旺角咖喱大皇 (已結業)

路過想光顧, 卻換來一肚火!!! 星期五晚七點幾, 繁忙時間全場只得兩檯客, 每檯兩人, 合共4人, 我示意兩位, 個阿姐將四人檯拉開兩寸空隙變成2人檯, 我好自然將個袋照放過隔離張櫈, 個阿姐黑晒臉, 即刻要求我放落檯底, 啋佢都傻! 令我地已經唔多滿意, 我朋友拉返埋張檯仔之間個空隙, 個阿姐好緊張立即衝上前, 極度無禮貌話: 『唔得架! 比唔到你呀! 』想拉番開張檯......朋友火都黎埋鬧個阿姐 入黎幫襯, 要受你氣呀?! 而家係全場滿座咩?! 唔怪得知冇客啦!..........一齊攞袋走人! 我地行前D去食越南菜, 人地真係全場爆滿, 人地都有咖哩食, 又好食又有禮貌!

呢間咖哩，見係旺角區都係頭幾位，諗住去試下啦，2個人去到叫左白咖哩魚干抄咖哩牛腩一客油酥餅先來個魚，賣相普遍，一聞~~~~~~d魚臭，係好臭，有無搞錯叫人來換，條友仲要好唔情願，仲想解釋，係唔係有病啊，臭成咁仲唔想換干炒咖哩牛腩，ok 正常，但未至於好食來了個油酥餅，一來，我問呢個咩來，我話係餅干啊，原來真係油酥餅我食咁耐油酥餅，都未見過係咁，根本係一快餅干，食左2啖就無食，可借無影相，勁干難食食完呢間，可以講係不知所謂，好難食，唔知點難咁多笑，真係唔明

晚上人不多，二人來吃，不用多想，就點了A餐。咖哩角：有兩隻，剛炸起，皮脆，餡料香，不太辣，如果大件些就好了。串燒沙嗲：有兩串，雞肉夠滑，兩款醬汁都ok，個人喜歡較辣的黃色咖哩醬。咖哩肥牛肉：賣相不太討好，肥牛多，不太喜歡這款咖哩汁的味道，沒下次。椰汁咖哩雞：比咖哩肥牛好味，好香椰汁味，雞肉大大件又滑，喜歡用這種汁撈飯食。飯和烤餅：撈咖哩汁食，汁多飯少，烤餅也只有一片，不夠食。甜品西米露：西米和椰奶分開，要自行撈成西米露，甜度適中。侍應阿叔不斷加水，喝到我們成肚水，好飽。環境雅緻，但圓形椅子不太舒適。原來要加一，好像不算抵食，食咖哩還是去尖咀重慶。

見op呢度咁多人話好食,就專程去試下,七點半去到,都冇乜人睇左一陣個menu,,有好多種唔同ge curry..不過都唔知邊個好食,又冇圖睇..==咁我同fd就是旦叫左兩個,一個跟飯一個跟薄餅,跟薄餅好似好食d巴基斯坦雞雞肉唔滑咖喱唔香..得個辣字印度咖喱牛肉味道同巴基斯坦雞點解一樣??=-=牛肉ok,炆得夠淋&入味ps.本人覺得個賣相有點核突..同埋一d都唔覺得好食

星期五嘅旺角周圍都迫滿晒人, 由於太肚餓嘅關係, 決定搵到邊間餐廳唔洗等位, 就食嗰間~結果... 就入咗"旺角咖喱大皇", 整體又幾好味喎~我哋兩個人點咗一個2人餐A, 再加個菜. 不過由於我要走辣, 而我朋友又唔食牛嘅關係, 轉咗啲菜式豬肉串燒 : 唔錯(咖喱角轉) 春卷 : ok啦(咖喱肥牛肉轉) 白咖喱魚 : 魚都ok, 但係個白咖喱比較重香料味, 我個人就麻麻椰汁咖喱雞: 好味~! 怕辣嘅我覺得啱啱好咸魚炒通菜: 油咗少少, 但係都幾好味印度薄餅: 好味白飯: 有造型... haha甜品 - 西米露: 偏甜, 西米又成餅咁黏住响個底, 唔係一粒粒, don't LIKE

晚上一人幫襯, 套餐只有咖喱雞和一塊薄餅, 沒有包飲品, 收六十多, 薄餅太細件了, 最後加了碟白飯, 咖哩味道無太特別，不印度又不太巴基斯坦, 侍應服務沒有表情, 些少愛理不理的態度, 又沒有問我辣度, 不知有否得選擇, 比他的服務水準攪到無心情問, 算吧了, 來到了的咖哩味不太濃, 辣度不足, 咖喱雞當然是雪雞, 相信無邊間會用鮮雞, 但沒有甚麼獨特之處, 又可以收這麼高價呢? 另外啤酒一支, 水準與該店無關, 尚算夠凍, 總數吃了$110, 旺角區來說不算便宜, 總括而言, 未太滿意.

