時代冰室 (頌安商場)

营业中

休息中

一向無期望，今次仲失望茶記唔要求服務好，野食食到就算，但無諗過賣相都可以咁貨不對辨碟飯一黎到，我忍唔住口講左句“3隻眼發生咩事”，侍應聽到望住我，但無諗過回應我就走開，唔好意思都無講句(當時係星期日，中午12點，唔滿座)

老實講，本來頌安商場已經冇咩好嘢食以前間時代冰室啲水準都OK而家越做越西直頭係垃圾唔知係咪換咗老細，今次嗌咗個唔知咩腩肉烏冬大佬，完全係冇味，好似白灼咁樣真係自己屋企整，落啲胡麻將都好食過佢好Hea囉唔會有下一次囉

早幾日星期六下晝係頌安睇醫生，睇完醫生三點零，有啲啲肚餓，搭lift落二樓睇下有咩好食，最終決定入時代冰室嘆個tea先本來係想叫鮮牛配刀削麵，點知侍應話無唒刀削麵啦，所以叫左通粉，唔知點解好有早餐嘅感覺啊，34包埋杯熱飲，叫左熱好立克味道正常，通粉份量頗多喎，最過癮係佢有少少炸過嘅洋蔥油放係中間令到味道無咁單調，又真係有啲畫龍點睛嘅效果，飲品正正常常不過希望餐廳可以改善下衛生情況，個枱面有啲油膩感，令人一坐低就有啲卻步

星期六中午12：30前埋單可以減$5此冰室晚餐款式多, 有機會再試試晚餐， 又有雞煲， 又有煲仔飯。 午餐1＞鐵板西冷牛排配薯菜【7成熟】凍奶茶鐵板唔熱， 淋黑椒汁都唔會勁多煙牛排雖然厚及大塊， 但乸得好淋， 沒有牛排肉味， 有些失望。 粗薯條唔脆， 有d韌2＞ 麻辣口水雞飯麻辣夠但唔香， 雞滑， 👍 👌 飯有薑蓉? 有d味但又唔夠多， 唔夠香， 飯又唔熱。配凍咖啡， 咖啡ok, 唔會難飲。午餐感覺普通， 真的像快餐， 食完就走， 完全冇feel, 填飽肚那種吧。可以改善食物質素， 會更高分。個人評分。 ＞6.5分

令人落淚的說話不提了，總之，這一個大時代，應該是屬於我們香港人的。亦因為這樣，要多去一些以支持香港人為主題的餐廳去光顧。在未禁晚上堂食時的一個晚上，剛巧下班後有一個小小的一人時間。於是，就近地決定去頌安邨，試一試支持香港人的茶餐廳《時代冰室》。來到頌安邭的《時代冰室》，發現店子夠大，座位夠舒服。令我覺得，這兒是一個可以讓係慢慢去嘆的一間荐餐廳。此外，餐牌的選擇非常之豐富，晚市時間來到，絕對可以迎合不同口味的人士。我看中的，是溫暖得非常的鐵板牛扒餐。更令人開心的，出來的鐵板牛扒餐夠晒大份，而且用的是手切薯條而不是雪藏的 fries，能在茶餐廳食到有原整感覺的薯條，非常之開心。牛肉的味道濃香，而在口感上，我吃得出這是沒有用過鬆肉粉的，有牛扒應有的結實口感。雖然加了汁，但我可以說，不加汁也一樣好味道。當日的飲品是熱奶茶。茶味是夠香的，但似乎店員落的奶不夠多，令這一杯奶茶失色了少少。這一次淺嚐，給我的印象是好的。價錢大眾化，食物有水準，座位也舒服，是值得大大力去支持的好餐廳。

西多士炸得太乾，唔知去边度入貨，D雞翼好似乳鴿翼咁細隻，又係炸到好乾，硬柴柴！最差係蛋白杏仁茶，跟餐要另加8元，甜到蜜蜂都會飛埋嚟，唯有祇撈起蛋白食完算數！同侍應講好很甜，她祇是淡然囘應一聲！

