昌發泰國粉麵屋

营业中

休息中

其實已有兩年無去食，因為唔就脚...但老實的，我一直有心思思掛住佢兩年前喺該區工作，每星期會有兩三日喺呢度開飯首推海南雞飯：油飯啱啱好，雞亦鮮味嫩滑去咗骨，啖啖肉，但最正係佢跟畀你碟酸辣汁，每次我都要兩碟用嚟撈飯食，精彩，而且當時只係賣$30碟，另外送碗雞湯竟然有胡椒香；每次一飲而盡再掭飲。(隔離間泰國雜貨店當年都係同一個老細，啲酸甜汁可以喺嗰度買到)遊船河及鴨河：首兩次幫襯就係食呢兩樣，料多兼湯濃。螄蚶：又係由細食大，新鮮肥美，要見血喎，鮮甜無比，又一人間美食豬手飯：豬手炆得夠入味，汁伴飯吃好味得無話可說各式炒菜味香濃，炸蝦餅香脆彈牙亦鮮甜呢間店大電視均播泰國歌MTV或泰文劇集，亦時有泰國人光顧，陳設頗地踎，好有去咗泰國；價錢比同類店舖平一兩成feel

昌發賣的泰國甜品糕店幾特別的，除了推介的椰汁糕外，今次見到這香葉糯米糕得意，又買來作宵夜甜品，色雖然假假地，但起吃來煙韌卻不乾身，帶椰奶的甜，聽說是泰國直送，$16左右一盒，物有所值。

Since my last visit, the menu has changed,It used to be a piece of card that was laminated.The new menu has improved in terms of layout and it now has English.However the prices have slightly gone up.I think it used to cost $23 for a bowl of noodles and now it costs $26.I ordered the boat noodles and it was as good as before, however it was slightly spicy.The first time I tried it, it was not spicy at all.Previous review:http://www.openrice.com/restaurant/commentdetail.htm?commentid=2052215

突然想食泰國菜，決定走轉九龍城搵好野食，事先係 open rice 做左少許 research，發現呢間小菜館既評價都幾得，就來試一試。和男友二人差不多7pm左右到，找了一陣子，實在被其他大大間的招牌阻擋了視線。店鋪有兩層，5成滿左右，牆上貼滿了食品的樣子，花多眼亂 ><最後決定點了...- 冬蔭功 (小) 小型冬蔭功剛好夠2人享用，有少許海鮮，味道不算太刺激，香料味重，d湯一定要熱飲，如果凍左先飲，味道差好遠...- 炸蝦餅夠厚身，香口，夠彈牙 一定會再食- 炒金邊粉炒完之後其實都係一餅野咁，要自己再撈埋伴碟果d花生碎，先至可以夾得開黎食，酸酸的，幾開胃- 串燒 (豬、牛、雞各2)呢樣等得最耐，初時以為漏左單，想追單既時候，就黎左，真係即叫即燒，有醬汁點黎食，但唔點醬汁的話，d肉都甜，好味！- 蒜蓉包呢個最唔得，一d蒜蓉味都冇，唔香，失望埋單只係$200左右，已經好飽，都幾抵食！

我不是甜魔，而甜亦非唯一生命，但也不介意餐後會有一點甜，去平衡口味，而糕點是我比較喜歡的系列。在龍城中發掘到有水準的泰式椰汁千層糕竟然是在昌發！黏糯香滑，甜度也不過份，水準非街邊檔可媲美，$12只得幾件唔平的，但也值得推介。

2011-09-04 (SUN)一進門已見坐滿著人山人海的食客，幸好遇著一眼關七的服務生，即招呼我們到樓上2樓坐。2樓似是閣樓，共有約8張接枱。2樓和地下比較人少較清靜，設計簡陋。街坊式服務的服務生，點菜後不需十分鐘便開始上菜；完膳後久未見有服務生來清理桌面。我們點了泰式沙律、海南雞飯、炸蝦餅和椰青。泰式沙津好辣，伴底的主要是香蔥。海南雞飯雞淡味，肉質算滑，飯夠熱。炸蝦餅香脆可口，但好油膩。椰青多水夠凍。用餐完畢我們便自行到收銀處付款，店員有禮貌道謝。