成個星期無食過飯落肚, 今日想食番d飯, 正在愁今晚去邊度開飯之際, 諗起呢間咖喱大皇.決定左餐廳, 即刻同男友向目的地出發, 七點幾既星期日, 店內祇有幾枱客, 兩個人靠邊坐了張二人枱, 但張枱真係好細, 祇可擺到兩碟野. 點了朋友曾向我推介的巴基斯坦咖喱雞跟簿餅(因朋友知道我嗜辣), 一個辣星洲炒飯, 男友接住點了蝦冬蔭公湯, 半打串燒(豬及雞), 一碟咸魚茸炒通菜.蝦冬蔭公湯最先到, 未飲巳聞到好濃既香味, 飲得出落左好多香料, 呢度的偏酸, 但幾好飲, 我同男友各飲了兩大碗, 跟住到的通菜好夠镬氣, 估唔到又幾好味喎, 不過咸左少少. 反而我一心期待的巴基斯坦咖喱雞卻令我失望, 好明顯雞完全唔入味, 而且的咖喱亦不辣 跟餐的簿餅熱辣辣好味, 但好細塊, 唔夠喉囉串燒雞好過豬, 但都係無串燒應有的香味. 失望. 最後到的辣星洲炒飯一d都唔辣, 因為係用豆瓣醬炒的 唉, 滿心期待的一個飯我食左兩口巳完全唔想再食. 點了杯青檸薏米水, 我估唔到係咁求其囉, 幾塊青檸同一匙煮熟既薏米加d糖水, 見到杯咁既野, 我0晒嘴, 無野好講.睇食評有唔少人讚, 咁是退步了嗎? 還是我唔識欣賞?

之前跟男友提過想吃，男友有放在心裡，這晚就帶我來了選了個198二人套餐，有前茶，湯，主菜和甜品。麻辣鴨腎拼鳳爪 : 我無吃，不能評。反而想講的是男友吃鳳爪不吐骨？！這個人真的比我想像中更古怪...早前才得知他吃士多啤梨不吐葉，吃五香肉丁只吃肥膏不吃肉...看來他還有很多怪癖等我發掘鮮蝦冬蔭功 : 想不到鮮蝦冬蔭功真的只有一隻蝦...應該用了很多椰奶，湯是實色的。我一向挺喜歡冬蔭功，但老實講這個毫不吸引，雖然同樣酸酸辣辣，但到底問題出在那裡我又想不到...我與男友都只喝了半碗就放棄了黑椒大蝦 : 本來以為會「更黑椒」，事實比較像葡汁，不過這是我最欣賞的一道。汁很香椰奶味，用來拌飯一流！但店方提供的白飯太少...根本不足夠！咖哩魚 : 咖哩無特別，不太辣而且咖哩味不濃...魚還有魚骨，薄餅又只有一塊...而且不出色，平時在food court買到那種反而更美味西米露 ; 西米露不是一粒粒的，是「一餅餅」的，口感不錯，很有新鮮感，但糖水太甜

是日收工之後大約7點幾黎到呢度見有位就入左黎喇咁黎到就梗係試下d咖喱架啦叫左印度咖喱牛肉同串燒D串燒真係好似隔黎街邊都好食過佢lor個印度咖喱牛肉飯反而ok,夠哂辣同入味我都食到出哂汗總結如果講食咖喱呢度未必係我既首選有時間既話我都會過返重慶食

師傅難得一日半日可以早少少離開監房, 當然十分開心啦, 皆因牢獄生活絕對唔易捱, 於是趁住有d時間四出走走, 順便睇下有咩野想食, 醫下個肚! 師傅喺旺角兜左幾遍, 都搵唔到有咩想食, 忽然間興起想食咖哩, 於是諗都唔使諗黎搵咖哩大皇啦!數下手指都有好一段時間冇黎過呢間食店, 入到去食店, 發覺店內無論裝飾, 擺設, 甚至伙計都一如以往, 雖然伙計唔會認得師傅, 但仍然十分之有親切感, 看來天變地變, 唯有大皇不變, 不變應萬變, 高!由於比較夜加上一條友, 所以唔使等位! 入到去伙計招呼坐底, 於是即刻睇下有咩好食, 其實師傅心中有數, 但硬係要睇, 最主要都係想八下有冇新野啫; 最後師傅都係柯打左勿道拿士咖哩牛腩, 配上白飯就已足夠!等左一陣勿道拿士咖哩牛腩連白飯一齊登場, 由於太耐冇食過咖哩, 所以師傅甚為期特; 兩隻辣椒嘅勿道拿士咖哩算得上中辣, 咖哩香濃惹味, 不過第一啖入口師傅並感受唔到辣味喎, 到底係師傅進步左, 還是大皇退步左呢? 但當食多幾啖後發覺辣味開始強烈, 越吃越有感覺; 雖然並唔需要飲水解辣, 但嗰一刻嘅的而且確好過癮, 勁開心; 而牛腩依舊大大舊, 大舊得黎

