明珠閣 (已結業)

放假同屋企人飲個下午茶〜見到哩間野有點心仲一啲中菜，但個感覺就比較fusion 啲幾特別就試下啦。茶，只有潽洱。點心選擇不多，算中等，再加一啲小菜搭埋吃個飽喜出望外勁推菠菜鮮蝦腸勁滑，鳳爪個味好正，菠菜餃、鶉春蛋燒賣、蝦餃、蛋白杏仁茶，全部都足料味道亦好，小菜 - 賽旁蟹 味道正路，但唔知點解出水出得好緊要🤔仲叫左兩款特色包點係比佢外表吸引左而叫嘅〜 黃色仲有對眼仔〜流心奶皇包仲左得意之外，味道亦ok! 粉紅色豬仔樣〜 入面竟然係流心朱古力🐷太搞笑啦，小朋友一定喜歡💕埋單$5xx 食飽4個成人，仲有3小時免費泊車，扺

下午茶簡左個椒鹽排骨飯，不明白點解會有豆豉響粉入面，好似係買餘左再番炸咁！ 而且八成都是脂肪得一成是肉，難以入口。飯60元，再加5元茶水費，加一，72元結賬。不值得！ 🙈

去到新城市，真係太多選擇。點指兵兵入咗明珠閣，正值午餐時間人開始多，不用等位嘅情況下坐低咗。開始感受到e間舖嘅團隊精神，真係好耐冇見過咁有 heart 嘅員工，大部份係後生仔女（非一般的）個個非常主動，一叫即到，無分你我👍🏻我眼見全部毋須吩附，個個見到乜做乜。很抵讚👍🏻👍🏻👍🏻講返食物質素： 菠蘿🐔～菠蘿極甜，鷄滑不油蝦餃～蝦爽皮薄（兩隻一㘛）非常好XO炒腸粉～炒得很有鑊氣，香噴噴的干扁四季豆～夠乾身，夠香牛腩河～牛腩淋而入味真的很好！會再去及介紹給朋友的！很讚！如果香港多些這質素的飲食地方就好了！

下班後時間已不早，難得見到餐廳還有開門，於是不用想就選擇了剩下的這一家餐廳。點了個小菜套餐，沒想到東西還蠻多的。有湯，有兩個小菜和一個小吃。先來一個很下飯的柱侯牛腩煲，光看顏色就覺得好像很入味。不知道是不是因爲快要下班的關係，份量很多，不管是牛肉還是蘿蔔。牛腩入味，但蘿蔔有點老。三杯雞煮得還不錯，蠻香的。入口還有淡淡的麻油香。不過肉質有些有點過老。鐵板叉燒上碟時聽到吱吱渣渣的聲響，感覺食物新鮮。而且叉燒入口鬆化算是不錯。

今日收工就約左女朋友黎沙田行街，行街之前就要醫飽個肚，女朋友話想食中餐，就黎左明珠閣，叫左兩個餸同一個白飯share. 不過真係一啲都唔平，就咁埋單都要近$300。味道就一般啦賣相就幾靚既，一個係黑松露帶子炒蛋，另一個係花枝片，如果唔係女朋友話想食菜，一定唔會黎囉，不過俾佢用黎影下相，佢都好開心既The environment is good enough. It’s a good place to go with fds for gathering.

同男朋友在沙田學游水，都過咗9點正常食飯時間，正煩惱食乜好，居然俾我地見到「明珠閣」在宵夜時段有8折，仲有個「宵夜特區」menu，簡直啱晒！由於真係夜深啦，驚難消化，所以我們叫咗「雲吞雞湯」（sorry太肚餓，唔記得影相），飲下湯食下少少肉咁，唔會撐住個肚。個湯底好濃郁，雲吞又好滑，值得推介！要數最特別既係：呢個「三色手工包」！好得意！尤其係個豬鼻同豬耳，好可愛，顏色搭配得好好♥️味道就還好啦！每款係可以單點架，不過我覺得呢個組合可以試晒三款，啱晒我呢個港女😂呢餐之後，我都推薦咗呢間餐廳俾有小朋友的friend，小朋友一見到豬仔包包勁開心☺️

