時新漢堡飽 (已結業)

以前返理工都會去時新食個包做午餐，但自從搬咗舖後都好耐無食過。既然今日去黃埔睇戲就去嘆個港式漢堡包。新舖比以前闊落及更多座位。兩點嚟到唔洗等位仲有下午茶餐。下午茶選擇多有包、有麵、有小食。足料雙層漢堡係自家製新鮮牛肉扒，肉質厚實無肥膏及肉筋，肉汁鮮味，仲有少許洋蔥味。蛋煎至全熟有少許香口燶邊，值得一提係個時新醬，酸酸甜甜加上少少洋蔥粒，好醒胃。炸魚香脆熱辣辣，魚肉嫩滑有汁，炸魚扒加上酸甜時新醬好夾。波浪粗薯條炸得香脆唔油膩，粗薯條外脆内軟，口感不錯。兩杯凍飲都大大杯。

難得黎到黃埔，老公話要回味下我地讀書時成日食既時新。原來佢地依家係黃埔附近，好方便。老公依d kidult, 一黎即刻話要漢堡包、炸雞脾、炸薯條，依個終局之戰套戰有齊晒佢想要既。終局之戰套餐漢堡包加煎蛋新鮮牛肉製做既漢堡，juicy又唔乾，而且肉味濃，加上洋蔥香，好惹味。加埋佢既時新醬，微微酸，裡面有酸瓜粒，同個牛肉漢堡好夾。仲有隻煎香左既蛋，多一份香味。炸雞脾即炸、熱辣辣，塊皮脆卜卜，d肉滑，調味又岩岩好。好味～炸薯條粗薯條，香港特色，夠香脆。食漢堡、薯條、炸雞脾又點可以少左可樂呢！爽呀！單層漢堡如果想單統享受佢地既牛肉漢堡，又怕肥，依個單層漢堡就最岩勒。完全食到佢地特製既漢堡同特製既時新醬。羅宋湯本土味道同特色就係食漢堡包可以飲到羅宋湯，味道濃濃，酸酸地，好開胃，yum~紅豆冰食炸雞脾既最佳拍擋就係飲埋紅豆冰。依度既紅豆冰，好滑，充滿濃濃既紅豆味，而且紅豆好林、林得黎又有嚼勁，做得好好呀！

搬鋪之後第二次去食，港式漢堡飽絕對係我favorite!!一個單層漢堡包加芝士加蛋，煎蛋唔乾，一個雙層漢堡包加芝士加火腿。漢堡扒肉厚juicy, 配埋秘製沙律醬，正！小食嗌左炸雞全翼，全翼有兩隻，雞翼醃咸左再炸，外脆內軟，肉汁仲鎖住。仲有炸洋蔥圈，超新鮮超大碟！即炸好熱！洋蔥好甜，可以配茄汁/時新沙律醬，兩樣醬都好夾味！飲品飲左凍朱古力同凍咖啡朱古力，熱辣辣飲凍野即無降溫涼快，凍咖啡朱古力有濃濃咖啡味，又帶有朱古力既甜。凍朱古力飲落好滑，保持水準！

放假陪男朋友番母校理工大學行下 大熱天時30幾度佢又要我陪佢去再黎食時新漢堡包店話說小妹對上一次食時新都已經4年前 所以一直以為仲係舊址好彩男朋友知道搬左 如果唔係真係行錯路其實路程都唔太遠 係家居廷隔離 唔難搵一朝早咩都無食過 所以我同男朋友都叫左好幾樣野🙈 一齊變大肥佬大肥婆😂嘩 門面同以前舊鋪好唔同 有一種嶄新既懷舊感最緊要係入面冷氣又夠又多位同埋好舒服 同以前真係好大分別死啦 叫左超多野食叫左兩個單層漢堡包 紅豆冰 薯條 炸雞亦最有驚喜係個漢堡包同薯條🍟漢堡包完全keep到個水準 塊牛又好juicy 又香同埋同埋無見呢款薯條小妹最鐘意架啦🙈好似細細個只係小食店見到既粗薯條 外脆內軟 正配埋紅豆冰 果然係一絕🤤大家要過黎試下港式漢堡包 我覺得好岩女仔 份量岩岩好

去黃埔睇戲，要搵地方醫肚。唔想食連鎖店，醒起時新開咗喺度，就一於「回味」吓。舖頭喺路邊，大大個招牌都幾易搵到。同美式快餐店唻比，時新帶有強烈香港味道。2個人食可以叫多幾款唻share，試咗：招牌嘅雙層芝士蛋漢堡包。微烤嘅麵包，鮮牛肉整嘅漢堡扒打孖上，時新秘製沙律醬，同美式漢堡比起唻別有一番風味。炸雞髀、炸薯條即炸唔會差得去邊。脆雞粒本來就冇咩特別，但點咗沙律醬又幾好味。食得太多熱氣嘢，生果沙律正好中和一吓，蘋果粒夠爽甜。凍奶茶唔記得叫少甜，難得唔會太甜。

