日月星快餐 (已結業)

爸爸一路都係九龍灣返工細個有時會同我黎日月星食下快餐佢話公司好多人叫外賣都係叫佢環境就唔係幾好但d 野就比人一種抵食夾大件到依家原來佢炸雞髀好出名有日就專登去食個tea睇圖都見到隻炸雞髀十分大隻d 顏色就唔算好靚但食落去就知不得了皮十分脆但無好油膩雞味同鹽焗味平均得幾好好食份三文字就普通貨式 負責填飽個肚雖然環境就真係唔係特別好但食落去有份回憶希望依d 小店可以繼續做落去even 唔再係附近生活偶爾仍想再去幫襯

九龍灣食雞脾,炸雞翼緊係黎呢度啦,無人唔識,上過好多雜誌同好多人網上介紹過佢地咁多年黎都只係加少少價,個全日茶餐簡直係窮人救星而家仲有炸脾飯同皇牌快餐,簡單抵食,女仔細食一份飯夠食2餐,超抵今次食唔曬啦,只係叫個茶餐算了,32蚊,雞翼加熱狗唔係咩驚為天人既美食,但勝在每次水準都穩定好耐無食,今次比足3隻雞翼,幾抵喎~以前通常都係2隻全翼,而家有3隻咁多仲配一份熱狗,即係好普通個種港式熱狗,沙律醬加一條肉腸夾埋就算,麵包無烘過既雞翼係好傳統冰室個種醃味,好食！炸得香口滋味#港式快餐 #下午茶 #炸雞脾 #日月星快餐 #九龍灣美食 日月星快餐 牛頭角牛頭角道15-19號嘉和園8號地下而家仲有素食餐！

日月星快餐 - 好抵食嘅小菜套餐👍🏻日月星快餐真係唔止係快餐店咁簡單，雖然佢鋪頭比較簡陋，但佢嘅食埋種類同埋質量絕對係大牌檔級數🤣今次食咗佢嘅蕃茄煮蛋飯，分量真係好多，勁多蛋同埋番蕃茄（蕃茄有陣時好新鮮，有陣時就麻麻地🙈）。味道都幾好，雖然啲蛋落得比較多糖，但係配埋飯食就好好。啲汁又好送飯，夠曬食成碗飯🤣 下次會繼續食👍🏻味道😋：8.5/10價錢💰：8.5/10服務💁🏻‍♂️：7/10環境🪑：6/10

上網睇到有好多Foodie都推介呢度嘅生炸雞脾，搵咗一日平日lunch過嚟睇睇... 見到餐牌有全日茶餐-炸/鹵水雞脾+腿治，平時呢啲配搭只限下午茶時段，呢度可全日供應最啱我呢啲輕食者食個輕便lunch👏🏻👏🏻👏🏻。見咁多人都只係介紹炸脾，咁我就幫大家試吓個鹵水雞脾啦🤣⋯⋯ 首先好快就嚟咗杯熱檸茶，夠大杯，正宗港式檸茶，有些少苦澀味，但又有足夠嘅檸檬去平衡👍🏻，跟住就係要等....等咗差不多10分鐘有多，終於有嘢食啦⋯⋯ 腿治都冇咩expectation, 正常普通腿治，隻脾就真係好大，大過我隻手掌，伙記亦提供膠手套以方便食用👍🏻 。味道不錯，好有鹵水味，肉質十分嫩滑，食得出係即整，所以等耐啲係值得嘅😋至於環境方面，佢哋係做港式外賣快餐為主，得兩張枱，多人時可開多兩張枱，完全冇嘢可講究，我只係有幸咁啱有位可堂食，都甚有風味，一定會再嚟！

Bookmark 咗日月星嘅生炸雞髀好耐🍗終於有機會經過九龍灣試一試🤩淘大商場到得寶商場中間有好多小巷🔦睇住地圖都行咗陣冤枉路先搵到🙈🙈落單後大概五分鐘就拎得🤩雞髀用紙包好放係紙袋再用膠袋袋住🥡方便衛生雞髀𠝹開咗大隻啲又易食啲🤩拎到返屋企已經攤凍咗🙊🙊包住雞髀嘅紙已經吸滿咗油💦但見炸髀都係滿佈閃令令嘅油光✨咬落雞皮香脆可口⚡️係真材實料嘅生炸雞髀🍗非坊間其他店舖嘅先滷後炸😆醃料味道啱啱好唔會過鹹🤩如果熱食一定好正😛

