星記海鮮飯店 (一號廣場)

营业中

休息中

今晚朋友請食飯，訂左3圍枱，俾左一間房我地，三圍人總坐得鬆動，我們一圍最初突如其來的變左14人，侍應都願意配合，態度不錯。講返食物，一席晚飯有十個餸左右，總括黎講冇一個係覺得唔好食，頭盤有三寶，包括椒鹽九肚魚，茄子，四季豆，好味，九肚魚唔會太咸但有味道，其他也美味可口，不太油膩。蓮藕餅一貫的好味，之後灣仔星記已吃過。松茸燉湯料足，一大碟料放在枱，食極食不完，我吃了好多螺頭及松茸。其他樣樣也不錯，不續一描述了。唯一蒸滑雞略嫌油膩，雞其實很滑，蒸雞多油其實人之常情，唯一夾起就包圍住一層油既感覺真係令胃口打折扣。另外海鮮炒飯就味道較淡兼飯太硬，沒有令人有好想一啖啖食晒佢既意欲，其他的也真不錯。我都已留咭片，可以搵埋老人家得閒過黎食晚飯喎。

真係從來無諗過自己會黎中環食小菜,中環咁貴!不過朋友想食,仲要係米芝蓮推介wor~~即刻意欲大增!一間小菜館好食與否,叫個椒鹽xx就食到個火喉~~所以我地一口氣叫左椒鹽鮮魷同椒鹽九肚魚~~佢個炸皮做得好優質,好脆口,厲害gei位係層脆皮其實做到好薄,所以唔會點掛油~~睇真D,佢D椒鹽仲做到每一舊都平均分布,證明佢兜得好勻巡~~叫得"輝哥煎咸雞"應該都係推介gei朋友,所以我地都叫埋佢,其實視覺上佢同個名真係完全睇唔出有甚麼關係,不過!佢gei味道就話你知,真係咸咸地,佢D蔥花真係落得好梳爽,所以成碟菜色好惹味~咪睇佢油光閃閃,因為雞肉嫩滑,所以入口唔會好覺得佢好油,而且爆香左gei蔥花真係好入味,記得食埋D菜~欖角焗鮮肉排其實有D似豉汁蒸排骨,不過分別在於蒸同焗,當然蒸就會多汁D,焗就會香口又黏D~排骨選擇都唔錯,唔會有太多肥膏,o岩曬呢D鐘意咬咬咬gei人~配白飯之選~~自己本身好鐘意食豬潤見到好多人都話黎呢度一定要食上湯枸杞浸豬潤,所以我就order左~~屋企主要食炒豬潤多,湯浸都係第一次食,D豬潤無油脂,處理得好好毫無腥味.加上非常彈牙,好有口感~D湯又夠清,D菜索左D味變得味道

今日三個人訂好枱，嚟米芝連飯館食飯，1點幾外面落住毛毛雨，上到嚟見到有好多枱未有人坐，侍應安排我地坐偏一偏嘅位置，冷氣抽風不良，好焗呀。點咗午市套餐4+2，即係有4樣餸選兩樣，冇影菜牌。點咗蒸雞同臘腸炒芥蘭。另外兩樣係一個炒飯，一個菜。套餐包一碗例湯，涼瓜炆斑頭腩，生炒骨，糖水。講食物喇，例湯好有水準，但係得一碗仔真係對於我呢啲水怪係到喉唔到肺。接住好快上蒸雞，乜上得咁快啊，蒸定好架。雞好香好滑，配埋個汁撈飯真係好味道。再好快上生炒骨，暖嘅。酸酸甜甜骨肉分離好味道。之後到臘腸炒芥蘭，都有少少煙出嘅。芥蘭唔老臘腸夠香。斑頭腩好出色，濃濃嘅芡汁包住魚魚，骨頭都啜到乾乾淨淨，涼瓜爽脆。最後係紅豆沙，有陳皮嘅香，紅豆起沙，但係我唔鍾意食糖水，所以食咗少少。埋單走嘅時候返到出大廳，得番兩三台客，係咁點解要安排我地坐到去咁偏呢。

