時代冰室 (環球工商大廈) (已結業)

第一次試依度的常餐，同事推介話好食🤪 我同同事分別柯打瑞士汁雞全翼撈麵及厚切豬扒通粉，牛角包配一份火腿奄列一份炒滑蛋，我同同事各一半試吓味雖然牛角包的賣相唔靚，但咬開有香濃牛油味，炒滑蛋同火腿奄列同樣出色，生熟程度剛好！個撈麵足足有兩個，淋上熟油加上香蔥蒜粒同蝦米，香口彈牙！仲有兩隻雞全翼，瑞士汁好入味，但肉質較鞋口，滷水蛋不夠入味，份量驚人！個厚豬扒通粉都同樣好大份，同事都稱讚煎得香口味美，係高質的常餐！

終於食勻九龍灣工業區金黃三角呢三間茶記啦🤗！我覺得光榮水準最高（佢哋個蔥油雞扒堅好食），其次係時代，大渣哥呢，就最適合朝聖同打卡。曾經見過某飲食 KOL 撰文話時代冰室嘅沙嗲牛麵水準不俗，所以專程叫咗個常餐，揀咗招牌沙嗲牛麵，3.6 牛乳炒蛋配牛角包（當日牛角包賣哂轉咗多士）同即磨咖啡。沙嗲牛麵牛肉煮得夠腍夠入味，沙嗲醬味濃但偏鹹，雖然唔見傳聞中嘅花生碎，但係面頭嘅炸蒜片都好惹味，整體嚟講算唔錯；牛乳炒蛋反而有驚喜，唔止炒得嫩滑，仲有蛋汁流出，好味；即磨咖啡則較為失望：奶精味太重，咖啡味不足。最近疫情肆虐，冰室專登安排咗個著住白袍嘅妹妹做衛生大使幫食客量體溫，好認真，值得加分👍。

九龍灣不嬲都唔算係美食集中地，不過自從有幾間話題黃店進駐之後，每逢放飯時間人龍一定係不絕！時代冰室嘅裝修用上了懷舊嘅感覺，到處都見到有唔少陳年電影嘅海報同埋燈牌等等。一打開餐牌其實都有啲驚喜㗎！完全唔似一般嘅茶餐廳，入邊嘅種類選擇非常之多，而且菜式比較貼近時下香港人嘅口味整體來講我覺得佢嘅味道好特別，就算係一個你覺得好普通嘅碟頭飯，但係佢嘅配搭同埋醬汁都係出邊茶餐廳食唔到嘅😂最後提提大家，全部份量都很大碟，就算係男士們食完都非常之頂肚，同區黃店又有多一個選擇！—————————— 食物質素：8.5/10 環境衛生：8/10 舒適度：8/10 服務：8/10 性價比：8.510 總評分：8.210 ——————————#foodblogger #foodlover #foodie #hkfoodie #相機食先 #九龍灣

有燈神之稱嘅蕭若元開嘅「時代冰室」，格局都新潮唔老土，當眼處掛上「無論時代點變 味道依然不變」嘅白燈管招牌。前排炮台山藍店紅磡冰室執笠然後被蕭生頂手開黃店💛香港暫時有四間分店，如果去九龍灣大渣哥太多人就不妨過對面馬路食時代啦；炮台山分店就係之前介紹過黃到金茶飲店「茶一」馬路對面。💛黃店認證：老闆係蕭若元，網上談論及表態支持返送中，支持流亡台灣手足。.👓蔥油厚切豬扒伴三眼煎蛋飯 $58面頭好多蔥油，配上豉油撈白飯一流，鍾意食蔥同埋濃味嘅人啱晒。豬扒都大塊同厚，炸得唔燶有脆邊可口。三隻蛋黃望落好漏好邪惡，但督穿晒蛋液撈飯食就會不自覺食晒🤣而且嗰三隻蛋真係冇想像中咁多咁漏架！整體其實唔算好出色不過算係依間冰室稍為好少少嘅主食🤧評分：7/10👓醬燒豬扒鐵板炒烏冬 $58豬扒都好大份不過煎到又煤又乾又硬又冇乜味，烏冬就真係純粹好普通嘅烏冬，加唔太濃味嘅醬油炒，有洋蔥粟米木魚。評分：5.5/10👓功夫．無骨海南雞飯 $59雞份量正常，食晒都唔會太飽，但攞上黎個陣已經凍凍地，肉質唔算滑嫩，個飯好香雞油味但都係凍嘅所以扣好多分。雞唔算好入味惹味，口水雞可能會好食啲。評分：6/10👓皇牌．厚切焗豬扒飯

