普羅旺斯餐廳 (已搬遷) 新店位置

今日滿懷希望去呢間餐廳, 三個人食左千幾元, 叫左三個頭盤, 三個主菜頭盤係:1. 煎鵝肝2. 鵝肝醬法飽3. 西班牙燈籠蕉巴馬火煺主菜係:1. 美國prime 肉眼扒2. 法式煎鱸魚3. 野雞仔黑松露什飯好老實講, 除左主菜3叫做好d 之外, 其他全部唔合格, 唔係過鹹就係d味同汁冇乜大分別以一間咁唔就腳的餐廳來說, 好難說服我再去多一次

因為男朋友生日,而且他說新蒲崗有間被朋友熱烈推介的法國菜餐廳,所以便上網搜尋一番.皆因那天突然要ot,又下大雨,所以遲了1個鐘先到達. 到達後,餐廳內只有一對情侶在用膳,我們坐在他們背後便開始點菜.餐牌上有數款前菜供選擇,但main course就看到有點眼花撩亂,款款都很有特色.老闆娘見我們毫無頭緒的情況下,便提供了幾個recommendation給我們.在點完菜後,男朋友才跟我說就不是他朋友推介呢間餐廳!!!但這間餐廳的恬靜環境和樸素風格他都很欣賞.前菜: 1) 鵝乾,外脆內熱 ; 2) 醃火腿,酦酦咸咸,煙煙奀奀,很開胃呢!!主菜:香草燒羊架; 牛肋骨配洋莓汁,汁料的味道恰到好處,就像天生便與牛肋骨是一對的; 什菌煮意大利飯,沒有一般意大利飯會令人膩的感覺,抵讚!!甜品:蘋果撻(沒有想像過蘋果撻會是這個樣子的),老闆的推介,看似一件簡單的一度甜品,但郤食得出老闆的心思和創意.而且它不會太甜和太膩,就算你已經吃到抱腹而坐,也不可錯過呢!吃過甜品後,加上餐廳裡只得返我們這兩小口子,老闆便從廚房走出來休息一下,順便和我們閒聊一番.他很親切,而且還會給我們分享他的遊歷. 當你知道它的過去

响小小一個新蒲崗舊區，竟然可以揾到兩間法國餐廳，還有另一間意大利小店(不過好似已解甲歸田了)。可見呢區除咗茶記之外，呢類較高級少少嘅異國菜响呢度仍然有一定嘅市場空間...Cafe la must(別緻餐廳)已衝出新蒲崗，殺入紅磡開分店。呢間就座落响得龍旁邊嘅小店，依舊留守故地...印像記得好久之前曾經來過(都係要太座提先記得)，好似上次都係嚟食lunch，今次亦不例外...下午只有set lunch叫，要 a la carte就只要沙律選擇。睇嚟要試真章都係要夜晚來先至對路...香草忌亷洋葱蘑菇湯味並不十分濃，稀了一點，不過料尚足。欠缺麵包送湯，總好似差咁一D嘢....主菜有五六款揀。對其中嘅豬肉眼十分有興趣。牛嘅肉眼就吃得多，豬嘅又如何 ?一吃，入面煎得乾爭爭，肉汁全失；肉質有點嚡，心目中個texture應該會係爽而彈口嘅，但吃落真的跟普通雪豬扒並無分別；意粉亦不算很al dente....太失望了...太座嘅芝士汁焗吞拿魚蟹柳只是極普通。一向對任何焗飯焗意粉都無甚興趣 --- 一pat pat好似漿糊咁，點食得落口 ? 又毫不需要任何精細烹調技巧，就算弄得怎樣好吃都勢係假....還

上回提到令人回味o既普羅旺斯, 終於o係前晚就再黎一次, 果然令人同樣滿足:- romania 甜紅酒- appetizer 1: 煎鵝肝...係我食過咁多次以黎最外脆內溶化, 勁甘香- appetizer 2: 甜椒Parma Ham...我一向鐘意Parma Ham, 配埋燒過o既甜椒,欖油黑醋, 一絕- main course 1: 牛肋條配黑提汁...雖然以前次次都食牛肋條, 今次應該食其他野, 但又好懷念佢o既juicy西班牙焗蕃茄, 於是又order左, 今次蕃茄就未太夠火喉, 但牛肋條轉左配黑提汁就係好得, 食落好有層次, 記得上次食黑提汁o既菜式係和牛, 今次配牛肋條一樣咁得!!- main course 2: 黑毛豬...呢個菜o既配菜竟然係我唔食o既大蒜, 初頭真係有d卻步,但都係試試佢, 果然配上一齊食係好味過only黑毛豬好多, frankie又記一功- 甜品, 一定係必食萍果批la, 今次仲有法式焦糖蛋,真係嘩嘩嘩, 無得頂, 蛋香滑, 焦糖份量脆度恰到好處, 配上配碟朱古力醬, 真係唔識講.- frankie仲送我件 blueberry cheese cak

