星海．譽宴 (鱷魚恤中心)

营业中

休息中

聖誕就快到，同媽媽一齊去左行outlet同apm買聖誕禮物，跟住過隔離鱷魚恤中心飲茶。呢間星海•星海薈即使係閒日都幾多人，好彩都有位。整個場地以婚宴爲佈置，就係呢個典雅又浪漫嘅氛圍瞬間吸引左我地嘅注意。高貴嘅絲花裝飾、華麗嘅水晶燈、成個場地長度嘅養魚缸，彷彿置身於海洋館中，比人一種高貴典雅嘅感覺，喺度擺酒相信會令新人倍感榮耀。喺門口等嘅時候見到唔同嘅菜單，有百日宴、冬至、甚至乎外賣盆菜都可以，岩曬呢個12月做冬/聖誕/公司annual dinner一連串嘅節日活動黎聚會食飯。除左一般常見嘅點心外，酒樓亦有好多唔同嘅新款點心，我地就叫左蟹粉小籠包、鮮蝦帶子鳳眼餃、蘿蔔千絲天鵝酥、春風得意腸，齋聽個名已經吸引。蟹粉小籠包：小籠包裏面充滿金黃色嘅湯汁，將柔軟而薄薄嘅外皮打開，蟹粉嘅鮮香味隨即四溢，十分香濃。當我地咬開嘅時候，滿滿嘅湯汁都喺嘴裏爆開，幸好冇辣親咀。山竹牛肉球：鮮嫩多汁嘅牛肉混入馬蹄增加口感，搭配腐竹增添香氣，加埋唿汁，最愛呢個味道。鮮蝦帶子鳳眼餃：同平時食開嘅蝦餃相比，呢個鮮蝦帶子蝦餃除左賣相精美，口感亦更為出色。蝦餃外皮煙韌，內餡更為飽滿，蝦肉嘅鮮甜口感充分展現出黎，鮮嫩多汁

High quality nice decor Chinese restaurant@Kwun TongThere is a lovely floral installation for wedding photo!!White pepper Australian lobster on Iron pan鐵板白胡椒煎焗澳洲龍蝦HKD $638(每隻約斤半)Each Australian lobster weighted around one and a half kilo..The Australian lobster is incredibly fresh,sweet..the white pepper addes tantalizing kick and aromatic spice flavour!..YummmmmmmGinger scallion chicken in tradition cooking method古法沙薑雞HKD $118generous amount in an affordable price!.the chicken is sweet with nic

同屋企人係觀塘食晚餐，擇左呢間中餐性價比幾高，係婚宴同慶祝節日既首選👍🏼尤其鍾意食龍蝦既超推薦！。🥢鐵板白胡椒煎焗澳洲龍蝦 $638呢個鐵板白胡椒煎焗澳洲龍蝦既龍蝦嘅肉質鮮嫩，配上白胡椒嘅香辣味道，經過鐵板煎焗，增加咗香脆嘅口感。。🥢古法沙薑雞 $118特價超抵食！好大碟！古法沙薑雞既雞肉經過特殊處理，醃製過後帶有香味同滋味。沙薑食落有啲辛香嘅香料，加入雞肉中，增添咗味道層次同特殊風味。。🥢川貝海底椰鱷魚肉燉花膠湯（位） $98呢個川貝海底椰鱷魚肉燉花膠湯個湯底使用川貝同海底椰燉煮，味道濃郁，有滋陰養顏嘅功效。鱷魚肉同花膠加入湯中，增加咗湯嘅豐富度同口感。

又到聖誕節啦，約了朋友到觀塘Apm shopping，這個商場已經好有聖誕節日氣氛，之後順道在附近的鱷魚卹大廈嘆吓茶， 這棟大廈都有很多酒樓今次我哋都選了二樓的 ‘’星海‘’，因之前同事在這裡擺婚宴，食物水準和環境不錯，一心想來嘗點心飲茶。平日下午茶時段都差不多滿座，可能點心有優惠，選擇都很多。~叉燒肥瘦適中，燒烤蜜味甘香甜美。~原籠蒸馬拉糕，大大個熱辣辣口感鬆軟~蝦米蒸腸粉軟滑， 蝦米蔥花足夠味道唔錯~秘製五香牛雜份量好足，麻辣味重鍾意麻辣朋友肯定覺得好滋味。~蟹粉小籠包 熱辣辣湯汁好juicy~鮑魚燒賣賣相一般但味道都唔錯這間酒樓地點方便在Apm商場隔離shopping完嘆吓茶真的不錯。

