日月星快餐 (已結業)

依家呢類屋村式既快餐店已買少見少, 星期三去開德福MCL戲院睇戲,好想食生炸鷄脾,於是下午索性黎呢度醫肚,由於屋苑限制, 快餐店唔可以將枱開響店外,3張摺枱只可以開響收銀機旁邊, 地方淺窄,堂食只可容納大概3至4個人, 我黎既時侯好在腳快, 行先一步, 有位坐, 叫左個鷄脾餐, 有炸鷄脾,火腿牛油三文治,同熱飲一杯,盛惠$20,相當超值炸鷄脾熱辣辣咁上, 香香脆脆得黎唔會乾同硬, 唔錯唔錯,( 若果隻鷄脾再大番小小, 仲正), 原本對個火腿牛油三文治無咩期望,點知食落,個麵包居然幾鬆軟,唔係隔夜麵包黎ga當然,呢度最大問題係地方細同好熱, 叫外賣就good fit 啦 !

一向午餐都一定叫外賣，萬一每次糧尾時份，手頭甚緊我就必會幫趁呢間野﹗講真呢頭要買個外賣有飯有野飲起碼無三十蚊都唔洗諗﹗但呢間野只係廿蚊有交易﹗今日食既係雞扒腸仔蛋飯加多個例湯，講真大家睇相都知賣相九流﹗有0的似監躉飯是旦幾個送再加0的汁0係面，但食落其實味道不錯的﹗腸旦唔識點話佢好，雞扒本身不會太肥煎得脆口，送夠多岩岩好食哂盒飯﹗個湯當然係師傅野啦﹗鹹左少少﹗不過廿蚊有飯有湯，已經很不錯﹗

早日行開九龍灣, 想起自己都有一段時間無去過日月星, 便冒住天氣晧熱, 就坐在快餐店門口的摺檯旁, 叫左2個套餐我想食炸雞翼, 可惜宜家連大家樂, 美心等都已經只得燒或蜜糖雞翼賣, 所以我要左炸雞翼加熱狗配熱飲($19), 改凍飲或罐裝汽水加$2, 呢個餐有2隻雞全翼, 炸起即送上, 炸得幾脆, 味道好好, 又唔會太咸, 水準之作, .....熱狗包微暖, 配上剛煎好的香腸同大量沙律醬, 美味可口太太叫左炸雞比加火腿治配熱飲($20), 炸雞比生炸而成, 炸得剛剛好, 無雪藏味, 雞肉嫩滑之餘還滲出肉汁, 水準甚高, 比起坊間好多炸雞都有雪味同有血水, 好幾班, 火腿治味道一般但全份送上, 完全唔孤寒最後再追加一個漢堡包($8), 雖然漢堡扒無時新的份量, 但饀料十足, 有生菜, 茄汁, 暖暖的賣$8絕對合格有餘每人二十幾蚊就可以食到滿意的快餐, 而且可以懷緬年少時放學食快餐的回憶, 真係非常超值同滿足

逛開這區, 就來試下魚柳包$10, 舊魚柳真係好細, 只有個包既一半, 炸得比較燶, 整體麻麻地, 柸熱奶茶$7一般啦~ 炒粉麵飯應該好d ......

以現今通貨膨脹咁嚴重，搵間抵食味道不太差的飯堂真係唔係咁易，好彩佢仍然集合"平靚正"的特質，好讓我們這班打工仔慳唔少。除了招牌雞脾，雞扒餐、牛扒餐都好抵食，若然不喜歡太多肉類，叫個小菜都好經濟，不過，環境及飲品就好一般，你要預左冇冷氣。

其實作為地盤工人既我通常lunch都係叫外賣，因為費事成身臭汗走入餐廳比人白眼﹗而每次去開九龍灣區我都總會去呢度買飯盒﹗最主要原因當然係平，$20有個飯包野飲，而家0係香港都真係好難搵﹗佢每日都有兩個不同的快餐，今日買的是西炒飯﹗即叫即炒熱辣辣，講真味道只係可以說係不過不失，無大驚喜，不過食個午餐最重要都係簡簡單單﹗呢度滿足到﹗

太座頗愛吃炸脾。若論水準數一數二嘅，一定係呢度。唔帶佢來試試，點得 ?上次叫外賣，今次則係堂食。茶餐嘅配搭，炸脾加波浪薯條當然係最佳拍檔，但揾來揾去就只要炸脾配腿治，或炸魚配薯條(呢個當然亦係傳統配搭，但一場來到唔食炸脾，點講都唔通)，就偏偏冇炸脾配薯條，奇怪...於是叫個炸脾配腿治，腿治當然只是大茄喱啡，順道吃一口，普通得緊...今次落order之後，只等了一會，炸脾就上枱。皮嘅顏色有一點點深，再加上咁快就炸起 (上次真係等咗成十分鐘先有得食)，如無意外應該係"返炸"嘅，失望之至..."免為其難"咬一口，咦...皮依然炸得脆啪啪，忽然心諗，可能佢哋先將肶肉用慢火炸至將熟，到有order再用猛火炸至皮脆及全熟，才有如此效果...最難得係肉厚之部位都弄得嫩口，確實有難度...無論如何，真的是皮脆肉嫩。太座如此嘴刁，吃完亦不禁大讚...要我再講十次，小弟都覺得比時新及丹麥餅店嘅出色

