春夏秋冬火鍋 (已搬遷) 新店位置

一早食左生日飯ga la...,不過正日當日我地屈左媽媽請...哈哈佢仲話去試春夏秋冬呢! 因為佢知我想試好耐囉...多謝晒! 去到, 媽媽話要食豬骨煲, 哥哥仔就話有個set 豬骨煲+魚$138 再送枝啤酒所以就要左呢個啦...仲叫左碟大牛, 黑栢葉, 雜菇, 帶子, 聖子, 四寶丸, 水餃, 花雕牛唔記得仲有咩啦...應該仲有其他野ga...帶子+聖子$108兩碟...個魚都ok, 份量唔多, 不過几滑又唔會散收收水餃几好味, 牛肉好正~~~ 花雕牛有陣酒味, 好滑! 帶子麻麻, 聖子好鮮甜...又多...有成十四五隻!其餘味道都几好...^_^ 唯一就係個豬骨煲唔係用筒骨...亦會痴底如果飲啤酒既話會超抵...平過飲水...$5/5枝...平到無朋友...見隔離檯d 墨魚滑好靚, 不過太飽食唔落, 下次要試下呀!

一行六人本想勇闖小肥牛,可惜..灣仔,尖沙咀,北角所有分店full booking, 無意間發現春夏秋冬21:2,應該不錯吧~~連侍應都要問我地究竟食唔食得哂以下既食物:湯底:蕃茄薯仔豬骨, 豬骨好好味~~湯底好正~聖子:非常鮮甜~帶子k,但滾得太熟..~海班: 還不錯~~鱔片: 切得太薄了........有d草青味..本地牛:好好味呀!!!!!!!!!!!!!!!唔加豉油都好夠味~~西冷牛: 本地牛好味d...勁辣牛丸: 聽聞唔覺得辣wor...鮮雞件: 好味道~有齊蔥,薑~足料~手打墨魚丸:不錯,不錯~~頗彈牙的~海鮮球: 普通雪藏丸..ok la..腐皮卷: ok wor~雞脾菇,金菇,牛骨髓: 唔錯~黑柏葉: 已經試唔到,但照其他人講係ok..薤菜豬肉餃,火腿丸,龍蝦丸:我個人唔好,落唔到comment..栗米: 有栗米味~都甜既~唐生菜,娃娃菜,冬瓜,正價時段,食左咁多野............每人$195...好抵..... 真係好好好好滿足既一餐....值得一提,侍應好熱心,服務不錯~

而家想吃火鍋，就會想起春夏秋冬，呢兩日同工友都突然牛癮起，今晚收工又在此一聚﹗醉雞鍋湯底是首選，$28特價，份量卻也不少，接近半隻冰鮮雞，再加香噴噴既藥材湯底，仲要今日送多支森堡啤酒俾我，真係抵到爛﹗我在想會不會有人入來食個湯底就走人呢？先來一碟神戶牛肉，$98夠哂大碟，肉脂紋理分明，起哂雪花靚得不得了，在湯底輕灼數十秒放入口，既有油脂香亦有肉香，質感嫩滑味濃澎湃，建議輕灼至少少粉紅色就要即食，半熟下更多肉汁更鮮甜﹗不得不再讚呢個特價湯底，雖然平不過味道真的不錯，叫左個雜菇拼盤，菇類吸收左湯汁後異常鮮甜，陣陣藥材清香，好食﹗炸魚皮，呢間出品的夠香脆亦大碟惹味﹗食完神戶牛再來多個頂級手切肥牛，呢隻雖然無神戶牛咁嫩不過牛味極濃鮮，見到好多食客都係點呢個牛可知其受歡迎程度，肉質夠香亦無咩渣切得夠份量，品味一片後不到數十秒又自自然然想再灼第二片。手打墨魚丸一碟十六粒，夠哂彈牙，卻未夠墨魚香，如在打墨魚膠時再加入更多切碎了的墨魚粒口感及味道一定更佳﹗韮菜豬肉餃包得恰當，淥完唔會爛開散哂，韮菜豬肉份量比例岩岩好，吃下滿口清香帶鮮甜，好味道﹗今次無吃海鮮，四個人食埋單每人$150，上次同食友傾過佢都

