明星海鮮酒家 (已結業)

邊個話年青人一定中意食日本菜，西餐慶祝生日?是日友人生日，特登黎到油麻地明星酒家食小菜慶祝,貪佢又平又好食又有招呼!我地一行5人叫一隻片皮鴨，一隻片皮鴨加埋一只係$100左右，皮燒得香脆,肉質又唔會太過鞋口。我地5個人都差D食唔哂一隻鴨。另外乳鴿亦非常抵食，質素算中上，但只係需要＄２２隻！亦冇話現實同照片不符。隻隻都ＫＥＥＰ住大大隻！呢個價錢仲可以有咩要求？另外蒜蓉粉絲蒸扇貝８隻＄１３６，雖然殼同肉分離，估計係冰鮮元貝。蒜蓉足料，粉絲吸左蒜既味道，又香又入味，送飯一流！話明生日，當然要條清蒸沙巴仔賀賀佢啦！沙巴仔唔係大魚，份量ＦＯＲ５個人差Ｄ有點勉強。但肉質算滑，而且新鮮。＄１００有找既價錢實在非常合理。

屋企人有一日經過明星海鮮酒家，被地下既大魚缸吸引，決定黎呢到食返餐團年飯！基本上黎得呢到既客人每枱都會叫隻蟹！大大隻阿拉斯加長腳蟹，隻隻都好生猛，由$9xx-$2xxx一隻不等，是乎隻蟹既大細！首先到地下魚缸揀好想要既海鮮，店員會拎到上去客人既飯桌，再問下客人想點煮，其實重點係可以順便比客人拎住隻蟹影相！一行6人㨂左隻$2xxx既，清蒸原隻上原隻上絕對可以保留到蟹身本身既鮮味，同蟹水唔會流失！而且唔怕被人偷龍轉鳳移形換影😂真係每一個食完都大讚！每一口都係蟹肉！清蒸比起係北海道既煮沸方法更出色！另一款超驚喜推介係呢到既咕嚕肉！完全係必吃推介！呢到既咕嚕肉同係出面食到既唔同，係酥炸！每一粒都脆口又鬆化！真係好正！炒聖子呢到除左海鮮出名，燒鵝聽聞都出名而且見到佢地有師父即場燒燒鵝，於是叫左半隻不過唔知係咪一早燒定既關係，黎到既時間燒鵝已經唔熱，亦冇想像中既脆身好味，不過不失

早前父親大人見到人哋吃阿拉斯加蟹， 差點想過枱去吃，我笑住同父親大人講， 你過去問人哋攞一隻蟹腳吃啦今次帶多少少人來晚膳，終於可吃了。每隻880元，不是計磅的，是每隻計。待应會拿來比我們影相及睇睇， 便帶牠入廚房排隊煮， 我們選擇清蒸，可加100元两食，即是將蟹的某些部份用其他方法煮， 例如用豉汁炒等等。其實蒸出嚟嗰隻蟹都唔知是不是自己選取的那隻蟹蟹膏好多， 甘甘香，有少少似蛋王味道。實太鮮甜，蟹腳用較剪把殼除去，蟹腳都好厚肉。老媽說蒸出來的蟹汁有好高鐵質， 由於蟹汁都幾咸下， 所以叫了兩碗白飯撈蟹汁吃。

因為外母喜歡食蟹，但又不想去太遠，所以選擇了到來這間位於油麻地的明星海鮮酒家，當然要食佢地重點＂蟹王之王阿拉斯加蟹＂本來還點了蒸魚和龍蝦伊麵，但是最後我們都取消了😑因為這裏上菜真的很有問題，竟然一次過把所有菜都送上來，根本連枱也沒位放，海鲜放涼了就完全不是那會事，所以樓面和廚房真的要為客人好好想一想，這樣的安排應該如何改善........但想不到食物質素絕對是高質的特別推介香蒜賴尿蝦

以前黎過呢間食下午荼，今次第一次係度食晚飯，我地兩個女仔叫左3個送(明星炸子雞，什姑花膠煲，同有個咩炒什菜)1個白飯，2個揶子塾蛋白，吾太甜，蛋白好滑，超好味呀! 送菜分量好大，夠食3個人呀!味道好，又抵食，下次會再黎!

