春田冰室

营业中

休息中

我係呢邊d街坊黎，係度食過好多次，野食Ok過得去，但講真服務態度咁差？有必要黎食野比你d 侍應鬧咩？今日早11點半，想黎食個飯，見有卡位，又無乜人，就想叫個阿姐執走d碗碟，佢話坐呢度要搭枱，叫我坐第2度，仲要好惡，我話照坐，佢話呢度留比d三個人喎。嘩，咁你唔做生意，早出聲啦～就唔好話搭枱。態度又衰，唔係話小姐，介唔介意點點點。。。我亦唔係第一次見你地態度衰，呼呼喝喝我地食客。我宜家就要寫食評，話比更多人知。

lunch 時間同事推介呢間，主要因為佢地話阿華田西多士好味，所以去試下～不過覺得佢地果邊d 野食一般～朋友叫的意粉～.蔥油豬扒飯豬扒好硬，另外豉油汁同蔥油唔係好夠，整體味道麻麻地🙈🙈.阿華田西多士感覺沒有同事講到咁好味，可能有期望，不過味道都ok~

椰子雞湯米線大家去返啲專門店食好好多始終茶餐廳 唔係專門湯底真係差啲 隻雞都冇味. 因為專係做椰子雞湯米嗰啲舖頭 食過有啲椰子雞湯湯底真係好正 比較濃厚椰子味同雞湯味 茶餐廳算係不過不失啦不能寄予厚望. 當一般茶餐廳其實我覺得ok嘅 但佢冇乜特別嘢會令人回頭但又唔係叫做得差咖哩食落唔似馬來西亞嗰種 有啲印度feel 冇椰汁味 辣辣地嘅 唯一讚佢個咖哩 真係畀好多汁 ok算唔錯嘅 畀啲餸都唔少. 但不會令我為咖哩嚟呢度食. 另外個羅宋雜菜湯唔錯味道夠 幾好飲!網上啲人話啲服務態度唔好 今日感受過 一坐低完全冇人理你水都冇杯 叫人攞杯水都唔容易 跟住 個女人一句得埋嚟 (手機落單你得㗎la !) 態度上係有啲粗聲粗氣 但係叫另外一個男侍應態度正常 呢啲嘢真係睇人 茶餐廳從來都唔會要求好服務 但個女人態度確實係差咗啲.

一間扮曬高級嘅茶餐廳，服務態度衰過以前食大排檔，強迫食客用 QR Code 落單，完全睇唔起啲長者或唔識用智能手機嘅人。啲嘢食嚟到就就咁放喺枱，而唔係放喺你面前，已經係非繁忙時段，成間餐廳冇一個職員有禮貌。啲嘢食又唔好味，吉列豬扒係近似燶嘅，啲西多士又炸得唔好，裡面又少花生醬。以為自己間餐廳好巴閉，其實小貓三四隻，主要靠午市啲返工人士，揀無可揀咪揀佢。試過一次就知道係一間完全冇質素嘅茶餐廳，就連一杯凍檸茶都唔俾多支匙羹你篤檸檬。

第一次食LI間春田冰室我正話椰子雞米線唔錯我老公果碗就出事咬唔開舊雞，原來生嘅叫人嚟又揮極手都睇唔到然後一句唔好意思都冇講只係話拎起果舊生嘅叫我老公食住先What!? 唔係化？！我即刻話有菌㗎喎佢先肯換但黑面佢肯換都係食得唔安樂生嘅肉竟敢拎起都叫人照食咁樣都接受到咩？！餐廳嘅處理手法真係匪夷所思喺食物衞生情況方面令人擔心可能係唔好彩遇到個別事件但果位男士嘅態度令食客很不安囉！另外一個Tips: 切勿坐正門口天氣凍，佢個自動門好敏感不停又開又閂D食物唔駛3分鐘就凍曬另外嗌咗一個白汁芝士豬扒丼已經變成漿糊好難入口