繁忙過後，總會品嘗一些喜歡的食物，讓肚皮滿足一下，讓自己放鬆一些。星期六放工後，便走到這間偏辟的快餐店品嘗炸脾。到後看見一連幾間食店，圓桌圓椅放在門外，店裡設計簡陋，故明思義做外賣生意為多。點了炸脾餐外賣，在等候期間想想為何此店叫 "日月星"，平凡的快餐店，卻起了特別的店名。回家後炸脾仍微熱，外皮脆卜卜，咬下去皮肉相連，肉質嫩，唯美中不足是了一些...而隨餐的腿治則冷冰冰，沒甚特別，早知就要烘底......21元，如可選擇的話，我會要炸脾配沙津，一冷一熱，一口雞脾，一口沙津，滋味總比一口麵包過癮得多。招牌菜是炸脾，味道沒讓人失望，那天我放鬆了。我是貪得無厭的人。

之前搜查過9龍灣區.40蚊留下.最多好評就係呢間小本經營鋪..所以今日去左試結果......失望雞比餐牌寫12$.但叫時收13$.話散叫加1蚊..-.-吹脹加多6蚊~就係跟餐有雞比,腿治,凍華田首先雞比得皮脆有乜用,其餘全失敗..有種怪怪地味..唔係雞味..對比返時新快餐d雞比真係差n倍(因為再對上一次食炸雞比可算是幾個月前幫襯時新)腿治..一般凍華田,d色偏向白色..證明落粉小..飲上口又係啖到爆..無誠意..唉

眼見咁受歡迎,自己又住左一年KLB都唔知有間咁O既O野,當然要試下一去到所謂O既枱同椅都係好細張的,兩個人OK,多人可能要拼枱了,二話不說就去叫了兩個雞脾下午茶,一個(老)水,一個炸,三四分鐘有得食了,我個人好小食炸脾,但係食得出唔係雪過的(可能是新鮮或冰鮮),有雞味(小D),有肉汁,收貨,老婆的(老)脾,佢話幾好味,(但佢對雞幾有要求的),之後間中都有幫趁,叫下佢地D面飯,價錢就算平,質素中上LA,但就未試過傳說O中既星米,有機會要試一下仲有佢地都幾細心,(老)脾會用膠袋間開,唔比D汁掂到個腿治,讃

沙嗲牛米線下午茶餐加杯凍飲.十八蚊.(未加價之前十五蚊炸,超級抵食),我是常客來的,雖然環境唔係噤好..但我可以接受到..在通脹高企下,有十八蚊一個餐你食,你想點哎..老細....1)D牛都有少少味道已經好過好多梳打牛2)沙嗲都幾好味.個湯底都OKAY,當然有味精啦老式茶餐.見少賣少.質素好過好多茶餐丁.有一次...好深刻哎...呢間茶餐丁個女收銀(唔知係未老闆)..有個小學生(我眼見佢手上應該唔夠錢.得一D散銀)...小學生去問過收銀員."個快餐幾錢哎"..個女人二話不說.得啦..你比手上D錢我就得,之後就問佢食乜..).賣左個飯比個小學生..個小學生手上應該得十蚊八蚊到..有人情味的快餐店.係邊度搵哎.本人唔係做馬嫁...

炸雞脾-食過一次,d肉好乾,同埋唔係大隻,好似係剪開左o者...星洲炒米-味道ok的,但係佢d黃薑粉都未炒渾..快餐e.g牛扒蛋飯, 隻蛋同d飯都好硬,牛扒又"un",d汁又唔見得特別好味...仲有,佢d炸魚柳,係"lum"的,又厚粉...唔好食..我搬左來附近幾個月,試過幾次..而家都冇再叫了,佢唯一好處係d野食真係好平,但真係麻麻,我真係好懷疑咁多好評..唔知係咪做"梅"的佢隔離個間老表,d野食好味好多!!係個老板惡死d..但就得2個食評?!

炸雞脾即叫即炸,好香口,皮脆肉嫩,好好味大件夾抵食不過食完好滯...我下晏食完到夜晚都可以唔使食野啦

見到唔少食評話唔錯，特登試下1. 炸雞脾餐（$19)：一隻炸雞脾+ 腿治+ 凍飲 份量唔少，凍飲加兩蚊。好耐無食炸雞脾，食唔出係咪生炸，不過好香口，亦有肉汁，唔錯2. 星洲炒米（$22)：相比其他地方，算平。份量OK，味道亦OK，香而不辣，但我個而言覺得炸雞脾好食D至於環境和服務，千祈唔好有期望

聽講呢間野似以前大家樂d炸脾, 又食下啦. 食完又唔可以話似, 不過都幾好食,肥就一定係肥架喇, 間唔中一次都ok啦