昌發泰國粉麵屋

营业中

休息中

九龍城既泰國街果然名不虛傳 今次去坐昌發試下d 河粉，真系好正！！非常正宗！！ 食完有置身於曼谷既感覺 泰國河粉點少得呢款游船河（我轉左金邊粉，比較幼身，純碎個人喜好）！湯底非常濃郁，配上非常香既羅勒葉同豬肉、肉丸等材料，非常豐富而且仲非常平！只系$35！！ 超級大推介！ 呢款咖喱雞翼麵唔系好辣，而湯底同樣非常濃郁，好重椰汁味。雞翼亦都非常入味，再加上一點點酸菜，微酸帶甜，配上椰香咖喱湯底一流 哈哈食泰國野點少得PADTHAI 泰式炒金邊粉。我只可以講，昌發所有粉麵都好出色 呢味炒金邊粉濕度及調味適中，配料非常多，有大蝦，炒蛋，加上花生及青檸，而且分量亦都幾多，適合幾個人share，正！ 生菜包亦系我其中一個最中意既泰國菜色，我叫左個比較無咁辣個款。肉碎、洋葱及豬肝炒成既餡料比例非常好，洋葱可以平衡小小濃味既豬肉，而豬肉肉汁非常豐富，生菜非常新鮮，好好味！ 所有野食都好正！下次有機會一定要試埋其他野。最重要系非常價廉物美，推介推介！

在九龍城的地區，好多人都會想起舊啟德機場，對我來說，是我最愛食泰國菜的好地方，今天我去了一間差不多開咗廿年的老店《昌發泰國粉麵屋》，慣常我都喜歡點鮮蝦金邊粉及冬蔭公，但是今天晤想食辣的東西，點了鮮蝦金邊粉($58)之外，還點了一杯椰汁珍多冰($30)，今晚是星期六，餐廳中的客人都不少，所以等待食物的時間都較耐了一點，大約15分鐘後，珍多冰上枱了，七彩繽紛的粉條都好美，粉條軟腍帶微微煙韌，帶些椰汁香味，晤會太甜入口順滑。而鮮蝦金邊粉都是即叫即做，有三隻去了蝦頭的蝦肉，蝦肉鮮味彈牙，金邊粉又不會煮過腍，再加上青檸汁到花生碎，口感更豐富又帶有清新的青檸酸香，味道同事偏濃味，可讚是份量十足，都好抵食。店中大部份都是泰國姐姐，招呼就冇，一支drinking water一早放在枱上，都晤知是否乾淨!

好耐無食泰國野，星期日特登早少少去九龍城食個早飯，唔想同人迫嘛，未夠6點就坐低，好彩唔駛等位，2個人，乜都想食，最後叫咗5樣，串燒豬牛雞，紅咖哩牛肉，炸蝦餅，蒜蓉包同豬手撈麵。串燒味道普普通通，紅咖哩味道不錯，椰漿唔太多，幾好，炸蝦餅，新鮮炸起，幾彈牙，蒜蓉包，ok，餸咖哩好食，豬手撈麵，第一次食，好有喺泰國食嘅味道，豬手好林，個汁撈麵好夾，好好味呀～～～整體嚟講，昌發都幾抵食同好食。

叫左炸蝦餅拼魚餅 同冬蔭功海鮮麵先講魚餅 好香香料味 食落口味道好有泰國味道 味道似炸魚蛋 好彈牙 而且魚餅唔癬而蝦餅超脆 炸漿唔厚 好似天婦羅咁 食落口蝦味濃 彈牙 食落唔似有太多粉去做 蝦餅味道微辣 唔配酸辣醬都ok冬蔭功湯麵 正！冬蔭功比較適合香港人口味 較酸 唔太辣 香茅味唔太重 飲落好暖胃同開胃 蝦好入味 配料都多 有咬勁 麵又唔會太硬同太林 而且幾大碗 麵吸哂冬蔭公湯好味道似豆卜吸哂味

