昌發泰國粉麵屋

营业中

休息中

次次黎九龍城都一定食呢間冇辦法 實在太好食又抵食價錢公道 上菜速度又快最緊要啤酒好夠凍  因為啤酒吾凍真係好難飲環境又夠地道 吾會話好大集團既感覺條魚其實幾抵食  即叫即燒 條魚燒完仲保持住有肉汁 吾會話好乾身好熱氣生蝦夠肥美 馬拉箋通菜一定要叫 好好味

吃泰菜，到九龍城是一個不錯的選擇，黃珍珍、小曼谷、同心、金泰等等外，今次到了在開飯食評頗佳的昌發泰國粉麵屋，泰國朋友仔說這裡的冬蔭功非常唔錯，口味正宗。而天氣如此寒冬，吃熱辣辣的冬陰功正可有驅寒之用。其實我並不好吃辣，只要有丁點兒辣味，我也會辣得滿頭大汗，好像剛剛掉下水中一樣呢。朋友仔一坐下就二話不說，為我們點了個冬陰功（小）、鮮蝦炒金邊粉、馬拉盞炒芥蘭和酸辣鳳爪沙律，她點椰汁珍多冰，我就點了杯可樂。冬陰功（小）份量不少，一碗也夠我們同吃，眼見材料十足，有香茅、南薑、鮮蝦、菇菌、芫茜、椰奶和咖哩辣椒膏等等，南薑香茅咖哩辣椒膏驅風驅寒，鮮蝦有5-6隻彈牙爽口，菇菌新鮮，椰奶味濃郁，芫茜清香，各樣材料互相配合，酸辣適中，椰香令人滿足回味，就算不太吃辣的你，也可以一嚐這正宗泰式口味。香港的酸辣鳳爪對我來說，辣度其實沒什麼太不了，這裡的就看來吸引，且愈吃愈過癮！酸辣鳳爪醃製非常入味，非常爽口，有嚼頭，筋骨不多，伴以蔥頭，蕃茄角，生菜，正當你想用點伴菜中和一下辣味，怎知伴菜也伴得入味，過癮過癮，原來可樂不解辣，朋友仔的椰汁珍多冰才是良方，搶喝了一兩啖，終於舒緩下來，但人總是犯賤的，我又不由自主的

聞名既豬手河，黑湯底同係泰國街頭食既好似，但甜左啲，似有種甘草甜味，女仔食一碗剛好，份量唔大，豬手淋又入味，岩晒冇牙力既人食。冬蔭功金邊粉，粉有口感，湯加得太多椰奶有啲膩，夠酸辣，如果唔係咁膩可以飲多啲，呢個粉份量大啲因為貴啲。有好多菇同幾隻蝦。下次食會番叫豬手面

Quite a renowned Thai eatery in the buzzy street of a district that's cullinarily famous in Hong Kong, and thanks to the old airport, quite so internationally too.I think due to a rather prosperous business in recent years (individual travellers from the mainland played a part), the eatery actually has two consecutive shops with individual signboard and door, though with the same name, may confuse first time customers.  Indeed they share the same kitchen, I've asked, and confirmed, they're one b

2015年1月19日朋友今日返黎九龍城同我食LUNCH，咁就去昌發食碗泰國湯麵啦^^記得第一次黎食就係喺另一位朋友極力推介之下黎食嘅。佢話呢間嘅豬手麵係非一般好食，而我又好鍾意呢啲肥嘟嘟同膠質特別豐富嘅物體，咁我冇可能唔試下嫁嘛。我仲記得第一次食嘅係豬手撈麵......話說回來，今次我食左豬手湯麵，而麵有兩種可以揀，一係河粉，一係金邊粉。因個人喜好，我揀左幼細滑嫩的金邊粉^^碗麵到啦！熱辣辣！雖然係豬手，但d湯一d都唔肥。索哂湯的金邊粉上面鋪左軟滑入味的豬手肉同皮，真係好吸引^^ 飲淡湯，感覺上冇味精，未飲之前以為會好濃味，但係事實相反，個湯幾清，唔花巧，係一種家常味道。朋友話呢d係泰國的鹵水汁，如果係真的話，咁同我地食開的味道真係完全唔同，味道簡簡單單，唔咸，飲完都好舒服，我覺得有d似肉骨茶(？) 價錢平實，餐牌上有好多選擇，唔食麵又可以揀飯，小食、沙律、煎炒野都有。唉呀呀~~~我又要搵日食多一次先 ^^

