明愛天糧包餅店 (已結業)

還記得第一次光顧是買了芒果撻, 因為天氣太熱, 但又快要吃晚飯了, 只想來一個凍凍的小吃. 最喜歡她的一口SIZE, 非常MINI, 芒果很新鮮, 用了呂宋芒. 撻底也夠脆. 已經很滿足了。我一直都想試一下拿破侖, 曾經想買的時候給一位女士買了五件而買光了. 早幾天經過時想買但未出爐. 真的不走運呢~但6月16日再去的時候已拉閘及貼滿招租的POSTER. 我相信她不是搬了, 而是結業了吧. 因為沒有貼搬遷通知! 我還未試她的凍奶茶及拿破侖就沒聲色地離開了呢~~ 可惜!

剛從聖堂參與完「耶穌復活夜間慶典」便回家寫食評, 由於現在已是晚上11:14所以要選篇容易寫的短評回想今天, 正正第一次找到明愛天糧包餅店 的位置, 所以根據之前食客的介紹買了些餅點回家吃凍奶茶$9...售餅員說是茶餐廳口味, 一樽容量是330ml, 成份全天然只有水、錫蘭紅茶、全脂淡奶及糖。 味道我覺得比茶餐廳更啱我, 有點點茶澀, 而奶味又不會多到漿住口, 不過口感幼滑順喉, 而且After Taste會維持好耐。 甜度亦是適中至少唔會令喉嚨唔舒服小tart $3.50一件, 黑森林切餅$8, 藍莓芝士蛋糕$15先講講那些小tarts, 是牛油曲奇tart底, 不油 tart裏除了cream就是一層蛋糕, 那層蛋糕是濕濕的, 面頭分別有tiramisu, 藍莓jam及栗蓉cream。 Tiramisu那款的芝士是奶味較芝士味重, 藍莓jam裏包含新鮮及熟透又甜的藍莓, 栗蓉cream是帶奶味的栗蓉, 好fresh黑森林切餅的蛋糕就乾了點, 都是一般朱古力味的濃度, 可是竟有驚喜點就是有提子jelly粒及提子粒在中間cream裏(帶點酒味)藍莓芝士蛋糕是牛油消化餅底, 頗油膩

過年時在此買蛋糕時發現一個很有趣的賀年金豬包,今次飯聚也是金豬爸爸的生日會,而且又在新斗記吃乳豬,不如訂個金豬包當生日餅應該蠻好玩,開席時先吃乳豬,單尾也吃乳豬...包,這就是首尾呼應的意思了。訂包時請店員姐姐要給豬包加張紅色玻璃紙,我想要如店裡的樣本一樣,這才像外賣乳豬呀!!只可惜沒有那朵紙花而已。收貨時自己見到這金豬包已在店內笑到咭咭聲了,我相信朋友們也會喜歡牠的! 吃罷晚飯,當生日包拿出之時,席間朋友已說很有趣,經過火燒後欄及拆開紅色玻璃紙後的金豬樣,原來更可愛!!體積比平時的大麥包大一半左右的豬包不但有五官耳朵,還有四隻小手腳及如蚊香的鬈鬈尾巴,眼睛更是放上兩粒糖漬紅櫻桃,如放入兩個閃燈泡及放在大碟上,假可亂真!! 麵包其實是一個很有麵包香的提子包,外層焗得比平時的提子包更脆,撕下來的脆感活像乳豬脆皮,中間的麵包鬆軟微甜,小量提子乾混在其中,就是豬包的全部材料了。這家社企餅店的蛋糕麵包也蠻有水準,價錢也非常街坊價的抵食,這個食味不錯但玩味更高的可愛小豬包取價$88,還有一款二百多元更大體積的大豬包,以生日蛋糕角度來看是非常便宜,但以普通麵包來看就算得上昂貴,不過其效果卻非常理想

身處荃灣廣場, 特意再來這家同是社企的明愛天糧,看看有否賀年曲奇可買, 新春期間曲奇大受歡迎, 現貨全售罄需要訂購才有貨,噢~~~一場來到買幾件蛋糕吃吃吧, 只因餅櫃裡每件$8.5的切餅份量奇大呀!!芒果切餅大大件的蠻巨型,每片芒果皆甜美金黃,兩層厚薄有別的海綿蛋糕層軟綿中有彈力,相當新鮮的狀態,中間忌廉裡還有一層同是甜甜的芒果片,這件甜美新鮮的芒果切餅實在抵吃又好吃!!推~~~黑森林同是件頭大大,外圍舖滿牛奶朱古力碎, 朱古力甜甜的完全沒有任何甘苦,大人小孩皆宜的甜度;朱古力蛋糕同是柔軟中有彈力的新鮮出品,蛋糕的輕柔朱古力味未夠外層的濃香,形成濃淡皆有的兩種朱古力味道;中間忌廉還有黑加倫子果凍粒,小時候吃的黑森林蛋糕那懂正宗不正宗,只記得朱古力蛋糕裡有啫喱,一次能滿足兩個願望,童年時有這件蛋糕就已樂上半天了! 想不到在這家社企餅店能找回那些年的黑森林蛋糕味道。拿破崙($5)是收銀阿姐極力推介,這裡的拿破崙做得較薄,其餅皮之酥脆證明了真如阿姐所言:新鮮做的。除了酥脆酥皮,其餘部份是幼滑忌廉及一片海綿蛋糕,做法不像其他高級餅店般抹上吉士醬,價錢便宜的也可以一吃。大人和細佬選擇麵包時,發現