今日同家人食晚餐🥢揀咗觀塘鱷魚恤中心的星海食中菜✨招牌白胡椒蟹同古法沙薑雞都做緊優惠。職員推薦咗一個新品比我地，川貝海底椰燉鱷魚肉花膠湯。岩曬我，可以潤一潤😍⭐️古法沙薑雞雞肉鮮嫩多汁，搭配上香氣四溢的沙薑調味，口感豐富，回味無窮。⭐️招牌白胡椒蟹 好大隻螃蟹，見到都吸引！滿佈濃郁的白胡椒香氣。每一口都讓人感受到蟹肉的鮮甜和白胡椒的辛香，好味道！⭐️川貝海底椰燉鱷魚肉花膠湯味道鮮美而濃郁。湯的口感濃稠，好潤好滋味。📍星海觀塘開源道79號鱷魚恤中心2樓

官塘工商廈林立，近年亦有大量各式食店入駐，食友引領到星海集團於區内分店，聞說食物選擇繁多👏埸内有舞台，豪華天花燈光，裝潢適合宴會酒席👏首先在特色小食中選了:蜜燒黑豚肉，甘香可口，肉質有咬感，半肥瘦黑豚肉油而不膩😋再在海鲜推介中點了兩款:蒜蓉粉絲蒸聖子王;蒜蓉粉絲蒸大元貝蒜蓉味濃，海鮮味滲透粉絲，聖子王夠爽口，大元貝滑嫩😋又在嚐新推介及下午茶優惠中嘗了三款點心:鮑魚燒賣，果然有隻彈牙鮑魚;😋時菜鯪魚球，魚球軟韌適中，清淡而魚味足😋蟹粉小籠包，時令食材，入口咬開， 蟹粉香氣滿腔😋捨棄主食而來了:星海脆皮雞(半隻)，皮脆肉嫩，佐酒佳餚😋多選擇的宴會酒樓👏

今日去咗觀塘星海同朋友食飯，依家係食大閘蟹旺季，個個都話食大閘蟹，我今日又去食下先。先叫兩隻紫蘇蒸大閘蟹，超級熱，果然係即蒸即上枱，啲蟹膏又香又鮮甜，食完一隻真係想食第二隻😂另外揀了個套餐清蒸珍珠龍躉仔加蒜蓉粉絲蒸元貝皇四隻$298，清蒸龍躉仔肉質鮮嫩，清蒸更可以保持食材的原味，成日聽到人話龍躉特別好食，今日真係食到好好食嘅龍躉😋 蒜蓉粉絲蒸元貝皇，最好即刻食，因為好快就會凍，雖然冇叫飯，不過食粉絲都飽。蟹粉小籠包，外皮好薄，內裡有濃郁的蟹味。蒜蓉粉絲蒸蘇格蘭蟶子，搭配蒜蓉和粉絲蒸製的蟶子鮮甜，肉質彈牙，每一口都帶來了滿滿的海鮮風味。蝦籽海參鮮菌煲，鮮嫩的海參帶來豐富的口感，鮮菌配上蝦籽帶來濃郁的香味，個汁最好送飯，最後仲有糖水送添😊朋友出年結婚想搵酒樓擺酒，呢度有個長形嘅大堂同舞台，其實都好適合婚禮。

同屋企人喺附近買完廚具之後，啱啱好係下午茶時間，想飲茶食點心，於是嚟到鱷魚恤中心嘅星海．星海薈。職員都好貼心，見到我哋帶埋小朋友，安排咗係窗邊嘅位置。店內環境開揚，落地玻璃出面仲有户外嘅婚禮場地，中間有大舞台位置，適合大型宴會同酒席。我哋食飽飽之後充滿滿足感呀！😋😋✨點心拼盤每款點心都有兩件，有蜂巢黃金糕、菜苗餃、燒賣等，一次過試齊四款 😚✨春風得意腸傳統腸粉皮包住入面脆卜卜嘅蝦肉，超正呀～✨蜂巢脆芋盒以芋頭做餡料嘅蜂巢脆芋盒，即叫即炸，外皮香脆，內餡包滿住芋泥，美味可口。✨蜜燒黑豚肉黑豚叉燒燒得啱啱好，保留到本身既肉汁，肉質嫩滑。✨鮮蝦帶子鳳眼餃好似小船咁嘅鳳眼餃，包住鮮蝦同帶子，再以蟹子點綴，食落煙韌爽口。✨瑤柱花膠灌湯灌湯餃飽滿多汁，餃皮厚薄適中，仲有鮮甜嘅肉餡，味道鮮甜。✨蒜茸蝦春卷✨燒味湯粉