上次食過馬鞍山時代冰室，試了鐵板飯等，水準相當唔錯，今次去九龍灣呢間，目標瞄準晚市蒸餸。總共點佐3款餸：蟲草花雲耳蒸滑雞、家和三色蒸水蛋、豉汁蒸倉魚。金針雲耳蒸滑雞好常見，用蟲草花就第一次見，雖然其實蟲草花冇乜味，但口感幾好。雞肉夠滑，個汁夠味，用黎送白飯相當好！家和三色蒸水蛋，唔明家和係點解？其實都係雞蛋、鹹蛋同皮蛋，材料好足，唔會只得幾粒，望落好夠料！水蛋質感唔會好腍，唔會一夾就散，但係蒸得夠滑，基本上嗌一碟水蛋，都可以食到兩碗飯！諗住好耐先叫呢味豉汁蒸倉魚，因為在茶餐廳食蒸魚，成日食到陣腥味！有時塊魚解凍時間唔夠，塊魚有D地方腍，有D地方硬身D，完全唔好食！今次決定叫黎試試，估唔到好好食！魚肉算滑，冇乜腥味，加上大量豆豉，味道好夠，一定要試！冇諗過在冰室食蒸餸，可以全部都咁滿意！每味餸都有例湯送，個例湯都好好飲，感覺就算在冰室食晚飯，都可以好健康！

今日近近地去左九龍灣工業區食午飯，呢間時代冰室只係响德福花園隔離，由地鐵站行過去一啲都唔遠，十分鐘左右就到，而斜對面就係大渣哥，黃色經濟圈就去幫襯一下。可能我哋比較早到，12:15pm只係等左一陣間就入得去。入去前都有專人幫手量體溫，又有搓手液，待應仲會噴消毒噴霧响枱面清潔👍🏻我同朋友分別叫左一個海南雞飯，同一個韓式泡菜粉絲鍋飯。先講海南雞，呢個比較好食，啲雞件好滑，有齊3個醬(豉油、薑蓉、甜酸汁)俾你點，而且個油飯超香又大碗，真係正而且好標準😌個白菜一啲都無臭青菜味，加分！反而另外個韓式泡菜粉絲鍋就一般了，個湯夠辣但啲肉粒比較少、小，味道都幾令人開胃嘅。唔講唔知，原來叫外賣係會送口罩，或者2:30pm後去堂食都有得送💪🏻

時代冰室係肅生開梗係要一試，一日去翻譯措施做得十分之嚴謹，量體溫+消毒搓手液，然後佢哋每一張枱都會先噴過消毒酒精先俾大家坐。叫咗呢個蔥油厚切豬扒+3隻蛋，雖然普通，但係豬扒烹調都好講究，如果住得住得太耐就會好韌好難食，但係佢個烹調時間剛剛好 有肉汁的！

一入門就先要探熱，搽返D消毒搓手液，就可以入去餐廳點餐啦!時代冰室呢個名聽起黎古老，入到餐廳可以睇到好多80,90年代既電影POSTER，全部都係老板蕭若元做編劇既POSTER，完全體現時代既轉變。睇返餐牌，堅。防疫套餐都只係$68，除左黃咖喱飯、仲有飯有湯有菜蜜有離子液送，好抵食，但因為果日有少少喉嚨痛，所以冇揀到呢個套餐。下次再試!最後揀左個雜扒餐，食材份量超級多，豬扒同雞扒都好厚，自問大食既都有到好飽，再加埋杯西洋菜蜜，好滿足

