旺角咖喱大皇 (已結業)

尋晚同老公d朋友一齊去左呢度食飯,其實之前都有食過一次,不過係幾年前,都無咩印象!尋晚去左叫左個套餐$512,再加好似叫勿道拿士羊肉!個餐都好豐富架,小食有咖喱角,麻辣雞腳&腎片,好正!不過個咖哩牛肉就麻麻地,椰汁咖哩蝦就一般喇,菜好好食,青口係最辣既,食完不停流眼水,條利辣到痛呀!有個印度薄餅同白飯跟,仲有個炒飯添呀!夠哂飽!我地專登加錢叫左個油蕙餅不過麻麻地,都係印度薄餅好食,整體都幾好,淨係坐得唔舒服,服務都ok,鋪內既人都算有禮貌,實在可以一去再去!

今天晚上照例要自己"攪掂"，從油麻地步行過去旺角再轉入"女人街"，打算看看有甚麼新食店可以吸引到我入內。途經中看到兩間店，一是Face，另一間則是Dates，兩店都是吃西餐的，今天總是想"有飯落肚"，還是留待下次有機會再來吧。走畢了兩邊的女人街食店，改變的不算很多，西門町還是有多人，新森林也很熱鬧。不過還好在過來前已經決定如找不到食店，便過去在豉油街的咖喱大皇，天氣熱的日子，吃點開胃又刺激的食物較好~進店時人客並不多，只有數檯而已。這類的咖喱主要分為四大類：馬來西亞、印度、古露馬和巴基斯坦。心想好的咖喱一定會令胃口大開，所以便決定要分別兩種不同(牛及羊)咖喱好了，向店員要求他推介一下，他就說勿道拿士羊肉和馬來西亞牛肉配以一飯一酥餅~在等候時人潮不斷湧入，不一會已經坐無虛席了，有夠誇張。(說也奇怪，店內竟然有日籍客人在用膳呢)先來的是勿道拿士羊肉，一看到它的賣相就主觀認為差極有限了。另外一股強烈香料氣味撲過來，果然是印度咖喱，著重香料配搭。再來的是白飯跟酥餅，然後馬來西亞牛肉也緊隨其後。所有菜色都到齊了，是時候開飯喇﹗先試馬來西亞牛肉，因為另一個的味道較濃，生怕吃後會影響到這牛肉的味道，

自從上一次試完個巴基斯坦咖哩後, 師傅就好似怕左佢咁, 所以好耐都冇再黎過, 前晚師傅忽然興起想食咖哩, 加上師妹又想食咖哩, 咁啱佢又未黎過, 所以一行三人再次光顧!由於都比較夜所以唔使等位, 入到去大把位, 伙計招呼坐底, 三人即刻商量食咩咖哩先, 而師傅又再一次向個伙計而類似老闆嘅人查詢, 睇下有咩香辣咖哩啱師傅胃口, 而佢就介紹左勿道拿士咖哩, 同樣地佢亦介紹左馬來西亞咖哩比師妹, 所以最後要左個勿道拿士咖哩牛腩, 馬來西亞咖哩牛肉同埋特色咖哩肥牛, 再後加一客沙爹串燒雞肉!閒談左左一陣, 率先登場嘅係沙爹串燒雞肉, 雞肉係好滑好鬆, 加上熱辣辣, 幾吸引, 可惜係沙爹唔夠香, 似花生醬多少少, 如果要食串燒師傅相信呢度唔係最佳選擇; 再等一陣三款唔同咖哩同一時間例陣出場, 師傅當然急不及待去試下個勿道拿士咖哩牛腩, 勿道拿士咖哩話說係中辣, 食落口有d香辣嘅感覺, 但師傅當然唔覺得佢辣, 如果要同巴基斯坦咖哩比, 後者真係辣好多, 不過依舊惹味, 而牛腩好腍好鬆好入味, 正呀; 而馬來西亞咖哩都係屬於中辣, 不過咖哩裡有青檸味, 所以師傅就唔鍾意喇, 但見師妹吃得津津有味,

