星味工房 海南雞專門店 (已結業)

晚上來到聯和墟，不少餐廳已預備收舖，行過星味廚房還燈光火著，侍應亦熱情招乎，二話不說就進去了。只想簡簡單單填飽肚子，點了一客娘惹咖哩牛腩飯加一杯凍咖啡，跟餐的黃薑飯轉了白飯，只因是晚不太想食黃薑飯。等了一會就上菜了，份量讓人滿意，咖哩牛腩大兜，牛腩也多，湯大大碗夠熱，白飯也是大大碗毫不吝嗇。咖哩香而不辣，好啱口味，牛腩軟腍易咬開，半肥瘦好正，撈飯食好好味！！紅青蘿蔔豬骨湯，無味精的愛心靚湯，味濃但飲完無口渴喎，好野黎！跟餐凍飲要加5蚊，要左凍啡，餐牌寫叫哥B冰，係咪coffee冰音譯？Anyways，杯野好飲，啡夠濃夠凍又唔死甜。70蚊個人，今時今日正常價位啦，下次試下得獎嘅海南雞飯先。

又到左搵食時間，是晚同同事出黎食雞，揀左黎星味廚房，貪佢近近地，價錢貼地。豉油雞撈面餐（$65）同事叫了撈麵餐，半邊雞配上公仔麵，份量都幾多喎，套餐送無味精老火靚湯。豉油雞很入味，甜甜的豉油味好正，公仔麵彈牙，撈埋雞汁好好食。海南雞飯（$65）自己要左海南雞飯，一份雞，油飯，同靚湯，賣相很不錯呀～雞已去骨方便食，雞皮下脂肪並不多，連皮都可以安心食，雞肉嫩滑好食，伴碟有木耳同青瓜，帶來點小清新。雞絲粉皮（$35）仲叫左粉皮，哈哈，又係雞。青瓜絲爽口，粉皮煙韌，加埋雞絲同大量麻醬正喎，好香口。佛山燻蹄（$45）同事多點了燻蹄，皮彈牙，肉部份入味，味道還不錯，只是份量偏少了點。家庭式小店感覺蠻舒服的，小店加油！

我從未食過咁難食嘅喇沙同炒菜. 見話係五星級酒店廚師咁勁諗住去試下. 必點就一定係海南雞飯啦, 都普通嘅, 無乜驚喜, 個飯食落都唔係特別香. 唯一好味嘅係陳醋木耳, 同個湯都幾好飲跟住到最嬲嘅環節, 因為之前無影但實在太嬲食到一半啲料先影相啲料ok 嘅有蝦有青口啲魚片都好食不過個湯底簡直不知所謂, 水溝油咁以我認知喇沙係有好香椰味...佢無...我唔知自己飲緊咩湯底. 最後我哋食晒啲餸啲米粉完全食唔落因為唔知自己食緊啲咩!我去買包新加坡喇沙即食麵都好食過佢十倍之後到馬拉盞炒菜心又係水溝唔知咩咁!!!!! 好似係蝦醬....1滴蝦醬加水 炒起無鑊氣, 仲差過我自己煮嗰啲食完越諗越嬲....忍唔住奉上我嘅第一次嬲嬲豬評論

見今日放假，我地特意前來試海南雞飯同喇沙，結果極為失望，喇沙湯淡味，好水，飲落係清湯，豬扒只有好咸既味，海南雞飯極為普通，我地加左10蚊轉雞脾，雞肉普通，另外再叫左一個馬拉盞炒菜心，一見到，我以為只係普通烚菜好多水同好淡。飲品叫左哥b冰，店員話係佢地特別既飲品，結果一飲，應該係3合1加水加冰沖出來而已。等我地滿心期待特登過黎食，但大為失望，無下次了，浪費左我地 quote 應該食其他更有特色更好味既店舖。

星期二晚上8:00嘅時間亦坐滿了客人、店面雖小但環境舒服嘅。老闆同員工亦笑容好好。一個海南雞飯$65有埋個老火湯、海南雞側邊仲有幾件黑醋雲耳酸酸麻麻好開胃。碗飯唔係外面一般嘅油飯、我唔知佢用味材料、反正就幾好味、我成碗唔洗沾醬可以食哂～雞嘅份量以呢個價錢係不多亦不少、但味道係新鮮肉質夠嫩嘅。整體嚟講就係若然你係北區人、今晚唔知食乜好、不妨可以試試呢間海南雞飯。用$65嘅標準去食、應該唔會失望嘅。