店名:昌發泰國粉麵屋地址：九龍城城南道27號地下好味指數：8.2/10價錢：$35遊船河鴨血湯底色澤深沉，味道濃而鮮，配料有肉丸，肉片，豬潤，芽菜，通菜，金不換等。河粉用了粗的那種，吸收了湯底味道，非常入味。肉丸吃不出味道，份量太小。店名:昌發泰國粉麵屋地址：九龍城城南道27號地下好味指數：8/10價錢：$55香葉肉碎撈飯（雞）味道突出，份量足夠，非常惹味。順帶一提，還有香葉肉碎飯選擇，不喜歡炒飯的可選擇這個。店名：昌發泰國粉麵屋地址：九龍城城南道27號地下好味指數：8/10價錢：$58冬蔭功湯(小)冬蔭功湯味道不太辣，味道不錯，份量亦足夠。唯一不足的是可以加上火爐加熱，讓客人慢慢品嘗，湯放涼了味道立即打折。店名:昌發泰國粉麵屋地址：九龍城城南道27號地下好味指數：7.5/10價錢：$15椰汁西米糕香葉味道不夠突出，香濃椰汁味配合西米和芋頭是不錯。 

首先係蒜蓉包，非常脆，咬落去sok sok聲，牛油味超濃，蒜蓉味還可。炸蝦餅拼魚餅，魚餅一般，香葉味強勁，有條魚骨，睇尼的確係用魚刴成蝦餅入面有食到蝦碎，睇尼落足料燒豬頸肉湯河同泰式炒辣肉碎湯河，河粉唔錯，湯底幾濃味，豬頸肉唔錯不過單叫燒豬頸肉會更美味。串燒豬牛雞各兩串，三樣都好食，尤其是牛肉，好林唔會有筋或者太un配上沙爹醬非常美味。椰汁珍多冰，睇尼係成罐椰漿冇開稀過，好傑同好甜，原汁原味

今日好早到了九龍城，怕之後人多，所以準備食個早飯。我係第二枱客人光顧晚市時段，可以選擇比較大的2人座位，不消20分鐘，這間小小的店舖已擠滿了客人。可惜有點冷氣不足，除非坐走廊位對於兩碗麵的湯底，實在值得一讚，咖哩湯底好重椰香味，雖然湯底紅噹噹，但一點都不會覺得辛辣，反而有陣甜香，好開胃。喜歡清湯的人，對呢碗雞湯河湯底想必會滿意，清清甜甜，有雞味，不似落味精，可飲多幾啖。燒雞份量不算很多，等了20分鐘才上菜，一上枱都只是微暖，有點失望幸好味道還可以，偏甜，似蜜糖燒雞味。

泰式生蝦無蝦味不新鮮只有六只仲要八十八蚊有點貴，冬蔭公湯太多椰醬味需然六十八蚊但吾好飲。豬頸肉湯河豬頸肉ok但湯底無味三十八蚊合理。綠咖哩只有椰醬味。椰汁三色珍多冰ok。

同一晩食第二個晚餐，今次揀左昌發，食兔仔最鍾意既軟殼蟹。我地點左螄蚶、咖哩炒軟殼蟹、蒜茸包、珍多冰。螄蚶$68 - 份量比想像中少，而且太熟了！冇左食螄蚶果種帶血既口味～咖哩軟殼蟹$208 - 一上枱已經覺得有些唔妥，咖哩汁太多了，完全蓋過炸的軟殼蟹。食落口d軟殼蟹已經淋晒，而且咖哩汁有少少偏咸，送白飯就一流了。蒜茸包$25 - 全晩最滿意，焗得香脆又有蒜茸味，一客真係唔多夠