行開黃埔，又想食下漢堡，就梗係黎時新食啦。雙層漢堡芝士蛋包$35 配芝士/蛋/火腿（3選2）我揀左配芝士同蛋。一如以往，個包都係咁大個，兩塊漢堡勁厚，加埋秘制既時新醬，無得輸！吉列豬扒包 $28老實講，個包真係有啲細，但味道黎講，佢算係不錯，但太細了，不推薦炸薯條 $22係粗扭紋薯條，份量都唔少，夠兩個人食炸洋蔥圈 $28-配沙律醬/茄汁一黎到，份量多到嚇左我一跳，佢舊舊洋蔥圈都勁大舊，佢既炸粉唔算多同厚，平時食炸洋蔥圈都係feel到食炸粉多，但佢呢個真係有食緊洋蔥既感覺！紅豆冰 $23正正常常，同出面茶餐廳飲既差不多，無咩特別檸檬利賓納 $23正正常常，同出面茶餐廳飲既差不多，無咩特別

今日又約咗人打牌，諗住快快脆脆食個快餐。個姊妹見到有間快餐店貼住用新鮮牛肉做漢堡，為食到死，就同佢入咗去快食個early dinner。竟然舖仔有類似M記嘅螢幕顯示叫號，唔使迫住晒喺水吧。眼闊肚窄，叫到一枱都係.....生果沙律好明顯唔係整定果種，呢個沙律啲醬係黐住晒啲生果冇水汪汪嘅，唔錯～期間限定終局之戰套餐 $69 - 炸雞肶好香無肥膏，d肉醃得唔會過咸；最正係個漢堡，食落去有肉汁、洋蔥味，個醬好特別，未食過呢種味，咁多樣嘢最好味。雞全翼 炸/滷水 - 炸雞翼味道同炸雞肶差唔多。滷水雞翼都幾好，點講呢？Um....唔係咸到苦嗰種滷水，好味嘅。熱咖啡朱古力 - 佢唔係咖啡，係有咖啡味嘅朱古力，質素好過同平過出邊啲Cafe。

時新漢堡飽店一直聞名已久，以前喺紅磡以快餐店形式經營，由於鋪面面積不大，鋪頭長期排滿人龍，遇上大型演唱會情況更加嚴重。直到近年先係黃埔重新開業，鋪面面積大左好多，可以容納2️⃣0️⃣人左右。雖然新鋪，但價錢keep 住平民價，真係不可多得既食店。👍今次叫左2個下午茶餐再加一個包。1️⃣炸雞髀➕薯條2️⃣單層漢堡芝士火腿包➕黃金脆雞粒3️⃣雙層漢堡芝士飽漢堡可選牛肉或豬肉。今次揀左牛肉漢堡，漢堡新鮮香口非常Juicy, 配上時新自家特制醬汁，正。下次要試埋豬肉漢堡先得。跟餐有薯條或可轉炸雞粒，叫左2個餐可試哂2樣😋單層漢堡芝士火腿飽⭐️⭐️⭐️⭐️⭐️雙層漢堡芝士飽⭐️⭐️⭐️⭐️⭐️黃金脆雞粒⭐️⭐️⭐️跟餐薯條⭐️⭐️⭐️炸雞髀⭐️⭐️⭐️⭐️

"港式漢堡始祖" 真係唔係得個名， 幾年前去過當時係紅磡舊鋪食過， 仲記得舊鋪裝修好old school feel, 80年代個種快餐店。 而家新店係黃埔新天地家居庭個邊， 因為地鋪， 所以都好易搵， 裝修modern 左但🍔味道依舊係咁好味。 ⭐️⭐️⭐️⭐️⭐️今次我黎 食佢個🍔下午茶。 嘩！ 下午茶都好多選擇我叫左B6 set 🍗炸雞髀併🍟薯條， 另外我再加左個單層牛肉芝士火腿🍔漢堡 & 雙層牛肉芝士蛋🍔漢堡飲品就叫左一杯鹹檸七🥤同一杯凍鴛鴦🥤先講下個🍔漢堡包先， 咪講笑， 個時新醬真係好獨特， 唔似一般普通沙律醬， 配合埋個牛肉真係 perfect match, 我之前都試過食黑椒汁， 真係無配時新醬咁好味。 🥩牛肉唔會過乾身， 食落去 好juicy.⭐️⭐️⭐️⭐️⭐️再黎個炸🍗雞脾， 👍🏻👍🏻👍🏻個皮超級脆， 隻雞脾剛炸起， 肉質食落好滑， 熱辣辣㗎。🍗

一向都好鍾意黎時新食burger, 係港式風味既burger!黎到時新必食既Burger叫左兩層肉加蛋加芝士！超厚！口感非常正，而且肉汁豐富，加上半溶芝士同有少少流心啲煎蛋，真係好正。重點係真係唔貴，$35，平過麥當勞！炸薯條係粗薯條，口感酥脆。依家好多地方都係比幼薯條，但幼薯條既口感真係比唔上即炸既既粗薯條架！仲要茄汁係用獨立包裝既亨氏蕃茄醬，有誠意👍🏻炸雞脾，真係要去茶餐廳食先夠風味，雞脾都夠大隻！而且唔會炸到好乾。