話說小朋友逢星期六都要去紅磡學彈琴，落堂食個飯就去新蒲崗學話劇，平時多數出去新蒲崗先食，但始終唔多選擇，小朋友唔悶，大人都悶！好啦，今次一於喺紅磡區搵正嘢食！作為一個有少少潔癖嘅媽媽，喺搵嘢食嘅第一眼都係睇左環境先，一定唔可以太迫，因為坐到個人之餘，仲要坐到個大背囊！第二，選擇一定要夠多，要啱小朋友之餘，又要大人都啱，始終唔可以唔重視下自己嘅～第三，價錢一定要合理，始終係全職媽媽，唔可以食太貴吖😏好，睇到呢到，應該好多人話緊我麻煩😂之不過，又比我搵到喎🥳阿仔最鍾意肉醬意粉，阿媽我就最鍾意甜嘢，特別係阿華田😍，「華田脆脆西多士」同「華田脆脆」（飲品），真係我必選系列！之後再望下個餐牌，比個勁量三文治吸引住，仲要有薯條同沙律😍😍😍點可以唔嗌🙈叫多個椒鹽燒賣，唔會硬過我條命，好好味！👍🏻所有嘢食味道都好ok, 價錢亦都好合理！而且餐牌上面仲有好多嘢想試，相信好快又會過嚟食😍😍😍😍

假日去新茶記食下午茶，黎到紅磡廣場隔離的茶餐廳。叫左椰子雞米線和炸魚柳配薯條🍟椰子雞米線黎到，賣相一流，茶記黎講算靚，湯汁好濃椰子味，米線的份量都夠，雞就唔算淋。炸魚柳配薯條的份量很多，炸魚柳有兩塊，即炸好新鮮，夠脆。

好耐無去紅磡一間小店食豬肉丸，原來星期日唔開！！！為有去附近食茶記…剛好見到呢間冰室，嗰名幾好咁. 所以一試…. 一入去都已經無人理你自己搵位座，座左一陣都無人理原來係用手機自己落單的…咁就叫左個豬潤麵加炒蛋餐包，凍奶茶. 杯凍奶茶好快到，但非常淡，無茶味，好似飲奶水咁！嘢食等左約10分鐘先來！櫃檯又無晒餐具….叫人又無人幫到你，可能太忙… 所以要自己去另一張枱攞！餐包凍嘅，炒蛋無咩蛋味！還好豬潤麵正正常常，但唔叫好食. 所以呢間應該無下次👎🏻

//春田冰室🍲🥢//呢間餐廳表面係一間港式其實入面係一間茶餐廳可以坐低食嘢🍴入面嘅姐姐全部都好nice～今次我主要係試佢嘅熱食不過臨走前都買咗幾個包返屋企🥐［最後果張相就係我將個菠蘿包烘返熱整做菠蘿油🤣超正💓］𝙁𝙤𝙤𝙙🥡乾炒牛河 Pan Fried Rice Noodle with Beef ［迷你特價餐 Special Mini Set］同普通牛河一樣偏油，同埋啲粉有少少癡住無條條分明嘅感覺🥲食落味道都可以，以呢個價錢嚟講我覺得算OK🙈🍯西多士 French Toast ［迷你特價餐 Special Mini Set］西多士係我係我一直好掛住嘅嘢食😻食落唔錯，唯一一個位就係中間搽嘅唔係花生醬🥜而係咖央醬🥲我自己就prefer花生醬鹹鹹哋可以中和返啲甜味～不過整體嚟講味道都唔錯嘅💗

放假週末都會過黎春田冰室嘆番個早餐，貪佢早餐時間去到11:30 ，晏起身都仲可以有早餐食😎而每次一定會食佢嘅沙爹牛麵🍜。雖然唔係話特別出色，但都屬於水平以上，牛肉夠淋之餘個沙爹醬都夠濃郁而且掛倒麵。個麵底應該係最熟悉嘅大光麵，軟硬度都做得啱啱好。作為普通嘅茶餐廳可以做到咁都算合格有餘了。