最近去過鱷魚恤中心既星海出席朋友既婚禮 呢到既環境同一般既中菜好唔同少少似水族館咁既感覺 而佢既舞台用左超多花花既設計成個感覺好型格而食物都好唔錯 所以今晚係觀塘拎完野就過黎食多次晚餐佢既菜單都好多野揀而家當季既大閘蟹餐 連晚市點心都有 不過我發覺佢做緊推廣既菜都好吸引 所以叫左招牌白胡椒蟹 見到好吸引 黎到仲吸引 因為用鐵板上 黎到出晒煙 而且勁香 胡椒蟹好大隻 淨係個蟹鉗都咁大隻 味道方面 胡椒味好香 但唔會好辣 蟹肉好鮮甜 蟹殼脆卜卜 非常新鮮 佢仲有d 七里香 同 洋蔥一齊炒 味道會更豐富 更有層次古法沙薑雞 黎到仲熱既 沙薑雞醃左 食落咸咸地好惹味 雞肉都幾滑 兩個人好快就食晒成隻 川貝海底椰鱷魚肉燉花膠湯呢個湯好足料 飲落好滋潤 秋冬飲呢個岩晒真材實料$98 其實唔貴喎 原籠蔗糖馬拉糕一籠有8舊 用左蔗糖特別香 但食落唔會好甜 兩個人其實食唔晒 仲可以打包做聽日早餐 最後 店員問我地要唔要糖水 好耐冇試過中菜仲會送糖水送既係紅豆沙 夠沙 唔太甜 食完好滋潤呀

打完網球去觀塘吃晚餐。這家酒樓的内部裝修高貴時尚，天花有星海，很有特色，設有舞台，場面偉大，適合舉行婚宴及各類宴會。餐前小食花生一碟15元，花生香脆，帶點咸味。川貝海底椰鱷魚肉燉花膠湯98元，花膠彈牙，燉湯的味道清甜。鐵板白胡椒煎焗澳洲龍蝦598元，是用鐡板盛載的，有吱吱聲響，香氣四散，龍蝦肥美鮮甜，醬汁惹味，配料主要是包括白胡椒和紫洋蔥，味道層次豐富，色香味俱全，很滋味。古法沙薑雞一隻特價118元，大大隻，雞油甘香，雞肉嫩，吸收了沙薑汁，很惹味。蒜茸炒菜心88元，份量比預期為多，菜心粗身，口感軟腍，中央位置特別甜。茶介每位15元。奉送紅豆沙，味道正常。

星海．星海薈 📍觀塘開源道79號鰐魚恤中心2樓好耐系無飲茶🫖今日去左星海．星海薈 飲下午茶👏🏻😋店內裝修好有氣派配埋天花燈同埋現場裝飾設計😍現場環境好靚🥳非常岩擺酒搞婚禮👰🏼🤵🏻‍♂️👏🏻系個禁舒服嘅環境用餐🥢認真唔錯👍🏻樓底高現場即使人多你都唔會覺得擠迫😆空間感好夠我地叫左多款點心～點心都系即叫蒸👍🏻相當高質來食下午茶☕️有多款優惠‼️慢慢食嘆下茶而且款式選擇多✅除咗手工點心之外仲有不同嘅炸物、粉面、甜品🔸點心拼盤 ～ 一次過食到幾款點心跟有蜂巢黃金糕、菜苗餃、潮州粉果及蜜籽燒賣皇各2件蒸點🔸時菜鯪魚球 🔸軟滑牛肉腸 🔸蟲草花棉花雞 🔸蜜汁叉燒包 🔸豉汁蒸排骨 🔸醬皇蒸鳳爪 粉面🔸豉油皇炒麵 🔸燒鵝米粉炸物🔸脆皮咸水角 🔸蜜汁叉燒酥 🔸香煎蘿蔔糕甜品🔸養顏姜汁糕 🔸松化脆麻花 整體來講～食物認真唔錯😋#星海星海薈 #星海 #星海薈 #酒樓 #擺酒#hkkol #hkfoodie #foodiehk #like #follow #lobster #龍蝦 #燒肉 #豆腐 #炒飯 #咸蛋黃 #婚禮 #婚嫁 #美食 #宴會 #聚餐 #點心 #婚宴場地 #wedding #觀塘美食#