特別想提係啲後生嘅店員 服務態度超級好啊！■ 籠仔金銀蒜海蝦蒸飯 $168個人感覺好dry 其實個底全是無味道既蒸白飯 個價錢係食啲蝦？啲蝦仲要唔係多😵 早知嗌瑤柱蛋白炒飯 都係先$98～■ 雲吞麵 $58不嬲鍾情雲吞麵 食落都有少少同出面唔同 冇咁重鹼水味係真！BTW我諗想食雲吞麵都未必去佢到食😂大把出色既選擇■ 豆腐羹 $37/位要趁熱飲 正啊 好好味！■ 脆網鍋貼六隻 $68？唔記得好靚啊個脆網 幾有心思～～～■ 三式包 唔記得幾錢貪佢個樣得意 又影呃like相有朱古力、奶黃、豆沙饀

晚上唔肚餓，但都要食啲嘢嘅，周圍睇吓邊度有平嘢食啦，見到明珠閣8點半後有8折，咁就走入去食啦，之前夜晚都食過，覺得貴所以食完嗰次之後都無再幫襯了。今晚見到有折，而且唔多肚餓，所以再試吓啦。今次都係叫返上次叫過嘅黯然銷魂飯，即係叉燒旦飯，兩次感覺唔同，上次的叉燒感覺新鮮啲，但成碗飯都好少分量，上次覺得唔抵食，但今次可能夜，接近收工，所以叉燒分量多，但覺得唔太新鮮。另外叫咗隻乳鴿，這乳鴿 size細，無乜肉食，但味道都唔錯的。整體如果有8折都可以食吓，但無折就感覺貴，唔多捨得食。下次有折諗住試吓蝦蒸飯，這款要百幾蚊的。

方才才說起好久沒去沙田區，怎知正所謂"一係唔發市，發市當三年"，在兩星期之內，今次是小弟第三趟來新城市開餐了....和上兩次不同，今次除了我們一家三口以外，還有岳丈及岳母一同參與....今次吃的，是和上兩趟吃的日式cafe只相隔幾步腳程的這裡....我是曾來此吃過一次晚飯的，吃後卻不曾留有甚麼深印象，想不到在食完今次後，對這裡卻留下一趟蠻不俗的用餐經驗....在這兒，點甚麼菜之後也可以忘記，但這道店自慢的叉燒，您就一定能記住....用的是肉質軟熟，厚切的半肥瘦脢頭，蜜味與肉香皆濃；小弟看中一件帶燶焦的頭端肉，入口惹味，食得不亦樂乎....有了這叉燒打底，其他東西好不好吃，小弟似乎也不太在乎了....更何況，事實是其他點的菜，水平亦挺OK的，好像這臘味荔芋煲，奶香與杰稠度皆濃；芋頭粉糯至與醬汁融為一體，用來伴飯食，可以輕易地將之食至碗底朝天也；而且滿滿的一大煲，賣不到百大洋，抵食之至。不過若然臘味的品質可以再好一點的話那就更好，個人認為，臘腸及臘肉似乎偏瘦了些....另外還有這同樣飯足料足的籠仔金銀蒜海蝦蒸飯也很不錯 ---- 飯粒帶點黏性甚乾爽；金銀蒜有經預先調味，和飯混和一齊食，非常

星期日想找間舒服的餐廳同媽咪食個豐富的中式Brunch, 於是就在正斗及明珠閣二選一，結果媽咪當然選擇便宜一點的明珠閣~午市二人套餐~$208，包括：> 中式湯兩碗，清清地，不是老火湯> 蠔油白灼芥蘭，蠔油較少，而另添豉油> 前菜選了蜜汁叉燒皇，都鬆軟好味，不過叉燒較為大塊，每口叉燒都需較長時間咀嚼> 點心選了北菰棉花雞及春卷腸粉，魚肚有三大塊，正！春卷腸粉夠脆，好味！> 主食選了欖菜肉碎炒飯，炒飯炒得好香但只能淺嚐，因為已經太。飽。啦！吃剩的四份三炒飯要打包回家~總括：這個餐絕對是三至四人份量！所以好抵食~