炸蝦餅好香脆幾好味，推介一試！不太愛吃泰式的海南雞飯，不過調味醬都可以接受。泰式沙津好辣，而且伴底的主要是香悤。環境：一般，地方窄狹，坐位和枱與枱之間不寬敞。 服務： 街坊式服務衛生： 清潔一般，地下明顯有垃圾。

在香港想食泰國食物好自然會想到去九龍城食的，因為實在有太多的泰國食店，而主持這些食店的多數都是來自泰國的人士，令食客可以食到一些地道正宗而好味的泰國食物的機會大增。今天要介紹的就是食泰國粉麵出名的昌發泰國粉麵屋。昌發泰國粉麵屋在城南道這一帶有很多其他類型的食肆，而昌發泰國粉麵屋附近也有幾間賣泰國物產的商店，令這店的附近有很重的泰國氣息，講講這食店，門口就不是很大的，要經過一條比較窄的通道才能入內，入面的面積不是太大，只有五至六張二人枱和中間有一張八人枱，不過還有樓上雅坐，總體上來說也不是太細，而牆上就貼滿了食物的相片，每一張相片都有一個號碼方便對應餐牌上的食物價錢，就算唔知道有什麼好食望一望牆上就知道有什麼好食的，而牆上的電視就開著泰國電視台的節目，真是充滿了泰國風味。望望餐牌食物的種類不少，大路的泰國沙律、海鮮和炒粉麵飯就一定有，另外有一些比較少的泰式粉麵，想食清d可以做一個另類選擇。看了一看就叫了什錦丸湯河、海南雞飯、燒鰂魚和椰青。什錦丸湯河($23)由於唔想食辣就叫一個清湯的什錦丸湯河，來時看到麵上的材料十足，有蘿蔔、魚片、魚旦、肉丸、牛丸、豬紅、通菜和大量的芽菜。單看賣相就十分

話說，開初都仲未諗到食邊間既。但諗諗下，見到有人話呢間係有泰國風味，咁就黎試下啦。總共叫左唔算好多野，5個人，因為預左之後仲會食糖水。叫左1個魚蛋乾撈麵，1個雞肉湯金邊粉，1個鴨肉湯金邊粉，1個菠蘿炒飯，1份薄餅，1個炒雜菜同1個泰式海鮮粉絲。相就無影晒啦，因為有d掛住食xdddd。先講我至愛菠蘿炒飯，炒得好香，唔會過份乾同油，菠蘿應該係新鮮既，唔會太硬配料同飯夾埋味道合配，入口容易，味道一流。然後講下鴨肉湯金邊粉及雞肉湯金邊粉，金邊粉我都算少食，幾得意，幾有新口感，不過佢地香料既湯底真係好一流，應該用左d地道泰式香料香得黎又唔太油，湯底同粉都十分配合，食完一啖有再食一啖既衝動。薄餅比起上面就唔算話最好，但都整得唔錯，唔太油，加上香及薄，都好食。炒雜菜呢d就手板眼見功夫，佢地做返出一般水準啦，係油左少少。乾撈就幾特別，未食過呢類型，不過入口又甜甜地，幾得意，應該係大量豉油撈出黎既，味道都唔錯，幾好啦。泰式海鮮果個我就無食啦，一來聽到人講好辣啦，我就免啦，撞岩喉嚨都唔係話特別舒服。埋單時，我都估唔到咁抵，5個人平均每人50蚊都唔使。咁既價值食到咁既味道，食到泰國既地道得色，一字記之曰:正