時間飛逝，轉眼又到中秋！通常會約埋一班同事開開心心吃頓飯慶祝中秋節。星記在中環區來說屬好味又抵食的中菜餐廳，是一大班人吃飯的好地方！提供多種經典小菜，價錢實惠！午市套餐也好抵食，每碟菜都份量充足，4人套餐其實可足夠5個人食，6人套餐可足夠7個人食。椒鹽百福豆腐和椒鹽香脆大美魷其實是兩碟菜，不過，食到一大半才想起要影相，所以，才將兩碟菜合二為一！可想而知，這兩碟菜真是超好食！椒鹽豆腐外表金黃香脆，內𥚃的豆腐卻如絲幼滑，正！椒鹽美魷外皮脆粉夠薄，而內𥚃的魷魚厚肉鮮美😻😻😻來到星記一定要叫鳳梨生炒骨！首先生炒骨炸得香脆，脆粉夠薄而肉厚，甜酸醬的酸甜度調配得恰到好處，令您吃完一件又一件，配菜的鳯梨、青椒及洋蔥都爽甜可口😋😋😋梅菜肉崧蒸菜芯是選用靚梅菜來做，可口美味！咸蛋豆腐肉崧煮勝瓜味道清新。馬拉盞雙煆炒通菜很惹味😋今餐所有茶式都很美味好吃，惟獨炒米炒飯令人大失所望！星洲炒米沒有星洲的感覺（咖喱味好薄弱），炒飯是很淡味，可以説是無味！雖然這樣，但我仍會再光顧，只是下次一定唔點炒粉麵飯👻👻👻

中秋佳節將近，一班同事相約慶祝，因早前有朋友幫襯過此店覺得食物美味及價錢公道，所以推薦此店。我們11人點了一個6人餐另加點椒鹽豆腐、三蔥黑椒牛仔骨煲、馬拉盞雙蝦炒通菜、咸蛋豆腐肉崧煮勝瓜和星洲炒米。青紅蘿蔔煲豬骨湯，感覺清潤，飲完不覺口乾，應該無落味精。生炒骨有鑊氣，椒鹽豆腐不油膩，外脆內滑梅菜肉崧蒸菜芯，梅菜略鹹。馬拉盞雙蝦炒通菜，有鑊氣夠惹味。欖菜椒圈玉豆炒蝦腰，略為油膩。古法蒸海花尾躉頭球腩，魚夠滑不腥，碟底鋪上菇和肉絲，吸收了魚的鮮味椒鹽大美魷，外皮夠脆，魷魚夠厚肉咸蛋豆腐肉崧煮勝瓜 ，清新美味星洲炒米，略嫌油膩，咖哩味不夠香濃薑米菜粒蛋白炒飯，味道較淡馬蹄露糖水，夠清潤，甜度適中整體物質素不錯，尤其是椒鹽豆腐和魷魚夠香口不油膩，湯水有住家老火湯感覺，6人餐份量大碟，經濟抵食。

喺中環價錢又合理食物質素又有保證其實星記真係一個好選擇、呢個炸魷魚好好食、啱啱好、又唔un生炒骨好好味薑蔥蟹正、多膏！豉油蝦好嘢未！👍🏻鹹雞都好好食完全可以用食材新鮮、火侯十足！帶外國朋友過嚟食完全唔會失禮⋯⋯👍🏻👍🏻👍🏻👍🏻👍🏻👍🏻👍🏻👍🏻

星記算是老字號了，像這樣誠懇的香港老店愈來愈少見，晚飯比中午時段鬆動些。但還是建議提前訂好位。喜歡這裡的服務態度，不會「屈」客人多點菜或者點貴菜。所有的菜餚都極為有水準，以後飯堂就定在這裡啦！

✏這間酒家之前都來過一次，感覺不錯，所以再來品嚐，其實這酒家在中環擺花街，如非在附近工作，似乎不太方便，不過味道戰勝一切，打動我再來。✏洒家除了散叫小菜外，亦提供一些特價午市套餐$78起，包例湯及甜品。 連埋白飯、茶位及加一服務費，大概$120埋單。馳名鳳梨生炒骨 $78上次吃生炒骨外脆肉嫩，今次卻有點失色，外皮不太鬆脆，但味道依然，整體仍算不錯。椒鹽大尾美魷 $138鮮魷夠厚身大件，炸得外表薄薄的酥脆，而鮮魷有啃勁，外脆內煙韌簡直天衣無縫，點喼汁又是別有一番味道。✏其實中環區食飯一百幾十何等閒事，所以這裡飲茶食小菜一百多元左右落樓是不錯之選。

