星記海鮮飯店 (一號廣場)

营业中

休息中

在搵食艱難的中環，似乎已容不下小店的空間，要找舒適又價錢相宜的中菜實在太難！嫌茶餐廳太迫夾，嘆酒店未能暢所欲言，最後朋友竟然介紹了一家位於商廈的上樓飯店！一般酒樓的格局，簡單舒適，侍應們態度親切好玩，沒有傳統中菜的拘謹納悶。輕鬆親切氣氛造就了熱鬧環境，感覺比較嘈吵。不吃鮑參翅肚的話，大部分菜式都只是百多元，分量十足，以中環區來說充實在很抵。老火湯、蒸魚、剁肉餅...都是久違了的家常味；還有煎鹹雞、椒鹽豆腐、蝦子柚皮等頗花時間的手工菜，平凡中見功夫。椒鹽百福豆腐炸得金黃，外層香口，中間非常嫩滑，灑上金蒜更惹味。幾近失傳的生煎手磨蓮藕餅，不會煎得太乾，juicy肉餅混合粒粒爽脆蓮藕，不知不覺就掃了幾件。甚有避風塘風味的小炒王，由大大隻蝦乾配上魷魚、魚乾、腰果等快炒，佐酒一流。鳳梨生炒骨用上無骨腩排，入口帶山楂、梅子的酸甜味道開胃好送飯，大人細路都鍾意，令人有回家吃飯的感覺。

這大約是我第十次來了，星記每次都沒有令我失望。侍應一如以往，很快便端來茶水和前菜：醃蘿蔔。醬汁酸甜惹味，蘿蔔微冷，切成很薄的六至七片，十分清新爽口，咬下去聽得見「嗦嗦」聲。這道菜，是我的其中一個最愛。拔絲生炒骨是我每次必點的一道菜，所謂拔絲，就是說紅醋醬汁濃稠得可以拉製成絲狀（像芝士）。酸甜的紅醋醬，伴上充滿鍋氣的洋蔥丶彩椒和鮮甜的菠蘿，實在醒胃。生炒骨的外皮頗脆，皮上一個個飽滿的「球」清晰可見。外皮並不厚，咬下去很快就品嚐到緊緻而有韌勁的豬肉，紅醋醬的味道雖然濃，但肉汁的鮮美仍清晰可嚐。這道菜，我每年都會吃兩至三次，水準頗為穩定。侍應端來薑蔥海蝦煲，一打開蓋，便送來蔥丶蒜在高溫的鍋子中散發的微焦香，還有「咋」丶「咋」聲的爆裂聲。蝦肉非常新鮮，肥厚而有彈性，伴上沾著豉油的長蔥和蒜頭，實在可以多扒一碗白飯。欖菜肉碎炒四季豆，也是我常叫的菜，愛其鍋氣十足，材料豐富，除了欖菜丶豬肉碎之外還有蝦乾（其實廚師每次都會下蝦乾，不知何故今次沒有，大概是忘記了，但依然好吃）。餸菜來得很快，不過根據以往經驗，加單就另計了，特別是人多的時候，多叫一個菜，很可能要等逾二十分鐘。吃完最後一道菜後，侍應很識做地

早排係朋友既強力推薦及堅持下去左星記食生日飯，作為一間米芝蓮級別既飯店，星記既食物有相當既水準，性價比亦算唔錯一坐底侍應就會送上一碟醃蘿蔔太肚餓忍唔住食左幾舊先影相🤣爽口得嚟又有少少酸味，十分開胃，個人嚟講係想encore 既😋正餐三個人叫左五道菜加兩碗白飯第一道菜：椒鹽鮮魷魷魚外皮酥脆內里彈牙，配上微酸既汁無得彈第二道菜：豉椒炒大花甲（朋友大推既～）大花甲唔係浪得虛名既，有圖有真相，一粒同隻羹差唔多大，又大隻又鮮味十足一碟有成十二隻（一個無聊到數花甲既人🧐🧐）第三道菜：黑椒洋蔥粉絲海中蝦煲一開始食既時候會感覺黑椒味太重，但食左一陣習慣左就ok。粉絲煲內有六隻蝦，粒粒都大大隻，鐘意黑椒同蝦既朋友不妨一試🦐🦐🦐第四道菜：干煎爆蜆介滑雞全部菜入面我最鐘意既一道,雖然塊塊都有骨，但剩底既雞肉又入味又滑，細細粒既洋蔥同蜆介都好好食嫁第五道菜:魚香茄子魚香茄子就同平時食既唔會差太遠，配飯一流最後，佢地會送糖水，壓軸登場既就係佢-馬蹄露馬碲露內只有少量的馬碲碎及粟米,飲落似無雞肉既粟米湯，唔係難飮但同我想像中有出入🙈🙈Overall,服務唔錯，食海鮮同特色雞一流，作為米芝蓮十分抵食！