有一日同友人行街, 特然好想食咖喱, 咁啱又經過咖喱大皇, 呢間鋪的鋪面一點都唔吸引,但係 記得Openrice o既食家們都對呢間咖喱大皇都有唔錯評價, 所以就試試. 入到去環境尚可以, 不過D位就坐得不太舒服. Menu個set dinner好似唔太特別, 我地問waiter可唔可以改主菜, 佢話可以, 咁我地就order 左個set dinner.頭盤 :燒雞串 - 肉質同味道都一般, 肉有點老咖喱角 - 用料幾特別, 點埋果D似沙爹醬的汁, 好好味主菜:巴基斯坦羊肉 - 好香濃o既汁, 一入口好似無咩野, 不一會辣味就在口中散開來, 其實都幾辣. 羊肉煮得夠淋, 一點"穌"味都無, 令人好回味!印度咖喱雞 - (配飯或者薄餅)甜品:椰汁西米露 - 食完辣野, 食呢個甜品解下辣就最好不過.其實以我呢個咖喱o既門外漢黎講, 呢間咖喱大皇都算唔錯, 一試無妨.

朋友約了主人與奴隸獸食午餐，並提議光顧『旺角咖哩大王』，我們當然沒有異議。當天店內的客人甚少，（可能過了食午飯的時間。）因此我們在商討要點什麼菜式時，老闆亦主動提出意見。提議我們可以要一份二人套餐，再另加一或兩碟小食。而且老闆非常友善，容許我們更改了一小部份套餐內的菜式，這種服務態度，令我們留下了深刻印象。我們點了：1. 二人套餐（HK$158）：- 招牌咖哩角：薄脆的外皮，包著味道濃郁的料，非常惹味，奴隸獸甚為欣賞。主人就覺得肥膩了一些。- 沙爹雞肉串燒：肉質尚算軟滑，味道只屬一般。- 巴基斯坦羊肉：混有大量香料，所以味道極為濃厚，合乎我們心水。只是羊肉煮得未夠腍，及咖哩汁混有一粒粒香料，口感較為粗糙。- 鬼雞：詢問老闆『鬼雞』名字的由來，他亦支吾以對，告訴我們是馬來西亞菜式。味道雖然濃郁，但不及巴基斯坦羊肉霸道。- 印度薄餅及白飯- 甜品：椰汁西米露，應該是兩份的，但老闆卻給了我們三份，在此說聲多謝！2. 什錦拼盤（HK$48）：有沙爹牛肉串燒、沙爹豬肉串燒、招牌咖哩角及素食春卷。牛肉及豬肉的肉質較為硬實，不及雞肉。春卷的味道亦沒有什麼特別。這裡的咖哩頗合我們口味，而且份量足夠，應

叫左個set dinner....有香辣鴨腎鳳爪+ 冬陰公+ 薄餅+ 白飯+ 咖哩魚+ 黑椒蔥蝦+ 椰汁西米露香辣鴨腎鳳爪好好味~~~少少辣......再加d勁香的麻油...但係呢個前菜小食真係令你胃口大開....冬陰公超級真材實料....其實個感覺唔似冬陰公....而係似一個幾辣下的冬陰公我就覺得幾好味.....同埋幾大碗....係我食完的時候...d 冬陰公好似係我個肚度翻騰咁~~黑椒蔥蝦....係最好味的一味送....佢唔辣....反而係甜甜地的.....好香....d 汁勁好味...可以用d汁尼送飯....不過就唔夠蝦....太少lu咖哩魚....超失望.....d 汁好差....辣得尼唔好....好似沙甸魚咁....食到我兩個咀都扁晒......真係唔得佢死.....西米露....因為呢樣我係取走的....所以唔係即刻食....熱變凍...但係都好夠椰汁味~~正整體都幾好....但係假若可以換走果個咖哩魚會更好.....