中環食肆類型選擇多，而中菜廳的圓桌設定最能讓大伙兒共聚暢談！ 這所餐廳的位置稍吊腳，要走一段斜路才到達，所以午餐時段不常滿座。 午市套餐價格相宜，$78便有齊例湯﹑主菜﹑糖水。 例湯相當足料，味道濃郁。 生炒排骨皮脆肉嫩，甜酸度適中，更有拉絲效果，值得一試再試。 椒鹽豆腐外皮香脆惹味，內裡的是滑溜的百福豆腐，令人欲罷不能。 瑤柱扒莧菜好足料，瑤柱比例出奇地多。 咖哩豬頸肉煲不過不失，味道濃，但好像還有點咖哩粉。 乾炒伊麵份量相當大，根本是三四人份量，味道略淡。疑似老闆得悉我們的意見便立即翻炒那碟伊麵，翻炒後的伊麵鑊氣足，只是麵條偏稔。 糖水清甜，為整頓午餐劃上圓滿句號。 侍應態度良好，疑似老闆熱情的介紹我們點了的菜式，實在令人有賓至如歸的感覺!

Hello,好耐無見,我無放棄架,仍然無停口,跟下朋友四圍食!!!已經積咗好多貨未有時間同大家分享,最想最想先分享喺最近去咗「星記海鮮飯店」,中環地段,價錢合理而且好食~有誠意,唔hea,注意:呢個原則唔係間間食店都有!由於有個朋友喺呢間店嘅super fans,佢極力推介我哋聚會一定要試試,於是我哋一行4人(最佳食飯人數),仲帶咗兩枝酒,重點:呢間店喺唔收開瓶費~但麻煩大家都請自律,唔好當咗人哋店喺劈場我哋總共叫咗4個餸 ,分別係椒盬大尾魷、咕嚕肉 、蟲草花鮮荷葉蒸雞 (半隻)同上湯雲耳勝瓜浸豬潤 。我朋友因為時時去,食完成餐飯埋單就會送一個餸的優惠券,真係好正呀!我哋用張券叫咗椒盬大尾魷,炸得金黃香口,外脆內軟,絕對無因為係送嘅就揸流灘。而咕嚕肉就係朋友極力推介,粒粒無骨、啖啖肉!連另一位朋友一向唔好醋味濃的咕嚕肉都大膽一試,食完之後佢話:「嘩!呢個好唔同,唔係一味醋,個味較貼似中式牛柳咁!」對我嚟講最無咩特別會係半隻荷葉蒸雞,佢唔係唔好食,雞件都好滑好香,只係其他餸更加出色就好似壓軸介紹的上湯雲耳勝瓜浸豬潤 ,豬潤滑到不得了!厚身得黎爽脆兼滑,好耐未試過咁滑嘅豬潤,加埋上湯勝瓜立

小弟7月生日，多謝朋友為我慶祝，這天就來到中環的星記海鮮飯店，之前朋友食過味道不錯，所以就帶我來。裏面不算太大，整體環境整潔，坐下未幾侍應為每人遞上青紅蘿蔔湯，聽朋友說飯店主打不落味精，而湯的顏色深潤，飲落很舒服，再看看侍應是從瓦煲「筆」 出來，就知是誠意之作，一問之下原來湯是不需要錢的，心中想飲多碗但又不好意思，我和朋友打了一個眼色就向他們說出這個很難說出口的要求，他們二話不說就點頭ok，我們心中暗喜。食物方面，其中我們叫了的咖哩牛腩煲及椒鹽豆腐，前者的咖哩香濃，用來送飯絕佳配搭，如果加點微辣我會更喜歡。後者豆腐外脆惹味，值得一試。整頓飯的小菜很有穫氣，味道調較適中，感覺不俗。侍應在我們吃完飯後還奉上紅豆沙糖水，令這餐飯更添圓滿。

