旺角咖喱大皇 (已結業)

尋晚兩口子去食飯, 忽然好想食咖哩, 於是就黎呢度啦! 其實呢間真係食左好多次, 不過冇咩機會寫下!由於我好想食好辣咖哩, 於是就叫左個巴基斯坦咖哩牛肉, 而友人就叫左個特色咖哩肥牛, 兩個都係牛肉, 一個辣一個唔辣! 巴基斯坦咖哩牛肉, 牛肉好淋好鬆, 咖哩好香好辣好惹味, 唔知係我狀態唔好定係個師傅知道我黎左所以重手左呢, 我今次真係覺得好辣, 起初我仲不斷用汁送飯, 但食到一半都已經不停飲水, 差唔多投降喇, 自問都算食得辣, 今次我姚東師傅都算失敗喇! 唔緊要下次再挑戰過! 至於特色咖哩肥牛就一D都唔辣, 肥牛好薄好鬆, 薯仔都好味, 正!呢度D咖哩都真係好好味, 要辣有辣, 要唔辣有唔辣, 冇得頂! 服務態度都好好, 侍應十分有禮貌, 又係全自動添水! 呢度有加一服務費, 不過咁服務態度都抵比啦! 我一定會再黎! 希望香港唔好有GST啦, 唔係我真係唔出去食飯喇!

差不多有大半年沒有到過旺角，西洋菜街一帶的改變令我差點變成「自由行」，開o左california，pizza hut 開o左過對面，仲開o左好多sushi店，呢d說話居然由我口中說出，真係好驚﹗在旺角想找個清靜一點的地方吃晚飯真的不易，想食的餐廳原來已結束，最後到了這家餐廳，食咖哩。和男朋友兩人要了一個鷄印度皇飯、一個咖哩羊及炒菜。每道菜都好好味，我最欣賞都是他們的服務，加水快、上菜快，每個服務員都很熟悉餐牌、可以介紹給客人。一點都不像waiter，有點老闆的感覺。(還會和熟客談談今晚買邊場波，但又不太過火。)

好易搵.. 入到去有位哥哥仔好好招呼~~ 仲話鍾意坐邊就坐邊啦.. 跟住坐低由點菜去到俾錢前果刻.. 都不停咁加水.. 唔洗叫都識~~好~ 我地對d咖哩有咩唔明..佢就講下咁.. 幾好丫~~ 衛生情況睇落都算ok架喇..d食物都不錯... 食左個二人餐...叫埋野飲..$19x

真係冇介紹錯。尋晚我去左食，叫左個兩人餐\，食物份量o岩o岩好，咁o既價錢都算係咁。但係有兩個缺點，第一張枱好細張‥(可能我不嬲都唔係好鐘意食野時張枱咁細張。)第二就係個餐\裡面果糖水，真係唔送好過。本來成餐\都覺得好好食，就係臨尾個西米露扣哂分囉......

今晚與準女友相約到些店進膳.可能時間尚早(pm6:30),內進後仍有很多位置選擇,燈光充足,但坐後有感餐桌面積略為細小,不過仍可接受.我們從餐牌菜色裏,揀選了二人套餐$148~咖哩角兩件(料勁多,但幾辣)二串沙爹雞(最好食,不辣)+白咖哩大蝦跟飯(不裕配合,不辣)+咖哩煎魚配印度薄餅(一般倉魚淋上咖哩,中辣)+甜品西米露.之後還加多樣併盤(沙爹雞,牛各兩串+春卷二條+咖哩角兩件~$40)和飲品,這餐我覺得不錯,沒介招錯.但要一提的,當中有兩位仕應哥哥服務真的一流,不停加水,態度親切友善!此服務買少見少了!!!

兩個人食，叫咗個最平嘅set:隊長雞- 味較濃，可以話係咸咗d，不過d雞好滑印度咖哩牛- 用肥牛而唔係一般嘅牛腩，份量都幾多，加喱唔算特別，但d牛肉都ok，但都係咸咗d咖哩角- 普通叮叮咖哩角加大版，好油lum lum串燒- d豬肉肥咗d烤餅- 普通，細細塊咁西米露- 唔錯整體嚟講，d咖哩都算係好港式，啱一般人口味，而且係above average，只不過如果想食類似重慶果d咖哩嘅話，就可能有d失望埋單~$160，我覺得略貴

二人晚餐, 食左鬼雞同巴基斯埋咖喱魚. 鬼雞好似係泰式的, 不辣, 充滿咖喱香味. 雞肉唔鞋, 口感十足. 巴基斯埋咖喱魚, 標住三隻辣椒係menu, 由於唔食得辣, 個老闆叫我要中辣好了. 但中辣對我黎講都好辣, 飲左我足足六杯水. 同樣地d 魚好入味, 值得推介.冷氣好夠凍, 坐係冷氣底下打冷震, 但個口就好熱, 兩種感覺.

