時新漢堡飽 (已結業)

早幾日同朋友喺黃埔睇戲，睇完就喺附近搵嘢食。不過發覺黃埔附近好多都係連鎖餐廳，所以我冇咩興趣，行行吓俾我發現呢間港式漢堡店，即刻拉朋友一齊入去試吓。我哋兩個都要左個雙層漢堡芝士蛋，另外加咗一隻滷水雞髀，紅豆冰同埋洋蔥圈配時新醬（即係秘製沙律醬！）等左冇幾耐啲嘢食就到啦，一攞咗個漢堡，就急不及待趁熱食，果然不出所料，好新鮮超級juicy!紅豆冰都幾大杯，而且啲冰夠大粒我鍾意，因為我好唔鍾意飲紅豆冰成日飲到啲冰。一睇d洋蔥圈咁金黃色，就知啲油好新鮮而且炸得啱啱好！份量都幾多。隻時新秘製沙律醬酸酸地好開胃！滷水雞髀好入味，唔只啲皮有味，係連啲肉都入晒味，我覺得水準幾高。香港已經好少呢啲傳統港式漢堡包店，我下次黎黃埔一定會再幫襯！

一家四口去黃埔玩完又係搵野食時間,時新港式漢堡包 入到去見坐滿人 等位等一陣就入得見佢寫D漢堡包既漢堡扒係用新鮮牛肉整加埋秘製醬汁, 緊係試下, 叫左個雙層漢堡包, 厚炸薯條, 炸雞髀 ,加多個通粉 全部都係即叫即整, 熱辣辣!! 個漢堡包有驚喜, 賣樣好普通 但裡面塊漢堡扒好好味,秘製醬 個囝都食唔停口，呢個係仔仔果個兒童餐包炸巨薯條熱辣辣 同夠脆, 點埋茄汁, 大人細路都鍾意食!老婆搶左我個炸雞脾，換左個滷水雞脾比我😂通粉諗住叫俾小朋友 但個湯都有D辣, 最後要自己食埋, 辣辣地幾開胃。

時新漢堡包是不少香港人的集體回憶，今日再次光顧，時新快餐店已經轉了新地址了。餐廳的招牌是紅黑間條，非常有舊香港的復古味道。餐廳裝潢簡樸，有出餐位，付款取食物自行找座位。這裡可以吃到港式漢堡包、炸薯條、雞髀等，還可以點二人餐、兒童餐和親子餐呢！⭐️鮮炸洋蔥圈$28洋蔥新鮮多汁爽脆，外層厚厚的麵衣非常鬆脆，忍不住一口接著一口吃，太邪惡！⭐️炸雞髀$27雞髀皮脆肉嫩，雞汁鎖在雞肉裡面，咬下去非常嫩滑呢！⭐️雙層漢堡包配芝士蛋$35來這裡必吃招牌漢堡包，最欣賞是裡面的漢堡，肉厚多汁，不乾柴，吃起來能吃到漢堡的質感，肉味夠突出。加上厚厚的蛋和時新特有的醬汁，非常滋味！⭐️忌廉磨菇雞粒煎蛋飯$43分量非常多！味道絕對不頹，雞肉很嫩，配上蔬菜粒有飽腹感！⭐️忌廉粟米蘑菇湯奉送蘑菇湯，配飯吃不錯。

窮遊香港-懷舊味道快餐店.今日去左食懷舊港式快餐店依家真係愈黎愈小黎得快餐 梗係 漢堡炸髀啦（餐牌睇圖）.呢日叫左⭐️芝士火腿雙層漢堡$35呢個包都幾出名 幾多人鐘意去食漢堡扒 夠厚夠鬆軟特別出名係佢個秘製時新醬其實係沙律醬 食到有d洋蔥粒 幾開胃.⭐️炸雞髀$27都幾大隻 外層脆 入面有肉汁好邪惡肥仔必食.仲有⭐️炸洋蔥圈$28呢個勁大份 一隻碟都裝唔晒 爆出黎炸粉唔厚 洋蔥本身甜甜地 加埋時新醬 好食～但洋蔥好吸油 比雞髀更邪惡既存在（一定要朋友一齊分）.#時新漢堡飽 (紅磡)地址：紅磡黃埔天地家居庭(第12期)地下G22-G23號舖.⭐️評分：味道：3.8/5環境：3.5/5服務：3.5/5抵食：3.5/5