order 左以下幾道菜:1) 冬蔭公2) 遊船河3) 炸蝦餅4) 海南雞飯5) 金不煥炒蜆6) 串燒三拼2人食左$422有2間店, 主店滿座, book 左都無位, 去左隔離分店坐. 不過finally知道其實唔駛book,無分別@@ 坐位很窄, 唔會有extra 位比你放手袋雜物, 主打都係大眾化泰國特色小炒.1) 冬蔭公很好味, 一d 都唔辣, 蕃茄味勁燶, 而且很creamy, 相信佢落椰奶比例多, 用料也勁足料, 我叫細size, 都有4-5隻大蝦(當然是雪蝦), 不過美中不足既係湯料既菇變左味, "縮"左...2)遊船河其實係豬肉河粉, 有豬肉丸, 豬肉片, 豬閏等. 個湯底好似馬來西亞的肉骨茶,好好味, 呢個遊船河都很值得嘗試!3) 炸蝦餅一碟有4大舊切開, 即係8舊, 很鬆脆, 蝦也幾彈牙4)個油飯份量很多, 雞都幾多味可惜太少5)炒蜆的味道ok, 因有金不煥的香味打抵, 不過d 汁既味完全入唔到d 蜆到. d 蜆很肥美.6)串燒有6串, 雞牛豬各2串. 不大好味

一個開始轉冷嘅天氣, 下午茶時間在九龍城搵食, 本來想去街市樓上試”樂園”! 點知道佢原來重未開, 只見工作人員在準備中, 19:00才開始營業! 真巴閉,九龍城街市果然與眾不同! 行番落街搵食當然係用開飯網啦, 見呢間粉麵店幾高分下, 就來試一碗啦, 叫咗一碗”豬手湯河”深啡色的湯汁属甜口沒什麼辛辣味道, 河粉属於闊身河粉同一般嘅潮式的不同口感都算滑嘅, 芽菜同一些菜苗都是足夠的, 豬手有點過淋但似乎所有人都喜歡這口感吧, 以這價錢去睇是非常次物有所值的!

看過食評後滿懷希望前來吃泰式粉麵，二人點了鴨肉湯河、遊船河、馬拉盞炒椰菜苗、燒烏頭、芒果糯米飯。先講招牌遊船河不過不失，不能稱得上很美味，只是一般。鴨肉湯河，鴨肉非常硬，又厚身又瘦，好似煲完湯的湯渣完全食唔到，結果我只吃河粉，好像淨河一樣。燒烏頭，魚肉好乾，又係失望之選。馬拉盞炒椰菜苗，最好食係呢味，但細碟。芒果糯米飯，芒果甜，好吃。

我好鍾意食泰國嘢！之前住香港島就已經有一間我特定嘅泰國餐廳！最近搬咗過嚟九龍，咁就一定又要搵番間先得！試過幾間後，終於俾我喺九龍城搵到喇！雖然舖頭比較細，座位比較窄，不過有好嘢食就唔緊要！冬蔭功酸辣適中！鴨肉生菜包比豬肉更加健康！咸蟹青木瓜沙律唔係周圍地方有，一定要試！生蝦刺身同螄蚶不過不失！仲有個炸生腸，脆漿夠薄，好味！蒜蓉椰菜苗好食！