星記 @ 中環一路都覺得星記既椒鹽九肚魚好好味…直到順濠坊既出現後…地位曾經一度受到動搖。今次食完順濠坊很快再試星記比較下星記既九肚魚…星記既九肚魚依然好好味(皮脆, 魚身肉厚又嫩滑。而順濠坊就再野味d同價錢平一截😗😗…齋評味道真係叮當馬頭…我地再點左煎鹹雞, 沙爹牛肉粉絲煲同咕嚕肉(甜酸味道配合得好好…啖啖肉😍😍)整體樣樣野都唔錯…(仲有佢地既椒鹽鮮魷都好好味😗😗)...係價錢偏貴小小…不過會再黎食

今晚吃完這間米芝連推介的中菜感覺這才是真正的餐館👍 食物：好入味，薑蔥魚頭入味到連薑蔥都食埋; 椒鹽九肚魚確是非一般的烹調手法，中間開邊走骨再炸，正過外國的fish and chips👍; 有驚喜的是麵醬椒絲唐生菜好似好普通但一食，你會知米芝連是真的茶：鐵觀音，不會有苦澀味，還有一陣清香，好特別服務：員工不會因你是否訂位沒訂位都殷勤招待，又親切問你要食什麼菜不會只介紹最貴的菜，最後你付款時又問你吃了糖水沒有，你會感覺到他們是親切，雖然是第一次光顧，但你會再想再食。

舊同學聚會，曾經試過灣仔店，當時還碰到很多政商界名人，食過返尋味，今次決定一試中環的手勢。到埗後發現餐廳已經滿座，所以一定要提前預訂！這裏的菜味道偏濃，正中本人重口味的下懷杏汁花膠豬肺湯一定要提前預訂，報得10分入味，沒有添加任何味精！絕對真材實料！椒鹽百福豆腐，外皮炸得香脆可口，內裏豆腐異常嫩滑！這味輝哥煎鹹鷄是我最喜愛的一道菜，十分惹味！黑椒洋蔥粉絲海中蝦煲不過不失！生煎手磨煎藕餅有媽媽的感覺！雙蝦啫啫生菜煲絕對是重口味者之選！這道梅菜芯蒸菜芯相對清淡，可作為一個小小的平衡這裏有代客泊車服務，駕車人士可不用擔心！

成個月都下著雨，心情鬱悶，想去熱鬧的酒樓感受一下人氣，吃個午餐。這家星記位於中環擺花街，是米之蓮推介食府。今天適逢週末早午飯時段，食客唔多。裝修方面簡單而樸實，天花吊燈有少少中式氣氛，枱與枱之間唔係咁密集，感覺舒適。馳名鳳梨生炒骨$138這生炒骨是以新鮮排骨烹製。生炒骨炸得乾身，炸衣幾薄。甜酸汁以山楂、梅子、糖同醋製作。醬汁薄薄一層的掛在排骨上，甜酸味道幾平衡，只是稍欠脆口感覺。而生炒骨是選用鮮排骨，帶骨又帶筋，肉感強烈，帶一點嚼勁，豬肉味濃郁，有著傳統舊式酒家的風味。馬拉盞雙蝦炒通菜$108炒通菜鑊氣十足，通菜軟嫩，而且相當入味。加上鹹香的蝦醬和鮮美的蝦乾，雙重鮮味，令通菜味道更為豐富和更有口感，實在有少少驚喜。福建炒飯$148福建炒飯大大碟，炒飯的配料有菜心粒、瑤柱、蝦仁、茹粒等。這炒飯口感濕潤，醬汁的味道不過不失，沒有太大的驚喜，是中規中舉，但合兩人之力也食剩很多，果然份量十足。附送餐后甜品是馬蹄露。馬蹄露是意外地好吃！馬蹄露味道清甜，馬蹄粒十分清爽，甜度和稠度剛剛好。從來不愛馬蹄露，覺得味道單薄。但這馬蹄露令我對它改觀，清甜輕爽又暖暖地，是秋曰潤燥的甜品。這家店的小炒唔錯，份量