以前係附近讀書既時候, 仲未搬鋪既時新就係我既飯堂, lunch time既最愛! 不過畢左業之後幾乎都無黎食過lu, 今日去開黃埔就特登黎食搵番回憶既味道~而家裝修靚左, 係人都認到哩個sharp醒既門面樣樣都想食於是就叫左二人套餐, 乜都有唔洗諗~ 有2個餐湯, 2隻雞全翼(可以揀炸or滷水), 炸薯條拼雞粒, 漢堡芝士包同埋漢堡蛋包各一個,  2杯餐飲同埋甜品~漢堡芝士包同漢堡蛋包依種面頭鋪滿芝麻既港式漢堡包, 真係令人好懷念呀~個包熱熱的, 雖然流量高但係鋪頭都唔會整定而係新鮮即做, 漢堡肉又唔柴皮,  仲有佢自家製既時新醬, 好好味而且落得一D都唔孤寒!! 我地仲揀埋依個醬黎點個脆雞粒食, 正呀絕對唔遜色於大型連鎖店, 如果唔係點樣係依度站住陣腳咁多年呢! 炸薯條食漢堡唔係唔配薯條呀麻? 傳統港式粗切波浪紋薯條, 薯味重之餘食到薯仔蓉口感, 係依種薯條先食得到炸雞全翼老老實實, 由以前到而家無論雞脾定雞翼我都未食過滷水, 每次都一定要食炸既! 依度新鮮即炸實在太香口~係我食完隻雞全翼之後見到隔離枱個小妹妹揸住大大隻炸雞脾食, 都有D想搶左佢隻雞脾既衝動最尾甜品我地揀左甜筒,

真係唔講唔知，原來時薪漢堡包已從紅磡的舊舖，搬到位於黃埔家居庭的新舖，地點更方便，重新裝修後雖然沒有構圖懷舊的風味，但是坐得更舒服，空間更闊落。我們點了一個親子餐，有兩個一大一小的漢堡包，還有炸薯條、雞中翼兩隻、啫喱兩個、一罐汽水和一盒細的維他奶。一大一小的漢堡包是單層漢堡包加上芝士，呢度啲漢堡包出名漢堡扒肉汁豐富， 牛肉味濃，漢堡包熱辣辣，即叫即整，配上店舖特製的醬汁，有少少沙律味和芝士味，整個配搭非常美味。炸薯條係粗嘅曲薯條，熱辣辣咁食真係脆卜卜好好味！炸雞中翼我覺得超讚啊！因為一來好大隻， 以來打得超好味，我想叫多幾隻嚟食添！另外兩粒比卡超啫喱，啊仔話好好味，係提子味呀！不過對於小朋友來講，呢個啫喱嘅重點並唔係佢嘅味道，而係包裝嗰兩隻寵物小精靈呀！一見到就勁開心！

時新漢堡包🍔，！一個大家都好熟悉嘅名字！去開黃埔、終於有機會去試下！下午茶時間去到，人唔算多。。沒有食早午餐的我，叫了終極之戰套餐！有一個漢堡芝士包、一份薯條🍟、一份炸髀加杯飲品！自己都覺得太豐富！實在太邪惡啦！套餐就附送左一隻公仔！等待嘅時候就可以自己砌黎玩！漢堡芝士包比我想像迷你！不過味道卻好好味！個漢堡扒同喺出邊連鎖店食嘅真係好唔同！非常鮮味！好juicy 又唔乾！同埋個醬！一流！時新漢堡包好地道，係好港式嘅漢堡包！希望呢份港式嘅味道可以一直保留！炸髀即刻炸、熱辣辣、外面脆卜卜、裏面肉質唔鞋！好滑！好味😋😋😋