男朋友極力介紹黎時代冰室，話一齊力撐支持黃店💛我叫左個特餐-瑞士雞全翼撈麵配3.6牛乳炒蛋+牛角包🥐最鐘意係佢個撈麵，食落有啲似營多撈麵，好大陣香蒜味，份量又好多😆😆但係最令我失望嘅就係呢個炒蛋，其實我唔係幾覺得佢有奶味，而且食落有啲鞋颯颯，一啲都唔香滑，可能係炒得太耐啦☹️但係佢嘅防疫措施真係做得好好，進入餐廳前，員工先會幫客人量度體溫，又有消毒搓手液，而每張枱都會有一塊屏風格住，令我食得安心又放心！

中午1:30去到，唔使等位就可以直入。餐廳有搓手液提供，亦會幫客人量體溫。環境整潔，姐姐服務殷勤、態度友善。叫咗個朋友推介嘅「蔥油厚切豬扒伴三眼煎蛋飯」同埋加咗13蚊要咗杯水果茶（叫咗少飯又扣返一蚊）。上菜速度快，食物賣相吸引。佢個汁真係不得了，好香好甜好惹味😋，豬扒鬆軟啖啖肉，撈埋個蛋汁就更加正！水果茶有花茶店咁嘅質素，加13蚊確係抵飲嘅...朋友叫咗個花膠滑雞虫草花泡飯，朋友表示味道都好好。後來發現原來2點後入座可減五蚊，下次一定要晏啲先去試埋佢個口水雞先得😉

時代冰室💜今日去九龍灣食午餐🥰發現呢間餐廳又平又抵食😍環境仲好衛生😳枱同枱之間仲有膠片間隔住😳而且選擇多元化，中式/西式etc，有d花多眼亂嘅感覺🙂最有中醫推薦的抗疾套餐蔥油厚切豬扒 配三眼煎蛋飯豬扒好大件好多，份量多，蔥油香，鼓油多，偏咸😳All Day Breakfast$49蚊就有，性價比極高🥳🥳份量比一般cafe多，一個女仔食唔哂，可能要share魚柳唔唔腥，蛋好滑，司華力腸比較咸🙈

話說之前想去食大渣哥 但太太太多人啦所以就過左對面都係黃嘅時代冰室冰室唔再比人搭枱 每次有人食完啲staff都好快手用1:99消毒藥水抺枱Peak hr串有衛生大使同人探熱.圖中👇🏻👇🏻👇🏻沙嗲牛肉麵 配火腿奄列&牛角包（$48）作為一個常餐佢都少貴 牛角包成本較高🥐都可以理解嘅奄列唔算好大份 面同邊位都唔老 入面更加係嫩滑火腿份量適中 唔太油 但鹹左少少🤏牛角包都圓圓細細外型有啲似餐包食落又唔錯喎 牛油香好重 中間又鬆軟如果外皮再脆啲就更好啦主角沙嗲牛肉麵嘅沙嗲好噥味 有啲似自家出品嘅沙嗲醬可惜沙嗲醬偏少 唔夠撈曬成個麵牛肉唔韌亦好索味 如圖份量都算多仲灑左啲花生粒增加口感 令個麵加分不少麵底就普通公仔麵 冇咩特別整體樣樣都唔差 服務態度亦ok不過份量真係多 配尼個價錢唔太抵🤔

叫了特餐，是蕃茹雜菜滑雞通粉，配炒蛋及牛角麵包，飲品是特飲的黑糖薑茶，滑雞像是平日燒味的白切雞，份量十分豐富，價錢十分公道。每張桌子都可以拉開抽屜取餐具及調料，十分方便

九龍灣工業區原來都幾多黃店💛 大渣哥斜對面就有呢間開業左幾個月既時代冰室 因疫情關係 唔會安排搭檯 但lunch time人流出入都算快 好快就有得入座---------------------------招牌·秘製咖喱牛腩飯 $56 （包熱飲）咖哩偏酸同偏辣 覺得有少少似印度式咖喱 送飯一流🤤牛腩有好多舊 瘦肉既部分較多 但又好淋 不過如果多啲薯仔就好啦😛

咖喱牛腩相當好味，肉質嫩汁鮮味，有啲辣我食得到，香料偏向似印度咖喱而香料味唔算太重；西洋菜炒牛肉，牛肉片食得到但唔算好嫩滑；金銀蛋娃娃菜中規中矩，咸蛋偏硬身我偏好軟身咸蛋；飯好多，記得嗌少飯。