今年暑期都仲係無暇同媽媽番佢既家鄉,泰國..心裡一直懷念,不是那陽光普照致你汗流夾背既天氣...而係辣到你噴火,店員吹水,平到你食幾碟既景況。所以今日我決定襯住星期日黎到小泰國-九龍城。呢間餐廳雖係細店,但心機十足,播著泰國既MTV,別有一番風味!其實心入面有好多野想叫,但最後決定要這個Gan Luk Jin Kew Wan青加喱魚蛋米線!一些碟,看見碟邊有d加咖哩汁既料既渣滓,就知用既香料十足,香味四!溢!入口首先出味既係椰香,食食下就發覺辣椒味湧出來,愈辣愈興趣呀真係!辣得濟既時候,我就會選擇食碟中既南薑絲中和番味覺先*不過講到最好味都係煲到lum曬既泰國茄子,索曬d咖哩精華(選擇個刻一樣都係要白色先靚先會煮得lum,如果唔係點煮都係硬架)*另外d泰式魚蛋,由於手打關係特別爽架,又啖啖肉))))青咖哩真係最適合配米線滑得黎,條條米線間都帶有汁,好味呀但呢個米線辣既程度可為8/10級,我都食到嘴唇紅曬,但最適合愛刺激既人,夏天食到咁係一種樂趣!!!!不得不提另外一種Lum Jin Lum Ya青咖哩魚碎米線都好味,我媽媽都識整.製作過程都好複雜,所以更加值得大家一試,係心機之作。首先

電視的魔力真大，因為金剛與小儀節目的緣故，令到十九區的街邊小吃也興旺起來。就以上週五介紹過的九龍城為例，結果令家母也嚷著要前來一躺，期間就見到豪華餅店及公和豆品大排長龍的場面，平心而論，除公和的出品有有點水準外，前者的蛋撻，個人就覺得不值得專程而來了。不過城寨區域食肆處處，雖然少了一批機場客，正是「爛船還有三分釘」，各式菜館也是舉目皆見。食肆來說，也以東南亞菜館作為主流，原本今次旨在前往區內兩間新興的點心專門店，結果一來要等位，二來家母當天對點心的興趣也是不大，反而有點興趣吃一碗麵食，既然一場前來，總想給予她一些地道東西，最後帶她去了城南道的「昌發麵食屋」，本身以雜貨店起家，供應食材給一眾食肆或同鄉，最後也在附近租下舖位，供應的主要以麵食，小吃或飯品為主，小炒或主菜反而不多。於下午茶時段坐下，門口有一大個檔攤，分成一格格的各種食品，由泰藉的廚師作主理。看了餐牌之後，也就點了兩款麵食，原本也想點多一客小吃，只是價錢上也失了預算，其實兩碗麵已經很足夠，凡事也以「寧缺勿濫」為佳。點菜的女侍應雖然是泰國人，也無懼溝通的問題，基本的廣東話或英語對答，絕對難不倒她們。牆上貼有蔡瀾先生的撰文推介，想

星期日去咗九龍城，超熱，30度以上。去咗食泰菜，由於計劃之後去食糖水，所以午餐不能食太多。成點幾去到，竟然超多人，要等位，人手又唔夠，基本上無人招呼你。等到有位子了，落單也要等。一行三人，點咗5樣食物。要了炸蝦餅、冬蔭清湯河、海南雞飯、濕炒豬肉河同炒椰菜苗。海南雞飯先來，之前都食過一次。不錯才會再吃吧！雞飯份量十足，飯粒粒粒分明，雞油味不重，但香料味很香，不會太肥膩。雞肉嫩滑，不過今次隻雞較肥。個醬汁才是精華所在，酸酸辣辣，超開胃~冬蔭清湯河，正如個名所言，真係好清，同我想像中嘅有好大出入，我以為係冬蔭公湯底，點知係清湯，真係唔明同「冬蔭」有何關係。清湯，加了點辣粉，吃下來微辣，適合唔辣得嘅人。但對我黎講就唔夠刺激了。不過河粉好吃，係我鍾意嘅粗身河粉。有肉丸、肉片、芽菜等。下次都係食番遊船河較好較濃味。炒椰菜苗，十分夠鑊氣，很好香。炒得不油不膩。椰菜苗好像不太當造，較大棵，但好在都好嫩。濕炒豬肉河，一向都超愛濕河，食落無乾河咁乾，有d汁。好多料，有好多雜菜。但獻汁不會太杰，剛剛好。河粉炒得超棒，好有鑊氣，加點辣椒汁，一流。炸蝦餅，係見勁多人叫，我地先追加。一客8件，炸得非常金黃，上枱時

