星願 居酒屋 (已結業)

成朝都想食日本嘢，所以今日lunch同同事嚟咗呢度，呢度嘅嘢食真係好好食，價錢又合理！所以值得再嚟幫襯😊🤭黑蒜餃子拉麵：呢個拉麵嘅湯頭好正，好似飲緊好多骨膠原🫢因為湯底非常之濃郁！雖然個蛋唔係主角，但佢糖心得黎好香🤗再嚟個黑蒜餃子🥟，外皮煎得好香脆，入邊啲豬肉好Juicy👍🏻🤭壽司🍣:有三文魚腩，帆立貝，油甘魚同吞拿魚，全部都新鮮，但我最愛依然都係三文魚腩，嗰種魚油香味真係好正！另外個油甘魚都鮮味厚實😍🤭日式將燒五花腩 ：入口啲油脂滲咗出嚟，但絕對唔油膩，好食！🤭鹽燒雞中亦：雞中翼燒得好香，唔係普普通通，係食完令到你再想食多一隻🥳少少食上癮！🤭燒雞皮墨魚滑卷：呢個配搭第一次食，原來雞皮卷墨魚滑可以咁正，墨魚滑仲要係脆身，Double口感❤️

實在太耐太耐冇去過旅行啦，我嘅鄉下日本已經離我好遠啦，哈哈😆不過好彩比我發掘到呢間餐廳，食到好味嘅日本嘢之餘，價錢仲好優惠抵食😍所以慳返啲機票錢就可以食多啲日本美食啦😜叫咗個星願海膽丼，呢個丼有齊晒我鍾意食嘅刺身，有三文魚魚腩、油甘魚、帶子、甜蝦、吞拿魚、甜蛋同埋我的最愛海膽😋刺身新鮮先好味呢一個係定律，呢度啲刺身除咗新鮮仲好厚身，唔會切到博博一片咁😳另外個海膽真係超級無敵鮮甜，完全冇任何腥臭味！海膽顏色鮮橙色咁，一睇就知鮮甜靚嘢❤️再嚟一啲燒物食😜燒蛋糕，勁特別！甜甜嘅炭香味！牛油果肥牛卷同玉子鰻魚燒都好唔錯🙈特別係玉子鰻魚燒，鰻魚嘅醬汁同玉子好鬼死㗎，甜甜鹹鹹好好味😍

放工經過呢間餐廳，又想食日本嘢，諗都唔諗就衝咗入去😳😳結果梗係好食啦！餐牌都幾多選擇，有手卷有壽司有有晚市套餐又有串燒又有拉麵等等，但今日小妹自己一個人，叫唔到咁多嘢食，唯有等下次約埋朋友仔先一齊食多啲啦😍既然係咁，我自己一個人就梗係食過刺身丼飯啊，揀咗個名非常之靚嘅當飯食「星願海膽丼」❤️個飯嘅刺身非常之豐富，有三文魚腩、吞拿魚、油甘魚、帶子、甜蝦、甜蛋同主角海膽啦🤤真係平時食開嘅刺身集於一身，又啱晒選擇困難嘅我，因為我樣樣都想食啲 🙈所有刺身都非常之鮮甜美味，個海膽一睇到隻色就知道新鮮無敵，食落去勁鮮甜，有海水味👏🏻另外個帶子同甜蝦都啖啖肉咁，好鬼死正！而三文魚腩刺身有獨有三文魚味，yummy!

我真係對日本壽司抗拒唔到，尋日食完今日又想食🤣於是上網係附近搵好嘢食，結果又比我搵到間唔錯嘅日式居酒屋🏮！食物同服務都好好👍🏻因為今日得一個人所以我專攻壽司同刺身🫣叫左幾款壽司🍣🤤油甘魚，唔錯，厚身又鮮味🤤三文魚腩，超水準！啲油花令立立，好味！🤤帆立貝，雖然開半但都無阻果種厚身肥美嘅口感🤤吞拿魚，我平時唔食呑拿魚因為怕腥，呢隻ok wor!!!🤤立魚柳刺身,整多個立魚刺身，鮮得黎個厚度又唔會太薄，再配特備醬油，好食！

大食小妹四出搵嘢食，呢間日本餐廳係小妹住果頭，次次行過都多人排隊，難得今晚早收工又見唔算多人排，膽粗粗試下先，果然有驚喜😳咁唔怪之得要排隊啦！另外，都要讚下店員態度好親切友善👍🏻先黎串燒先😈全部都好惹味🤩❤️鹽燒牛舌，牛舌香口，咬落有趙口，又唔會韌。❤️鹽燒雞皮，必點！脆到卜卜聲又唔會油。❤️雞軟骨 ，仲有雞肉癡住一齊食，好正❤️燒雞皮墨魚滑卷，呢度嘅雞皮食品真係無得頂！又脆又爽又有口感。再叫個黑蒜餃子拉麵，拉麵彈牙湯汁夠濃！4隻餃子🥟仲要脹卜卜好足料👏🏻真係美好又豐富嘅一餐！