九龍城著名泰國食品零售批發食店大集合，咖哩炒蟹，串燒，冬蔭公，講起也口水長流。我是泰國迷，故每次去九龍城也興奮萬分，彷彿去了趟泰國旅行。品泰餐往往來又去小菜，而真正令我懷念的食品卻是泰國街頭地茂粉麵。昌發表其名為粉麵屋，於區內別樹，令我憧憬找回那開心泰旅的平價地道滋味。座位不多，鋪位如牛什麵店，牆身特別陳設各式麵底作點綴，標榜多款麵種選擇。喜愛泰式粉麵的，定能滿足。游船河點此碗粉有三個原因：名字有趣、招牌菜（餐牌上的推介食品）、別處找不到吧（總括就是特別）。上菜時見湯的顏色有異，方知本店特色是豬血湯。善用「賣剩蔗」豬骨豬血，加上香料熬成，淤紅厚身，淺試一口，即便知道這就是失散良久的湯底，這就是泰國當地街頭之味。湯身濃而帶甜，連喜愛無事翻翻調味架的我也不用抓重口味的癢。相貌麻麻，卻賣味道。河粉是闊扁身而少厚的，滑身具有嚼頭，未會榨乾湯汁，配上大札金不換與芽菜堆，爽皮。配料有多味豬肉：瘦肉、肉丸、豬潤，不甚特別又豬味十足，而沒任何豬食常嚐異味，唯豬潤我更愛深水埗著名食店之煮法。配料通常是粉麵之主角，但游船河卻不然，湯與粉更令人著眼，而它們卻恰如其分，一試難忘。豬手撈麵泰式撈麵在香港較少見，

這晚姨甥女男友生日，揀選了此店食晚飯，據說他們來過幾次，食物水準都可以保持，是一間較有水準的泰菜館，當晚她們先去取位，但我去到時眼見真是如何美味也沒關係，因為坐位實在擠迫得過份。當晚點了十二款食品，質素的確不錯，可惜真是迫得有點食而不知其味。鴨肉生菜包，鴨肉香淋，味道略帶辛辣，用生菜包裹一齊入口，清爽口感中帶有啖啖肉香，清甜味道中帶一點辛辣，十分開胃。鳳爪沙律，退骨雞腳醃製入味，鮮甜微酸，十分爽口，清新彈牙，沙律菜蔬新鮮青嫩也爽口。柚子沙律，柚子肉甚為豐富，入口多汁，口感水份充沛，可惜辣味太重，辣味蓋過了柚子的鮮甜味，令味道失去了平衡。炸皮蛋，用蝦膠包着皮蛋去炸，外皮香脆，中間蝦膠彈牙，內裏皮蛋爽口中帶漿淋，口感非常豐富，味道香濃中帶鮮味。炸春卷，春卷皮夠薄，但炸得有點過火，入口有點介口的感覺，餡料十分充足，味道清淡，蘸上甜酸汁食尚算可以。冬蔭海鮮湯，湯底辛辣十足，味道鮮美而辛辣，兩者十分平衡，海鮮非常豐富，盛上碗大部份是蜆和蝦等海鮮，單食海鮮都值回票價，加上海鮮也十分新鮮，配上各式菇類配料，可口美味。明爐鳥頭清湯，魚身略細，但肉地夠厚，配料也不少，湯底夠甜，魚無泥腥味，肉質尚算嫩滑。

這夜來到九龍城，自然就想吃泰國菜。泰國菜館多不勝數，於是隨便選間不用等位的小店。九龍城的泰式小店之中，昌發算是比較乾淨企理。在紙上寫上菜式的編號，自己落單，方便快捷。馬拉盞炒椰菜苗只知你愛吃豆苗，見苗字就點了。原來是完全兩回事，不要怪我無知。炒得幾香，馬拉盞的味道剛好，不會太咸。椰菜苗很爽口，幾好食，但可能有點硬。青咖喱豬肉青咖喱味很香，只有很微很微的辣。可惜，豬肉又嚡又不入味，早知要雞，起碼肉質易入口。雖然豬肉破壞了青咖喱的整體印象，幸好薄餅不錯，外層酥脆，內裡夠軟。淋上青咖喱汁，絕配。白灼獅蚶自從在old town吃過laksa裡那獨一無二的獅蚶後，對它的鮮味念念不忘。白灼又會是怎樣的效果呢？白灼令獅蚶自身的味道更突出，但這裡的獅蚶不夠肥美。雖然提供了泰色醬汁，但只要醺一點點，辣味已經完完全全蓋過獅蚶味，還是不用為妙。遊船河來到泰國粉麵屋，當然要試下粉麵的手勢。這個湯河還可以，河粉的口感不錯，湯的味道有而不濃，是個清清地的不錯之選。看上去不是很多，但已經很飽了。沒有花巧，平平實實，簡簡單單，卻幾好食的一餐。