時新簡直係我兒時既回憶，雖然依家搬左新地址，但都係在紅磡區，咁就腳可以繼續幫襯。雙層漢堡芝士蛋包($35)，揀左牛肉漢堡配時新醬，漢堡重牛味，而且鎖到肉汁在裏面，醬汁甜甜地，好夾。吉列牛扒包($28)，外層吉列粉漿好鬆脆，外脆內軟腍。炸薯條($22)，夠熱辣辣，而且仲係兒時回憶既波浪紋薯條。黑椒雞脾($27)，先將雞脾炸過，另外配上黑椒汁，黑椒味濃郁，雞脾好香脆，而且唔乾身，仲有都幾大隻。菠蘿冰($23)，首先夠晒冰涼，而且仲有大大粒菠蘿肉。凍檸檬利賓納($23)，味道唔會太甜，同樣冰冰涼涼咁，好爽。

早幾日有個朋友帶我去食第一間港式漢堡包店，雖然我哋只係叫咗幾款嘢食，但全部都好有驚喜門口嘅紅色招牌好搶眼生果沙律，用新鮮生果整成嘅生果沙律零舍好味，全部係生果並沒有加薯仔，味道清新，口感好清爽單層豬肉漢堡配芝士加火腿，夾係中間嘅並唔係一般外面食到嘅一塊煎豬扒，而係已經調味嘅免治豬肉扒，誠意滿分火腿再配埋半溶嘅芝士，所有配料加埋一齊真係好好味呀雙層牛肉漢堡配芝士加蛋，呢個漢堡真係好大個、好厚，成個漢堡太高，令我實在冇辦法一啖咬到成個麵包佢嘅兩塊免治牛肉扒好重牛肉味、好足料，半溶嘅芝士加埋蛋，真係好有飽肚大食人士首推之選麵包真係好鬆軟，你用手㩒個麵包，佢會好似記憶海綿咁回彈㗎好有彈性所有漢堡原本配時新醬，即係舖頭嘅秘製沙律醬，但亦可以改轉黑椒汁、茄汁、咖喱汁或者唔要醬汁。我當然係要試吓時新醬啦！佢嘅時新醬好好味、酸酸甜甜，看似普通嘅沙律醬其實細看會見到好似洋蔥等嘅小配料，漢堡配上呢個秘製而又多到滿瀉嘅時新醬真係好惹味炸洋蔥圈配時新醬，炸漿好香脆，洋蔥好甜、好厚肉，口感一流，配埋時新醬簡直冇得彈。我覺得無論鐘意醬汁與否嘅人都一定要叫黎試吓紅豆冰，份量好足，紅豆大大粒、粒粒分明、好香、好甜正

兩點正到達，下午茶餐剛開始，未有人排隊，一坐低即點左「單層漢堡芝士蛋包拼薯條」，仲加$10轉雙層。因為即叫即整，等左20分鐘左右有得食。但好野永遠值得等待！烘過嘅熱辣辣嘉頓包好鬆軟，剛煎好嘅漢堡扒超級juicy，肉質鮮嫩！配埋熱溶左嘅芝士及出面食唔到嘅時新醬，完全無得彈粗波浪薯條係新鮮炸起，但完全冇油淋淋感覺，熱度適中飲埋夏天佳品紅豆冰，捧住漲漲嘅肚子滿足咁離開

今日走到地鐵綠色線嘅盡頭，黃埔站，大熱天冇瓦遮頭，行到去黃埔家居庭，時新漢堡飽， 一間速食快餐店，先到櫃面order。等叫飛！我地兩人叫左個（升級版）親子套餐，兩個size 一樣的漢堡包，兩隻雞翼，一碟薯條，維他奶轉左可樂。加兩個小啫喱。 限定神祕小禮物，係無既😅漢堡包一隻手掌咁大，漢堡扒，如果入面冇沙律醬會好乾，唔juicy。沙律醬有懷舊風味，完全係小學時候食既味道。雞翼可以， 薯條凍既，又唔脆，失望。不過人好多，中午都滿座，價錢算ok!