在中環可以吃到傳統港式小炒的地方不多，除了史丹利街一帶的大排擋外，我只想起星記了。由於地點方便和水準穩定，星記是我常到的飯店，光顧星記的次數已多於以往必到的灣仔生記了。很久沒有和幾位老友共餐，這晚上便決定來星記一聚，一抵步便點了椒鹽鮮魷和小炒皇作頭盤。椒鹽鮮魷：脆漿薄，魷魚嫩，點上少許淮鹽和喼汁，鮮味可口。小炒皇：有韮菜花，腰果，魷魚和大蝦仁，鑊氣夠，很香口。老火例湯(4*)：足料，味道有家的感覺，不要錯過。椒絲腐乳通菜(3*)：個人喜歡多一點辣味腐乳，令其更惹味。蜆芥牛肉煲(4*)：用上大量蒜子、老薑片和大葱段，再加上鮮味的蜆芥，這調味組合能大大提升牛肉的味道。勝瓜浸豬膶：往常會叫九杞浸，可能九杞不當造，今天只有勝瓜，豬膶煮得爽脆，不韌。蒸豬下靑：混入了蝦膏去蒸，香氣四溢，豬下青很爽口，嚼口比豬頸肉更佳，而且沒有豬頸肉肥膩，有驚喜。煇哥煎鹹雞：用上香蔥和蜜椒去乾煎雞球，味道微辣，雞肉鮮嫰，不錯。另外我常點的菜還有豉油皇煎海中蝦、美極煎排骨和香煎蓮藕餅，這些都是不錯的選擇。不得一提的是老闆星哥對出品質素的執著和以客為先的態度，每次向他提出意見，他也欣然接受；每次向他投訴食物，他頭也不回

預早訂好位，點知人數有變，夜晚打電話改人數，點知嚟到嘅時候，都冇改正，又安排咗去偏廳👉👈，嗰邊冷氣唔夠，食食吓真係滴汗架😓❗️人齊喇，可以點菜👏，7個人就點咗3個餸嘅套餐，另外散叫多幾樣咁囉😁。先嚟例湯，我係一個水怪🤣，湯水真係多多都飲得晒呀😋。煎藕餅好多蓮藕👍，口感豐富😋。咕嚕肉肉嫩，汁醬恰當😋。輝哥煎咸雞，雞滑唔會老，仲夠 juicy 😋上湯腐竹浸菠菜，湯唔會鹹，腐竹好夠豆味，菠菜嫩👍。大蝦粉絲煲，蝦夠新鮮有蝦味，粉絲唔乾😋。涼瓜炆龍躉，識食嘅涼瓜先係主角呀😁，魚都唔差架，肉厚鮮甜架👍😋。薑蔥炒蟹，識食嘅都係一樣...薑蔥先係主角😁，蟹好大隻，蟹膏都好多添呀👍😋。我唔係飯筒，但係我都食咗兩碗炒飯😱，炒飯乾身而又少油，配料我都已經唔知有咩喇🤣。最後因爲要趕住開工，冇得影糖水，我就走先喇😓❗️

是晚和好友們一嘗米芝蓮推介食府星記海鮮飯店，一直久仰大名、期待已久終於有機會來試試了！椒鹽魷魚很好味、入口很有彈性、椒鹽惹味杏汁豬肺湯很濃郁，各人喝了兩碗咕嚕肉質素不錯，可能家裡飯堂咕嚕肉也很優秀所以這次沒顯特別腐竹炆班腩有點失準，班腩明顯不夠入味金銀蛋莧菜很好吃，上湯很鮮甜可口蒜蓉粉絲蒸勝瓜令人很失望呢，勝瓜完全沒味道可然的最後大廚輝哥煎咸雞味道不錯，水準中上，配飯一流呢餐廳服務不錯，最後送了紅豆沙作飯後甜品，米芝蓮推介食府來說價錢真的不貴，不過要早些訂位呢~

一講星記，第一時間已經諗到要試佢個菠蘿咕嚕肉，今次第一次嚟食飯，就當然要點呢味餸！格局其實係普通酒樓，唔係特別高級，價錢都合理，想食米芝蓮推介餐廳都唔一定要俾天價嘅😉先上個前菜，呢碟餣蘿蔔又幾好食，酸酸甜甜又爽口，幾開胃。傳說中嘅菠蘿咕嚕肉呀！！！上菜超快，我仲心諗係咪炸定架，點知一咬係勁熱嘅😆睇相都睇得出個汁係均勻沾上每一塊肉，隻碟係冇汁嘅，咕嚕肉肉多骨少半肥瘦，甜酸汁剛剛好，菠蘿好甜👍🏻嗌左半煲老火湯，蓮藕鱆魚煲豬骨，都幾夠火侯嘅，大概有四碗左右。湯渣跟碟豉油上埋俾你，冇乜點食，淨係食左幾嚿蓮藕同蘿蔔。老家肉四季豆炒鮑魚角，有蝦乾肉碎一齊炒感覺好小炒王，鮑魚角我諗係一隻新鮮鮑魚切粒炒，唔會靭都幾好食。最後仲送紅豆沙，陳皮味幾重，起沙又夠甜，好啱口味！埋單五百幾蚊，兩餸一湯平過蛇王芬啦（雖然個湯冇得比），價錢唔算貴，味道都幾好，見好多人點炸野食，如果下次再嚟都會試下！

