日月星快餐 (已結業)

呢間係牛頭角比較隱世既小店係得寶同淘大中間，今日經過當然要試一試啦，見佢之前都有過訪問，咁要睇下佢係咪貨真價實啦~ 由於堂食地方唔算太大，只得個兩張枱，所以就地方而言只屬一般，佢下午茶都既款式唔算話好多，我最後就叫左一個雞翼、熱狗餐，呢個餐有兩隻雞全翼一個熱狗同汽水，快餐真係夠快大約5分鐘左右就食得。上枱啦~ 上枱啦~ 呢個熱狗賣相正常，但點知食落好有驚喜，點解呢??? 原來佢個包係用焗爐焗過嫁，外脆內軟，入面一條廚師腸，再加埋佢呢個沙律醬，真係將好普通既野變到好有驚喜。到兩隻生炸雞全翼，我食完個熱狗，的雞翼都仲係好熱辣辣，而且由於生炸關係，肉汁仲好多，外面又香好脆，同依家市面普通餐廳比較真係高一班，水準都頗高，所以我諗如果鍾意食雞翼或雞髀既朋友，呢間我諗係值得去一去試試，呢個餐加多一杯汽水，堂食價錢都係$27蚊，係呢個價錢上食到呢個質素既食物，真係好值得推介，而且...依家仲有廿幾蚊既食物，真係買少見少啦~

轉開牛角尖既人都一定食過勁過「明星」嘅日月星炸雞脾啦。呢件舖頭係橫街窄巷之中，如果唔係地頭蟲可能都真係未聽過。今次叫套餐，加埋腿治奶茶都係$29。呢個價錢，抵到呢。生炸就係脆同嫩。外脆內軟，sock sock 聲，啖啖肉。腿治嘅包同埋火腿都算合格，味唔會係好突出，不過下午茶叫做夠飽肚。至於奶茶呢，對一般人呢，茶應該都算係正路嘅。不過我一向都喜歡比較濃身厚嘅，所以自己覺得感覺一般。臨走外賣多一份炸雞翼俾屋企人，佢地都話係好食。

日月星呢排又上左蘋果動， 咁岩去開九龍灣，再加上 online dining platform 外賣有得平， 就叫個茶餐。茶餐 一隻脾，可以滷水可以炸，再加個腿治，跟野飲34蚊， 全日供應。外賣關係， 個脾送到黎有啲縮左，唔夠脆， 但可以接受。個腿治就冇乜特別， 塊火腿煎過下， 有啲細心。

今日lunch,同同事唔想落去食，於是就試新野，叫「日月星快餐店」的外賣，我地叫左茶餐B，茶餐有雞脾、三文治加野飲，雞脾炸到脆卜卜，味道可口，正！😃👍火腿三文治就同平時差唔多，沒什麼特別！🙈之後，我地仲叫多個漢堡包🍔，塊漢堡排大大塊，配合埋醬汁，味道一流！👍整體來說，這間的外賣份量多，味道非常好，而且價錢合理，包埋飲品都係34蚊，飽肚且好味，如果叫lunch或下午茶，實在值得推介！👍👍

十年人事幾番新，都沒有來五、六年了，日月星快餐也可以翻一兩次新了。這次來到，就再試試上次吃過驚為天人的廈門炒米。豈料到，這次再吃的廈門炒米，已經完全沒有了以往吃過有很多酸酸的五柳菜，廈門炒米，就只有蛋、叉燒、蝦粒、洋蔥、韭菜等等，相當失望。雖然廈門炒米仍然是即叫即炒，非常之好鑊氣，但是味道卻淡了很多。凍檸茶少冰，也見到有大半杯冰粒，冰粒未溶亦都不覺得茶味濃郁，冰粒溶了，就更加顯得淡味。有機會試埋炸脾，再唔得唔洗再吃。