今天巨P從學校裏帶來了幾個月餅, 是明愛天糧的出品。 若不是今天這個機緣, 我也不會認識到這所為弱勢社羣融入社會, 助人自助的包餅店。除了外層紙盒, 月餅外還有一層密實膠袋封實, 膠袋並不是容易撕開那款, 要用剪刀才能剪開,夠晒衛生。成份天然, 只用欖仁、蓮子、麵粉、白砂糖、食用梘水、水、花生油、雞蛋製造, 一粒E也沒有, 因此貯存日期較短...只到9月30日。愛心造型的欖仁白蓮蓉月餅習慣了吃帶有鹹蛋黃的月餅, 老實地說最初切開時有一陣悶意, 樣子不大吸引而且欖仁太少了吧~ 切開數份並吃下一口, 頓時覺得白蓮蓉質地滑溜, 不油不滯, 味道清甜可口, 沒有帶苦澀味(早幾天吃過一件由品牌「香港都有手信」所製的至尊月餅, 它的白蓮蓉竟然帶苦澀味)。 欖仁太少所以質感不夠, 果仁味道也不足夠。食過感覺幾好, 至少比坊間大集團餅店所賣的更健康, 還是親自到鋪頭買幾盒送禮, 健康就是無價

星期六出姑姐生日出左荃灣飲茶及來了這裏買了一個生日蛋糕一齊慶祝,這裏是社企餅店,所以價錢都較別的餅店平,我地買左一個鮮果粟子蛋糕,個蛋糕都好大個的,應該都有一磅以上,只係80元好抵呀!!蛋糕面舖面鮮果,有士多啤梨,桃,蜜瓜球,菠蘿,藍苺,好吸引呀!我地拎住個蛋糕行左一段時間,天時暑熱都好驚會溶,好彩食既時候都ok,外層有一些花生薄片,鮮忌廉及粟子忌廉,入面都有粟子忌廉的,味道都幾好及生果都算新鮮及甜的,不過可能個蛋糕太大及粟子都幾膩,所以食唔到好大件的呀!!餅店除了有蛋糕賣外,還有麵包及曲奇,價錢都係好抵的呀!!

呢間係社會企業.而天糧的意思包含左天父對世人的愛同永無止境的恩賜..呢種精神值得讚揚,我都無因為他們有呢種精神,而話他們出品好.食評最主要...都係好食先有笑臉...環境,都好清潔.而店員都好熱心解答客人問題.圖中全部產品43元.唔算太貴...我只吃了白方飽.同曲奇餅...白方飽.吃落軟林林...麵粉味重,平時吃麵飽一定要搵水送.呢次都唔駛...乾食都可以..曲奇餅..30元.每包都有獨包裝,鍾意的..到期前一日食都唔怕..曲奇餅吃完..覺得個餅鬆軟.香口..但牛油味唔濃...可能呢間店標榜健康的關係

去荃灣經過依間餅店~之前都冇留意到...係明愛天糧開,佢地支持弱勢社群創造就業~我覺得幾有意義~之後見到櫥窗有不同既cake, fruit tart , pudding..樣樣都想試~最後買左6個果撻~因為6個有盒,方便拎~ $3.5 一個~我要了可可芝士, 芒果 , 藍莓 各2 ~1)可可芝士撻,芝士帶一點酸, 食唔憤既可能會覺得有點怪~2)芒果撻, 充滿一粒粒鮮甜芒果, 沒有cream, 但係食落口好清,好好味!!3)藍莓撻, 有一層藍莓果醬配上藍莓粒,都好味!下次經過都會再買!