前一陣子，有一個短期的 Project 令我在紅磡一帶出現幾日，中午一個人，就盡量去 explore 下附近有什麼好地方醫肚。行出大街，那幾棟由重建局起的新樓樓下，我見到一間叫《春田冰室》的餐廳。雖然，我知道這應該是以後面的春田街來命名，但當日我見到，立即想起的，就是 "春田花花幼稚園"。在門口等位時，情不自禁地輕聲哼出 "我們是快樂的好兒童"......一個人飲食，等待的時間向來不會很長。不一會就安排到我去搭檯。看了午市套餐，也看了大 menu，絕對是一間香港味濃郁的茶餐廳。當日，我一看就看中了蔥油雞扒蛋飯。我的蔥油雞扒蛋飯來了，香煎的雞扒，雞皮香脆得很。太陽蛋的流心蛋黃，流出來同甜豉油混合了之後，更是香口得很。連蛋汁，連豉油，連蔥油，夾一雞肉來伴飯，的確是一個味覺上的小享受。既然是打懷舊同純 Hong Kong style 的茶餐廳 / 冰室，當然要一試他們的熱奶茶啦。這《春田冰室》的一杯絕對令我感滿意。簡單形容，就是夠晒濃香滑，飲得開心。食物好，份量足。吃飽後的確令我覺得，我是一個 "快樂的好兒童 "。非常之開心。

"春田冰室红磡鹤园街8号地下G06号舖秘製沙嗲牛肉雙燶邊蘭王蛋飯 即叫即炸椒鹽豬扒飯  係茶餐廳居然都食到有鑊氣既炒飯底！呢到所有飯都是炒飯底，濃濃既蛋香配上自家制菜脯，會唔會太惹味🥺椒鹽豬扒熱辣辣，感受得到真係即炸！蒜頭香葱好香口，肉質嫩滑，無需考慮牙口問題！沙嗲牛肉充滿濃厚花生味！牛肉好厚片，而且分量十足！一開始擔心會不會似早餐沙爹牛肉既分量，結果完全超乎預期。最主要係兩顆流心蘭王蛋太吸引…同炒飯牛肉再混合埋，一啖食落去，超正🥳有無人都好鍾意督穿流心蛋個下，治愈

豬扒包豬扒果然係招牌之一👍🏻醃製得好入味，隱約仲食到香茅香料嘅味道🧄🧅而且口感鬆化鮮嫩，即便係攤凍左都吾乾韌👍🏻另外夾層都抹上少量牛油同沙律醬增香增味🍞不過餐點放上枱面嘅時候，同我想像用香脆麵包整成嘅「豬扒包」確實好有出入，望住两片軟綿綿嘅白方包夾住塊豬扒係有點點O嘴🥲如果稍微烘一烘底，成件事應該會好好多😂

凍奶茶，好懷念的味道！來一杯好滿足！我不喜歡吃蘿蔔糕，但這裡的蘿蔔糕還沒入口就聞到陣陣蘿蔔香，入口後又傳來蝦米的香氣，嫩嫩的好好吃😋乾炒牛河很香，味道不會太鹹，牛肉也嫩，還不錯！牛肉腸粉，腸粉很Q，豉油有香港道地的香氣，推！蝦餃，蝦子新鮮，不過皮可以再Q點會更好吃！到現在還在飽～～～嗝🫢

位於紅磡嘅春田冰室，喺何文田地鐵站行過去，10分鐘之內嘅路程，尚算方便。冰室來講呢度嘅裝修都算別字，幾大幾寬敞，同埋因為採用落地玻璃，所以成間鋪嘅感覺都好光猛，服務員嘅service都唔錯。叫咗一款特別啲嘅嘢食，就係蟲草花椰子雞米線，呢個湯底真係好好味，係椰子雞湯，味道10分濃郁。除咗蟲草花，仲有黑木耳。雞嘅份量都幾多，亦都好嫩滑。另外一款就邪惡少少，叫咗鮮茄吉列豬扒飯。即叫即整，不過等嘅時間唔算長。超級大份，豬扒勁大塊。炸得幾酥脆，啖啖肉，正。芝士亦都係落足了。最後食個甜品，粒粒華田脆脆雪山西多士，聽講係呢度嘅招牌之一。切到四方形，細細件，方便進食。而且味道都唔錯。呢度都有啲特色飲品，例如奶茶紅豆冰或者鴛鴦紅豆冰，不過今次太飽，未試到，下次再嚟過。