日船章魚小丸子

营业中

休息中

之前經過彌敦道都好想食，今日經過花園街發現開左分店，上openrice望先知原來係搬左鋪。日船係排隊俾錢再即場拎食物，所以都有十幾人排隊。一位負責收錢裝小丸子，另外仲有兩位就不停整小丸子，買完都仲見到d人繼續排隊。開頭以為只可以揀一個味道，後來發現係一份有齊照燒汁、黑胡椒粉、蛋黃沙拉醬、日本芥辣醬同柴魚片。本身想叫2份，一份有齊所有醬，一份唔要芥辣醬同黑胡椒粉，但最後都係叫一份試下先。章魚小丸子($24/6粒)每粒小丸子都有一粒章魚粒，有誠意，唔係hea既。但可能太多人排隊，小丸子一熟就上盒，所以粒小丸子係外軟內軟，我個人就鐘意外皮脆少少既小丸子，相信小丸子放係爐上再慶耐d，外皮會脆d。雖然整體口感淋左少少，但係寒冷既晚上食到新鮮出爐、熱辣辣既小丸子都係好滿足。至於芥辣醬味道太重，黑胡椒粉好似唔係好夾，個人唔太喜歡。如果有機會再食，我會選擇唔要芥辣醬同黑胡椒粉。作為小食，日船既章魚小丸子係唔錯既選擇，但如果太多人排隊就不了。餐牌寫柴魚片/紫菜片，但我個盒得柴魚片，可能係睇佢當日有咩貨，又或者要主動同佢講要邊款？(個人口味S: 3/5)(個人口味E: 3.5/5)

曾經在「香港」經歷六間分店的日本「章魚燒」街頭小食店「日船章魚小丸子」，有五間分店已經結業，最後只剩下在「油麻地」「彌敦道」的分店在「香港」掙扎求存，告別熱鬧的「旺角」市場。但是隨著近年「香港」政治紛爭，衝突不斷在街頭發生，加上「新冠肺炎」入侵「香港」，在「香港」市面構成的破壞，曾經令很多店舖被迫關門結業，遺留下大量熱門地段空置舖位，舖租租金水平看來也大不如前。後來我知道「日船章魚小丸子」之所以從「油麻地」搬回「旺角」，跟政治環境無關，純粹舊舖租金問題而已。「日船章魚小丸子」從遊客、食客都不算多的「油麻地」，返回相對有大量途人的「旺角」「花園街」。結果返回「旺角」「花園街」的「日船章魚小丸子」，終於又重現昔日有大量食客光顧，食客絡繹不絕的熱鬧情景。光顧「日船章魚小丸子」人數，足以令店員難以分心兼顧其他事情。例如我付款購買完一盒六粒的「章魚小丸子」，再加上手調「水蜜桃果茶」之後，曾經詢問店員能否提供正式收據，結果導致店員需要，一邊兼顧製作「章魚小丸子」食品，一邊寫款式比較簡單的收據給我。至於「章魚小丸子」跟「水蜜桃果茶」，店舖隨著「日船章魚小丸子」店員終於寫好收據的同時，亦都順利製作完成

日船的小丸子真係冇得輸，一直都保持到質素，我都好開心旺角開左日船。呢度買野食冇得用八達通，直接俾錢收銀員。到我買時剛好要等，我就企埋一邊等。大家都知道，店後面有人負責燒小丸子，燒完入盒就會交給收銀員揤醬同加木魚。一路都覺得唔太衞生，因為隻手掂完錢又揤醬，但諗住唔係直接掂到食物所以就算。但喺我等緊小丸子的時候，我見到收銀員補充番枱面的木魚同醬，佢用剛才收完錢的手直接從一袋的木魚，一手一手咁抓起放入枱面的甕內，然後再從一包未開封的沙律醬，剪角揤入一支瓶中。我睇到嚇親，隻手未洗過但直接掂食材，以前冇疫情都驚啦，依家仲得人驚。我強烈建議收錢的人唔好參與處理食物的過程，講真一收完錢就掂食物或包裝，真係好污糟。希望情況得到改善，令大家食得安心。