尋晚星期日晚上，同女友到旺角咖喱大王。記得年幾前食過，味道幾好，所以再一次食晚飯。點左個2人餐，$198。頭盤改了2x咖喱角，2x寸燒，味道一般。(但要讚下既係set dinner你都可以改，由鴨kidney變成咖喱角寸燒)蝦冬蔭功湯(奇怪~冇泰國d咁香，幾酸下，但正合我河車~)黑椒青蔥蝦: 好香好滑的咖喱，d 蝦超新鮮！好好好彈牙！咖喱魚﹕我問個waiter係咩魚，佢話係魚柳，諗住都算啦，行貨魚柳，都係想食咖喱汁o者，但最後食落口既時候....點解d魚柳會咁彈牙？！讚！飯+薄餅﹕just so so~甜品﹕椰汁西米，勁多西米，同唔係太甜，幾好！服務﹕幾本上幾好，d waiter阿叔都好有心機同你講解下d野係乜，我地要轉set d item都ok，幾好咁啦。(加上如果你唔介意佢地係鋪頭度講賭波)結論﹕一定會再去，咖喱我唔係專家，但係食到有heart，新鮮既材料。係出面around $200既2人dinner 真係少機會d。

同男朋友食左個2人餐, 飽到上心口。個餐有2件咖哩角, 2串沙嗲, 咖哩角大件, 食得出係咩黎, 唔似d hea 咖哩角入面一pat 野, 呢個有牛肉碎同青豆, 男朋友話仲有印度香料味。好味, 不過好多油.....沙嗲都好入味, 不過鞋左d....咖哩牛同椰汁咖哩雞, 跟飯and印度薄餅。咖哩牛我地轉左羊腩, 好林好入味, 薯仔好林, d咖哩汁好正, 撈飯同點印度薄餅正!!椰汁咖哩雞個汁最正, 甜甜地, 有椰汁香, d雞無骨啖啖肉, 係雞扒切件, 撈左好多飯。可惜個餐無菜, 比較滯, 如果可以加個菜而咖哩少d就好la, 最後都係食唔晒, 可惜。最後仲有個甜品, 一個好正既椰汁西米露, 一d都唔水, 勁多西米, 呢個真係好食過o係糖水鋪食!!

第二次到咖哩大皇食飯..今次一行五人七點幾去到仲有好多位..唔使點等今次五個人揀左個3-4人0既C餐有六支沙dad (都幾香...幾好味...)另外將個鴨腎換左六隻咖哩角(咖哩角無乜特別..少少辣)海鮮炒飯(無乜驚喜...但味道可以接受..裏面食得出有帶子,魷魚同魚..)特色炒菜(呢個幾好味...即係炒雜菜囉)唔知乜野咖哩羊(呢個真係好食..D羊好淋..又好入味)唔知乜野咖哩雞(ok..少少辣)另外仲有一個印度薄餅(好細塊)同埋白飯一大碟仲送一JAR可樂...總括兩男三女去食一個餐...個個都食得好飽...味道可以接受...價錢都合理0既~

二人set加錢轉食白咖哩魚同咖哩羊咖哩角比較spicy同多油，ok嘅沙嗲雞串好味，都ok多肉白咖哩魚好食過咖哩羊，甜甜地d肉無煮到爛到，多汁d更好咖哩羊好多料，抵食，但唔夠味怪怪西米露，普通味同埋服務其實幾好喎PS: 佢係飯大餅細的要留意分量

星期六的中午來到, 包場, 吃了幾個字都只有我一個人, 看來因為沒有Lunch Set, 夜晚時段除外的其他時間是沒有甚麼人光顧的.點了胡椒魚. 份量不算少, 魚肉質鮮嫩, 魚味胡椒味辣椒味都吃不出, 味道是純粹的辣, 不會不好吃不過不是My Cup of Tea.服務是不錯的, 幾對一服務.

