星味工房 海南雞專門店 (已結業)

工作到了中午，搵咗呢間餐廳，去到橙色門面精神，唔使等位，店內桌椅比較簡單唔花巧，食物係星馬粉麵！星洲雞飯（$65）切雞：我想食胸，問店員唔使加錢（有啲海南雞飯店，只要客人要指定位置嘅雞都要加錢的，幾窩心）胸瘦身唔嚡，無雪味，雞味略淡，點三款醬油（黑醬油、酸汁、薑油）自己最喜歡黑醬油，杰身濃香微鹹，配雞食好味，拌碟嘅黑雲耳酸酸的入味，開胃彈牙好味！湯：夠熱味道清甜，冬瓜蘿蔔煲得淋，配飯食不錯油飯：比平時見嘅深色，飯夠熱鬆軟，食落有油香唔膩！好味！五香牛𦟌（$45）份量幾多，鹵得入味，牛肉瘦肉啫喱夾雜，彈牙唔嚡，好味！同事食：菠蘿咕嚕肉飯（$45）凍檸蜜（跟餐加$5）星洲雞髀飯（$75）食物幾好，店員係一個姨姨一個伯伯，雖然唔係爽手，態度好nice有笑容，姨姨寫單伯伯開收錢單，伯伯誤會了兩份雞飯都轉髀，姨姨睇到即更正佢改單，好上心！可以一試！

快要闊別香港半個月的我，今晚，決定要好好吃一餐亞洲菜。在聯和墟逛逛走走，微風把我推到星味工房門口。這一間沒有華麗裝潢的店鋪，簡簡單單，面積雖小，但五臟俱全。它不求什麼，只求食物的高水準，能配搭到對的客人。店主由落單，招呼客人，送餐，甚至清潔，都一手包辦，親力親為，態度熱誠敬業，對自己的食物抱絕對的信心。平時的我，一定會揀選它的海南雞飯，貪它的嫰滑雞肉和香飯。但今晚，我偏想吃它的喇沙海鮮米線，和配上一杯凍檸蜜。先講喇沙海鮮米線，從外表看，已可以肯定什麼叫對食物的堅持和熱誠。餸菜鋪滿整個碗面，兩大隻青口和兩大隻鮮蝦，肉質新鮮，像是剛從海中捉回來。再看當中的魚片，看其厚度，就知店主對顧客毫不吝嗇。旁邊的翠綠生菜，更為這個米線添上清新的感覺。另外，更不得不贊它的米線和喇沙濃湯汁，天衣無縫的配搭，在這炎炎的夏日，提開了我的胃口。那杯凍檸蜜，當中有五大塊檸檬，可見得店主的對食物的用心，對客人的誠意。這杯凍檸蜜調和了我的味蕾，酸中帶甜，甜中帶滿足!現今的香港，大部份已被大財團吞噬，而在隱世中仍能見到一間為食物堅持的一顆熱誠的心，真是值得我們大大鼓勵。

放工之後同男朋友去左食雞 ～～打開OpenRice 見到呢間餐廳唔錯！仲有五星級大廚主理 好正咁！呢度有好多唔同選擇。但最吸引都係雞～～Menu都有幾道菜以雞肉為主～主食當時要食最出名既海南雞飯同海鮮喇沙啦！再叫多左兩道菜 ～麻醬雞絲涼拌粉皮同麻辣口水雞！話咁快就上哂枱，兩個主食都以托盤上 ，方便大家食野當骨盆，企理又乾淨。海鮮喇沙有大蝦 青口 半個蛋同豆泡 ，一碗都係餸 滿滿的～～湯汁偏小小辣都有梛奶味。海南雞飯配有南瓜湯同穀麥飯，都係健康之選 ，仲有三種唔同醬汁提供。重點既雞好入味又爽口 ，好鮮味多汁。麻醬拌青瓜絲涼皮感覺好清爽，涼皮煮得軟硬適中 彈牙。口水雞辣得來係夠麻 ，好過癮 ！杯咸檸檬7up好足料！老闆放左成個落去 正！冇咁過咁好食既一餐 ，價錢都仲咁貼地！星級享受～～

今日過嚟同媽媽買餸 行過見到就想入去試吓竟然覺得水準高 幾好食所以專登寫黎讚下鹹檸七鹹檸檬幾香 大大嚿好夠味 唔會飲到最後冇味 夠大方！紅豆冰 杯紅豆冰真係好抵飲 食晒佢有半杯咁多嘅紅豆我已經飽咗一半 是去飲紅豆冰最多咪都係¼杯嘅紅豆 點解可以咁計成本又咁大杯紅豆㗎 😂 我咁講呢一度嘅紅豆冰係我飲過咁多間比得最多紅豆嘅一間 肥牛新加坡喇沙米線佢嘅喇沙湯底唔係以濃厚為主 唔係有成層紅色嘅辣油喺面嗰隻 算係一種清香嘅喇沙味 完全唔會覺得太淡或者味道唔到位 肥牛份量好合理 有菜有金菇豆pok and 蛋大大碗好抵食 唔想食普通河粉粉面既朋友會絕對推介馬拉盞通菜我幾鍾意佢炒出嚟嘅味道啱啱好唔會太咸又夠香 35蚊碟菜來講其實炒得幾好 每人叫個海南雞再一齊分享一碟菜就啱啱好啦