馬鞍山頌安開左時代冰室， 終於今早去試試。9：45am在apps 排隊取飛， 由新港城行去8分鐘路程， 去到門口見仲要等4張枱， 但很快7分鐘左右10點便可入卡位座。 但最唔好是卡位左右沒有架板， 只有小紅綠藍間格， 又透氣， 右邊食客沒有帶口罩期間打了3個噴嚏， 沒有高膠板， 只有前後有膠板隔板， 左右沒有， 唔好彩， 坐在他們隔離， 嚇得心離一離。 最慘佢唔遮咀， 又唔用紙巾😵卡位中間沒膠板的。點了2個早餐1） 炸魚柳， 有沙律， 半片多士， 炒蛋， 腸仔， 薯餅， 配千島醬。凍奶茶+$3再加配細肉燥通粉$6😃炸魚ok, 唔會腥及沒有雪藏味， 魚肉不會梅， 質感好。 😃炒蛋滑，😏 腸仔， 薯餅一般。男士唔夠飽， 加配細肉燥通粉， 味道都ok.本人意見。 此炸魚早餐有7・5分2）厚切豬排，有沙律， 半片多士， 炒蛋， 腸仔， 薯餅。凍咖啡（凍飲+$3）人地話豬排好大塊， 滿心期待成塊面咁大，。但來到只是普通size, 又說即炸，。實物只是煎（不是炸）， 不是太厚及大塊。本人意見。😑一個女士食， 份量非常足夠， 不過豬排質感偏硬， 不太林及入味， 普通豬排一塊囉。本人意見。 此炸豬

70８00年代風格的茶餐廳自前年開始不斷地開張, 這次在頌安商場內又發現到一間風格相似的茶餐廳。中午餐牌內套餐價錢約$45~$65左右, 在屋邨下價錢不算便宜。這次選了厚切炸豬排午餐。 下單後麵食和炒蛋多士很快送上, 惟炸豬排的製作時間比較久, 店員有也特意前來通知食物進度。烘烤多士不用額外加錢, 炒蛋不算油膩, 而從麵食的湯底可知是黑蒜味的即食麵。前兩碟也只不過是很普通的茶餐廳式早餐, 而過了約20分鐘後, 主角出現了。厚厚的炸豬排上枱時被炸至焦乾的表面所吸引, 遠處也能嗅到炸香的味道。把豬排切半時, 肉汁也慢慢地滲出來, 入口酥脆, 有別於外間被炸至乾巴巴的口感。份量雖然大, 但也要花點時間吃掉, 一直吃到中途時熱烘烘的豬排也漸漸地放涼了, 而且吃太多有點膩的感覺, 也是最好兩個朋友一起分享比較好。我有到過不少懷舊風作招徠的食店, 他們的共通點是欠缺"懷舊"的價錢, 卻有各有不同方式去表演此風格。午餐除了厚厚的炸豬排比較亮眼外, 其他都有點悶納, 也許在常餐的項目內搞些變化會更吸引。

今次就叫咗佢哋嘅蔥油厚切豬扒伴三眼煎蛋飯😋塊豬扒好大塊🥩成個手掌咁大 $60午市有野飲 所以真係幾抵塊豬扒好好味 而且佢好諗🤤好容易硬開 唔太散 好鬆軟肉味雖然唔算濃 但午餐嚟講好抵食個汁又唔會太鹹💦個汁用黎撈飯弓流三個蛋都係好食吖🍳煎得好香脆 配埋佢個汁都好好食而且佢嘅飯唔少🍚男仔自己食完 之後都好飽🙈但女仔就食唔哂啦頌安呢個商場唔算多野食但呢間算係做得唔錯 勝價比幾高回頭率💫： 🌕🌕🌕🌕🌗💰$60

夜晚唔知食咩好經過時代冰室就決定幫襯下蕭生啦，餐廳都幾滿座，好彩我哋都係等咗幾分鐘就可以入去坐低。.以呢個價錢嘅餐廳來講呢個裝修都算幾特別鐵板西冷，超大塊同埋厚肉，肉質唔錯。而伴碟嘅薯角，睇得出唔係一批批買返嚟切好晒嘅，因為size舊舊都大細唔一樣，應該係人手直接切個薯仔。呢個手工麵，我幾欣賞佢個麵底，唔唔會好薄薄到好似河粉咁，係偏厚所以幾有口感。最欣賞呢個餐係配生菜，啱晒我哋呢啲一日都食唔到幾條菜嘅人。整體來講呢個價錢都食到幾好味嘅嘢，真心抵。

