。有魷魚、豆卜、菜、蘿蔔、雞翼尖、豬紅、牛腩、紅腸、豬皮、鳳爪同冬菇。全部材料都好入味，而且雖然得一兩舊，但就好大舊。湯底要了小辣加腩汁，惹味多了！河粉爽滑，唔會一夾即散。$25很抵食！

今晚又係無飯之夜。由於阿媽好夜都未番，所以我負責去買美味餃。買完之後，再去試吓隔離檔車仔麵。買了淨餸，$5一個餸，買咗6個。豆卜、魚旦、魷魚、豬紅、豬腸同雞翼。豆卜原粒上，無剪開，裡面好淋又吸晒d湯，好味。魷魚好硬，費點牙力。豬紅好滑，連我呢個唔多好豬紅嘅人都食咗兩粒。豬腸半肥瘦，好咬口，又入味！雞翼，有2隻，好入味又好大隻。魚旦好似有6粒，唔算好彈，但起碼唔腥同唔削。

本打算來個野葛菜湯餃子,一如以往的客滿還要在門口輪候,反而隔壁車仔麵店人客不多, 望望店名很像以前葵芳區一間車仔麵,燒賣檔的姨姨也有點面熟, 多口一問:請問以前係唔係葵芳開舖架?? 原來真的是學校區那間日昇!!肚子餓勁劃了4餸麵+魚肉燒賣+可樂,共銀$31!! 抵!米粉爽中帶軟份量頗多,普通東莞米粉的質量啦;四餸為通菜+豬腸+冬菇+雞翼;鹵水雞翼不算很肥美但入味,外皮滑滑不太膩,雞肉也有點鹵水鹹味,不錯;冬菇個子不大,雖然冬菇香一般但吃來軟滑也入味;豬腸是雪藏貨色,軟淋中帶嚼勁,而且仍有點兒豬腸獨有臊味,顏色白白的不太濃味,還是喜歡彎彎腸多一點;通菜幼身爽口, 好吃!湯底味道較清就算加上腩汁也不會很濃味,喜歡濃味的就不太對味了。魚肉燒賣($5/8粒), 以這個價錢來說真的便宜了! 全黃色燒賣質感柔軟中有韌勁, 跟個人喜歡的燒賣質感相若,只是欠缺那種來自豬肉的甘香, 燒賣軟軟的本來已ok, 加上那濃黑甜豉油和香香芝麻油後, 味道又加了更多分! 可算平靚,只欠正而已!! 我那個小小粉紅色碗仔很像我小時候的飯碗, 鄰桌小朋友的更是有卡通圖案的小碗,靚。吃罷來罐冰凍可樂, 噓........滿

由細到大都很喜歡食一串串，魚蛋、豬皮、魷魚呀... 但現在大部份的質素總是不及兒時吃的。 朋友介紹下，星期六放半曰便下午來試試，果然沒有白來！3餸米線 + 一串燒賣+ 凍檸茶魚旦 --- 粒粒彈牙，size 是細細粒個隻, 是細路仔年代食的，不是那些煮到發哂那種，辣汁內外都有雞翼尖 --- OK，咖哩汁入未。米線 --- 好滑，好軟，加理個腩汁湯底好正燒賣 --- 好軟熟啊~~ 豉油像煲仔飯那種，食呢 D 最緊要個汁 凍檸茶 --- 好味，好多檸檬但不酸不"鞋"口，像改良版的維他檸檬茶店子雖然細，但地方清潔，店員十分主動照顧每位客人，付錢時也微微笑問啱唔啱食。店址好像有點偏遠，其實太子站 C2 出口沿行車天橋行5分鐘 (接近行車天橋到地面)。好味的東西，因地點不旺食客少，我覺得可惜，所以第二次來的時候記下來的方法