呢排喜歡回憶，從返舊地，內心又驚又喜。前陣子回憶了一遍，發現人事全非，食物質素下降，服務大不如前，真係堅嬲。今日路經九龍灣，想起讀書時候成日叫既下午茶-日月星，炸雞奕炸雞脾無得輸，即使外賣，都能確保熱度，真係唔知點做到。抱住戰戰兢兢既心態，重新回味，真係不知是褔是禍。雖然得一個人，但想食好多野，最後只能放棄雞脾，叫左炸雞奕加薯條，超無敵組合，奶油多只係陪襯。正！好味到不得了！熱辣辣之餘，係肥仔薯條，外脆內軟。雞奕炸得剛剛好，雞皮脆卜卜。加上凍奶茶，大滿足

日月星在牛頭角區算是薄有名氣，那隻生炸雞脾，甚至吸引到區外客來光顧。我是街坊，但也是最近才去試。一來因為小店實在太簡陋，門面狹窄，只能放三張小摺檯和幾張摺櫈，坐得不舒服。二來我不大喜歡吃油炸食物，但不試招牌產品又沒意思，故一直沒興趣去試。早前路過，見到巨型雞脾有鹵水的，於是才試試。下午茶有個套餐$29，雞脾連火腿治和熱飲，單點鹵水雞脾亦要$22，套餐似乎較抵食。奶茶先到，用一隻頗舊的大膠杯盛著深色的奶茶，有點時光倒流的感覺！可惜奶茶完全不合格，茶味頗濃但應該用了廉價的茶葉，淡奶亦少，令整杯茶的味道粗糙而苦澀，我喝了兩口便放棄了。等了十多分鐘，鹵水雞脾才送上，還附了一隻膠手套，方便客人拿著雞脾來吃。雞脾的體積很大，熱辣辣整隻還滲著鹵水汁液，肉質厚大，即使戴著手套，單手拿著來吃，也有點狼狽。當然，我不會問店方取刀叉，於是只有戰戰兢兢地埋頭苦幹！雞脾的味道爽滑，啖啖肉夾雜著鹵水汁的甘香，淨食稍稍徧鹹，如果配白飯或粉麵來吃，更為合適。腿治則不合格，整件麵包都乾了，有點難吃。昨日又去日月星，今次要試炸雞脾。原只想單點，不過見到食客的腿治，似乎還可以，便叫了套餐配檸水。今次很快地，不夠三分鐘，全部

叫咗咖哩雞套飯， 薑蔥 魚腩，羅漢齋炒麵。份量好足，賣相又靚仔。個咖哩好好味，餘下嘅汁唔捨得唔要。有少少辣好香椰汁味 而且啲雞 入曬味。 建議其他食客 可以準備埋法包 咁樣一齊食 就會更happy薑蔥 魚腩就冇得畀意見因為我唔食魚 不過肉眼觀察 個賣相係好靚嘅 其餘嘅飯腳 評語都是一流的抵食夾大件 而且味道都好好個炒麵啲料好足 有好多唔同嘅素菜 好好味 呢個羅漢齋炒麵 我係一定會再叫多一次嘅如果個外賣盒 可以再靚仔少少 唔好留啲汁出嚟 咁就完美喇唔好意思太肚餓冇影到相同大家分享

正當你等了45分鐘，終於有空位，正想一家三口坐下去時，一碟滑蛋飯飛埋嚟，一個雙面敏感發紅的女店員跟你講：「買飛先坐位！買飛先坐位啊！」我都諗住去買飛，佢再面對面同我講：「可能我會開張枱比你呢！」我忍唔住問佢：「可能即係開定唔開？」我心諗開就食唔開就走架喇，因真係等得好耐，我個小寶貝唔餓得架嘛，跟住就有個光頭反光男店員走埋嚟話：「買完飛開比你！」聽完我就去排隊買飛啦，點知條光頭反光男走番埋櫃位，用一D對面街都聽到既聲浪口up up：「驚比X咗錢無野食咩...」我忍唔住啤住反光男，佢又要龜縮，今時今日咁既服務態度，唔知道以為爭佢錢，比氣客受，真係離哂譜