看見雜誌介紹，寫評良好，專程由沙田至粉嶺嘗試一下，所謂星加坡酒店主廚，拿過獎項的海南雞飯:雞滑度還可以接受，可惜毫無雞味淡而無味飯帶微香，但香味不足，過度軟身湯是整體最好，濃而不渴以65元計，番食指數是0，名而不實

和老婆專程落粉嶺去試傳聞中的海南雞飯。去到星味工房，員工招呼殷勤親切，也很專業的介绍菜式！我當然點了去骨海南雞飯，無骨、啖啖肉！而老婆則了囗水雞客飯套餐。難道客飯套餐的份量也比坊間的例牌雞份量多，雞皮爽而肉嫩配以指定的不同醬汁，口感和味道一流。最欣賞一碗香而不油膩的油反和一碗足料老火例湯，味蕾得在大大的滿足！口水雞肉嫩配上香味辣道十足的醬汁，直接挑起食慾，嗜辣的人不可不試！這樣追求出品的小店比任何大集團都更有誠意！已約定老婆下次再光臨！

睇到有傳謀介紹粉嶺海南雞飯 作為雞飯粉絲一定要試下 但竟然如此失望👎🏻首先 一入到餐廳 伙記頗無禮貌 遠處問你食咩 基本上全餐廳都知你食咩第二 油飯賣相極不討好 食落口感奇差 飯中間有頗多黑色既野 唔知係焦定咩 但好少油飯會整到咁唔吸引第三 於粉嶺 及考慮其質素 絕對唔值65一個餐 相比起 尖東好時沙嗲 同 連鎖即嚐味 呢個餐係完全比下去 貴又貴個人 味道又差 持平既係雞同湯既味道一般 但絕對唔係出色 總結 呢間舖只會因為廣告吸引人去一次 相信唔會有回頭客

女朋友說這新開的海南雞飯很出名，好評很多，於是星期日晚帶我去試下真偽。雖然係星期日不過岩岩好有人走，唔洗等位。小店格局，都唔算太迫。叫了海南雞飯加星加玻式凍咖啡，咖啡先來，好像用了煉奶，咖啡味唔算突出，比較甜。海南雞飯的油飯尚算香，飯質感普通，我很重視那三種醬，最重視黑醬油，這個黑醬油偏向甜，不能在咸與甜之間取個平衡，也比較稀。薑蓉冇乜特別，甜辣醬與泰式辣醬冇乜分別。雞肉方面我的是胸位，味道偏淡，肉質一般，雖然話胸位係最鞋既位置，但同食緊切雞飯冇乜分別。整體係比較普通，食唔出係酒店級大廚既出品。

2017.11.11 😊【得獎大廚主理•來自新加坡的家鄉味道】聯和墟不能否認網絡的力量真的是厲害一篇網絡上的介紹舊城墟裡寂寂無名的新店 一夜間人氣爆升📷就連店主也不禁驚嘆 我也不知道得到了報導忽然間客人就多了 連食材都準備不足夠未到晚市很多道菜色已經售罄當日看來排隊的人很多😗想食好西的朋友就要比點耐性喔這間人氣急升的星級料理位於粉嶺聯和墟就在"每當變幻時"的舊街市附近 主打新加坡菜千萬不要看小店裝潢簡潔不花巧 原來臥虎藏龍😱大廚更從新加坡五星級酒店獲得最佳美食大獎招牌星洲雞飯 $60雞飯是小店的招牌 經過網絡介紹後差不多每位食客都是為它而來食客可以依照喜好選擇白米飯或是油飯🍚小妹是覺得吃海南雞飯若然不吃油飯也太浪費了雖然等候雞飯的人流不斷 店主仍然堅持只供應原汁原味的好料理堅持要讓雞及油飯煮到足夠時間🐓果然選擇油飯是精明的飯吸收了上湯 紅蔥頭得配料的精華 相當入味而雞肉亦相當嫩滑香軟 令人想一試再試娘惹咖喱雞配椰漿飯 $45若然你是個性急子 則可以選擇咖喱雞配椰漿飯雖然這道料理沒雞飯人氣高 但亦相當不錯一上桌已經傳出陣陣香味咖喱雞的肉質嫩口 不會過於老身咖喱不會太辣 點帶甜口🍛混上椰香

