旺角咖喱大皇 (已結業)

辦事後在旺角。咖哩癮大作，而唯一附近較正宗的在此，故移步至此。這個Madras Mutton（勿度那羊）得來不易：首先，送錯檯；之後，被那檯無知的食客「撩」完一輪，發現不是咖哩牛腩之後，被老闆拿回入廚房；跟住，它在廚房，夾在大廚和老闆之間涯一輪「口水戰」（對，全餐\廳都聽到）；最後，來到我的跟前。這盆「辛苦命」的勿度那羊，比其他咖哩牛腩、咖哩魚、咖哩雞...少一半（其他真的盛得滿滿的！）。真的不敢想像它在廚房...希望它曾經經過過「適當」的「處理」。勿度那咖哩在餐\牌上是中辣的：軟骨羊是小辣的，但不夠辣- 對於一個吃慣重慶污糟vindaloo 的人來說，不怕髒，但怕不夠辣。「烤餅」（Chapati）嘛...是烤餅？是油酥餅？不是印度麵包嗎？...哎，只是即慶而已。

幾年無去過，今日和朋友再去食午飯。印度皇飯是以往每次必食，一樣係好好味。牛腩好夠林，味道剛剛好。羊有羊味又不太騷，好正。服務態度很好，非常熱誠但又不會過分滋擾。今次再留下好好印象，以後記得會去多D。

7 July 2006 (Fri) - 晚飯未食過就試下啦！服務水準一流，個waiter好好笑容，語氣非常好，食完後因為有人等位，佢勁講唔好意思叫我哋埋單，呢啲咁既人材，真係邊度搵吖？嘢食水準亦相當唔錯，啲咖喱又唔叫好辣，但又一定唔係唔辣，葡汁亦相當唔錯，好入味！葡汁羊個賣相真係麻麻，因為見到啲羊皮有啲唔開胃，但係食入口又非常之淋，又唔太酥，所以都加分！個咖喱牛肉好好味，用黎配薄餅就一流！不過坐位就麻麻啦，因為張枱下面有個位用黎擺嘢，但係就頂膝頭哥，所以對腳都唔知點擺好．．．不過我一定要再黎，因為個waiter真係好好人，好鍾意啲咁既service！

service好好, 我叫佢換牛肉串燒做雞肉串燒佢都肯,而且好好禮貌！椰汁雞好好味...而且佢地好細心,成日會加水,同見我們食完就叫人上甜品..因為我唔食牛, 美中不足係佢好多菜式都係有牛的

和男友在旺角食飯, 突然諗起呢間舖頭, 就黎試下啦出面睇好似係一間台灣的茶藝社.. 裡面裝修又無乜特別, 但都幾乾淨企理.點菜時, 原本想點炒蟹, 但佢話無.. 一個好親切的男員工向我們推介…最後點了:香辣蒜片炒鮮蝦球- 好辣.. 但好好味.. 稍嫌油左d.. 印度咖喱雞- 個汁好好味.. 雞少左d.. 如果多d就更好印度薄餅- 點”咖喱汁”好正!白飯一碟- 點”咖喱汁”好正!清炒什菜- 食完其他辣野.. 有個清淡少少的菜入口.. 好正!!!野食水準唔錯.. 而且service好好.. 員工又好nice~而且又不停re-fill水.. 唔錯~!!! 下次帶埋愛辣的媽媽黎試下先..

今日阿J&阿A於旺角行街,由於行經豉油街,加上之前有睇過網上的評語,於是揀了旺角咖哩大王吃飯,2人點了印度咖哩雞配飯,白咖哩蝦球配薄餅及椰青一個,咖哩雞用左好多香料泡製,香味十足,不錯,白咖哩入面有椰奶的味道,汁煮得很香,再加上蝦球,亦是不錯的選擇。