由于之前聽過有朋友試過，而上來Openrice睇過好似幾好甘，呢日就約左老公同埋死黨一行三人過來試下，感覺還ok。首先，我地叫左個例牌的醉雞窩，28蚊，正！超香！（個經理會問要例牌定半只，半只雞就要68蚊，我地三人都覺得例牌應該夠了，因爲要留肚試其他！）跟住，我地叫左個手切牛肉（中），牛肉粒，鮮支竹，金針菇，個人覺得牛肉粒一般，手切牛肉真系好香的牛肉味，唔錯！由于之前系度睇過食評，知道海鮮可以講價，我一直系度等有無阿姐捧海鮮過來sell，終于俾我等到啦，叫個friend揀兩樣海鮮，之後我問阿姐幾錢，距話58蚊一碟，然後我問80蚊兩樣得唔得，距話最低齊頭100蚊，我再還價90，距唔肯，然後我地叫距試下問經理，點知過左好耐距都無翻來理我地，我地知道應該唔得了……唉，由于我實在好想試，唯有叫個阿姐過來，要左之前决定的聖子同埋帶子各一碟……friend話：呢個回合，我地輸左……我地一致認爲要額外加份辣椒，溝埋醬油好食好多。總括來講，今次都食得幾滿意，呵呵，埋單378蚊，飽！

呢晚難得早收工帶埋工友來食春夏秋冬，因上次食完之後念念不忘，再戰是必然﹗一行三人，講到明只食好野，先來一碟神戶牛肉，再加多個牛粒，神戶牛沒有上次吃的那麼多雪花，但輕灼後味道仍然香濃腍滑﹗絕對建議灼至小粉紅色就放入口，味道更佳更鮮嫩﹗牛粒有咬口牛味濃郁，火候相當緊要我地都仲未搵到最好的，不宜淥得太耐，小灼五分鐘應可享受﹗可能周六關係，今日無海鮮兩碟$100，都要左碟帶子，$58，一碟六隻，食落新鮮有o趙口，味道很不錯﹗小試一碟叫手打芥辣牛丸，灼熟之後味道有如生竹牛肉，吃不出有芥辣味，麻麻地﹗三個人一人食四粒，都幾係野﹗及後再order多一個神戶牛，欲罷不能，加埋18蚊六支既青島純生四五set及菜、蝦等，每人埋單$240﹗食大左，不過好味滿足﹗

再來,上次無食98蚊的特級手切牛肉和58蚊牛肉粒,叫來吃,真的不錯,這價錢這份量有這水準,抵食!!手切牛肉比較神户牛肉粗曠,遍重牛味不是肥味,較韌不算太鞋,大啖大啖狼吞虎咽最正!!牛肉粒出奇的滑溜嫩軟,甜,肥美,牛味夠,和神户牛有點像,多了一點咬口,我細看下懷疑是神户牛切粒,最後連相也無影!還叫了78蚊的象拔蚌仔,很爽口鮮甜,正!88蚊帶子加蜆;帶子很韌,也不鮮甜,不叫也罷!!蜆比上次更甜但有沙!注意的是海鮮,亞姐會攞來給你揀和開價,記住還價,這天她開天剎價,帶子58蚊,蜆48蚊,我還她88兩樣,一樣OK!

對正太子皇巴站,大大個招牌遠遠也能看見春夏秋冬火鍋,這間是正鋪!!這裏的東西算便宜,質量高,和朋友叫了98蚊的手切神户牛肉,很大碟下,雖然和其他火鍋店的雪花肥牛一樣切得薄,但很有牛味又肥味,入口算嫩滑,抵食,這價錢這品質有點脱離現實,物超所值!!還有88蚊有2碟的新鮮海鮮,有鮮帶子,蜆,蟶子,象拔蚌仔等供我們選擇,結果選了帶子和蜆!!6隻帶子,有點硬,因怕不乾淨,淥過了頭,味也不甜;12隻大蜆-很甜,又爽,無沙!!火鍋底是68蚊的蕃茄薯仔豬骨,超大鍋,但蕃茄小了點,湯底味一般,豬骨頗多,算抵食!!還加了22蚊頗硬,放在湯內滾很久才淋的炸魚皮和28蚊我喜歡的超爽竹笙!20蚊3枝細生力做推廣,叫半打才40蚊,抵!又食肥牛又海鮮又飲酒,2個人去食火鍋,很難太平,每人2百,這種品質,算抵!!