同朋友們total7人去食野光頭哥哥服務好到唔信講解專業,超好禮貌,又好攪笑見我生日仲送多一jar可樂比我食左個大spicy 紅咖哩汁分開上,唔想食死我d friend比想像中咁勁,不過好好味個羊肉麻麻地無乜羊味同埋好似d羊先remove得唔係好好~有個friend食到好多毛(我無)不過個青咖哩豬頸肉d curry就一流連我女朋友唔食得spicy都話好味(大中小spciy比你choose)唔理食唔食得spicy唔想食到一肚氣想食好味curry必選!

o尋晚同朋友gathering 一行四人,見網上呢間野咁好comments就去試下，去到8 點左右，三份一人都無，不過食到9 點左右就有人等位。叫左個3~4人套餐包一個串燒(任選),一個炒飯，一個酸雞腎雞腳,炒什菜,加喱雞,同埋一個牛展, 諗住唔夠飽,在叫多個加喱羊~整體上個個都好味，不過嫌佢跟餐d簿餅唔多夠~得三塊~最好食個加喱雞~好好味~ 係值得推介~~~

咖喱...配上綿綿的牛肉... 嫩滑的雞肉...環境頗好... 只有三臺顧客...靜... 靜... 靜... 三個人花了$111.1 ...以可以接受的消費換來幾乎滿意的服務和食物...簡單的總括了今天的午餐...

今日的晚餐是由老婆想的，佢話見到個食評幾好，所以我雖然好熱氣，都要來試一試。我地冇叫二人餐，因為好似食物太多了。本身我想食雞，但又拿唔定主意，所以問下個waitor有什麼好介紹。點知佢話佢今日是第一日返工，要問下老4先。我都唔介意的，我同老4講話唔想要太spice，同唔想要椰汁，佢好nice咁介紹個巴基斯坦咖哩，話個味濃，結果真係冇令我disappoint。仲要了個sea food炒飯同xo汁鴨腎，個飯就一般啦，但個鴨腎就真係好正，個汁好好味，小食一流，份量仲好多先。最後仲要了個拉茶，都是水準之作呢。下次去時已經會是冬天了。一定另有一番風味。

同媽咪叫左個二人餐再加一杯野飲, 本來想試下印度既乳酪飲品, 但係呢到無, 所以就試左個應該係印尼特飲, 粉紅色, 再加啲比椰果大粒啲又硬啲既物體,味道只係麻麻地, 太甜, 早知叫少甜~~二人餐上枱時覺得份量好少, 但係食落原來都幾多, 真係好飽咖哩角: 雖然唔係傳統既皮, 但係個餡好得, 好香好辣,係全晚最辣既一味~~串燒雞,豬各一: 佢地好好人, 唔怕煩, 比我地各要一串, 不過都係雞好味啲, 好多汁, 個豬都唔差椰汁咖哩雞: 呢個一啲都唔辣, 好香椰汁味,媽咪話好味唔食牛,就改左個咖哩魚, 要中辣都唔辣, 個係啲魚都幾好味, 同埋都幾多舊下飯同nann各一, 見到個nann個樣時, 好失望, 因為同傳統既又係好唔同,而且好似放左好耐咁,但係食落又幾得喎,好軟熟,雖然唔係即整,但都ok,不過放耐左就真係唔得啦,好硬呀~~~個飯真係超大, 見到都嚇左一跳,都ok甜品就係好多西米既椰汁西米露, 好稠,同過甜,啲西米淋左啲啦~~個waiter好nice, 個樣仲有啲似個明星添~~

同老死三點先黎到呢間餐廳計埋我地得３檯客叫左個隊長雞跟薄餅點解會叫只係因為個名得意=p有兩隻辣椒係餐牌，但對於嗜辣既我就唔覺辣喇薄餅得好少咋，唔夠食。雞好滑，好好味！點知老闆主動走埋黎問我地要唔要多塊薄餅唔洗錢送俾我地食！太好人喇，多謝哂佢！佢服務態度超好，成日加水俾我地不過嗌埋單果陣，佢坐左係入面要嗌到好大聲先聽到，但臨走前不停同我地拜拜好親切，另一位女侍應都係！

又到星期五，今晚一對一兩串沙嗲(牛)-略嫌乾身，平平兩隻咖喱角-餐中最辣之食物，香脆，熱辣辣咖喱肥牛-好多肥牛呀，汁身較稀，配青椒、蕃茄，咖喱味特別，明顯獨家秘製，再辣一點會更好椰汁咖喱雞-不失咖喱兼有椰汁的香味，汁身較杰，配薯仔洋蔥，適合吾食得辣的食客甜品-花奶西米露，吾ok，西米成塊餅咁，凝結一塊在底，真係要攪一輪先食得，太甜，吾夠凍~白飯+酥餅(不錯，有香蔥味)一件一坐低侍應就提你手袋可以放在桌下茶几位，留意和其他食客都一樣好招呼，侍應服務細心，有禮一侍應聲線像DJ口吻~~

我地3個人8點幾去, 等左一陣就有位.叫了<勿度那羊>跟飯, <鬼雞>跟薄餅,<拼盤> 同蘆薈特飲. 好食, 不過冇想像中咁辣. 下次應該會試辣d 果d!同埋我地坐到11點, 都幾耐下. 侍應仲幫我地re-fill water. 服務幾好!