新加坡口味海南雞飯王牌果然係王牌冇令我失望雞係主角 梗係講雞先啦 雞冇雪藏味 雞肉好滑 唔會一味得個肥字 所以平時唔識雞皮嘅我 今次都有食 佢加＄10可以轉做全雞髀 今次冇事但我下次會試吓今次冇事但我下次會試吓 試咗再打多篇食評俾大家睇個老火湯好正 睇吓啲料足到！！ 有陳皮蘿蔔紅蘿蔔雞腳，冇乜味精味， 最近媽媽都少煲湯，有啲掛住細個嗰陣兩三日就有湯飲嘅感覺佛山煙燻豬蹄分量真係幾多下 起碼有十塊以上 雪得夠凍先拎出嚟 夏天行到㷫烚烚坐低食都一流 普遍上大部分都肥瘦均勻 只係有一兩塊肥左啲 但係因為雪得夠凍所以都唔會覺得太肥膩 平時都係點白醋 佢黑色的醬汁好食過平時點白醋好多 所以大家嚟到食飯 唔好慳果40幾蚊同朋友一齊叫一碟你試吓

香港的海南雞飯飯店不少，但做到有質素的並不多，聽聞粉嶺小區新開的這家小店，非常多人幫襯？又不算很貴，值得試一試話說海南雞飯並不是海南獨有，星洲，泰國也有，星洲的是香港比較普遍的吃法，而那個三色醬汁就是標誌。基本的選擇除了招牌雞飯，叻沙，椰漿飯，黃薑飯等傳統選擇，來這裡記得點餐，或者雞飯，因為既然是得獎星洲廚師，只點湯麵實在浪費。而我就選了招牌的星洲雞飯（雖然很像，但其實星洲的作法跟海南真的稍有不同）第一件事是喝一口湯，似乎沒有味精，帶點瘦肉香，對於最怕味精的我來說，合格了雞肉是半骴半翼，廚師總算待我不薄。早已去骨的雞肉非常嫰滑，骨去得非常乾淨，煮得剛好僅熟。由於是凍食，所以肉質更彈牙亦沒那麼油膩，但中國人還是想吃熱的東西，所以會再加一口飯。油飯配以黑蒜，班蘭，雞油＋水同煮，非常入味，味道比外間的油飯更濃郁。三色醬汁也是精華，濃郁的黑醬油，酸辣汁以及薑蓉。薑蓉太普通了，酸辣汁肩開胃，黑醬油是我的最愛，因為那濃郁的調味配上原始沒調味的海南雞，是絕配！

朋友住聯和墟同我講話呢頭有間新加坡菜好好食，咁我姑且一試啦。呢度老闆態度好親切，黎到就不斷推介招牌菜。而環境就好寬敞。黎到無得唔試雞飯啦，就連報章雜誌都有介紹呢道菜架，係用慢煮技術，令到肉質熟得黎仲係嫩滑，要用成個鐘去整的，好有誠意。而食落認真有水準，肉質唔洗多講，而肉好肥厚，鮮甜。另外，仲有調味料蘸，味道好地道。日式雞絲粉皮，粉皮、雞絲、青瓜、麻醬既份量好多，多到滿瀉咁制，d粉皮夠涼，配合麻醬食好和風，而雞絲撕得夠碎，食落唔會韌或者攝牙。而青瓜就剛好中和返麻醬既油膩感，令碟菜感覺清爽。

早排見有報章推介呢間餐廳，一路都心思思想試下，今日終於都有機會啦。呢度既廚師係新加坡五星級酒店做過大廚，聽到都覺得地道啦。坐低第一時間叫呢度既招牌菜星洲雞飯，即係新加坡口味既海南雞飯，65蚊有湯有雞有飯有醬，個飯用雞湯連埋蒜、香茅一齊煮既，食落好香口，而飯就煮到軟身。雞就用佢地主打既慢煮手法，老闆同我地講係日日新鮮慢煮五十分鐘而成既，好鮮甜嫩口。而個湯仲用鮮雞熬出黎既，就咁都見到d雞，唔重味精。麥皮香蕉，係煮熟既蕉面加上麥皮、七味粉，食落口感豐富，而味道多層次。以麥皮中和香蕉煮熟後傾瀉而出既甜味，再加上七味粉既香辣味，食過返尋味！咸檸七，最重要既咸味好夠出，溝埋七喜都唔會被蓋過，飲落已經覺得養生。