呢日收工，相約兩個老友出來食飯，地點係太子既春夏秋冬火鍋﹗聽個名就聽過，亦都知佢都有幾間分店，不過最出名好似就係呢一間﹗打邊爐最基本就係啤酒，藍冰十八蚊有五支，相當抵飲﹗三個都係牛魔王，今日講到明唔浪費任何quota，只吃最正最好味的﹗先來一個神戶牛肉，$98﹗份量相當大碟，肥瘦岩岩好，脂肪分明，既似雲石又像雪花，真係睇見都已經想食﹗輕灼十五秒就食得，入口相當鮮甜，比起出面好多火鍋店的什麼招牌牛更勝一籌，咁鬼大碟相當之抵﹗同場加映多碟牛肉粒﹗呢個真係抵食﹗只係$58，三四塊西冷份量呢﹗比起之前的神戶牛，呢0的牛粒會肥一點，不過肥一點有肥一點的好處，就係食落油脂香爆發，一發不可收拾﹗食過好幾次牛粒，知道淥十五分鐘左右最能發揮佢既美味﹗入口牛味鮮甜，肥美豐腴﹗同方榮記的牛粒比，呢度既牛味沒有那兒的香濃及軟熟，但價錢平方榮三倍，比我揀來春夏秋冬更加值門票價﹗除了牛外，我地吃左兩個海鮮，蟶子加帶子$100﹗蟶子size不少，條條伸出伸入相當嚇人亦新鮮﹗帶子洗好哂原粒上﹗原粒上淥完之後比較實淨同韌，彈牙爽甜，不過還是薄切味道更好﹗兩個牛又點會滿足到我地，最後仲要來多個本地手切肥牛﹗三個人三樣牛，

我係1個火鍋發燒友, 好多間火鍋店都試過, 上星期六生日諗住試吓新野, 同老公去左呢度! 結果...............首先, 雖然已book枱, 但入到去安排左個鬼死咁迫的2人位比我地, 同佢理論左1陣, 先安排另1個位置(都唔係好), order list:鮑魚仔($22/1隻)- 唔掂! 女侍應介紹時個樣板算大隻, 但佢話洗完上枱個隻超細隻! 千祈唔好叫, 完全唔值 $22/1隻囉, 我覺得你收得人咁的價錢, 唔該比番d好的質素囉!! 唔老實!牛肉粒- ok 切片肥牛- 冇牛味, 不值1提墨魚滑- 算幾彈口原隻帶子- ok椰子雞鍋底 ($68)連半隻雞- 唔貴, 算抵食-ok椒絲 + 蒜 (各 $8)埋單 $508咁的價錢我可以食好d 囉!!

此店地方不大，座位頗擠迫，服務一般。湯底：豬骨煲湯底，用料足，不過味道無乜特別墨魚刺身：好新鮮，上碟後仍在動！口感爽脆，生食熟食佳宜，值得推介 帶子：細隻，超韌，no good 鱔片：雖新鮮爽脆，但好多細骨本地肥牛：味ok，但較韌牛肉粒：牛肉味較肥牛片濃，但火喉掌握較難控制，如overcook咗都會變得好韌四寶丸(豬、牛、蝦、鯪魚)：手打制作，夠彈牙，味ok炸魚皮/芝士腸/龍蝦丸/公仔麵/白菜仔/豆苗：無乜特別啤酒：$18/5枝，抵飲

忙左成日後師傅同埋一班好友一齊食飯, 而地點就揀左呢度; 訂左枱去到依然要等位, 好唔容易先有枱, 加上大家都餓到半死, 所以未坐底已經柯打定野食喇!食野最緊要有食神喺度, 而師傅今次正正同食神一齊開餐, 所以整定師傅有口福; 一行九人, 分別要左兩個湯底, 一個係呢度最出名嘅蕃茄薯仔豬骨煲, 另一個就係醉雞煲; 食物真係樣樣都劃下, 上至鮑魚, 下至豬紅, 一樣係有殺錯冇放過! 咁多種食物, 師傅對以下幾種特別鍾愛, 手切肥牛一定走唔甩, 仲有羊肉, 鮑魚, 花甲, 魚皮餃, 龍蝦丸同日式芋頭片!先講下個湯底, 豬骨大大舊, 勁腍勁好味, 而蕃茄同薯仔就好清甜, 正呀; 而醉雞煲又真係好足料, 真係將隻雞攞出黎自己放落個煲度, 加上花雕都幾重手, 絕對係香辣醉呀; 肥牛好大碟, 切得薄薄, 拖一拖就食得, 肥牛有牛肉味, 加上好鬆身, 勁正; 羊肉亦係一絕, 肉身酥香, 又係薄薄的, 拖一拖就食得, 勁鮮勁好味; 鮑魚就切片上, 肉質爽口唔會過韌, 加上味道鮮甜, 用黎打邊爐師傅都係第一次, 呢下真係全靠食神好介紹!花甲又係好新鮮, 不過肉身較韌, 算係有o趙頭, 可以啦; 魚皮餃係