飲茶，嗌左碟生炒骨，超難食，入口只有* 槳* 骨* 肥膏同經理講，叫佢注意下。回覆曰：我地 "粉漿生炒骨" 同出面果啲唔同，食客鐘意食，你的意見第一次聽，。。。。。。不過我會同廚房反映。咁鐘意食漿既朋友快啲去幫趁。#曲線要講明

因之前在另一飲食集團食過長腳蟹，好好味。所以叫了一隻游水長腳蟹約5.5斤重，未整之前先影相留念。蟹腳清蒸，蟹身蛋白蒸。但上枱後，發覺味道怪異，無鮮味，有一種不好食的感覺，勉強食剩一半。和之前影的蟹相比較，蟹蓋紋身和凹凸係完全唔同，原本細鉗變成大鉗，真奇怪！回想起應該原隻上。其它小菜，平平無其。下次我都係不會再來。

近段時間又是吃蝦吃上癮了，系網上見到有好多人推薦呢間明星海鮮酒家，所以今日晚上就過來冒險一下喇。富貴蝦就系我今晚最主要嘅目的喇，富貴蝦一上來就覺得真系無點錯咯，好大一隻蝦下，好驚自己一個人食無曬咯。富貴蝦蝦肉一如我想像中的彈牙，味道鮮甜，入口海鮮味十足，不用擔心有人同我爭食，所以自己食完富貴蝦真系好飽吖！蒜蓉大元貝都是很香，蒜蓉味真系好霸道，成餐飯都聞到蒜蓉味，大元貝就算一般般喇 ，因為蒜蓉味實在系太濃郁喇，所以元貝本身嘅鮮味都已經被蒜蓉味覆蓋曬，摧毀左呢道元貝。價錢都稍微有小小貴，服務也是一般般水準。

通菜好新鮮好咬口煮得老咗少少椰子燉蛋白好滑象拔蚌好新鮮 又有得滾嚟食 白灼蝦好甜勁新鮮雞煲翅啲湯好甜好正的瓜勁甜加埋咸蛋同皮蛋Woo hoo!!!Service very good

点份燒雞海中蝦孖宝(價錢HKD288加一), Ｄ蝦只只炸到望落成只賴尿虾咁款蜷縮,顏色很淺淡,不知是什么虾,不似平日见到斥顏色橙紅色啊。食落仲有兩只是臭臭的！燒雞也好不了去边,不新鮮似重新走過油,雞的份量唔細,還附送一碟超多味精变成糊狀的鼓油!但碟小菜芥藺名牛肉就正常!芥藺香嫩好味!

好耐冇去過明星了，老人家提議裝修後親戚都覺得唔錯咪去試下，不用訂位，餐牌都好多選擇，我們被安排望住燒乳豬位置，不停地燒呀燒~感覺好新鮮，所以將燒味拼盤改為乳豬拼盤，但反而燒肉好味同脆過乳豬，龍躉片係好厚肉又唔散呢個超正，鮑魚雞煲好足料，真係由頭到尾都好高評價，仲有服務態度非常唔錯，一定有下次

晚上和友人到來吃飯，沒訂位，幸好早到能安排台！點了不少食物，味道皆不錯！先選蟹！好生猛！花錦鱔湯，正！先來蟹腳，每口都是蟹肉！滿足！回味！繼續別停下來！炆得入味的鱔不錯滿足的一餐以鮑魚作結！

明星給我的印象是走中低檔路線，想不到一頓飯便改變了一切。上到二樓，環境沒有別家酒樓般嘈雜。包廳，一桌十二人，沒有點招牌的燒鵝，因點菜時沒有留意它是燒鵝專門店。羊腩煲先上，是兩客的份量，有味道但又不是太濃烈，羊件煮得剛好，菜的份量也不少。兩隻阿拉斯加蟹，足八斤重，分四碟上，有清蒸及蛋白蒸，鮮味十足，一搶即清，隻碟。燉湯料足，好味，只是花膠不够腍。薑葱生蠔是三桶桶蠔，大大隻，好好味道，蠔味稍遜本地出產，但安全。四蔬種類豐富，有銀杏腐竹、菌類及蔬菜，清鮮好味。蒸沙巴龍躉，肉滑好味。招牌燒雞也好味。眉豆茶豆在別處難有機會品嚐，紅棗糕也是警喜，兩款都咸甜度剛好。生果拼盤佈置出色亮麗，為完美一餐畫上句號。

父親節到，4人去左呢間明星，因俾佢門口蟹缸吸引店員話驚我地食吾哂，吾好叫半隻鵝，叫例牌鵝脾，鵝味濃，吾太肥，好多肉，亦好入味，正雞㷛翅湯--雞半隻，肉較緊，吾肥，湯好重雞味，翅就好多片，啖啖翅，正淸蒸長腳蟹--正正正，蟹好鮮味，超多肉同膏，有海水咸味，特別鲜甜，啖啖肉，食大半4人已經飽哂。之後食埋生果，滿足一餐

You will all have to forgive me....I am not based in Hong Kong, but I try to visit whenever I can. And where I currently live, the Hong Kong Cantonese style food sucks, maybe 95% of the time. Even if you have $, you may not necessarily be able to get quality ingredients and execution, whereas in Hong Kong, if you have $, the sky is the limit. So fellow reviewers who actually live in HK, think about how good you have it. Then again we have better air quality and bigger housing....different timezo