之前一直對它掛汁的生炒骨念念不忘，加上又近辦工室，重點是此店不會加味精，非常抵讚，難怪攞埋2016年米芝連推介。 此餐廳查實舊址在灣仔，我也有幫襯過，喜歡吃它的「勝瓜浸豬膶」。它的黃沙膶沒有筋，浸至約九成熟，是爽夾滑。 總廚輝哥入行已經超過30年，曾經在不少亞洲大城市高級食府工作，主理各式中菜，有時亦會因應客人的要求去改良及研發新菜式，食客福音也。 今天吃的是中午套餐，有湯有餸有甜品，$75 + 10%，人多來最好，每人叫一個小菜已夠滋味。 先來碗「蓮藕章魚湯」，非常足料，以沒有下味精的情況下是鮮甜到一個點： 套餐可挑招牌的「鳳梨生炒骨」，某程度上是為它而來： 味道它是有別於傳統的做法，刻意減少了醋的份量，主要用菠蘿及茄汁去帶動酸味，用上新鮮腩排上粉即叫即炸。 一般廣東菜汁醬多，想用汁去吊起食物的味道，要做到「收汁」及「掛汁」的效果就看易做難。「掛汁」就是獻汁全黏在食物上，夾起會拉絲而不留在碟底，要有鑊氣及廚師夠快手。而它的排骨的粉同漿上得夠薄，加上快炒，能做到外脆內軟，正斗。 另一味「蝦醬通菜炒豬肉青」 惹味是意料中事，鑊氣夠，不會大鹹卻好下飯，我覺得可以將佢配潮州粥㖿。

昨天晚上路過星記，聽說是平日里常去的生記的廚師出來開的餐廳，立即想好今天午飯過來一探。中環來講環境還算寬敞，沒有定位也立即有台。中午有套餐，有湯水小菜和甜品。叫的是生記兩味常叫的小菜，上湯枸杞豬潤和馬蹄肉餅。餐單上幾個大字：不含味精，讓金脷對出品有點期待。送的粉葛鯪魚赤小豆湯，正常水準，生病的同事說把她潤的一下子飽滿起來了，可憐的孩子。很可惜的是小菜真不怎麼樣。考驗功力的豬潤，沒有了生記一貫的棉滑，豬肝纖維粗細不均，有的老的咬不動，有的有血腥味。而肉餅不夠時間把膠質打出來，和著馬蹄有些散。小V的心水，還是在灣仔生記。不過同事說新記的灣仔總店不錯的，好吧，暫且記著…

訂左6位6點半，可能因為多人食年夜飯嘅關係，張枱好細小。早幾日訂左4個菜：-杏汁花膠豬肺湯（小）$480，有8、9碗，好香杏汁湯好濃，花膠也不小，雞腳煲到入口即溶，吾錯。炸雞1隻$420，吾太香口炸得有點乾，好一般。脆皮什菌豆付（約$108？）個人不太喜歡玉子豆腐，同埋個汁有點 '傑'，麻麻地。椒鹽魷魚$128，份量不小，魷魚好厚身，個炸粉又薄，口感好豐富。另外加了菠蘿咕嚕肉$138，一上枱，好香酸汁味，件肉外脆外軟，好味，美中不足菠蘿是罐頭貨色。黑椒粉絲蝦煲$288，隻蝦個子不大但好彈牙，但粉絲份量比較小。送嘅陳皮紅豆沙，好香濃陳皮味，紅豆亦都煲到起沙，一點都不馬虎。埋單 $1900，都可以啦！

一直都想試這間，食評寫到幾好幾好，又是米芝蓮推介，都係要自己試下先真既！朋友相聚在中環，就順道去食吧！6:00去到，walk in 有位，服務態度一流，輝哥更是好到不得了。沒有架子又親民的老闆，仲代為換碟！簡直受寵若驚。叫了輝哥咸雞，味道很適中，沒有想像中的咸，很入味，不鞋。平時少吃的雞皮，都不禁食左好多，因為很香脆！蓮藕餅很足料，聖子很大隻，紅豆沙加入陳皮，正到呢……還有浸豬潤，生炒骨，羊腩煲，下次一定要試（隔離台常客推介）