(19/5)突緊召出來，銳意改革並商討大計，二話不說選址就近，沒有太多人入來，故嘗試。先上前菜麻辣鳳爪雞腎，總覺得此前菜不是屬此餐廳，但香辣、入味，不是以辣蓋過味道，也是不過不失。而蝦肉冬蔭功，顏色與味道似足龍蝦湯，只是多些辣味，始料未及。黑椒青葱蝦，是有水準的一環，蝦肉是基圍蝦之類的味道，但汁料佔最重要部份，有些少葡汁加入，令到既幼滑、既甜。印度咖喱牛腩，牛腩太韌口，過熟，但汁料比前者更厚、更香，相信有上調的空間。印度薄餅，喜歡吃的一環，因那種既軟但有少少實，香香牛油味道，配以那兩種汁料，幸好不是吃飯。看見鄰旁一面訴苦，一面說學生的行為，又提及教師喜歡看電視劇，似乎放學時間不早。可能受環境影響，眼見他們的甜品不討好，還是叫其他飲品，拉茶及薄荷特飲，朋友叫了拉茶，評語不俗，而薄荷特飲，沒有驚喜。它們市場的定位成功，既港式又加些印度元素，位置暢旺，營業時間可延長，就算水準有偏差，應該問題不大。

我諗係旺角泥講，呢間咖喱店已經係唔錯，最好食o既係咖喱角，作為頭盤小食一流~另外，呢間咖喱店o既服務真係好好，我諗係旺角都好難搵到間服務好過呢間，不妨一試~

見咁多位版食都讚過呢間o野...更係要去試一試...menu 都有好多選擇...睇到樣樣都想叫可惜食力有限...結果叫了一個set..兩串串燒牛- 香口..兩隻咖喱角- 辣...夠味...正!!咖喱肥牛- 真係打邊爐d 肥牛...仲好鬼多..椰汁咖喱雞- 4 大件雞..啖啖肉一d 骨都無..甜品- 唔知咩西米露..ok~白飯+ 酥餅一件再試埋拉茶..ok..唔太甜d 肥牛多到食晒o野仲有剩...結果要結多件酥餅先食得埋..o野食都好好味...服務真係好好...不斷為你加水...又好細心問食唔食得辣...最攪笑個店員係不斷同個熟客大講波經...但係都留意到你幾時加水...真係一眼關七!!

琴日同老公去食, 6:00pm左右, 只有1檯客食緊, 有好多位.我地點左串燒併盤, 白咖喱牛肉, 西冷黑咖喱羊(2個辣), 凍白咖啡, 熱香草咖啡.串燒併盤–有2串雞, 2串豬, 2隻招牌咖喱角同2隻素春卷. 串燒就普通o者. 素春卷就太淡味喇. 個咖喱角o既涵料係羊肉, 幾好味又幾特別. 不過好辣下架, 我食半隻要飲兩啖水先可以繼續食. (本人唔係好食得辣)白咖喱牛肉–D牛肉係牛展, 有香草味, 唔辣. 係因為我怕辣, 所以點o既.西冷黑咖喱羊(2個辣) –一食就覺得好好味, 甜甜地, 又香. 即刻食幾件兼蘸薄餅吃. 不過食食下又覺得辣, 就食番個白咖喱牛. 雖然辣, 但真係好好味呀!凍白咖啡–咖啡味比較淡, 唔係好特別.熱香草咖啡–有香草同咖啡味, 幾得意.我地由未開餐, 到食到出汗, 到食完, 侍應哥哥不停自動自覺為我地調較冷氣. 咁細心, 呢D服務真係要讚! 加水又密, 收碟又快, 而且唔係趕客o個種. 旺角區有咁o既服務, 難得.

今日３月２４日，星期五７：００去都無咩人，得５台客，叫左咖哩角，ｏｋ好味道不過油就真係多左ｄ，再添多個南印度羊飯，伊味羊有３隻辣既樣，膽粗粗叫黎食，點知原來係好鬼辣的，真係邊個可以食晒連一杯水都唔使飲既我可以寫個服字過佢！２個人埋單＄１３０，旺角食咖哩叫偏貴了～～不過難得既係服務員加水都加得好密下！