個肚有少少肚餓🤤，所以走咗去食下午茶😋。去咗時代冰室嘆翻個港式Tea😆！-王牌生炸雞髀🐓($26) - 雞脾都幾大隻🤩，炸衣唔會好厚，又唔會話好燶🔥，炸到金黃色💛，正👍🏻！唔知大家食炸雞脾嘅時候，會唔會好似我咁，鍾意點茄汁！真係好好味！-胡麻沙律🥗(+$5) - 醬汁好夠，甚至太多😂。唔會只有生菜🥬，加加埋埋有成四、五款蔬菜，例如紫椰菜、粟米同車厘茄，啱晒可以補充纖維，和唔同嘅營養💪🏻！-凍檸檬茶🥤(+$3) - 唔記得叫少糖，但都唔會話好甜。而且好大杯，3蚊好抵飲！

話說早幾日要去馬鞍山接個job黎到頌安商場人生路不熟是但行入間茶記諗住快手食個飯 入到去都有幾多選擇但意外地見到竟然有蛋包飯就嗌嚟試吓 首先送來嘅係餐湯不過個人一向唔鍾意太飲湯直接叫佢收走 之後都要等少少時間送到黎賣相唔錯因為太肚餓無影蛋包住嗰啲飯佢啲飯唔係白飯有事先調過味非常有誠意 仲有沙律菜咁樣望落去營養都幾均衡👍🏻 你問係唔係酒店級嘅水準當然一定唔係啦不過50幾蚊有湯有嘢飲又煮得唔錯已經係完全意料之外可以encore

對我來講，港式茶餐廳或者冰室要做得好，講緊要好食已經唔易，仲要啲嘢食做得精緻真係超級難得。Thatswhy我一直都好欣賞時代冰室，性價比相當高，無論賣相擺盤，定係煮食方法都落足心思，絕對冇頹貨，大力推薦👍🏻👍🏻餐牌款式繁多，去咗好多次都仍然有好多嘢想試。講真價錢好合理，你預咗比咗嗰個價，一定食得番同等或更高價值嘅食物。平時求其搵間茶記，有時去到$40up嘅茶餐，都只係得垃圾食😅呢度早餐下午茶三十幾搞掂，午餐正價先去番出面價位。一個字講曬，食物質素好抵讚🥰🥰

其實之前都聽過呢間野好多次，但係一直都未有時間去，所以趁今日放假就同男朋友去呢一間蕭生嘅茶餐廳試吓。晏晝兩點幾去到都唔算好多人，一去到就有位入座。餐牌都算好多嘢間，有日式嘅港式嘅或者意粉嗰啲都有，都算多元化㗎啦。男朋友揀咗呢個海南雞飯，雞肉嘅份量的確比較少，但係下午茶來講都算係咁，不過下次應該唔會再食呢個海南雞飯啦，男人食完都唔夠飽。我就揀咗呢個蛋包飯，漢堡扒份量的確較細，啲汁亦都唔夠多，大個炒蛋上手都幾好，唔算太乾身。由於男朋友唔夠飽嘅關係佢叫多一份下午茶頂肚，但係呢個口多士實在超級普通，彷彿係一片非常普通嘅方包夾住一夠炒蛋，我本身食慣清淡但都覺得呢個多士太過清淡啦。總結來講第日如果有機會都仍然會食呢間野嘅，因為頌安商場好食嘅嘢真係唔算多，而佢又輸好多嘢揀，同埋坐得好舒服。不得不讚餐廳裏面有個20幾歲嘅哥哥仔侍應，非常有禮貌，又細心，所以就算啲嘢唔好食都會記得有一個好有禮貌嘅侍應。

最近想食得清淡啲，所以今日經嚟到沙田做嘢，就去咗呢間餐廳度食沙律餐。煙三文魚沙律 配 熱檸茶份量都幾多，不過就唔係羅馬生菜，係普通生菜。 味道ok啦，啲生菜淋淋哋囉，一般新鮮啦。