九龍城這個居港泰國人與嗜吃泰國菜港人的樂園，泰國菜館林立。踏足此區，簡直是五步一泰國餐館，十步一泰菜小店，這區泰國菜館數目之多，真是非得一頭半個月也不能全數試遍。這天忽然興起，來這區吃頓泰國餐，本想去剛成為九龍城開飯熱店的「小曼谷」試試，但去到「小曼谷」，一看等位的顧客，最少也有二、三十人，立刻打消了幫襯「小曼谷」的念頭，隨即改往這間家地道的泰國粉麵店去吃頓簡單的粉麵餐。這館子店面小小的，經過窄長的走道後，裡面的地方也不是很大，但原來這小小的店子還有二樓開門做生意，可真是想它不到呢！店裡裝修陳設相比起附近一些新開的泰國菜館顯得較為簡陋與過時，牆身上盡是這裡各款菜式的「玉照」與它們在餐牌中的號碼，讓人一看即知餐牌內各款菜式的賣相。一邊牆上懸掛著的電視機播放的不是香港各大電視台的節目，而是泰國歌手的 MTV，當真十分有泰國 feel 。招呼客人和擔當廚師的阿姐盡是泰籍人士，可見這小店確是十分地道。桌上擺放著的公雞圖案圓盅最為吸引自己的目光，也吸引了自己逐一揭開看看裡面到底裝著什麼調味品。這一共五件的擺放調味品的圓盅，各自裝著的原來是辣椒醋、辣椒魚露、辣椒粉、甜酸醬汁和白砂糖。據說泰式粉麵種

因為只係想食碗簡簡單單泰國粉麵所以上網睇下邊間泰國野好食見到呢間食評幾好　遊船河個名又幾趣致好 一於試呢間最近處於減肥狀態不易食濃味野 雖然見到網友大讚遊船河但為左唔破壞減肥計劃 都係清清地 食個札肉檬算lumenu上只係寫左可選河粉,米粉,全蛋麵 就係無我想食既檬粉膽粗粗問下有無檬粉啦 泰國姐姐話：「有!有泰式檬粉」心諗泰式檬粉同越式檬粉有分別咖咩　札肉檬粉送到 依？原來泰式檬粉即係我地食開既米線$23呢個價錢真係唔錯雖然個碗大 米線少 不過對一個女仔黎講都算岩岩好(最緊要係可以留返個肚食糖水啊嘛)札肉都算多喇 有成五塊都幾厚切添 一咬 札肉鎖緊左豬肉既汁而且彈牙 真係唔錯碗野又有芽菜又有類似通菜既物體 真係好喇 感覺健康好多呢個係友人order既遊船河(我鐘意呢個名!!!)點知原來係好多豬潤 友人係唔食豬潤既 所以佢只好夾哂出黎 我見都有幾多片佢話個湯底真係好好味 夠濃夠香河粉比一般食開既粗 口感亦好好係其他配料無乜特別整體都係好既 !果然唔錯見menu仲有幾款都想試彩虹湯河？不得不提係呢間野真細心一坐底就放低兩杯冰水!可能知道有食客會唔受得辣!well done!

九龍城有好多泰式菜館都係由泰國人經營,此店也不例外.菜式口味好正宗,亦都好重香料味,所以當日有好多泰國人幫襯.其實口味嘅嘢真係好睇個人喜好,鍾意香料味重嘅人可能覺得好好味,但本人唔係太喜歡,所以覺得味道一般.但價錢尚算實惠,路經此店,可以試吓.泰北生菜包味道ok,但肉碎鹹咗少少,不過配埋生菜食,味道尚可接受.此碗名叫遊船河,個名改得好搞笑,其實即係雜錦湯河,入面有豬膶,肉片,魚旦等等,湯底好重香料味,個人感覺唔係太鍾意,如果接受嘅話,可能一試愛上.焗椰青海鮮炒飯味道唔會太鹹同太油,配埋椰青肉一齊食,味道清清哋,幾好味.糯米釀雞翼外皮香脆,配埋軟綿綿嘅糯米飯,點埋酸酸甜甜嘅醬,味道一絕,加上價錢實惠,路經此店,記住一試.