木嘴對粉嶺呢個地方真係越黎越有好感，繼之前黎完食左間正野之後，今次又俾我發掘到另一間令我食完之後覺得一定要寫食評介紹既鋪頭。話說木嘴又咁岩黎開粉嶺，又咁岩喺fb見到呢間新開新店既介紹，又話咩街坊激讚，又話大廚曾經喺新加坡攞過大獎，既然係咁，就試下睇下係咪真係咁正。木嘴下午兩點半去到，店外面好多人等緊位，呢個現象對於喺粉嶺開既食肆真係比較少見。等左一陣，終於入得。個餐牌上面都算有幾多選擇，但既然佢主打係海南雞飯，咁木嘴就決定試下呢個。木嘴既朋友就叫左個喇沙牛腩米粉。海南雞飯個賣相好靚，令木嘴食慾大增。佢d雞果然係好滑，而d飯並唔係普通白飯，而係落左d特別汁落去。而個set仲配有一碗湯，木嘴唔知佢日日唔同定點，今日果碗就係木瓜紅蘿蔔湯，明顯用好多料落去煲，亦明顯無落味精，完全feel到呢間餐廳既誠意。至於個喇沙牛腩米粉，木嘴估唔到竟然會有d辣，但因為木嘴鐘意食辣，所以覺得好正好開胃。而佢d牛腩又夠林份量亦都多，真係幾唔錯。成餐飯最有趣既地方係，幾乎所有枱既食客都同老闆講佢地係睇到新假期/openrice而慕名而來。老闆一臉黑人問號咁話自己無喺上面宣傳過，所以都唔知有人幫佢介紹間餐廳，亦都無

呢篇食評冇相既，因爲太好食掛住食！我和老公分别叫左招牌星洲雞飯 ($60)、喇沙金菇肥牛米 ($42)、雞絲粉皮($30)、馬拉盞炒菜($25) 同 b冰咖啡 ($18)。雞飯啲雞皮爽肉滑，而油飯同出面食好唔同，睇落較深色，味道濃郁，仲有啖啖薑味。雞絲粉皮啲雞唔係普通嘅白切雞而係烤雞，粉皮好彈牙，連啲青瓜都好有青瓜味。喇沙對我地嚟講就辣左啲，但整體味道都唔錯。可能因為小店嘅關係，出餐安排比較亂，不過等侯時間又唔算耐。整體嚟講，非常好！一定會番嚟再食。

今日我們又喺粉嶺附近做完嘢之後，行過聯和道見到有間主打係食星洲食物嘅餐廳，所以我們就決定入去食晚飯！一坐低之後我們諗緊想叫咩食嗰陣，睇到坐喺隔離嘅其他人客大部分都係叫娘惹咖哩牛腩飯同招牌星洲鷄飯「無骨」，所以我們就叫咗嚟食，娘惹咖哩牛腩飯嘅咖哩汁味道非常香辣同惹味濃郁，而且濃稠度亦調教得恰到好處，唔會過稠或過稀，牛腩燜得好腍好入味，肉質相當鬆軟，牛肉味亦好香濃，再配埋白飯一齊食，簡直係絕配呀！招牌星洲鷄飯「無骨」嘅肉質極之嫩滑，最好仲要係無骨嘅，食落啖啖肉，真係好正呀！火腿鷄絲湯狗仔粉嘅材料相當足料，差唔多舖滿晒表面，要撥開先可以睇到啲狗仔粉，狗仔粉質感好煙韌彈牙，而鷄絲就唔係平日喺其他餐廳食開嗰種雪藏嘅鷄肉絲，而係用新鮮鷄肉撕成鷄絲，呢樣係最令我們覺得驚喜㗎！跟餐附送嘅老火例湯煲得火候十足，味道非常鮮甜濃郁！