星記海鮮飯店 (一號廣場)

营业中

休息中

中環搵食難，一條友想炒碟小菜、有湯有飯有杯茶，更難。本來想去蘭芳園，見到門口條人龍........醒起星記係附近，就上去睇睇有冇位。哈，又俾到細枱我。叫咗啫啫滑雞煲，先來個例湯 － 粉葛蓮藕排骨湯。等咗一陣，雞煲到。夠熱夠香鑊氣足。三扒兩撥食完，埋單走人前仲有綠荳沙。一舊水多啲，味道唔錯又唔會趕頭趕命趕你走，係中環算係咁。下次約幾個朋友試多啲小菜。

有些餐廳你來過一次便會成為其常客。星記我4日內幫襯了兩次。我掙扎了許久要不要寫食評太多人知道就做不到私家飯堂了(自私精)廢話不多說，講講值得推介的原因。推介原因一：不用等位中環不用訂檯、無論多人少人都幾乎即時有位的地方。仲要坐得舒服。除非是不好食或非常貴，否則非常罕見推介原因二：水滾茶靚有些茶樓的茶難聽的講只配拿來洗杯。這裡的茶，清潤，喝完齒頰留香。推介原因三：小菜美味經常換款，開首提過4日內連續幫襯了兩次。菜單已有不同，目測是按周變換。是日叫的是蝦醬通菜炒豬下青鑊氣足，豬下青嫩滑但略鹹，稍油。馳名鳳梨生炒骨正常貨色，恰到好處。炸粉不厚，肉剛好熟而不老。炸菜絲本菰蒸滑雞即叫即蒸，雞件嫩滑，炸菜和菇爽口，雞汁撈飯一流！例湯和糖水也很好喝。非常滋潤。推介原因四：服務稱心店員細心得來非常有禮貌。訓練有素，井井有條。開位會問你貴姓上菜知道問你要不要白飯食完知道收碟、上糖水不用催、不用請杯碟乾淨衛生推介原因五：抵食米芝蓮一個小菜套餐$75，有例湯有甜品，加白飯$14，茶水每位$14，加一每位$114臨走發現是米芝蓮2016推介餐廳，失覺晒總結星記真是沒甚麼扣分位。純粹無私分享，登不登也冇所謂，請

今晚原本計劃去灣仔星記晚飯, 但訂位要排至八點, 於是改了去中環星記,七點便可以有位了. 座訂時已預訂了杏汁花膠燉豬肺湯, 及秘製鹽焗雞半隻. 可以放心了.中環星記門前有代客泊車服務, 真是方便周到.电梯直上二樓, 店員招呼有禮, 座位寬敞, 水滾茶靚. 牙籤特別庄包有牙線.先送來開胃小食, 黑醋醃蘿蔔, 味道不錯, 加添開胃。更有彩頁餐牌...預訂的杏汁花膠燉豬肺湯, 我們 4 人訂了小盅, 各人有兩碗, 份量足.這個湯真是頂呱呱, 燉的時間足夠, 食材豐富, 奶白色, 入口杏汁味美甜濃, 滋潤, 店員分湯時各人的碗內也分配了些花膠, 湯渣大大碟, 仍見少量花膠, 多隻雞腳, 豬肺, 真材實料, 不是一般酒樓可以嚐到的靚湯.    但勿忘要先訂留才好.薑蔥焗美國桶蠔煲, 用沙窩上檯, 保持熱度, 生蠔新鮮夠大隻, 蠔肉質優味濃, 薑蔥多也爆得極香口. 醬汁濃郁, 大家連煲裏的薑和大蔥都吃光了。蠔汁扒琵琶豆腐, 餐牌上寫著要預訂, 立即問問侍應仍有否食材?  回覆是可以. 琵琶豆腐用魚肉釀制, 炸得香口, 再用蠔汁炆, 味道非常好, 伴有新鮮小棠菜, 配搭得宜. 香煎牛仔骨,  牛仔肉

食物味道還可以, 但服務太差...食到一肚氣! 估唔到我第一次寫食評就係比負評....今次係第二次黎食LUNCH! 第一次食物係唔錯...所以今次諗住帶個同事黎慶祝。白等左20分鐘...都無晒心機影相 食左生炒骨﹑椒鹽鮮魷。