當冇錢去旅行，但係又身痕，你會點解決？我會去九龍城扮去泰國旅行。九龍城簡直係一塊福地，能夠滿足晒你想去泰國嘅慾望。先嚟個泰國人泰式按摩，然後食個芒果糯米飯，再去泰國小店Shopping，仲可以去生果檔買榴槤，最後當然係食泰國菜醫醫肚啦！昌發係其中一間好鍾意嘅泰國菜。通常都要等位，除非好似今日咁夜啲9pm先去。今晚簡簡單單食咗少少嘢：生蝦刺身，馬拉盞炒芥蘭，龍眼冰。生蝦刺身絕不欺場的前菜，隻隻生蝦都又厚肉又爽甜，中間開邊連生蒜食，又辣又爽真係好過癮。而且靈魂在於鮮魚露，中間切碎嘅辣椒一食就辣到冇朋友。越辣越想食，次次都食到咀唇痲痺。馬拉盞炒芥蘭逢吃泰菜必食！咸咸香香鑊氣十足，芥蘭新鮮，條條都脆卜卜，炒埋一碟好惹味。師傅刀工亦不錯，每條都厚而短，容易入口。份量亦足夠，唔會唔夠食。龍眼冰飲品有點失色，凍飲旨在止辣。全杯都是罐頭龍眼加糖水，而且超多冰，不喝也罷。

D人成日都話昌發D粉面底食同好味, 等狗狗沖涼, 食個面醫醫肚先~棷青 $32好鍾意飲棷青 不過今次依個太細個 D肉OK 但太快飲完T__T雞肉湯河 $36用雞肉 唔係雞絲 都幾多肉 粗身河粉 湯底清得黎 幾好味~ 

鴨肉湯河－湯汁甜，好味;鴨肉十分鞋,豬頸肉湯河－ok,蘿蔔過淋,金不換炒蜆－蜆肉多沙煮得太耐好韌,蝦醬炒椰菜苗－有鑊氣，冇乜蝦醬味..............................

即日book 8:00 4位，去到即刻有位，鍾意濃味既人一定岩食，因為樣樣野都重口味，椰青夠凍夠清甜，一早就黎個芒果糯米飯，芒果甜酸適中糯米飯煙煙韌韌，飛天通菜味道唔錯但有點老，葉好食莖比較老串燒三款肉（雞、豬、牛）同炭燒豬頸肉搭配個汁唔錯冬陰公夠晒濃味又夠辣，但飲完好口渴😕拼盤份糧少味道唔太討好，金邊粉雖然炒得夠乾身但冇乜味，泰式鳳爪都係麻麻地，唔夠入味價錢一般4人埋單$640

上次來已經係舊年12月嘅事, 印象唔錯所以今次帶埋朋友來試多一點, 晚上客人都算幾多, 論番食物先,酸辣鳳爪沙律$68 呢個沙律汁比較辣, 沙律菜則以些少生菜葉/唐芹/蕃茄伴一下,鳳爪則爽口(其實我會好奇是否無論在九龍城那一間泰國菜館吃到的鳳爪都是同一供應商的無骨鳳爪?! 因為全部都是同一size, 同一口感的)木瓜絲米線沙律$45 跟上面嘅鳳爪相似只是將鳳爪換成木瓜絲米線, 但原來有米線比只是木瓜絲來得更有口感, 因為只有木瓜絲時好像只是將一大堆纖維放入口內趙一樣, 而混有米線的話, 多了點沾有沙律汁的柔軟的麵條的東西一同咬起來會更有味道(米的香味?)炸物拼盤$118 炸魚餅兩件一開二, 炸蝦餅兩件一開二, 蜜糖雞翼(小)兩隻, 炸腐皮魚蓉卷兩件一開二, 在現今高通漲的市場下可能以這一百多一點的價錢只能提供的只有這麼少是正常的, 但用雞翼取代蕉葉雞塊又是現代版?泰東鴨肉生菜包$68 又是一個大辣之作, 鴨肉菘沒有鴨騷味, 而這菜是沒有sauce的緣故無法有其他味道去分散那辣味, 當然原本這菜就是沒有sauce這點我明白,但如果做到咁濃味的餸沒有sauce而靠一片生菜葉中和原了那份濃厚

潑水節前的午餐要自行係紙上寫No.再比侍應 今日人流超多 所以食物要等耐啲麵有幾款選擇有少少冬陰公湯但又係清湯有少少辣係面遊船河 甜甜地 好特別既湯底彩虹湯底都係甜湯底認真啲數真係7隻色白色既丸好彈牙有豆腐泡 扁身豆腐魚蛋魷魚好淋身又吾硬綠色既粉吾知用咩整睇落好似河粉係厚身 爽口既麵質