團年飯級別的晚餐，黎到平時唔會去既餐廳食番餐。(可能個名吸引唔到我)不過食完覺得算唔錯。一行五人，點左一個四人餐，另散叫幾款菜式。四人餐有八款野食，加埋其餘點叫夾埋超過十款，好豐富呀哈哈。三小碟之一，味道帶麻辣同醋既木耳，算不上特別但幾開胃。鐵板上既叉燒，口感幾特別，肉質較稔，但冇燒味個款咁既脆口。脆皮牛腩，牛腩老同實左啲，外皮係炸皮個種脆皮，係脆但覺得整體口感唔算好夾。炒蛋滑，帶子彈，黑松露香，黑松露有融入落蛋入面，幾好！鮑魚係正常口味，較難得係配角既冬菇，菜都冇失禮！西蘭花用xo醬炒，味道唔會差，雖然大棵既花，但唔覺得老。小籠包有唔少湯汁，肉汁甜，外皮稍為厚了少少乾了少少，但整體還可以。炒飯有薑粒，香口，一啲都唔油，但可能就係少左啲油，未去到粒粒飯分明，有部份會黏住。雲吞雞唔錯，菜，雞，雲吞，湯都係好味既。個名好奇妙，望落就似小學中學開party既小食，有鴨胸，蛋，青瓜，沙律醬同薯片(係底)，食落係幾好但咁既價錢計性價比唔高。煎餃幾出色，肉汁會爆出黎，外皮略脆唔燶唔乾。甜品簡簡單單，好食，唔會太甜，唔係吉落去就散既。餐廳環境不錯，食得舒服，多人聚餐既一個好選擇。

年初一當然要揾間中式食肆食，感受下新年氣氛。呢間嘢一向多人排，見放假有時間就唻試。呢度都係供應啲大路嘅中式食品。叫咗雞絲粉皮，南乳豬手，叉燒王刈包，燒賣，瑤柱蛋白炒飯，幾樣大路嘢。燒賣間間茶樓都有，估唔到呢度嘅燒賣有驚喜，一粒燒賣內有兩件蝦仁，而且蝦仁彈牙入味。叉燒王刈包都唔錯，包皮薄帶點甜味，蜜汁叉燒王係半肥瘦嘅，口感好，又入味，但兩個包盛惠$48+10%,真心覺得貴。其他味道一般，未能令人留下印象，但呢度服務質素唔錯，待應有禮，會主動收拾食完嘅食品。

今日去新城市廣場食lunch，同事提議去呢間，搭緊車已經用apps訂定位，去到唔使等位。第一次黎，見餐牌好多款點心同小食，花多眼亂，我地三個人決定share個二人餐。同事推介叉燒皇，每件都幾厚，入口夠淋又有半肥瘦，好食。個餐可以選兩款點心，揀咗春卷腸粉同腐皮卷，春卷腸粉入口時仲熱，春卷香脆，腐皮卷香脆亦唔油。另外包一款飯麵，揀咗薑汁蛋白炒飯，飯粒炒得幾乾身，薑味濃。個餐仲有兩個湯同一碟炒芥蘭，三個人食夠飽。

自己行過新城市呢間餐廳算係唔需要等好耐的一間，一眼望落個餐牌食物名我認為最吸引既係脆皮牛腩，我就order咗一碟再加一籠流沙奶黃飽作為我今日既午餐。脆皮牛腩咬落的確時皮脆的牛腩肉不算太韌，呢個份量兩三個人食都可以，不過實在太好食，我自己一個人隊晒，流沙奶黃飽到了，樣子十分可愛，我將個飽搣開一半真係流沙的，雖然都好好味，但我隊咗成碟脆皮牛腩，食淨一個流沙奶黃飽打包拎埋走。呢間餐廳雖然像普普通通的中式酒樓，但食物水準好過比錢去食貴價酒樓。

3點零鐘，本身想去美心皇宮飲茶，點知職員話4點做清潔，要我地係20分鐘內食完走人。 時間咁緊迫，我地就緊係唔想咁趕。 咁岩由地鐵站行去美心皇宮經過明珠閣，就決定試下呢間既野食。入到黎，員工大部分都係20幾歲，好後生，有活力👍🏻 門口女同事有禮貌。首先上左一道手撕雞粉皮。 上面有好多麻醬，對我黎講，我覺得味道好濃好漿口。 只可以話佢地冇溝水，真才實料😂之後仲有蝦餃同埋豉汁蒸鳳爪。 呢兩樣野同平時係酒樓食既都差唔多，冇咩特別。其實仲叫左一客燒賣既，不過唔記得俾相機食先。 燒賣上面舖左一隻蝦，再咬落去，原來入面仲有一隻，果然真才實料👏🏻👏🏻👏🏻👏🏻本身以為冇事，可以開開心心捧住個肚走既時候，找錢個陣可能知道冇tips，因為冇零頭，全部都係紙幣，所以個男侍應好冇禮貌咁同我地講，找錢！ 我地去咁多食肆食飯，從來都未遇過啲咁嘅侍應，講真，自己都係做呢行，我都知對方既苦況，所以有啲野接受到就算，但係佢係我地咩都冇做過既情況下咁冇禮貌對待我地，我就真係覺得好冇道理😡😡