少有地黎到呢頭附近，特登搵下有咩好野食，老公比呢間嘅炸脾吸引到，話要黎試🍗.餐廳主舖位唔大，主做外賣，堂食只有2張枱，加上宜家限聚令，所以最多同時只能容納四個人；叫左個炸脾茄汁意粉加蛋老公話係兒時嘅味道，個汁唔酸，甜甜地，同埋只會搵到極少嘅蕃茄同甘筍粒，係舊式茶餐廳先會搵到呢隻令人懷念嘅茄汁味；雞脾無人地介紹講到咁大隻，屬於正常size,同埋炸得有少少乾身，但味道ok嘅我就叫左個叉燒干炒公仔麵好大碟，即刻炒，上枱時仲出哂煙，叉燒切到細細粒👍🏻同埋少有地係用福麵底炒，我諗呢度應該有兩個麵底，我最後飽到食唔哂🙈

foodpanda 落單, 去攞, 個女人話無, 後來個男人揾先有, 個女人態度差到不得了！！！返到嚟, 打開見到西芹鮮魷整錯苦瓜牛肉, 打去問, 個女人真係串到暈, “你拎返嚟換囉, 係咁㗎啦, 你諗吓先！” 跟住收我線, 我哋去都要15分鐘, 結果我哋冇拎返去玩, d嘢勁難食, 今時今日d態度仲要咁衰, 我絕對唔會再幫襯, 點錢買難受！！ 😡個盒勁細, d汁跌晒出嚟, 京都肉無味, 水汪汪； 紅燒豆腐得三嚿豆腐,；苦瓜冇人食, 只食牛肉, 又係冇味！成個九龍灣, 態度惡劣又難食一定係佢！

80年代還在上學時，放學後在牛頭角做part time，偶有幫襯的快餐店之一， 今日有緣路過， 又怎可錯過！😆接近全部外賣，一張員工飯堂枱，熟客自己坐低食，外面仲有企枱一張。《 生炸雞髀》我相信事先有炸定八九成，所以我落單畀錢後，兩三分鐘就有，不過講明快餐店快都好緊要。外賣上車吃，雞髀大少適中算大號但冇超巨型感覺， 顏色雖不是金黃色，亦沒炸燶黑色，香味合格，雞皮脆得來略嫌乾身咗一點點。雞髀背有劏開，比較易熟，不過雞上髀上邊肉還算滑，但不夠汁不 juicy，相對上髀下面部分肉已經很乾幸好沒有起渣。雞味道就像兒時快餐店的味道，尚算保存得到， 可能醃製雞髀時已夠味，面層並沒灑上淮鹽。～～～～～～～～～～～～～～～～～～～～～～～食物賣相＝(滿分20) 15食物味道＝(滿分20) 12服務質素＝(滿分20) 14裝修整潔＝(滿分20) 12性價比率＝(滿分10) 8回頭指數＝(滿分10) 6總評分 ＝(滿分100) 67分

生炸雞髀🍗😋呢間隱蔽既快餐小店最主要係做街坊生意個位置有少少隱蔽唔係住附近既 應該估唔到巷有面有間小店佢地最出名就係食炸脾見不論堂食定外賣大家都一定有隻炸脾仲要係生炸脾 真係好邪惡！啲雞皮炸到脆卜卜夠哂香口雞脾肉醃得好入味 咬落肉質嫩滑 💯唔會炸過龍最怕食到啲炸到乾哂身既雞脾呢個真係又一encore之選!而且價錢仲要勁抵食 性價比好高不過堂食位置唔多 而且位置係室外夏天去會比較熱不過食到好味既炸脾絕對係值得！

一盒黑椒雞髀飯~ 其實係我細個嘅五星級套餐~ 80年代… 當時社會都仲有大把赤貧~ 我係其中一位， 細個真係要好特別嘅情況先至可能去買盒雞髀飯雞翼飯，而黑椒汁係我嘅最愛， 典型所謂獅子山下嘅故事去到teens嘅時候屋企經濟環境開始好啲，開始追求更高級的美食… 可能由細到大都冇可能有咩電子玩具作為禮物或者獎品， 所以美食對我嚟講就係人生嘅恩賜~ 都追求咗一段頗長時間去升級美食， 突然發覺呢個小時候嘅茶餐廳常態原來已經喺世道入面慢慢消失… 其實呢類貧民式豉油西餐嘅味道我暫時只係喺深水埗某茶記 & 牛頭角呢間日月星揾得返， 日月星出名係炸雞髀… 其實佢係咪特別有特色呢， 就係一種懷舊嘅味道， 當然佢係炸得幾靚雞肉實淨醃得夠入味， 但話新鮮生炸就要睇下好唔好彩， 基於佢個出貨量大…好多時都會喺啲半成品喺度再加炸，店嘅黑椒汁就係全港式製作…係細個食過嘅味， 就代表係我呢個80年代人嘅本土味道…兒時嘅高級味道…