咁岩今日入聯和墟睇戲就試下呢度新加坡菜啦，今次黎既目標係雞！因為見之前有媒體介紹過呢度既慢煮雞。黎到店員就好熱心介紹呢度d雞既煮法，係慢煮成個鐘的。所以，先品嘗下星洲雞拉麵，用左店內最有人氣既slow cook雞，煮到岩岩熱，滑溜溜又唔會有血水，咬落肉質剛剛好，唔會熟到韌，果然名不虛傳啊。而個拉麵係幼身的，相對粗身比較入湯味。日式雞絲粉皮，粉皮係偏幼身的，食落煙韌，而雞絲、青瓜份量好多，配埋胡麻醬凍食，果然好有日本風味。紅豆冰，店員推介，果然好夠奶，又多紅豆，飲落好滋味可口。

今日食左個好好味既海南雞飯。身為一個海南雞飯fans。對食海南雞都有少少心得。今日經過呢間餐廳，被佢個海報標題吸引。得過獎既海南雞飯，唔係唔食呀嘛。叫左個全腿海南雞飯。雞腿去曬骨。食左一啖雞肉，好滑好有口感。雞肉好彈牙，無加醬料味道已經好夠。真係超好食。有三種唔同既醬料可以點雞。食海南雞最鍾意就係有呢個黑醬油。東南亞地方先普遍既醬油，又食到呢真黑醬油既香味。好正！呢個海南雞既飯比出邊食過既較特別。飯好香，但唔油。飯可以整到個口感乾身彈牙，真係有心思既。食完真係覺得名不虛傳。仲加左自己特色。擺左木耳係海南雞側邊。有返少少自己特色。酸辣木耳好開胃爽口。所有野都配搭得好。不過最重要都係雞肉。彈牙既肉質一定過過冷河，呢個海南雞質感好難忘！叫埋個麥皮香蕉。第一次食麥皮香蕉。味道幾得意。麥皮上邊有少少辣粉，甜得黎又開胃。呢個小食幾過癮。少少既芝麻香同麥皮同香蕉夾得唔錯！夏天再黎個紅豆冰。紅豆冰唔單止落左奶，椰子既香味都好濃郁。加埋超多紅豆，跟餐叫又唔貴，抵飲！餐廳細細間出邊睇落無乜特別，入去食左先知係會高潮既！

今日因爲工作關係去咗聯和墟，所以收工同同事揀緊食邊間嘅時候🤔就見到呢間餐廳，位置都容易搵，招牌夠顯眼👀之後見佢牌頭都好犀利😱原來大廚👨🏻‍🍳來自新加坡，仲係“2012年在新加坡五星級酒店獲得最佳美食大獎”😳，相信揀呢一間絕對唔會中伏😎加上我地都好中意食海南雞飯，見到佢地嘅招牌就係海南雞飯，就即刻拉門衝咗入去坐低🏃🏻‍♀🏃🏻‍♀🏃🏻‍♀餐廳雖然唔係話好大間，但坐就坐得好舒服😌空間都夠，仲好有家的感覺🏠而侍應同老闆都好細心同好有笑容，仲會推薦同介紹下佢地嘅菜式👍🏻👍🏻👍🏻我地睇完menu，第一時間當然即刻叫個海南雞飯啦😍另外仲叫咗個娘惹咖哩牛腩飯一齊share食，飲品就叫咗一杯凍檸茶同一杯凍奶茶。餸菜好快就到咗啦！🤗見到餸菜賣相好靚😍真係急不及待想快啲食。首先，講下個海南雞飯先，一份雞配個油飯同三種醬汁，仲送一碗例湯，個湯一飲就知係好野😂無味精😭真係好難得啊！而個飯同出面嘅油飯絕對唔同，就咁食個飯都唔會覺得dry，仲好好味添😋再講下果三種醬先，同出面食開嘅絕對不一樣🙅🏻後尾問老闆先知原來三種醬汁都係由大廚親自調配，真係一個十分講究嘅大廚，我比十個讚👍🏻同欣賞佢💋而我自己就比較鍾意點黑色果個

住係粉嶺食野真係無咩選擇，有日行過聯和墟見到有間新加坡五星級大廚主理既餐廳，打算試試佢！雖然牌頭好厲害，但入面係有種溫暖既感覺架，而且價錢係絕對親民，最愛呢d小店！先叫左個海南雞飯，d雞係又香又滑架，唔係得個滑字又無味果種，食左好多舊都係無點醬如果要我揀個最好味既醬我會揀黑色果個醬油，甜甜地同d雞好夾架！你地睇下雞皮同雞肉之間果層啫喱喂呀會唔會太正呀，食到停唔到口個餐有配埋木耳做前菜，酸酸地既汁，好開胃，又可以唔洗加錢都食到多一種菜我同朋友見佢個飯咁正，就起勢咁叫左好多野食，我諗其他客人見到我地兩個實嚇親下面咁多個小食入面，我最鐘意雞絲粉皮同燻蹄，大廚不愧係大廚，可以整到每個小菜既汁都唔同味，你叫可以點唔推介俾其他朋友仔黎呀下一次一定要另叫一碟雲耳同試埋牛展！

