時新漢堡飽 (已結業)

時新係好多人嘅回憶 新舖我係第一次嚟食 無咗以前舊舖嗰種港式情懷 就硬係爭咁啲 係啊 我個人係好講情懷🤗我都算幫襯過唔少港式快餐店 最多一定係良友 堅掛住 係咪好好食? NO! 只係一種情意結 呢個結喺邊度嚟 我唔知 我只係知呢類舖頭越嚟越少 或者漸漸轉型玩新潮玩裝修 改咗之後 一切都會不同了 所以有得食嘅時候 我呢個外型散發住嚴重死港女氣息 體內流住麻甩佬嘅血嘅人 奉勸大家:唔好等啦

尋找本地漢堡包🍔的味道新店在黃埔旺區的邊邊，在小巴站的後方街舖來到新店，食物品種選擇多了，有粉面飯套餐供應店內座位較逼，無乜空間感！早餐時間，人不多，有三成客人入座。先落單，自己找座位，等叫號碼取野食。兩個人點了一個套餐加一個單點漢堡包🍔套餐有一個漢堡包，羅宋湯和飲品漢堡味道和肉質好味！面包不夠香脆，烘的時間長點，香口一點。 醬汁不過不失。整體漢堡包溫度一般，可以熱一點。羅宋湯，不帶辣味，ok!

時新漢堡包，我細細個就已經聽過佢嘅大名，不過因為紅磡距離屋企好遠，所以由細到大都未食過。今日咁岩喺附近上完堂行去黃埔，就等我哋試吓港式漢堡包係咩滋味啦！入咗餐廳坐低之後，我哋叫咗兩個單層芝士蛋漢堡包，鮮炸洋蔥圈，滷水雞髀同滷水雞全翼。唔使十分鐘就出晒所有食物，呢度係自助形式嘅，自己攞食物同餐具，十分方便！餐廳電視機播住韓國電視台講反送中嘅新聞。漢堡包大大個熱辣辣，漢堡扒非常多肉汁仲要一啲都唔鞋口，相信落咗唔少肥肉去煎，加埋芝士同煎蛋成個口感豐富晒，不過食得漢堡包就唔好理啲卡路里喇，係咪？洋蔥圈係新鮮炸但一啲都唔油膩，香甜可口，點啲沙律醬一齊食可以減低熱氣嘅感覺。而滷水雞髀同滷水雞全翼就滷得好入味。時新漢堡包果然係香港人嘅漢堡包，下次再嚟黃埔呢區，一定要再食過！

其實呢間野都真係間唔時就聽到，講到好似好好食咁，今次就去試下。我覺得係唔錯既，睇落其貌不揚咁。首先，個漢堡夠曬厚，肉汁多，食落調味剛剛好。而且佢啲調味醬又幾特別，唔係平時M記之類既味道。而且最基本，佢個面包係處理過既所以總括嚟講，我都俾8分佢。差少少既就係佢包裝紙太薄，又唔夠大，偏偏佢個包啲汁好多，所以會搞到成手都係，如果有啲手套，濕紙巾就好了。

呢間漢堡包果塊肉係人手打，完全自家製，啱晒我口味，每三幾多月就要嚟幫襯一次今次我哋叫咗兩個雙層漢堡加芝士同蛋另外再加多個豉油雞髀同薯條等咗10分鐘就嗌我個number出去攞嘢食漢堡包個漢堡超級juicy，又夠大塊，好似大塊過以前個時新醬汁甜甜地酸酸地，同塊漢堡扒好夾薯條炸得剛剛好，唔會有燶嘅感覺，亦唔會油淋淋至於個豉油雞髀今次係第一次叫。個雞髀肉有少少老，性價比不是太高整體黎講，佢嘅招牌漢堡同薯條咁多年都無失準，報告完畢！