虎年虎彥開財路曲奇禮盒發現到明愛天糧與社聯合作推出虎年虎彥開財路曲奇禮盒... 非常特別... 我最鐘意既係虎掌.... 好鬼q呀.. 送禮非常啱... 價錢又唔貴.. 細盒裝$60大盒裝$98

今年老婆仔生日搵間西餅店買翻個兩磅蛋糕送給她，加上近年環境不好，收入一年不如一年，今年節省一些，在荃灣附近搵左好幾間，嘩很貴一磅佰幾蚊！點算好。行左好幾個鐘，在大會堂後面發現一間明愛天糧包餅店，ATV曾經介紹，我心想可以一試，一走入店內，覺得他們很友善，師父拿出介紹有很多款式的蛋糕相片，我眼前一亮，嘩價錢很合理，即刻不用考慮，選了心形雜果蛋糕兩磅$150.-蚊，晚上7時自取，老婆仔有幾位老死在家等我回來開餐，飯後切蛋糕，食落很好味，值得向朋友推介。

睇佢d麵包唔吸引,所以上次黎都只買曲奇食。今日經過,見麵包有八折,最愛的提子丹麥條$3.2,就俾次機會佢啦。竟然好好食喎!!有酥皮與麵包之間的質感,面頭朕楓糖漿又唔會太多太甜,攪到隻手黐立立。奇怪是,提子乾仲特別清甜!好好食。其實佢其他o個D,例如:綠茶紅豆燕麥包,茶色微薄；提子南瓜排包,麵包色水同白麵包差無幾,南瓜如頭髮咁幼既份量。真係要細心挑選。個笑哈哈係比個提子丹麥條ONLY。

今日老婆生日，成個月前我以經黎訂個公主蛋糕送去老婆公司比老婆，個蛋糕送到去，味道OK，但CREAM太多，老婆話好漏，不過送蛋糕連張訂貨單都比埋我老婆，比佢睇晒個價錢呢樣野就唔得啦。

爺爺的生日！我們兩姐妹最近這一個星期密謀送件大禮給爺爺，給他一個惊喜，行過荃灣問了好幾間餅店，都找不到合心意的蛋糕（但訂做價錢又貴，我們還是學生，無太多的零用錢）．還有２天就到爺爺的70大生日了，　我們到一間餅店（明愛天糧），看到公主蛋糕很靚，吸引我們入店，但我們商量下，不能買公主蛋糕，因是爺爺的生日啊，正在十五十六中，　有一位師傅走了過來，像知我們心意，說他有可以幫到我們，跟進幫我們度身訂做了一做壽桃蛋糕，每磅只需７２元，我們立即訂了（其他店糕要每磅１３０元）．．．．．．到了今天，我們將蛋糕送給爺爺，他很高興．原以為這便直的蛋糕，只要不太難吃就算了，但吃完後，每個人都爭住添食，連平時不喜歡蛋糕的嫲嫲，也讚不絕口，結果全吃光了（３磅啊，因師傅說要做立體要３磅才做得到）平時只買１磅蛋糕也吃不完（還要是出名的餅店）．今天真開心，大家都稱讚我們，還說待我們生日時買公主蛋糕呢！！！還有一事值得一提，明愛天糧的師傳幫忙可以度身訂做蛋糕啊！下次我要再考考他們的手藝啊！

記得好朋友話生日想要barbie蛋糕比較過好幾間有整barbie蛋糕既餅店呢間都算係最平果間!而且打去問過仲有得送貨服務,聽電話個姐姐都唔會嫌我問3問4,好好態度壽星女見到個蛋糕都好感動,好開心~因為真係好靚!我都咁認為..哈哈哈!比著我真係唔捨得切,但個蛋糕最後既命運都係用黎扔,好朋友事後話冇食到個蛋糕覺得好後悔同浪費~要我下年再買雖然冇食到,但我諗都唔會唔好食!因為係我揀既芒果蛋糕!thanks天糧包餅店

夜晚o係荃灣大會堂聽concert, 記起之前睇到雜誌訪呢間社會企業麵包店。因為時間相距較耐~唔記得左佢係18:30定19:00後有麵包買三送一優惠…入到麵包店,感覺好乾淨, 而且光鮮~麵包好整齊咁放o係包櫃~而可能時間唔早既關係~尚餘款式唔多~~買左藍莓醬包, 芒果醬包, 芝士沙律包, 朱古力muffin, 仲有合桃酥.藍莓醬包係幫朋友買,所以冇試過~自己食芒果醬包時覺得個包唔夠味~好似食緊芒果jam白面包~但就只有包上面o個幾條芒果醬…雖然麵包幾軟熟~但如果包入面都有餡會好好多~朱古力muffin係第二日帶去郊外玩時做tea~面層朱古力粒有少少溶~食時有少少麻煩呢…除左有朱古力粒外, muffin既朱古力味唔算濃~但就好香牛油味~, 蛋糕質感唔錯~..甜度適中~ 哥哥既芝士沙律包同樣有呢個問題~但佢既情況會較好~因為芝士沙律比較濃味~佢話味道普通冇特別~但幾油…面層d芝士好硬…可能係因為第二日先食啦~最讚既係合桃酥$1/件, 又抵又好食~ 獨立包裝, 細細件, 買十送一~分左幾件比一齊聽concert既朋友~佢地都話唔錯~仲問o係邊度買呢..!我就覺得夠鬆化~又有牛油香~而鍾意食合