晉家門炭燒工房

营业中

休息中

唔係朋友介紹，真係會錯過這家性價比極高嘅隱世西餐+串燒+手工啤食店。這店裝修由外至內獨具特色，帶點傲氣又有點文青。不過走進店內，店員熱情嘅招待，加埋零破綻嘅美食，接下來嘅時間就祇有享受。長話短說，立即去片！居廬晉家門炭燒工房 白楊街3號一啲都唔難揾！於太子地鐵站D出口，沿汝州街行至白楊街左轉直行，見到3號龍基大厦旁就係。鹽燒牛舌$38/串 (必吃！彈牙惹味！配酒一流！)串燒一口和牛$38/串 (必吃！和牛大大粒，肉汁鎖緊，越咬越好味！)燒茄子$48 (茄子迷必吃！醬燒惹味，入口即溶！)藜麥紅菜頭沙律$88 (清爽配鮮甜，健康之選！)軟殼蟹大蝦蜜桃千島薄餅$138 (足料惹味，口感豐富，超值！)香草燒春雞$188 (必吃！內有乾坤，雞肉嫩滑惹味，配菜豐富有驚喜！)香煎西班牙豬鞍配其異果醬汁$148 (厚切豬鞍 juicy又彈牙，其異果醬汁惹味，配薯蓉更添美味！)明太子蟹肉意粉$108 (Perfect match!)手工啤$68 (麥味濃，微甜易入口！)果味香逸，酸甜適中，似有氣酒，酒量淺最佳選擇。

有時經過見到室外室內都坐滿晒，所以今次去之前有book位，用openrice book會有9折優惠，老闆娘負責樓面，服務親切，亦係貓奴🐱舖頭都養左隻黑貓。餐廳裝修中式古風，舖位唔大，室內容納16人。✨味道70分，服務80分，環境77分。.🔸龍蝦汁虎蝦意粉($128)意粉軟硬度不錯，有咬口，醬汁份量剛好，不過唔似龍蝦汁味，似蝦膏味，五隻虎蝦，肉質都ok， 咬落有彈性，唔梅。.🔸菠蘿辣肉腸薄餅($88)餅皮好似餅乾脆身，好重芝士味好正，不過餡料既辣肉腸唔係平時pepperoni。 .🔸燒孜然羊架(2件)($88)⭐️推介⭐️ 燒得好juicy，調味好惹味，而且好大舊肉，啖啖咬落都好實在。.🔸Floris Mango($68)飲落甜甜地，帶有芒果果香，易入口。.🔸凍青檸薄荷梳打($28)青檸薄荷夾埋，甜得黎幾清新，夏天飲特別清爽。

之前想去試好耐，不過見鋪頭細細又經常滿座。。。所以無試今日又上openrice搵食，竟然見到有得係到book位，所以就決定試下佢Book左20:30, 一如所料徐左我book位外已滿人 不過眼見2人一枱，計埋我地大約5~6張枱。所以去食一定要book,如果你都係唔排隊ge人鋪頭裝備幾有特式，都唔會太迫叫左兩樣嘢加一杯菠蘿芒果沙冰 幾好食好飲不過上枱就耐d d,應該即叫即整，想食大啡菇可惜已經賣晒唯有下次再試過果到仲有好多特別嘅啤酒呀，鍾意同朋友食下飯吹吓水飲嘢嘅一定要去

雖然門面唔似一間食西餐嘅餐廳，但入面賣嘅西餐值得一去再去！之前試過買佢嘅熊貓外賣，雖然嚟到啲食物已經唔夠熱，但都幾好食😋終於今次可以去舖頭試真啲，果然冇令我哋失望👍🏼最推介係西班牙豬鞍配奇異果汁！豬鞍煮得剛剛好、有肉汁，醬汁唔會太酸👍🏼 連墊底嘅薯蓉都好香口🤤 $148 呢個價錢覺得好抵食!明太子蟹肉意粉係呢餐相對比較淡味，好在第一個上就係佢。明太子味幾香，意大利粉煮得剛剛好，唔會太粘或者太硬。比出面嘅意粉粗少少🤏  再嚟係千島大蝦pizza。餅底薄脆，大蝦係好有肉地嘅。芝士有拉絲效果！最後想推介大家要試佢哋嘅沙冰，係呢啲咁熱嘅天氣真係好需要🥵蝶荳花檸檬沙冰，檸檬汁係自己加，望住佢變色好靚🤩  打卡一流。而且可以自己調酸度，夏天嚟一定要試🙆🏽‍♀️