放工先知屋企無飯食🥹唔緊要啦，立即搵我至愛嘅飯堂😳我對呢間日本餐廳好情有獨鍾，氣氛好，自己一個密密食又唔會尷尬🙈店員又會講下兩句，總之成個感覺好舒服啦😊叫左個立魚柳刺身同壽司🍣🤤立魚柳刺身，厚薄適中，配埋佢哋個秘制醬油一齊食，好味呀！🤤三文魚腩,肥美有魚油香🥳🤤帆立貝，厚身鮮甜，我好愛呢個帆立貝呢！🤤油甘魚 ，你睇下啲紋理幾靚，食入口味道更佳！🤤吞拿魚，全無腥味！我平時唔食都叫黎食就知正啦！所有壽司嘅飯量都剛好，正！

難得終於開通返電影院，我就放假約咗朋友嗰邊將軍澳睇戲，睇完戲經過新都城中心，發現附近地舖有間唔錯嘅居酒屋，入面嘅裝修同埋個餐牌嘅日本料理都相當吸引，我同friend一於決定去試下整個芝士蒲燒鰻魚鐵板飯遍佈咗濃厚嘅芝士，中間就擺放咗一個圓筒形嘅白飯，上面就放咗一條肥厚勁大條嘅鰻魚，味道非常之鮮味，醬汁都調節得啱啱好唔會太甜，加埋鰻魚嘅脂肪都唔會過份油膩 可以配搭為芝士食 勁正👍🏻👍🏻御便當C 有一個炸得香脆肉質嫩滑嘅雞扒，再配搭厚切嘅魚生同鰻魚，另外仲有和風沙律，呢個便當真係相當之豐富，而且食材都非常之新鮮！魚生同鰻魚都好甜味😋

依家去旅行都變得好虛無飄渺,如果專登去旅行食嘢的話,甚至有時候都會覺得變到好奢侈,因為香港話曬都係美食之都,都有齊曬唔同國家嘅美食文化同味道,不過如果係大型連鎖店的話,味道就可能會比較參差食日本嘢梗係唔少得食魚生啦！咁我哋就叫咗三色魚生丼 $95,佢哋嘅餘生都非常之新鮮,裏面有三文魚、甜蝦、帆立貝呢三種魚生喺入面,都非常之新鮮甜美,完全係高質,保鮮方面真係落咗唔少功夫👍🏻👍🏻醬油叉燒拉麵 $68 進入湯底濃味甘甜順滑,叉燒嫩滑入口,拉麵有彈性,難度適中非常易咬開燒高雄娃娃菜,娃娃菜爽口,食落去依然感覺都係咁新鮮,單位調味料簡直嘢味！

不過都唔會方便，連想去旅行都冇得去，所以都自己能夠喺香港搵好嘢食~ 之前上網咁啱見到呢間日式料理居酒屋，見到佢哋都有唔同嘅特別嘅日式料理，咁賣相都幾吸引、價錢又適中就決定係試下~芝士蒲燒鰻魚鐵板飯就係我網上睇完最想食嘅嘢，因為本人係非常之鍾意食芝士同埋鰻魚，所以對呢個芝士蒲燒鰻魚飯係勁期待，佢哋嘅芝士真係好濃沃好正~ 配埋個鰻魚真係有甜，芝士有甜中帶鹹，個口感相當之多層次，勁正！椒鹽七味雞軟骨，外脆入面有咬口，一定要趁熱食！照燒雞扒-蒲燒鰻魚便當配搭住多種日本食材，例如燒雞扒、鰻魚、沙律呢啲，值得一提係魚生依然係厚切！仍有口感之餘仲保留咗原有魚生嘅味道！超新鮮超好食！真係值得推介！👍🏻

天氣凍凍地最啱食返碗日本拉麵，咁當然淨係食拉麵咁實係滿足唔到為食嘅我啦~ 最近朋友介紹咗一間將軍澳嘅日本居酒屋餐廳，個地方好接近地鐵站，根本直情出閘就已經可以見到佢哋嘅店面，所以搭地鐵嚟講都好方便。佢哋嘅裝修風格用咗日本嘅木工藝風格，畀人成個感覺好有格調，既然裝修都有講究咁食物質素都唔會差好遠我就叫咗碗醬油叉燒拉麵$68，同埋御便當D既豚骨叉燒博多餃子招牌玉子$48，醬油湯底濃厚至岩適合較重口味嘅人，濃而不利，叉燒半肥瘦，入口嫩滑 正~🤤 餃子外脆金香香口，玉子甘甜重蛋香味~非常易入口！ 值得推介！