之前聽朋友講呢間野唔錯，又住係附近所以就黎左試下。一入到去坐底，老闆已經好有禮貌咁講下有咩菜式同有咩出名，服務態度真係好讚！之後就點左個海南雞飯，啲雞好滑仲要無骨，岩哂我呢啲懶人，最重要既係佢啲皮與肉之間有層啫哩！仲有佢個3個醬汁都唔差，由其是係個黑色汁，甜甜地幾易入口！之後仲點左個雞絲粉皮同佛山燻蹄，個份量真係大，好底食，仲要係好味既！個粉皮岩岩好，唔會太淋同太硬，仲有啲彈牙。而個佛山燻蹄個汁真係我既最愛，酸酸辣辣咁好特別。之後仲叫左個口水雞潻，口水雞唔洗多講都一樣係咁滑，而個口水汁辣度適中，加埋啲辣椒籽食送飯一流！最後仲叫左杯紅豆冰同哥B冰。首先個紅豆冰勁多紅豆，到最後飲哂杯野仲有紅豆，同埋啲紅豆係甜架，唔會好似出面咁無味。而哥B冰係咖啡黎，味道都唔差。

今日去聯和墟探朋友，朋友就帶了我來這家聯和墟的獅城小店，小店是獅城酒店主廚打理👨🏻‍🍳，選擇非常多，晚市套餐價錢亦相當貼地，店員好好人，一黎到就推介我地一定要食海南雞飯，咁一定要試下😝 。⏳經20小時慢煮的海南雞飯🐤🍚海南雞飯配上油飯加例湯，呢度的海南雞雞肉非常嫩滑🤤，一D都唔”鞋”口，一問店員才知因由，原來他們用了20小時慢煮🥘才能達至這樣的效果，果然慢工出細貨⏳。 吃海南雞當然唔小得油飯🍚，但呢度嘅油飯係用上湯製作🍛，讓油飯先吸收上湯的精華😝，製作時間亦比較長，店員仲話個醬料薑蓉 酸汁 豉油都是自己調教，果然重點在細節，連飯同醬料都咁細心，呢個價錢真係非常值回票價👍🏻👍🏻。另外，餐廳個老火湯亦唔馬虎，仲要不含味精，今晚係陳皮合掌瓜紅羅白煲雞腳🥘，非常足料👍🏻新加坡豉油雞撈麵🍜雞肉一樣非常嫩身，豉油雞🐤亦非常入味，撈麵上加了一些黑蒜，味道咸中帶一點甜味，食落更有層次感💁🏻‍♀️。 另外我地亦叫了一份燻蹄🍖，醬汁亦是小店自己製作😽。 我地原本還是試一下麥皮香蕉作甜品，可惜師傅話已經賣哂🧐，唯有下次，下次再黎探朋友一定要再試試😌。

公司附近特別多海南雞，試遍整個聯和墟，味道加上價錢作個比較後，星味工房的海南雞飯餐最後獲得同事們一致裁定勝出～ 前陣子小店在facebook人氣爆燈，座無虛席，即使近水樓台，也不一定吃得到（尤其是店子位置不過20個，但同事放飯一行最少6人...）不說不知道原來大廚來自星加坡，還得過美食大獎，說星味工房臥虎藏龍也不為過！至於為甚麼我們覺得這裡的海南雞贏盡聯和墟，全因為雞肉特別嫩滑，油份比例剛剛好，加$10可換作雞髀肉，但個人覺得雞胸一樣夠嫩，而且啖啖肉，不用拆骨的感覺好爽（笑）小店的湯水沒加味精，喝過就知道落足料。油飯也跟別家的很不同，應該以上湯煮，多一分雞味的鹹香，如此有誠意的油飯第一次吃到，吃過後就回不去了（哈哈！）星加坡不只海南雞，娘惹叻沙也很有名。這裡有娘惹叻沙茄子牛肉，不怕辣的可以一試。除了辣以外，還吃到香茅、和南薑味，正不正宗我不敢說，因為我也沒去過星加坡吃過當地的叻沙... 對胃就好。牛肉是打邊爐肥牛，份量OK，同樣是食肉獸之選～辣度約是五小辣的程度，用汁來送飯挺刺激味蕾。晚上依然體感溫度超過30度，想吃點冷盤，忍不住加餸點了胡麻醬雞絲粉皮，份量多如一個小山丘！這裡用胡麻醬