之前食過居廬cafe覺得不錯，所以今次就試下佢分店居廬晉家門炭燒工房🥰主要係食西餐同串燒😋🥗⠀⠀⠀⠀⠀⠀⠀⠀⠀ ⠀⠀⠀⠀⠀⠀環境: 7/10聽講咩都知走中國風，古色古香！不過店鋪面積唔算大 建議先訂枱🙂⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀食物: 8/101️⃣炭燒安格斯肉眼扒 $380超級大份適合三到四個人食🥩😍5成熟啱啱好有咬口得黎好有牛味，佢冇跟醬，灑上小小香草黑椒同鹽調一調已經好好食！🧂2️⃣香草燒春雞 $188呢個真心有驚喜🥳即叫即燒熱辣辣個皮脆卜卜，雞肉好嫩！切開一半入邊放咗好多炒起既蒜蓉洋蔥碎，撈埋一齊食好惹味😋🤤溫提：要等ard 40mins個字,老闆娘話book位先可以落埋訂定🥰3️⃣牛油果大蝦沙律 $98食親西餐通常都會要個沙律做前菜開開胃，同埋一定好食🤣🤣🤣🦐⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀💰性價比 :7.5/10 嘢食真心高質但係位置比較難搵，但係隱世人世小店絕對值得推介👍🏻❤️

今日同屋企人行咗成日, 最後嚟到喱間居廬晉家門炭燒工房。 我哋一行八人, 分兩張枱坐, 店員指定動作後, 我哋就開始點菜。 人多, 點咗好多款菜同啤酒, 試到好多不同菜式。 啤酒店家係直接由酒商進貨, 所以全部都係外國啤酒, 當然有好多不同味道啦, 可以配合店家啲炸物或者炭燒嘢食一齊食, 更有風味。     店家嘅食物質素都好高, 好多食物都好欣賞, 好美味, 但當中一定要提嘅係香草燒春雞、鹽燒牛舌同埋香辣魷魚鬚。 香草燒春雞外皮有少少脆, 雞肉嫩滑多汁, 而且有陣陣香草香味, 趁熱食再加埋啤酒真係一流。 第二樣係鹽燒牛舌, 牛舌好爽口, 而且又有牛味, 炭燒得好香, 面頭鹹鹹地, 送酒真係爽。 最後係個香辣魷魚鬚, 魷魚新鮮爽脆, 燒得岩岩好, 再配埋椒鹽同少少炭燒味, 真係又香又惹味。店家店舖細細, 有好 warm 嘅感覺, 店員亦好熱情招待, 唔單止啤酒同食物味美, 仲有賓至如歸嘅感覺。

太子多隱細小店，識食食家一定知，但其實除咗界限街，行多2分鐘轉入白楊街，真正有間好味小店😋😋😋😋😋經過鐵皮攤檔，見到懷舊鐵門就係依度開頭cheap 精上身個餐牌吸引咗我🤪但係食落，就知道係高水準，絕對超出呢個價錢。性價比極高👍🏻👍🏻佢個茄汁蝦，唔講以為食緊龍蝦汁😅牛肋條都炆得好琳好入味。叫咗個最愛嘅雞泡魚乾，正，食過有啲舖頭剪到得五條😅入面裝修都好精緻，夜晚食飯傾偈一流最鍾意佢個大窗，望住出面落勁大雨，突然覺得係依個時勢食一餐飯都唔容易，好感慨🙂