紅磡兩間時新嘅後繼店都食過，可以知道邊間好啲。黃埔呢間就真係差啲。以前食時新，個包又熱又脆，漢堡扒又多汁。而家呢間，咬落個包竟然係凍凍地，包面同只蛋都唔夠熱，芝士凍嘅，件扒又實，差！加埋杯朱古力咖啡，呢個就好有舊舖嘅特色，加色糖水一杯，又甜又稀，只有一點咖啡味，少少朱古力味。非常失望。呢間試一次就夠，要食返舊時新嘅漢堡，出返蕪湖街先得。

重開的時新快餐店，之前經常路過都見到唔多人，有D奇怪。今天一個人唔太肚餓，終於決定試試水準。從10年前$10一個漢堡包，到現在$23一個漢堡，卻連芝士都無一塊，塊漢堡扒肉質都OK，以前廚師都煎到個包脆口，現在沒有了。整體是價錢升左，double 左，食物水準差左。諗住唔好咁孤寒，以$35套餐價,加多杯熱檸茶，可惜竟然熱檸茶只得兩塊薄檸檬，大字頭的連鎖快餐店至少四塊檸檬。這間重開的時新令人失望，肯定唔會再幫襯。

今日同姐姐口痕想食漢堡薯條，但麥當勞又成日食。於是我哋就搵左呢一間懷舊小食店！時新漢堡包！其實係以前讀書嗰陣時都成日食。🤭不過由佢搬左之後都無試過,今日一於try try!門口裝修用左舊美式風格，紅白間條加logo，夠灑搶眼！佢係先落單比錢後搵位坐！噤我地見到有位就即刻去叫野食！除咗漢堡包🍔，仲有意粉家，比餐牌比大家參考下先。姐姐話識食一定要食個雙層牛肉漢堡仲要加芝士蛋！而我就叫左個單層漢堡。漢堡🍔就一定要配薯條🍟再襯埋兩杯紅豆冰🍧，夠灑懷舊！我地見到隔離枱個洋蔥圈好似好正反正咁高興於是就叫埋啦！啲野食整好，就會叫號碼去拎，大約十分鐘左右就有！一黎到，即刻試下雙層漢堡芝士蛋！切記一定要叫時新醬！好好味，有d似沙律醬！個包有烘熱過再加埋啲醬甜甜地好正。而個漢堡扒牛肉係用新鮮牛肉整，唔係預先整好的現成品，係時新賣點之一漢堡扒外層煎得焦香，入面好juicy加埋蛋滿分！至於個單層都好足料！唔係太肚餓單層都好夠！因為我地仲有薯條同洋蔥圈😂！ 薯條正常不過不失，洋蔥圈就唔錯！炸到剛剛好金黃色而個炸粉好味又夠脆，不過份量都幾多，我地兩個女仔差d食唔哂。最後杯紅豆冰，時新都落足料，差不多半杯都係紅豆😆

大學年代lunch周不時都會去舊舖食漢堡包同薯條，果陣聽到佢執左覺得幾可惜，好在佢再係黃埔開返，可以再次嘗試到呢個港式漢堡包。今天就相約左大學的朋友來到這間新店，餐廳位於黃埔巴士總站附近，如果搭港鐵黎亦唔難搵到。lunch時間黎到都幾多人食，餐廳比舊舖大少少，座位亦較以前舒適。落單都是在收銀處，然後等叫No.。雙層漢堡包加芝士($32)、雙層漢堡包加芝士和蛋($35)，每次來都是吃雙層漢堡，因為飽D麻!麵包鬆軟，芝麻味香。漢堡扒是自家製的，所以咬落鬆軟juicy，而且都幾厚身。加上芝士、蛋和這餐廳秘製的時新醬，特別惹味!炸雞脾($27)，這裡的炸雞脾亦是很有名，雞皮炸到脆卜卜，雞肉嫩滑juicy，好香口呢!炸薯條($22)，黎呢度又點可以少左食薯條，這裡的薯條是粗薯條，外脆內軟，口感豐富!黃金脆雞粒($15)，這款小食第一次吃，口感有點像麥樂雞，但變了球狀，再配上時新醬汁一齊食，更加好食!總括黎講，有機會出開這邊也會再來試試，如果唔係不久將來又少了一些港式美食!

90後可能對時新漢堡可能未必會認識，前名時新快餐，聽朋友講原來時新係香港人集體回憶，店如其名，當時時新的港式漢堡可以稱得上為始祖，人們紛紛聞名來到品嚐經典之作，可惜後來關閉，現在以新面貌、新方式重現眼前。店舖裝潢紅白格條為主，十分搶眼。點餐就以快餐店模式，簡單快捷，有時趕時間，呢種快餐模式最適合不過了。可惜的是當日到場，可以點的食物種類不多，好多都暫停提供，而我就點了經典漢堡之一，豬扒蛋芝士漢堡，相當足料。而薯條夠熱，量多。雞腿就一般。