在中環上班，可以與一班同事圍坐聚餐的，除了到茶樓飲茶外，中式小菜也是一個不錯的選擇。人均消費約$200，適合特別日子，例如團年、生日飯、Farewell Lunch等，需預先訂座。環境舒適，服務好，上菜速度快，份量足，食物味道合理，屬於是不油膩的小菜，最推介的是生炒骨、椒鹽九肚魚和香煎蓮藕餅。飯後送的甜品紅豆沙，出乎意料的好味，甜度適中，且有突出的陳皮果香！

當天凍凍地，感冒未清，想食㷛仔菜，太陽建議此處，在湾仔都試過，地方淨潔，材料新鮮，不用味精，尤其老火湯，中環未來過，因為次次想來，都訂滿。裝修跟灣仔差不多，一看枱布白淨，地板不會笠黐黐、碗碟乾淨整潔，已知高級，再看餐牌，普通小菜都過百元，高级；點出名鳳梨生炒骨，應該咕嚕肉，因無骨，啖啖肉，外皮粉質脆香，粉肉均勻，是否要做到掛汁，不流碟，鼎爺話嘅，我就厭汁唔夠，配菜已不多，有些yam唔到汁，洋葱略生，我較喜歡香港華商銀行公會紫薑芒果咕嚕肉。油塩水浸魚雲，湯奶白，一定是煎魚頭，贊酒，加水，香，粉絲索魚湯，好鮮甜，略厭頭菜絲唔夠，少咗香芹。苟杞浸豬潤，好少外邊食，是唔敢食，要在有信譽餐館食，苟杞補眼，好久無食。上枱豬潤帶白，雖然係爽，但無甜味，無咗嗰浸除，無沙，星哥話要啤好多次水，要洗乾淨，衛生的，如果出面食到起沙，千其唔好食🤔，唉！湯清甜，無味精，有苟杞味，新鮮。第一次見到星哥，事事親力親為，留意出菜品質，身材肥肥地，聲音哄亮，成個老细樣，親切，以佢的年纪，樣子，電視台可考慮找佢做飲食節目，都吾錯（好過吳c輝）。佢說中環生意難做，晚上上班一族吾會留在中環食飯，晚上生意算係不錯。最後送红豆沙

今日約朋友係中環搵食，心思思想食中菜，朋友就帶左我黎呢間星記。兩個人，試唔到咁多野，叫一個菜一個肉啦！- 上湯鮮腐竹浸波菜：普普通通....湯底又唔係特別鮮甜但要百幾蚊啊～～～～- 燒汁安格斯煎脆米：安格斯肉味濃，有咬口，可惜有幾舊肉帶膻味。煎米香脆可口，似用半煎炸方法炮製。初初食果兩塊好味，但越食越「漏」。始終米粉吸油太多，兩個人到最後真係冇辦法食晒碟煎米。建議三四個人以上先好叫呢個餸。兩樣野加埋茶位同加一，差不多$700埋單！係中環搵食真係唔平啊！

因為朋友生日關係就訂咗中環嘅"星記"之前都喺灣仔食過中環都係第一次睇吓冇有唔同先!首先就叫咗個咕嚕肉，成件事做得好好首先係外皮炸得鬆脆,薄薄嘅炸粉已經可以將酸汁平均分布喺每舊肉上面,肉嘅比例有8成啖啖肉。呢個花竹蝦粉絲用嘅係新鮮蝦唔係急凍!味道帶點辣有少少胡椒味~粉絲炒得乾身每啖都食到蝦同調味料嘅味道!蒸魚好似好易，但講到蒸大魚就唔係間間酒家都做得好，大部分都係蒸過晒時候，成條魚就咁呢條魚切開中心位有少少痴肉，魚肉唔會蒸到實白色!睇到師傅都有一定經驗!下次再試埋佢個蒸肉餅先