🍂秋風起，終於到食大閘蟹嘅日子啦，今次由我呢個尊人拆蟹俾另一半食，佢就爽啦星海薈嘅星級大閘蟹套餐超吸引，有南非鮑魚、大閘蟹、蟹黃翅/ 川貝海底椰花膠燉鱷魚肉湯、蟹肉雲腿扒豆苗、脆皮鴿、蟹粉小籠包、薑汁九層糕、黑糖薑茶，勁勁勁想食😍😍不過呢日食唔到太多，所以散叫返，下次一定再食🥢蟹粉小籠包💰$36一食爆多汁，食嘅時候要小心，好多蟹粉超正🉐🦀紫蘇蒸大閘蟹💰$128約五両重，好大隻，啲蟹黃勁靚勁黃🧄蒜蓉粉絲蒸大元貝💰$36/隻好鐘意海鮮，平時自己都有整，出街食別有一番風味，多蒜多油香口好多，元貝大大粒🉐🦞上湯澳洲龍蝦💰$498送伊面～超鐘意龍蝦伊面，次次有都會食，龍蝦新鮮肉質爽口😍勁好食，推薦🌽粟米鮮龍躉斑塊💰$178第一次食堅係靚魚整嘅粟米斑塊，用上龍躉魚肉，好有質感好有魚味，粟米汁稠度味道剛好🚩星海．譽宴 (鱷魚恤中心) (觀塘) @the.starview_ubanquet 📍 觀塘開源道79號鱷魚恤中心2樓

  為老友慶生當然不可以求其！他愛吃中菜，於是選了於觀塘 鱷魚卹中心2樓的 『星海。譽宴』坐得舒服又近地鐵非常方便。  不久前來過這裡參加婚宴，場地裝修富麗堂皇 氣氛浪漫，特別是欣賞他的魚缸設計很有氣勢，當晚菜式味道不錯 印象良好 ！ 酒樓推出多項優惠價套餐 經濟實惠 ，也有高級顯貴商務宴客套餐等。 豐儉 由人！我們選了两份抵食套餐，秋風起嚐滋味 ！酒樓正推出有大閘蟹套餐，也點了两隻淺嚐一下。大閘蟹  128元/隻賣相靚仔！五両重。今年第一次食，特別滋味！雖然不是頂角糕，但一打開蓋鮮香樸鼻！蟹肉質地細緻幼嫩，蟹糕甘香柔滑非常滋味！ 孖寶  優惠價 298元清蒸珍珠龍躉仔 配 蒜蓉粉絲蒸元貝皇 (四隻)龍躉仔有十多両重大小剛好，時間掌握得恰到好處，蒸得肉質好嫩滑鮮甜。蒜蓉粉絲蒸元貝皇  ( 四隻 )元貝爽彈，粉絲吸收了蒜蓉和元貝的鮮味和蒜香特別鮮甜惹味！孖寶 優惠價  258元紅燒豆腐斑頭腩煲  (例) 配  醬汁烤燒 脆皮雞 (半隻 ) 滾滾熱的上枱，份量足！豆腐和斑頭腩都滑脫脫！醬汁味道調得非常鮮真是滋味無窮！這個菜真是特別好餸飯。脆皮雞皮層色澤閃亮香脆醬油味鮮濃， 烹製得肉質好嫩滑

好耐冇和屋企人一起飲茶了，終於大家都得閒，一起去觀塘星海·譽宴。觀塘站B3出口，步行1分鐘，鱷魚恤中心2樓，易搵方便。餐廳裝修好有特色，靠牆裝有魚缸，缸內有好多觀賞魚，天花燈飾好有設計感，仲有婚宴舞台，好靚。整個餐廳好大，座位好闊落，坐的好舒服點心都是即叫即製，食材都好新鮮。蛋撻是酥皮的，蛋味好濃。蝦餃皮薄，晶瑩剔透，蝦大新鮮。燒賣肉味濃郁，味道都不錯。黃金膏、蒸排骨就覺得一般啦。我最推薦的是叉燒酥，酥皮鬆脆、層次豐富，餡料香口，甜鹹適中，平衡的很好，口感好好，好鍾意。魚皮爽脆，有小小辣。九肚魚就炸的好好，但底味不夠。上餐都好快，吃的很滿意，值得再去。