又係電車男三人組食飯時間...今次有人想食辣，結果揀了呢間咖喱大王，其實之前自己已經試過，話佢好又唔係差又唔係，只不過係就番大家...不過同事並非印度中人，所以對咖喱都係唔多清楚，對住餐牌得過睇字，其實我地去果陣時又冇客，如果老闆可以多加介紹，可能就唔駛大家你眼望我眼，希望老闆可以多加改善。好不容易，我地終於叫了一客雜錦串燒拼盤、馬來西亞牛腩(中辣)、勿士道拿羊肉(小辣)、白咖喱雞、全部配薄餅。冇錯、食飯係好快到，但一食落口，除了用來俾串燒點汁的咖喱汁係辣的外，其餘三個主菜都係冇味的..甜又唔係辣又唔係，最可惜係連陣香味都冇乜，再配埋塊薄餅(其實每人得一塊)，真係點都唔夠喉，加上又少...唉...結局又再叫多個白飯(撈汁)及薄餅(其實又係得一塊)，食到到喉唔到肺，埋單二百六十幾，但就食唔胞，總之去番恆河好過，更何況去果薄餅太油，似油餅多..估唔到冇去一排，差咁多...

看見咁多好既食評，就試一下啦!星期五6:30pm去到，都未full，差唔多去到7點幾開始多人。1. 沙爹雞肉串(半打)- 保守d叫雞唔叫羊，下次可以試下牛/羊既。都幾好味! 2. 勿道拿士牛腩(跟飯)- 牛腩唔錯。3. 正宗咖哩雞(跟薄餅)- 雞唔多，薄餅not so good。drink: Beer (Large)overall:全晚最好係沙爹雞肉串，之後係勿道拿士牛腩。埋單$200 *我俾好少tips (我用card)，我男友話個女waitress 黑口黑面，連多謝都無。老闆你教下佢啦!

好幾年冇食過呢度。今日忽然咖喱癮起，又想去旺角走一轉，就入嚟試試，睇下水準仲keep唔keep得住...基本上你想叫乜類型咖喱都有得你食--- 印度、巴基斯坦、馬來西亞...(除咗日式之外)...仲有自製貨色如什麼船長雞，煎封酸辣豬頸肉等等，真正包羅萬有，形式跟從前灣仔嘅國際咖喱館好近似...唔想攪咁多花臣，還原基本步，只叫個中辣嘅印度咖喱雞...上一枱，見碟白飯中間開咗一個窿，係用嚟方便你放入咖喱跟住拌而食之，實在窩心...咖喱落咗不少洋葱粒而煑，質感偏杰，頗香；雞雖然係雪藏貨，但勝在份量足，小小一碟都有三四件，配菜嘅青瓜條亦頗爽口，薯仔亦夠粉夠淰。可惜所謂嘅中辣都只係小兒科，睇嚟下次再試，一定要叫大辣先得..

26號晚約朋友一行五人食飯, 我預先BOOK左呢間"咖喱大皇", 叫左:沙爹羊肉串燒: 無咩羊味, 有少少un沙爹雞肉串燒: 相反好好味, d雞肉好滑tim白咖喱牛腩(可跟飯/薄餅) : 因有朋友不太吃辣, 所以叫白咖喱, 比想像好味, 牛腩都腍唔會un鬼雞(可跟飯/薄餅) : 呢個果然係招牌菜, 夠辣又不失雞味, 個汁好好味印尼胡椒魚: 又係好好味, 好大胡椒味..但唔會蓋過魚既味又唔腥..印度薄餅: 熱辣辣點咖喱一流海鮮炒飯: 話係海鮮, 但一d都唔鮮, 蝦好細仔唔係好fresh, 仲有魷魚, 提子乾, 青豆等材料, 味道係唔錯, 仲好香, 只欠材料...如果可以用鮮蝦, 收貴少少都可以接受埋單三百幾, 大家都打多個突, 因為真係又平又好味....除開每人洗$80, 一定會再去架