發泡膠食物盒會溶? 都係第一次見。尋晚叫咗一盒素雜錦炒粗面同一個豆腐火腩飯。個熦麵用個細啲嘅食物盒，豆腐火腩飯就用個大啲有公司標誌嘅食物盒。食咗成盒雜菜炒面，見到個食物盒底覺得有啲奇怪，用隻筷子撩左兩下就爛咗。原來個底啲顏色係因為食物盒已經溶，食完個胃到第二朝都唔舒服... 真係超級得人驚！非常失望，發泡膠食物盒已經平，使唔使用一啲質素差到咁嘅食物盒？！到而家個胃仲有啲唔舒服，都唔知會造成啲咩影響。非常失望亦永不幫襯 (除非佢哋轉用微波爐食物盒，講真賺得幾多錢...)

喺Food Panda見到呢間小店炸雞髀好吸引，就試下啦。叫左個茶餐，炸雞髀火腿三文治加凍奶茶，雞髀好大隻，賣相都幾油膩，連帶外賣袋都好油，但真係好食，感覺似係生炸，因為咬落去雞皮好脆，雞肉好香好滑，唔會炸得過熟(遇過好多餐廳都係炸到雞皮好燶)，再食埋三文治就夠飽喇，杯凍奶茶唔太甜，茶味香都幾好飲，另外亦都試左鹵水雞髀，雖然雞肉都係好滑，但鹵水汁有啲咸，始終都冇炸髀咁香口。呢間價錢好抵，外賣茶餐有3款選擇只係＄34，凍飲仲要唔加錢，真係好抵。

下午茶時間梗係要放返啲邪惡野兒時最鍾意嘅下午茶一定係炸雞髀薯條每啖咬落去脆卜卜嘅雞皮真係諗起都覺得好味！😋不過而家好難可以食返舊時嘅味道因為一次機緣巧合之下見到電視介紹呢間係九龍灣嘅茶檔第二日9秒9同男朋友嚟呢度試🤭🤭🤭舊式嘅茶檔但滿載舊式嘅味道係而家嘅餐廳比唔到呢度嘅招牌係生炸雞髀即叫即做，呢份下午茶熱辣辣上枱雞髀好大大隻下午茶都係賣$31咋脆卜卜嘅炸雞皮下面盛在着充滿肉汁既雞髀肉生炸雞髀真係好食好多如果覺得原汁原味嘅炸雞皮欠缺一份香味嘅話枱上面有淮鹽提供俾大家🤤🤤🤤不過有個小缺點就係呢度嘅炸雞髀下午茶係配腿治如果想要西多士或者炸薯條嘅就要叫多份下午茶啦！講多兩講我又好想去食😭

經網上外賣平台叫野食發現叫左兩杯凍檸樂無俾檸底打去問佢佢仲要理直氣壯話係吖..俾左兩罐可樂你啦唔好意思都無句淨係叫我打上去app我同佢講：你都要比番我架😡後來突然問我地址話換比我但要攞番兩罐可樂走因為佢地嘅檸樂係沖出嚟出面飲咁多次都未見過態度極差預左佢唔會咁快送番嚟最後用左45分鐘先送到以後唔會再幫襯太離譜街坊生意都做到咁

日月星快餐店,位於九龍灣淘大與得寶花園中間既舊樓下的一角歷史悠久,真正港式快餐,不設堂食只做外賣,餐牌上上百款的小炒,小菜,最重要係連素食都有供應外賣仲有得減價,住係九龍灣既幾年,幾乎都每天都吃他呢好希望佢都一直做落去,提供咁抵食同好食既飯盒其實呢度最出名係即炸雞脾,大大隻,醃得入味,簡單不花巧,啖啖肉但我晚餐就比較少食炸雞脾,主要係食快餐飯每天都有指定快餐$38 都有八至十款選既,楊州炒飯,炒牛河,港式炒意粉,鮮番茄肉片飯等等當中我比較常食既會係滑蛋牛肉飯 38蚊包例湯,飯又超多,滑蛋牛肉撈飯食一流滑蛋汁如湯汁,不會過熟,好似飲緊蛋花湯一樣呢個份量女仔應該食唔曬,可能考慮下分餐食有蔥有牛肉片,有洋蔥,以前仲有草姑片例湯係無味精老火湯,每天不同款,好有阿媽既味道牛頭角牛頭角道15-19號嘉和園8號地下