終於放寬返限足令措施啦 ~ 放假一於約個朋友去到將軍澳行下街順便食個晏晝飯，突然諗到一間好耐未食過嘅星願居酒屋，因為搬咗去屯門嗰邊，真係都好耐未嚟過將軍澳呢邊，一於返嚟回味呀我同個friend都叫咗拉麵，分別叫咗醬油叉燒拉麵同埋黑醬油豚骨叉燒拉麵，都係$68，佢哋個湯底分別係在於偏甜還是係較為有豬骨濃湯嘅味道，我個人就偏好於豬骨味重嘅醬油拉麵湯底，佢嘅叉燒相對上都會比較入味多一啲，而黑醬油就會比較清甜潤滑多啲另外我哋仲叫咗幾個串燒食下，燒鮮冬菇食落去有彈性又香口，日式醬燒五花腩肥美金香可口、鹽燒燒雞翼就燒得金香香脆，真係令人回味😋

最近口痕想食日本嘢，咁我打住同阿媽一齊去食下日本嘢，疫情都已經好耐冇出去食過好西，媽咪朋友就推介話食過呢間覺得好好食，佢都已經食過幾次所以推介我哋嚟呢間。店舖位於香港將軍澳新都城中心，交通方便容易搜尋咁呢就推介咗我哋食魚生，咁我就同阿媽叫咗三色魚生丼 $95，上菜之後佢哋成碗飯都好豐盛，除咗野菜之外，裏面有三文魚、甜蝦同埋帆立貝，款式唔算多，但佢哋件件都係厚切！ 唔似出面嗰啲你哋cm你就算，而呢度唔同。新鮮得利厚切嘅口感同埋味道都勁濃烈，一定滿足到你！而我哋仲叫咗泡菜海鮮拉麵 $68，泡菜味嘅海鮮拉麵就真係食得少，咁我又想食拉麵咁就決定一於試下，酸酸甜甜又有少少辣嘅湯底真係極之開胃，佢哋嘅海鮮都非常之豐富，有好多甲殼類嘅海鮮，就例如大大粒嘅帆立貝、青口、甜蝦等等，最好味係個湯底！吸收曬所有海鮮嘅精華 勁好食！惹味蒜香燒茄子，燒茄子醬料傳統味道，進了均勻入味，溫度調配得啱啱好！好食！椒鹽七味雞軟骨，外脆內軟，食落去幾有咬口，鍾意食爽脆嘅人可以試下

呢間日式居酒屋一直係網上面口碑都唔錯，相片賣相都好吸引好有特色，所以就搵咗個禮拜同男朋友放假出嚟一齊試下🙈 呢度人流唔算多但係餐廳座位幾乎都滿座，都可以睇得出佢喺呢度幾受歡迎我叫咗個泡菜海鮮拉麵 $68 ，酸酸甜甜辣辣非常之開位，佢哋嘅海鮮唔算話非常豐盛，但味道同埋份量質素絕對係高質！帆立貝係勁大隻！仲好鮮味 😋😋😋男朋友就叫咗三色魚生丼 $95 ，佢個玩相對睇落就比較豐盛啲，刺身包括有甜蝦、三文魚、帆立貝呢幾種嘅刺身，分量都係非常之充最大件又好食，加少少豉油同埋wasabi勁正，我都試咗少少😝 而娃娃菜同燒腩肉就燒得勁嘢未，蔡依然係燒得咁乾爽易入口

最近終於完全復返工，因為都唔好彩中咗招，呢段時間先至完全好返，好耐都未同同事嚟過公司附近呢間日式居酒屋食嘢啦，之前仲晏晝成日呢食飯撐場我都係叫番個芝士蒲燒鰻魚鐵板飯頂下癮先😝😝 始終咁耐未食過好嘢 價錢就 $88 相對上比一般嘅料理價錢高少少，但佢嘅份量相當豐盛，非常濃厚嘅芝士鋪滿曬喺鐵板上面，已經勁邪惡~ 加埋佢飯上面嘅特大鰻魚真係勁銷魂😍😍😍 除咗銷魂仲有惹味都唔知仲有乜嘢可以形容到呢個豐富口味既層次南蠻炸雞拉麵 $68 同事就較為食得普通少少，始終佢都成日嚟幫襯，炸雞都係外脆內軟、鮮嫩肉質，之前我都成日食😂另外仲叫多咗燒帆立貝一人一隻定下癮，鮮嫩多汁！必食😍😍

最近我想話食日本拉麵又想食燒烤咁，跟住朋友就帶咗我嚟呢間經常喺網上面有推介嘅日本料理餐廳，再睇餐牌就知道佢哋勁多元化，朋友食過都話高質所以就同佢一齊嚟試下~咁我哋首先梗係點咗煮食拉麵先啦~ 我哋就點咗醬油叉燒拉麵 同埋黑醬油豚骨叉燒拉麵 ,分別都係$68 , 黑醬油嘅湯底就略為清淡啲,感覺就偏甜清香,而醬油湯底的話感覺豬骨嘅味道更加濃烈,豬骨嘅味道更加突出,而佢哋嘅溫泉蛋都非常之入味,溫度啱啱好！成碗都好易入口 好好食！燒烤炸物方面就叫咗鹽燒燒雞翼、椒鹽七味雞軟骨,雞翼同雞軟骨都外脆內軟,廚師仲好細心將佢哋切開中間嚟燒，容易煮食之外，更加令配料入味，食落去都更加容易👍🏻👍🏻