士別一個月，剛去完旺角參加「活動」，晚上就與家人再次到來九龍城昌發成日都冇飲過野，飲返杯涼爽心既象啤先這次的昌發感覺上好似差了一點點，雖然整體上的presentation分別不大，但味道確是有少許不同先來的是菠蘿炒飯，腰果和肉鬆放在碟的一邊。炒飯裡面有魷魚、青口、蝦、菠蘿、臘腸、雜菜豆。雖然飯粒粒粒分明，但是乾了一點，沒有咖喱香。而且魷魚、蝦等配菜煮得有點過了時，變得有點老。但整體味道也OK，但是退步了一點。再來的是串燒，本來唔想食雞肉串，但由於沒有豬肉，只有雞和牛，所以都有啲失望地點了雞串雞肉串不夠嫩滑，味道一般;牛肉串有啲"鞋"，但沙嗲汁非常棒，甜中帶少少辣，非常開胃可口。配上醬汁後真是加了不少分今次炸蝦餅來到時只是微暖，雖然味道與上次相若，但質感卻少了一份火辣辣的感覺。這裡的炸蝦餅沾上酸辣醬非常美味，雖然沒有很「蝦」的味道由於老爹鍾意食糯米，所以今次點了糯米釀雞翼。但卻是有啲失望，這個味道非常淡，不但雞翼沒有什麼味道，連糯米也只有少少飯味，飯粒沒有質感，「痴」在一起。沾上酸辣醬後才有少少味道......確是失色燒雞的等候時間較長，食晒其他野先送到黎。燒雞的調味醬汁香濃，甜甜鹹鹹非

假期 同麻甩佬book 左場去九龍城打羽毛球 既然黎到九龍城  就緊係要去食下泰國野 所以我地就㨂左是但一間泰國野試試店員全部都係泰國人 都識講廣東話 餐廳兩邊貼上食物既相 下角有齊編號 餐牌亦有中英泰文 方便大家溝通溝通 我地唔係太肚餓 所以兩個就叫左海南雞飯 木瓜沙律同青檸梳打海南雞飯-普普通通 有咩特別 雞都算滑唔咸 飯唔太油 不過整體似港式多過似泰式 令我諗番起以為去泰國做野時坐係街邊食既海南雞飯 雞冇肥膏好白好滑 側邊仲有舊雞紅木瓜沙律-係泰國菜最喜歡既其中一樣 青木瓜從好爽好清甜 個汁酸酸辣辣 幾醒神開胃 不過豆角可能太生 有浸好強烈草腥味 青檸梳打-好解渴 不過我地見到有兩隻有腳有足騷既小昆蟲 算啦 應該好難避免 抱住大菌食細菌心態飲左去

今晚朋友帶路黎到九龍城食泰國野，由於閒日關係，唔需要等位就直接入座 (聽講平時都要等15-30分鐘 )。由於鋪位較細既關係，所有野都好mini，例如枱凳細細張，想坐直條腰都比較困難，而且好有壓逼感，因此環境扣分比較多 我地一共點左４個菜  Plus 兩支大象啤 :- 菠蘿炒飯: 遠處已傳來香濃的咖喱味道，炒飯尚算足料，包括蝦、魷魚、青口、臘腸、肉鬆仲有腰果 蝦和魷魚非常新鮮，且只是剛剛熟透非常嫩滑彈牙 ，可是青口就確實被比下去了。炒飯微濕，滲透咖喱香，非常讚 - 酸辣鳳爪: 這是餐前小食吧。。酸酸辣辣幾開胃，但味道真的沒什麼特別。可是洋蔥太多，鳳爪太少是死穴吧 - 鴨肉生菜包: 呢個應該系用鴨肉碎、辣椒、洋蔥加上其他配料及調味料炒成。香料味道特別 (食得多會有小小唔習慣，似系果啲中東印度風味)，而且偏辣，但配上生菜食能中和一下，飲啖冰凍啤酒簡直爽透心  PS: 唔食得辣既朋友真系真系唔好點生菜包 。- 炸蝦餅&魚餅: 由於只有二人，所以寧願叫拼盤好過全食炸蝦餅甘單調。炸蝦餅＆魚餅剛剛炸起，出晒煙非常熱騰騰。炸蝦餅味道清新，配上酸辣醬非