帶住個仔黎黃埔玩，咁岩行過呢間餐廳就望下，見到居然有兒童餐😍😍😍於是入黎食。幫自已叫左炸雞脾加薯條，仔仔就食兒童餐，全部送黎時都係熱辣辣😍😍😍而且又唔算等得耐，啲薯條咬落口仲係脆脆地嫁，隻雞脾真係好大隻，啲皮炸得好香口🤤好少同仔仔出去叫兒童餐，送黎時仲有粒啫喱，好搞笑🤣🤣兒童餐有埋薯條，寫住輕營，然後未影相就比個仔一野清晒😂呢間餐廳比起一般餐記我覺得啲座位闊落好多，而且啲枱櫈好新淨最後要比個like啲服務員，好nice好笑容又好好服務👍🏻👍🏻

香港味漢堡店收工同男朋友去咗黃埔食呢間朋友介紹嘅漢堡包店，朋友介紹呢間係香港老派地道漢堡包店,話都幾好味。我地叫左一個雙層芝士雞蛋漢堡包，一個雙層火腿漢堡包，一隻炸肶同一隻黑椒炸肶。漢堡包雖然唔大個， 但係都好食！兩層漢堡，係用新鮮牛肉整既，所以牛味都十足，吾算大塊，但好食。連埋小小酸酸甜甜，又吾似沙津醬既秘製醬汁一齊食，更加滋味。煎蛋煎得好，小小流心，好食。炸髀都唔錯，夠大隻，炸完皮脆重保持肉汁，點黑椒汁都吾差。我哋覺得雙層漢堡可以返嚟食， 雖然size唔大但係食完都夠飽，又係新鮮牛肉，所以都抵食。

🔸漢堡芝士火腿包 $27🔸雙層漢堡火腿蛋包 $35烘香過的嘉頓芝麻包疊上手打牛肉漢堡扒，蛋，火腿或芝士(3選2)再配上特調時新醬。手打漢堡扒相較連鎖快餐店常見的機制漢堡扒更為厚實， 有口感，肉質鮮嫩，咬落都有肉汁，不過比起啲貴價漢堡就始終無咁澎湃啦，但性格比就絕對值回票價啦！蛋是偏熟的，火腿和芝士較為平平。最具特色的還是它的特調醬，吃落有點像沙律醬，但比起沙律醬沒有哪麽咸和酸，味道偏蔬果還是水果的香甜帶點微酸，帶有少少類似青瓜粒嘅。醬汁份量十足啊！個人覺得雙層吃落更加的口感豐富，不過就要不顧儀態了⚠️🔸黃金脆雞粒 $15份量適中，唔會太頂肚，有3種醬汁可以選擇：咖哩，黑椒同茄汁。雞粒是即叫即炸的。雞粒偏圓，裹了一層薄薄的炸衣，沒有粉粒，脆口不油膩，單吃不食太咸，但味道稍嫌單寡，點上醬汁就剛剛好了。配上黑椒汁的雞粒雖然很有舊時香港咩都fusion 下嘅獨特風味，很搭，但我更喜歡點上茄汁啦～🔸洋蔥圈 $28一如前面，即叫即炸，超級難得！醬汁可以簡茄汁或是沙律醬，我習慣不點醬。洋蔥圈雖然較雞粒耗時再多5分鐘左右，也許是較少人點的單品吧。但等待是值得的，洋蔥圈很有驚喜，份量十足，兩三個人的份量。

-《雙層芝士漢堡》🍔 $32《炸雞髀拼薯條》🍗🍟 $39由結業到重新開業終於可以試吓啦🤣，可能下午茶時段比較抵食，所以都幾多一家大細嚟食-今次就叫左個《雙層芝士漢堡》裏面塊漢堡扒依然係手打，食落肉汁豐富😋，自家製沙律醬亦都酸香開胃，下午茶餐就叫左個《炸雞髀拼薯條》，炸髀熱辣辣新鮮炸起🍗，皮脆肉嫩夠晒滋味🤤，炸薯條就平平無奇冇咩特別，《朱古力咖啡》感覺呢個配搭比較奇怪😂，唔怕古怪你亦都可以試吓🤣，但我都係覺得漢堡包薯條係要配可樂嘅😆！