上年聽吃貨朋友A說星記的小菜做得很好，所以入選了心水餐廳之一，今晚終於有機會來品嚐一下中環分店是灣仔總店的阿仔，以中環地段來說，可以以人均$200又吃到這星級水準的菜實是性價比甚高。 例湯：青紅蘿蔔煲豬骨，清甜無味精，足料夠味； 勝瓜木耳浸豬潤豬潤爽嫩，外面很少吃到這麼well-done的豬潤，必吃！ 腰果雀巢牛柳又是必吃，每台必點菜，牛柳加入芥末醬，肉質嫩滑，一試難忘 椒鹽九肚魚mix魷魚香脆可口，薄身的炸粉，雖炸而不油膩～ 咸蛋肉鬆蒸水蛋這道菜超大碟，水蛋蒸煮的時間控制得極致完美！水蛋入口即溶，滑過BB幼嫩的肌膚這家的小菜屬家常菜，基本上樣樣都好吃，絕對可以成為飯堂的選擇

朋友生日設宴中環星記，良朋歡聚全包宴，事隔幾星期，講返起大家繼續讚，反應熱烈便分享一下。 三寶併盤 － 九肚魚、鮮魷、燒汁茄子。 先來小食作前菜，炸嘢幾味，香口而不油，旋風式食完 湯 － 杏汁花膠燉白膠肺 兩大窩燉湯，足料有火喉，每人有兩大碗。 翡翠百合炒鮮鮑角 － 鮑角即是鮑魚碎上，呢碟一般。 豉油皇中蝦 － 呢味係星記名物，蝦夠大隻、新鮮，好食。 蒸花尾球頭腩 － 一邊清蒸、一邊加蒜茸粉絲，好大碟，原本他們建議苦瓜炆，不過我改咗，因為我唔食苦瓜，負責寫菜就有呢個好處，哈哈。 生炒骨，又係名物，新鮮肉排，肥瘦適中，唔乾，好味。 輝哥煎咸雞，又係招牌菜，煎完再焗，又香又 juicy。 另外，仲有梅菜蒸菜芯、炒飯、甜品。 一場來到，同場追加煎藕餅和柚皮，藕餅比柚皮出色。 以上一席16人，不計後加的藕餅和柚皮，＄6000 全包，即是加一，茶介全免，後來加多一人，多幾舊水，你話抵唔抵？我就話好抵，而且仲有房坐，免開瓶，仲想點先？下次有人生日，一於再去啦。

大食會會員中大部份都係灣仔X記o既常客，最近得知中環開業只有幾個月o既「星記海鮮飯店」，老闆當中原來有一位曾經一度喺X記做過，而且灣仔早有店舖，所以就決定擇日晚聚，試探究竟。「星記」喺大廈二樓全層，繁忙時間搭唔到升降機都可以選擇行樓梯。食店正門左邊為大廳，排咗兩行圓枱散座，室內四周全為木屏風，設計極具中國色彩。右手邊有個大魚缸，似乎係想表明餐廳主打海鮮菜式，而且食材新鮮 。當晚我地十一人出席，被安排入房坐，都好鬆動吓，房內仲有個大電視同私人洗手間，牙籤仲包有牙線 ，設備都幾齊全。大食會中已有會員曾多次幫襯「星記」，寫菜重任亦好順理成章地交托咗俾佢。餸菜續樣上，時間配合得恰到好處，故房間亦不乏伙計，加茶、換碟等功夫全部自動波，服務稱心體貼 。 椒鹽九肚魚：蕃薯伯伯大讚九肚魚不但皮脆惹味，肉質更加係超級嫩滑 。 椒鹽鮮魷：魷魚煙韌彈牙，炸皮香脆乾爽，送酒一流！ 生煎蓮藕餅：煎餅入面有粒粒蓮藕肉，香口爽脆有嚼口，每人一件剛剛好。 杏汁花膠燉豬肺湯：為怕飲到喉嚨痕，寫餸時講明要少杏汁。少杏汁o既豬肺湯足料唔油膩，濃甜香潤，一啲都唔粉， ！ 拔絲鳳梨生炒骨：鮮橙色o既生炒骨鬆