食完好滿意, 叫咖哩牛腩, 咖哩牛展仲好食. 餸份量多, 咖哩好味. 老板幾好人．　Lunch 沒么幾檯客，　會唔會係價錢，　因為附近太多食店，３０幾元有嘢飲，　呢度都要５０－６０元，　都有水飲．一間甘夠質數的鋪頭，　叫好唔叫座，　真係有ｄ可惜！！！　

朋友介紹下去嘅，要咗個套餐A，有咖喱角+串燒，咖喱雞，同咖喱肥牛。另外配白飯同印度薄冰，以及甜品。咖喱雞嘅咖喱有椰汁味道，又唔辣，我個人比較鐘意。咖喱肥牛嘅咖喱就比較辣，如果食唔慣喇嘅朋友可能會接受唔到。不過我認為果個印度薄餅就比較適合配偏辣嘅咖喱肥牛，白飯就適合配椰汁味嘅咖喱雞。今日套餐嘅甜品系西米露，果西米露中好似加咗焦糖，味道同普通嘅椰汁西米露唔同，好有特色。無論系餸定系飯都好打量，成個套餐加埋加一凈得173，所以好抵食。

其實都食過3次, 之前水準都不過不失, 叫做係一間食店食到幾種口味既咖哩, 唔駛走去重慶先有得食啦~ 點知今次食真係出事, 我地2個人, 叫左個2人餐. 當時全店滿座不過無人等位, 叫個男侍應落單叫左陣都唔黎, 見佢一路執台一路唉聲嘆氣都"鄧"佢辛苦. 佢幫我地落單時無問我地個串燒要咩肉, 我地再叫佢番黎又叫左陣都唔黎, 我個friend直頭行過去同佢講要咩肉, 點知佢講話: "頭先又唔嗌, 整左囉喎, 無得轉, 是但啦! " 我個friend唔理佢, 行入裡面搵左另一個侍應講, 人地都話未整, 有得揀~野食黎到, 個咖哩角都ok, 但凍既....個串燒都凍凍地, 但個沙爹汁都ok既, 不過唔知點解花生醬味重得滯, 唔係太正宗個咖哩肥牛真係麻麻, 一來唔係好入味, 其實肥牛已經好易入味架啦, 我諗應該係因為汁還汁煮肉還肉煮, 所以搞成咁. 而且個咖哩色就好夠, 但香味唔夠, 香料味蓋過咖哩味, 變得好怪. 個肥牛食到最尾出晒水, 我諗係因為裡面加左青瓜所以搞成咁.個馬來咖哩雞既汁都ok, 夠椰汁味, 齋撈汁食飯都仲ok, 但隻雞就完全唔入味, 而且好韌, 應該都係汁還汁肉還肉煮啦.個

和友人也是咖喱迷..因為看到openrice很多人讚..便去了這間試試...一入到店內,完全沒有人招待...等了幾分鐘,有位中年男士(相信是店主)便過來..他的態度也算不錯..叫了兩個咖喱...圖的左:勿道拿士羊肉($60) 羊肉的騷味是剛剛好...但是呢個汁有點怪..是否變味了???圖的右:印度咖喱雞($55)雞一點也不入味...呢個汁很難吃.很受不了那味道!!很不明白為甚廚那麼多讚!!

昨天去交旅行的尾數,晚上便和朋友來這試一下他們的咖哩我們二人點了一個2人餐,有沙爹串燒,咖哩角,一個咖哩肥牛和一個椰汁咖哩雞,甜品則是椰汁西米露,先送來的是沙爹串燒和咖哩角,可7二人餐喔,他只有兩串沙爹串燒和二個咖哩角,真的有點少呢先說他們的咖哩角,皮很薄餡料也很多,而且比一般吃到的咖哩角卜辣,我最愛~~~~讚~~~~之後再食佢地D串燒,是沙爹雞串燒喔,雞肉也很嫩,不錯不錯到主菜了,咖哩肥牛和椰汁咖哩雞,跟左一個飯同一個薄餅咖哩肥牛有很重香料味,牛肉也不太鞋有一點點辣幾好食(本人可以食好辣o下的^^)椰汁咖哩雞嘛,真係好重椰好甜,而且壬雞肉有D實唔太討好我還有他們的薄餅沒什麼特別,真係要多個飯好過,因為真係唔夠飯扭撈D咖哩汁食