2008年11月14日，春夏秋冬是夜吃聚舊火鍋。啤酒很便宜，18元5枝，先來一人一枝。要了個鴛鴦鍋，是沙爹和清湯。清湯裏面已經有豆腐、冬瓜、粟米等，如果兩個人吃已經可以少叫幾樣。叫了雜菇、雜菜、手切肥牛（中HKD68）、四寶丸、鮑魚仔、桂花蚌、炸魚皮、墨魚滑、蝦、于絲、皇帝菜、油麥菜、烏冬等。手切肥牛、四寶丸、鮑魚仔：新鮮、新鮮、新鮮！特別是手切肥牛非常美味！有牛味，有脂肪又嫩滑，好正! 不過環境就比較嘈，好難傾計！

(31/11/08)對邊爐無乜情意結,間唔鐘食吓都無乜所謂。安排了二樓枱,枱與枱之間可說是無空間,加上我地仲坐左o係班外省大漢隔離,根本唔會埋會我地有些座位逼成點!講番食物,有象*拔蚌船、特級肥牛x3、美國桶蠔、手打蝦,肉,牛丸、*墨魚滑、豆苗、脆肉挽、挽魚片、*鱔片、西生菜、芝士腸、*蟹柳、*粉絲、牛柏頁、帶子、鮮帶子(全隻連殼)、雲吞、*神戶牛柳粒*(勁香牛味又腍又juicy)、*黑椒牛丸。蕃茄薯仔湯、鴛鴦湯:*沙嗲,莞西皮蛋。*酸梅湯好好飲!有「*」是推介。我覺得價錢ok,湯底都好正,是不錯選擇。

上星期五，約了阿姨一家到春夏秋冬爽打邊爐。一行9人，叫好多食。不過今次被安排坐樓上，好暗，無下層咁光猛。坐滿之後亦好嘈，因為好多人都係一大班人黎食飯，嘈。要了一個醉雞底(跟象拔蚌)，一個鴛鴦底。個沙嗲底黐底lor, 搞到晒...用一陣就到唔用得，仲勁大陣味！清湯就真係好清，無咩味。醉雞底藥材味勁，唔係人人like.一條象拔蚌9個人食，當然每人只得幾片啦。象拔蚌好新鮮，好爽口。仲可以生食。醉雞：都係無咩酒味，但雞肉質地唔錯，唔會梅。雲吞：幾好食，皮薄，肥肉不多，豬肉與蝦的比較亦均勻。水餃：比較多肥肉，但味道都唔錯。墨魚滑：唔夠彈牙，可以不試本地手切肥牛：雖然好有牛味，但就好韌。神戶牛肉：牛味無本地手切咁濃，但肉質較淋滑，各有各好。豬肉丸同牛肉丸：都係新鮮手打，好正，好彈牙！牛柏葉(白)：好爽，亦無新鮮柏葉咁韌。豆苗：超正，新鮮，嫩口，無渣，份量不少亦只係$22仲有鯇魚，我唔鐘意食魚，好在最後落，因為鯇魚味強勁，成窩湯都係魚味，好難頂！最後落ge 烏冬吸晒d魚味仲有蘿白、豆腐、豆卜等普通野。埋單千四蚊左右，算係咁啦。但我都係prefer一家人(3個)打邊爐，唔洗每樣野食到到喉唔

看過網上食評, 抱著很大的期望嚟試試, 點知~~~豬骨煲湯底 最失敗, 豬骨帶有很重的豬騷味, 影響咗淥落去的食物味道牛肉 厚咗D, 又唔夠雪花珊瑚蚌,桂花蚌 好爽, 唔錯炸魚皮 太大舊, 細件D易入口手打四宝丸 很彈牙, 值得推介龍蝦丸 同涷肉公司的無咩分別, 不值得叫豬潤 好大塊呀, 嚴格來講係叫豬潤扒, 粉咗D囉, 係黃沙潤會好味D魚腐 體形夠大咧,但係有好重的油味, NO GOOD其他仲叫咗雜菌, 鯇魚片, 云吞, 粟米, 墨魚滑, 鮮蝦, 鵝腸, 九肚魚,雜菜, 米粉..., 材料都算新鮮, 但醬料收費太貴, $10 一碟豉油, $8 一碟蒜或辣椒...等. 到最后埋單好貴, 但好像無咩嘢落肚咁, 皆因湯底差, 有點不值呵!