紅磡名物「時新漢堡包」自從搬左入黃埔都未試過, 今日終於抽到空去緬懷一番。平日晚6時多來到, 餐廳入座率都不錯, 而且有不少客人幫襯, 大家果然識貨！ 搬左入黃埔的時新, 店舖不算太大，半開放式廚房已佔去大部份地方，所以師傅整漢堡時就能一目了然。 店舖裝修簡約，光猛整潔，靠窗有卡位, 其實枱椅排得貼貼地，但勝在樓底算高，加上落地玻璃, 拉番大個空間感。 - 香港Style 快餐廳所賣的食物貴精不貴多，全部都係大家兒時回憶, 手打漢堡包仍然不變, 當然要黎番個雙層漢堡芝士蛋包先! 雙層漢堡芝士蛋包 包有先烘烤過, 而漢堡係用人手剁肉, 加上自家配方整成, 漢堡、芝士同煎蛋係鴛鴦梅花間竹地排起, 漢堡唔算好厚, 但漢堡裡面的牛肉肉質香軟嫩滑, 最重要係牛肉脂肪係口腔內蕩漾, 加上秘制沙律汁, 同出面的連鎖漢堡包係無得比! 當然除左漢堡包, 仲有好多香港style 的晚餐， - 煎鴛鴦扒飯/意粉餐, 配咖啡或茶及羅宋湯 羅宋湯（套餐） 細細碗，味道飲落比較單薄，但感覺無味精, 係香港style 的羅宋湯, 味道不過不失! - 煎鴛鴦扒選了牛扒和豬扒配茄汁 豬扒

下午茶時段，路過紅磡，終於試到傳說中既港式快餐店始祖******************************聽講依度既炸雞髀🍗好出名～就叫左雞髀加薯條下午茶餐試試$39炸雞髀係本身由滷水脾再炸，佢炸到恰到好處！而店主👨🏻‍🍳係雞髀度落左手腳，加左少少玫瑰露辟走雞髀腥味，亦係骨間界多刀等雞髀炸得平均～佢依份細心令一隻平平凡凡既炸雞髀變得不一樣而佢既漢堡包🍔，皮鬆軟，味道調較剛好，重點係佢隻流心蛋！堅係流哂出黎咖！雙層包加薯條飲品都係$49炸！下次真係想試試佢既復仇者套餐先得😋******************************P.S. 小店人情味好濃，老闆娘執野時又可以嗲兩句～ 黃色小店，多了份人情，🤗零舍好味～

今晚去找朋友，經過隻船就見到原來都好多食店，呢間特別係舊式枱櫈，吸引左我幫襯。 二人套餐 有湯、包、小食、飲品同甜品 羅宋湯茄味濃，有少少辣漢堡芝士包內牛肉味好濃，咬落夠滑身，有肉味，無太多雜肉，肉汁仲好多，成口油香，加上半溶芝士，夠邪惡 漢堡蛋包既牛肉一樣鮮嫩，肉味濃又多肉汁。 波浪形薯條真係好正，好香脆，雞粒入味又惹味 炸雞翼炸得唔乾，皮脆肉嫩 餐飲加埋甜品有一口啫喱/甜筒選擇，好飽呀即點即造好有細個去茶餐廳既感覺

這間懷舊老店位於黃埔巴士總站對出的位置，與其他時尚的店其實有點格格不入，但正因為它的不同，特別映入眼簾。店舖內空間不算寛敝，不過都算舒服，平日夜晚光顧都不怕找不到位。餐牌上當然有各類的漢堡飽，可揀牛肉或豬肉，但也有飯食，但都是扒類飯。其他食物有炸雞脾、炸薯條、脆雞粒、炸洋蔥圈等等。喜歡重拾昔日情懷的你，這兒是個不錯的選擇。

今晚陪朋友看傢私，經過見到大個紅色招牌，寫著新鮮牛肉好吸引兒童套餐 $42漢堡包牛肉新鮮鮮嫩，肉味濃，肉汁豐富，漢堡包鬆軟輕盈炸薯條 波浪形薯條炸得非常香脆還有Q版維他奶、一口啫喱雞全翼外層香脆，肉質細嫩，雞翼相信無人抗拒雞脾炸得外皮非常香脆，肉多又香軟，啖啖肉好滋味鮮炸洋蔥圈 $28洋蔥圈外層香脆，內裡洋蔥香甜，點沙津醬更美味。羅宋湯茄味濃足料，少少辣裝潢是舊式茶餐廳，自貼自取夠方便，即點即造不錯👍🏻

來到黃埔找朋友一聚，她特地帶我去尋找回憶的漢堡，店舖已經是現代感了，剛巧是下午茶時間我們就叫了兩份下午茶餐，單層芝士漢堡配薯條加熱檸茶🍔、熱狗併黃金雞粒配熱檸茶🌭我最喜歡佢嘅薯條，因為是以前粗的薯條好有懷舊feel , 確實佢嘅漢堡又幾好味☺️