大人細路都愛炸雞比依間餐廳應該專做外賣，係一間開放式只有六個座位。大部份客人都係叫外賣。食炸雞髀一定要 趁熱食， 熱辣辣咁食。真係炸到外脆內嫩唔會乾身鞋口，味道好夠。大大隻，大過隻成年男人手掌。雖然21話蚊一隻雞比聽落有啲貴，但係值得。不過餐廳嘅位置唔容易搵，喺淘大商場隔離幾條街餐廳仲有好多碟頭飯，除咗炸雞比仲叫咗一個咖喱牛腩飯啲咖喱同平時港式咖喱唔同，係葡式咖喱嗰種，冇咩辣味，雖然有好多牛筋但係啲牛腩就好硬

叫左茄汁炸雞脾飯 凍檸茶 堂食, 好平 大約38蚊。買左隻手套我用黎食雞脾, 但我鐘意切開一舊舊咁食, 有問老闆拎刀, 可惜佢地話無。講番隻炸脾, 味道係傳統小時候喺茶餐廳食既味道, 係有種情懷, 但略為咸左啲, 久不久食下唔錯, 但唔好抱太大期望, 只是炸脾一隻

今日喺九龍灣返工， 未放工之前已經諗定要去日月星買外賣。今晚叫咗個雞扒 午餐肉 腸仔 煎蛋 意粉洋蔥汁 。雞扒雖然唔係好大塊 ，但係勝在夠鮮嫰 ，無雪藏味 ，意粉大大碟， 實在係太抵食 ，加埋例湯都唔使40蚊， 呢個時勢去邊度搵！ 不過如果餐肉可以厚啲就好啦

之前試過牛扒餐，今日特登嚟又試下佢個雞扒餐。見到佢個招牌寫住馳名炸雞髀，咁我諗佢雞扒都唔會太差，過於是乎就嗌咗個雞扒快餐。 入面除咗雞扒之外，會有一條腸仔，兩塊午餐肉，一隻煎蛋 ，今晚試咗佢個洋蔥汁配意粉。 果然名不虛傳 ，雞扒好大塊， 唔鞋口好嫩滑，冇雪藏味。而且其他食物亦好豐富， 美中不足係今日嘅午餐肉片得好薄 意粉係爽口嘅 ，唔太林，洋蔥汁個味道亦都好好，亦都照樣有禮湯餸。

自從附近出咗意外之後，都好少嚟呢一邊買嘢食，今晚收工特登搭車過嚟買外賣 。叫咗一個牛扒快餐黑椒汁， 配白飯 。呢個餐抵食在除左右牛扒之外仲有一隻蛋， 一塊火腿， 一條香腸 ，仲有兩塊午餐肉添 ，冇可能會食唔飽 。今晚廚師好細心 ，將牛扒切成咗幾片，唔使等我返到屋企自己慢慢撕開 。牛扒係薄薄地嘅一片 ，唔會有雪藏味，唔會好鞋，幾嫩口。午餐肉亦都係厚嘅冇呃稱。不得不提佢個黑椒汁真係好好味，係真係有少少辣辣哋嘅感覺，而唔係好似其他一般餐廳嗰啲黑椒汁通常都唔辣嘅。 成個餐賣35蚊真係好抵食， 仲有例湯送添。

是衝著炸雞比來的，二話不說馬上點一個炸比餐，有炸比一隻，腿治一份連飲品七八分鐘後炸比送上，size不小，比一般茶餐廳的大，皮炸得脆，沒有很油，顏色是金黃的，賣相相當對辦，咬下去肉汁豐盈，吃得出是生炸的，可惜的是調味有點偏鹹（喜歡清淡的人甚至會覺得它很鹹），最好配飯吃， 要是淡一點的話這隻雞比就滿分了腿治和飲品相當普通，不作特別評價但能否吃到即炸雞比還是要看你運氣，之後再去了一次，前後點了兩隻炸比，先來的一隻明顯是已經炸好一段時間的，肉汁都流失了，後來再加的第二隻則依舊是皮脆肉嫩的，估計店家為增加效率會小批量的預炸一些應市，這點要注意一下