今晚去咗一間好高質素的餐廳食晚飯😋老闆娘仲超愛狗狗大家仲可以傾吓狗經提提大家座位有限記得去之前要訂位今晚我哋去到都全店滿座同埋店舖係唔收信用卡只係收支付寶， PayMe 同現金☺️推介個奇異果汁豬鞍好好味👍🏼估唔用奇異果配搭菜式係咁特別個豬鞍煮完出嚟 好入味一啲都唔鞋😋😋仲有個軟殼蟹pizza一拎上枱嗰時候已經好吸睛用嚟影相打卡一流😂仲有好多唔同味道的手工啤都好值得大家試🤗餐牌上仲有好詳細的介紹大家可以根據返自己喜好選擇#寵物友善餐廳

之前去過一次walkin但full左無得食今次終於醒目book定位！店入面其實只係坐到十幾個人 所以真係要預先book呀！店員安排我地坐窗邊位 可以望住街景食🤤位置唔會好闊落 但都有自己小空間既感覺我自己幾欣賞呢個炸物外層炸粉唔會太硬 食完上顎唔會有刺痛感而且份量都幾多～不過見到隔離枱既魷魚鬚好似更吸引🤭🤤意粉不過不失 啲意粉好彈牙🤤整體會偏咸少少 但因為我中意食重味既所以都ok份量望落唔多 但share住食又唔會覺得唔夠😂pizza食左先記得影😂都係經典既薄批 批底唔會太乾硬個蕃茄醬汁都幾特別 比平時普通既甜酸味更重菠蘿正🤤兩個人share食都岩岩好👍🏻其實餐廳主打手工啤 但可惜個日唔飲得酒叫左個無糖梳打 一般般啦都有青檸既清新 可以解下膩————————————————————總結店員服務態度好好！店面好忙得佢一個做好辛苦 但都有好好態度👍🏻食物質素中上啦 環境好好而上菜速度又唔係好快 所以好適合兩人既傾計飯局 慢慢食慢慢傾🤤

一直都想搵間好食、環境又企理既燒烤店！朋友大力推薦依間比我，我睇相都好似唔錯就黎左試試，結果十分滿意依間餐廳開既位置雖然係太子，但都幾隱秘下，所以幫襯既人唔算多，可以靜靜地嘆下野食傾下計飲下野入到去，老闆好好客又熱情個到養左隻貓，老闆會同我地傾下計講下隻貓，又會推介下野食比我地，感覺好nice野食方面樣樣都好吸引，最後我地就叫左蒜蓉包、巴拿馬火腿薄餅、煙三文魚意粉、燒羊架同兩杯無酒精野飲值得一讚既係雖然係室內燒，但店內唔會煙霧霾漫亦唔會一大陣油煙味薰住，坐係店入面傾計非常之舒服仲不時會傳出d 野食香味出黎，野食未到已經聞到我流哂口水，好想快d 食味道方面燒羊架十分好食，燒得岩岩好，d 肉好嫩，肉汁鎖哂係入面，食落好juicy又入味薄餅個餅底都整得好脆同上面既既拿馬火腿好配，相比之下意粉就稍遜dd無咩特別，但味道都認真唔錯最後埋單兩人加埋440蚊，價錢偏貴但味道好好，如果對高質燒野食有興趣既絕對值得一試，個人推介燒羊架，真係好好食

誤打誤撞嚟左依間餐廳食，小店位置喺內街，不過距離太子站都唔遠，小店坐位唔多，不過幾舒服既感覺我地叫左幾樣嘢洋蔥圈好快送到，熱辣辣，炸粉唔厚，好食，如果夜晚啤酒加依個，正！吞拿魚太陽蛋pizza,用料好足夠，個薄餅係薄皮脆身style ，脆卜卜加上吞拿魚，芝士，小小流心蛋，依個真心好食雞翼醃得剛剛好，好juicy ,高質依個carbonara 既style 我一般，不過意粉硬度煮得剛剛好，好有咬口，我個人喜歡蛋加白汁嗰個煮法既carbonara ，個人認為依種煮法一般，咸左小小由於第一個pizza 太正既關係，encore 左軟殼蟹pizza,同樣用料好足，加上鮮甜既桃，有調味既蝦同煮得剛好既蟹，非常juicy 個蟹，好食同行友人都大讚芒果菠蘿冰，等左一會先有，不過食到菠蘿一絲絲既果肉，幾好味，又解油膩坐坐下，竟然聽到有榮光既歌，咁耳熟能詳，加上食物質素好，值得推薦5個人食，5杯嘢飲加小小嘢食，每人113元，好抵喇