門外排滿哂人等拎外賣，店內又爆哂棚，好彩搵到角落頭有個位。先點野食，後等叫號拎野食，前面仲有成17個號碼，好彩出菜快。【雙層漢堡芝士蛋包】$35麵包吾無話好鬆軟，但係烤焗過就幾香脆，而且出色既漢堡扒cover哂，吾係加工扒，有肉味又juicy，仲有粒粒肉碎既口感。【炸雞脾】$27炸到表面勁脆，內裡肉汁鎖緊，啖啖肉。【吉烈魚餅】$25 可配蕃茄/沙律醬都係一個吾錯既小食，外層炸得好乾身，夠哂香脆。【漢堡蛋米線配咖哩汁】$4319:30黎到咖喱牛腩都已經賣哂，下次早d黎試。湯底吾算話好濃，咖哩汁係好正，拎黎撈一定勁好味，但米線就軟左d。

雖然店舖不算大間，但坐得都算舒服，平日時間來同朋友傾住閒計食都無有怕。食嘅明明係美式嘢，但又唔係正宗來佬嘢，不過正正係唔係完全嘅來佬野，果然餐廳都幾懷舊，餐牌好舊時港式feel。吃的就是回憶和人情的味道吧。烘香過的嘉頓芝麻包疊上手打牛肉漢堡扒，蛋，芝士再配上特調醬汁。手打漢堡扒相較連鎖快餐店常見的漢堡扒更為厚實， 有口感，肉質鮮嫩，咬落都有肉汁，入面好juicy加埋蛋滿分！至於個單層都好足料！唔係太肚餓單層都好夠！炸雞脾，夠曬風味，雞脾都夠大隻！而且唔會炸到好乾。炸魚餅呢個好食，炸得好，一啲都唔油膩。

時新漢堡飽|#紅磡🍔港式漢堡包 古祖味 好好味 大人細路都岩食🍟星期日一早暵返個靚早餐，時新手打豬肉漢堡先夠果腓。一看餐牌已經好懷舊1⃣雙層豬柳芝士包港式風味的秘制醬汁 加上兩層新鮮煎豬柳 啖啖肉 而且肉汁多 食落唔乾身 非常鬆軟 正👍🏼2⃣黃金脆雞粒配咖哩汁即炸的雞粒 相當脆身 絕不油膩 雞粒有先調味 再沾上咖哩汁 少少辣 更為開胃 💕3⃣凍檸蜜食完炸野 叫杯檸蜜滋潤下喉嚨 蜜糖多 加上檸檬 有啖啖的檸味 去油解膩的首選👍🏼

睇Toy Story 4之前食個快飯，一落小巴就見到時新快餐店。昔日舊店分家，大哥係蕪湖街開左SHKB1963，二哥就用原名係黃埔開左間。之前食過大哥果間，今次試下二哥呢間比拼下。呢度舖面較大，平日晚上到七點半都差唔多有八成滿，不過食快餐就係流轉快，唔駛等位。一行入黎收銀姐姐就俾個餐牌叫我坐低慢慢睇，又唔會催你落單。餐牌真係好多野揀，除左招牌既漢堡外，碟頭飯、粉麵都有好多餸選擇。唔想諗既話仲有套餐揀，不過我地想試推介既炸雞脾，所以就散叫左兩個雙層漢堡包、兩個小食同一杯特飲share。落單之後等大概十分鐘就叫號去櫃面自取，所有野食都係熱辣辣即叫即整，即刻加哂分。個漢堡望落去好似細細個，但食落去會發覺好有份量，雙層漢堡包有兩大塊肉，女仔食到一半都飽左一半。塊漢堡用新鮮牛肉配料整成，食落同二哥店既唔同。最好味既就係個時新醬，比平常既沙律醬稀d，但夾雜著好多果粒，係種清新感而唔係突兀既甜，好味過超市買到既水果沙律醬好多。 配料可以揀芝士、火腿同煎蛋，比舊店多左火腿揀，岩哂食肉獸。不過我都係鍾意芝士同煎蛋，食返原店風味，口感rich d炸雞脾真係不得了，外皮脆得黎係炸到好乾身，冇乜多餘既油流出黎