中環食粵菜閒閒地都要$300位，但呢度竟然唔駛，仲要有水準，聽講好多名人就係鍾情星記既小菜！一行6人叫8個餸，部長好識做先上4碟慢慢食，唔會一次過上哂！最怕某D食店係咁上菜，未能夠趁熱食，仲要有壓迫既感覺。先上椒鹽鮮魷，望上去已見粉漿非常薄，幾乎都只是魷魚邊沾了粉漿，所以食落脆身，有咬口，魷魚好彈牙！必食！再來免費送的蛋豆腐，可能新開張關係，所以有意外驚喜！正價叫呢碟豆腐都起碼$90-100，部長特別介紹豆腐裡有蛋汁，放近嘴邊已經聞到好香蛋味，豆腐做得好滑，羨汁做得剛好！香煎蓮藕餅同樣出色！肉質彈牙！煎得剛好！每次小菜必食咕嚕肉！呢度個咕嚕肉唔錯，甜酸度剛好！唯一個汁較黏身，少少杰。招牌菜煎鹹雞必食！個汁做得好出色，皮脆雞嫩。好好食！成碟雞最後一件不留！另一招牌菜 - 蜆介牛肉煲！牛肉煮得唔老，幾tender，配埋個汁簡直一流！出面好少食到呢味！

在中環這種飯店選擇不多，既然在此處開分店，當然要捧下場啦。生炒骨：甜酸度適中外脆內有肉汁，每一顆排骨都掛滿醬汁煎咸雞：香口惹味，雞皮煎得香脆，雞肉嫩滑仍保留肉汁，最正係煎過既蒜片脆脆的又唔太辛辣，但嫌雞件斬得太細腐乳雞煲：同事一早訂了，相比起咸雞這個就不夠入味，而且腐乳味也不太突出，只有咸味，個汁也太杰豬潤浸時菜：當日浸勝瓜，勝瓜有苦味，豬潤好明顯係想用熱湯浸熟使其嫩滑無渣，好可惜此處未能掌握火喉，而且豬潤切得太厚，大部豬潤都未能浸熟，番煮又太老，浪費了許多煎蓮藕餅：豬肉唔熟，調味太甜，蓮藕唔脆，非常失敗失敗之作有些菜跟灣仔店尚有距離，仍雖改進。

今日酷熱天氣警告，唔想煮飯，近近地去試中環間星記。中環新店比灣仔店大，坐得舒服。大熱天時點了一些醒胃菜：鳳梨生炒骨，外層炸得好脆薄鬆化，內裡嫩滑juicy，做得唔錯！加上糖醋汁，幾滋味開胃。輝哥煎鹹雞，食得出係新鮮雞，用蒜頭、蒜子、彩椒、蔥粒...大量配料一齊爆香，食落好香口，送酒送汽水一流，配白飯都好夾。椒鹽百福豆腐，外脆內嫩，比其他酒樓加多左芝麻喺面頭，香口好多！雲耳勝瓜浸豬潤，點這個清淡既小菜來中和一下。原來豬潤可以煮到咁爽、咁滑，口感同平日食既完全唔同。驚喜！題外話：剛巧遇上記者來做專訪，看來新店跟灣仔店一樣，遲早爆滿無位...

「星記」原店在灣仔，我喜歡吃它的浸豬膶，沒有筋及爽滑，上次 walk in 是要排長龍等位。現在中環分店比灣仔店大很多，枱與枱之間有充足的空間，不會感到侷促，食客福音也。「香煎蓮藕餅」我一向覺得肉丸、肉餅之類的東東是要混合肉類才好吃，例如牛肉與半肥瘦豬肉混合做成的肉丸就既有肉味又有 juicy 感。這道藕餅，廚師將手磨的蓮藕絲混入五花腩、梅頭、豬頸肉同鯪魚肉四種肉類，撻完再煎，做成彈牙感。「濃湯排骨薏米浸涼瓜」蠻特別的一道菜。涼瓜又叫「半生瓜」，通常小朋友不喜歡吃，大朋友開始有經歷就會愈來愈愛它苦中帶甘的滋味。我自己就很喜歡吃苦瓜，廚師用瑤柱，新鮮肉排及青涼瓜絲加入濃湯來烹煮，湯頭鮮甜帶甘，而且還找到薏米的蹤影，甚合夏天吃。「椒盬九肚魚」我喜歡吃九肚魚，但就最怕那些細細條，又多多骨，煞風景。這裏用本地大條的九肚魚，原條起骨，大大塊肉拿去炸，啖啖肉似吃中式「Fish and Chips」，炸的時間亦拿捏得準確，不會乾如柴皮；亦正正因為魚肉厚身，肉汁能夠得以保持。「鳳梨生炒骨」是我第一次吃此店的生炒骨。它有別於傳統的做法，刻意減少了醋的份量，主要用菠蘿及茄汁去帶動酸味，用新鮮腩排上粉即叫即