每次經過都覺得呢間餐廳好特別，今日終於一試究竟。名符其實嘅街景餐廳，雖然出面街景唔靚，甚至對面就係豬肉檔，過一條街仲係街市，但其實都別有一番風味。一行四人晚飯時間嚟到，先叫了幾樣主食。意粉粉量足但略嫌太乾，意粉唔夠味，煙肉太咸，不太推薦。(4.5/10分)即炸魷魚圈，熱辣辣上枱但粉漿略厚，魷魚太淋太爛冇咬口，食唔出魷魚味，不推薦。(3/10分)pizza薄餅底，夠脆夠熱，調味適中，可以encore，都推薦試下嘅。(7.5/10分)燒春雞要40分鐘，上到嚟就知道絕對值得等。春雞原隻上，啱啱熟，非常嫩口，調味都好食。一開始淨係提供咗刀叉，所以都唔知要點落手分雞，之後店員主動拎手套比我地，就熱辣辣撕開咗隻雞，唯獨中間仲有少少粉紅可能未熟得透，不過個人認為就剛剛好。係必試美食，大推。(8.8/10分)食完主食未夠喉，就嗌咗手工啤同串燒。特別要講下餐廳嘅drink lists，佢詳細介紹晒所有酒類，有咩酒咩味，酒精濃度，甜度苦度等等，非常細心。我就要咗桃味啤酒，個人覺得有點太甜，比較適合女仔飲。(6/10分)厚切牛舌，可能燒太耐，太韌。(6/10分)雞肉串都夠嫩口多汁，可以試下。(7/10分)鯖

Great food. Relaxing ambience. Great selection of beer. Friendly service. Great for a chill and relaxing hangout between friends.We came as a group of 5, had the salad, satay, onion rings, lamb rack, and ribeye steak. Food is great for the value.The selection of beer is also quite unique for local hangout place in the area.

約朋友去太子，經過咗好多次一直想試試。餐廳主打串燒+西餐，仲有世界各地手工啤酒。 有本酒介紹menu 好有心，寫咗每款酒介紹同味道。 一律$68/支, 仲有個酒桶比你雪住涷住環境好好，好清靜，雖然係內街有少少難搵。但勝在唔會好多人好嘈吵, 傾計一流。 好在天氣唔太熱，開住個窗仲有微風，幾爽食物方面，叫咗好多串燒，因為太肚餓，一口氣叫咗牛雞，牛舌，豬，煙肉蕃茄，pizza 個轉腳蟹pizza 成隻蟹喺上面，好好笑！pizza 係好簿好脆邊，仲有大大隻蝦，好好食！ 串燒亦唔錯，跟個沙嗲汁都好食但略嫌牛肉同牛舌燒完太乾身。如果加多啲汁燒就好喇試左2款啤酒，酒味唔太濃，香焦啤酒仲有少少香蕉香味，唔錯2個人喪食，食左$799，貴咗啲，但支持下小店，好難得有地方比你坐成晚唔收你碗碟，仲見你飲到差不多就主動拎水拎杯比你

剛星期五晚過了一個開心愉快的晚上！得到好友兼老同學安排， 來到她家姐工作的餐廳(利申：她是餐廳的大廚呢！) 吃了一頓用心炮製細緻的晚餐，當中包括喝了兩瓶手工啤酒，味道喜出望外(想必是店主經過精心的挑選後才放入餐牌)，及點選了四度菜式，都不是什麼調轉花巧的菜式，但每個菜式都看得出廚師的用心及一絲不苟的製作，尤其係當中的三文魚扒及燒豬頸肉，品嚐出廚師細緻的味道，最驚喜嘅一度菜（額外加插第五度)是廚師推介的串燒雞皮，我從未在其他地方食過甘香咁脆的串燒雞皮， 不肥不膩，故此製作需時，耐心的等待也是值得的， 謝謝大廚及一眾員工細心的招待，臨走前又食又拎(包括外帶了兩瓶手工啤)，滿載而歸。