食過兩次，第一次去（一年前左右）無論咖哩、咖哩角都唔錯，第二次再去（兩個月前）就差左少少，咖哩角食到成口油，咖哩肥牛都好似冇之前咁好味。而呢度個環境就真係唔ok，因為地方細，坐落好迫好唔舒適，冷氣亦唔多夠，食到出汗，仲要四圍超多人食煙（有旺角特色），近距離二手煙，攪到成身由頭到腳煙味加咖哩味加汗味，死未！？但係服務水準兩次keep到幾親切，呢點其他旺角區食肆少有的，補番數啦！

16-10-2005 1908在去車品品前黎呢度打定底先，一個人始終容易入閘，是晚客人也不少，我就坐了近bar及入廁所/廚房既位置。該晚只係食了西冷克咖喱羊cylenda，聽名就好high class，但食落只係椰絲加港式咖喱走辣椒油既curry，我既程度只可以用呢幾隻字形容，反而飯既賣相都幾特別。收52蚊，加一另計，我只會說ok，如果在這區收最多35蚊，我反而會俾笑臉。

sorry我好懶,好小寫食評! (但就成日睇人地果d,hehe), 今次唔寫唔得~~我同老公都鐘意食curry, 見呢間餐廳咁多好評, 就一於黎試下!因為第一次食, 所以就求其叫左個"Set A" (佢地話係小辣,我地改左中辣)1) 咖喱角+雞串沙爹:---牛肉咖喱角都算ok, 我覺得幾辣, 個皮好薄, 個filling係咖喱牛肉, 幾脆! ok咁啦! 我老公就嫌個味唔夠濃! (佢\比我食得辣)---雞串沙爹: 果d雞好似無煎過, 又無燒過.. 總之, 好似就咁烚熟左的雞肉, 一d都唔香口, 又無味... >.<---有一小碟漿油, 一半係咖喱, 一半....竟然係無乜味的沙律醬... 點左黎食都食唔出有咩味~~2) 咖喱雞+咖喱牛, 配飯+naan---咖喱雞: 好重椰汁味, 汁好稀.... 食左2啖, 我同老公講, 突然覺得自己食緊"碟頭飯"!!! 好似什麼大家樂果類的什麼萄汁雞飯!! 我老公都極表同意!!!! 因為個咖喱雞一DD咖喱的香味都無!!! 又淡, 又稀, 無乜味, 亦無辣味~~ ---咖喱牛: 睇個樣似乎"得"d.. 濃濃黑黑~ 味道果然比

去個住何文田的朋友屋企開檯，早左到，周圍食下野先。見到這間自稱咖哩大王的舖頭，看餐牌，好似幾有睇頭，就來試下咖哩掂唔掂。餐牌有豬牛羊雞魚各種肉類，吃咖哩，當然首選是羊。又對西冷羊有點興趣，就叫了這個西冷黑咖哩羊，配薄餅及另叫一杯拉茶。黑咖哩羊，賣相是麻麻地，見羊件有不少骨，又肥肉還肥肉，廋肉皆連骨的，可以立即知道叫「西冷」，是肥肉跟廋肉的意思，同「西冷扒」是毫無關係，像排骨多一點。吃一件羊肥膏，是必然的甘香可口，羊臊香味夠濃烈，也不錯；吃一件廋肉，就較為韌，沒有了羊肉軟腍的口感，加上有骨，當然不及啖啖肉過癮，所以我是清了肥肉，剩了廋肉及骨。黑咖哩味道濃烈，少少辣，都夠味道，可惜同煮的洋蔥不夠腍名入味，如果不是就更佳。薄餅實實的又油油的，完全做不到一層層鬆軟的效果，絕對是敗筆。拉茶不太夠滑，味道幾似台式奶茶的，不過十二蚊一杯，一試無妨。店員招呼好好，添水及執位做得快手，見我剩了不少咖哩，又問我要不要多點飯，值得一讚。埋單七十蚊多幾毫子，不算抵食，個人而言亦沒有再來的理由~說到底在香港地食咖哩，還有大把正宗的地方。題外話：始終是旺角，店內的客人大多抽煙，令到已不太通爽的舖面變得更煙霧迷漫，