普羅旺斯餐廳在他開張不久我已食過, 水準真的不用多說, 老闆加主廚的frankie係真真正正一個用heart去煮食的人,用料上成, 即使要花上一整晚時間, 即使要專登走到新蒲崗這麼隔涉的地方,即使要接受frankie滔滔不絕的話題, 這都是值得的, 雖然我已一段時間沒去過, 但見到餐廳終於有人放上openrice, 真的很開心, 希望我很快會再去回味一番還記得他的和牛, 超juicy蕃茄, 黑松野菌飯, 萍果批, 總之多的是, 最重要是, 主菜顧之然好吃, 但每碟菜的伴碟都用盡心思, 驚喜都陣, 你絕對不會見到其他餐廳用什菜伴碟那麼行貨!!!雖然frankie同阿姑都應該唔會見到我的評論, 但都希望佢地會受到其他食客支持, 因為新蒲崗開業...真的不容易呵~~~

先講components：去食飯前係尖沙咀中心一間南非酒鋪買咗一支特價紅酒，係普羅旺斯叫咗湯、法飽extra portion、prime rib、炒雞肉意粉及apple tart a la mode，唔計酒，啱啱五百。今次六點三坐低，即問老板大厨嗰rib eye得唔得，佢即答話好掂。問佢有冇意粉建議，佢介紹雞，好！就叫雞......意粉啦！嗰甜品係佢伙計建議，apple pie a la mode，簡直冇得頂，至愛。老虎蟹問定老板大厨會唔會等好耐，佢話唔會，好，信多佢一次。今次冇信錯，湯同飽都好快唻。上次等好耐嘅扒，今次反而最早上，食完未到八點，時間今次真係好正。湯：忌廉菜湯，好忌廉，但我個人嫌佢淡咗Ｄ，夠熱，送飽幾好。法飽：為咗送酒，叫咗extra portion，焗得幾脆。食完湯及飽，朋友已經嗌飽。Prime rib：一上至記得忘記咗叫老板well done，但都已經好燶。切開唔太生，我個人可接受。依然係外面脆裡面嫩，味道好夠，口感一流，而且今次唔肥，伴碟有拳頭般大空心番茄，雖然冇上次嗰個咁大，但仍然好特色。個扒係細件咗Ｄ，但一試再試，都係好正。炒意粉：朋友話味道夠濃，我都覺得好有

兩間都係舊區僅有嘅西菜，兩間都係以「廚」出名，等我試吓做個比較。先講價錢：普羅旺斯（普）唔賣酒，三道菜，唔計自來酒，每人$375；新馬鞍（新）賣紅白酒，全部$190，開咗一支，連食物，三道菜，每人$335。單計食物，新平足30%。頭盤：普哋沙律成舊水，但真係俾足料，有新鮮沙律菜，黑醋及莎樂美腸；新就比較普通咗Ｄ，問佢攞黑醋，係甜中帶微酸，可能我唔曉，似老抽多Ｄ。湯：普嘅湯係熱嘅；新嘅湯好耐都唔上，要加錢嘅龍蝦湯唔係咁熱，味道似罐頭嘢。龍蝦湯似乎都係Jimmy’s Kitchen好Ｄ。麵包：普嘅係法式蒜蓉飽；新嘅飽樣樣有Ｄ，有送鵝肝醬，朋友話以前尖沙咀諾曼第嘅鵝肝醬好好多。主菜：普嘅魚及牛扒都係一絕，雖然兩個主菜相距差不多一個鐘而我只用咗三分鐘食個扒；新嘅黑豚肉係好腍，但係凍嘅！而且無味！！個海鮮天使麵都係好淡，真係無味，落埋鹽都唔掂。仲有一個新自行介紹嘅花甲，嘩！好腥！食唔到！新好好人，主動換咗個炸煙肉條俾我送酒，但連天使麵裡面嘅花甲、青口都係好腥，講真，有Ｄ想嘔。甜品：普嘅甜品要付款，法式燉蛋，幾好吖；新嘅係連餐嘅，西瓜加朱古力粉，結果去小店食多餐。紅酒：普嘅係係新蒲崗買嘅，half

先唔好講平貴，唔計紅酒，平均消費＄３７５per head。食物味道好唔好？好食，非常好食，由湯、頭盤（莎樂美腸加沙律菜）、到主菜、甜品，無懈可擊。新蒲崗食到優質西菜，難得。服務好唔好？好！好nice，好friendly，好personal，大廚會招呼你，好有小店feel。奉勸各位街坊：如果你唔係好似我咁，住天水圍第二朝又返五點；又如果你揸住三份報紙（未睇）；又如果你厭世、嫌命長時間太多，我覺得可以試吓。我六點半坐低，八點九都未走得，兩個主菜相距差不多一個鐘。

昨晚收工好眼訓，本來想食餐快的，但朋友介紹到，就來了這裡吃了一頓心滿意足的晚餐：四個人Share食：湯：洋蔥鮮菇忌廉湯（足料香濃）頭盤：凱撒沙津伴沙樂美腸（普通）香煎鵝肝（超好味，香脆唔漏）主菜：（順序）（師傅好緊張次序）１）牛肋條伴黑提汁　　個汁好正，好開胃，伴菜個牛茄超鮮甜，牛肋條有口感之餘牛味亦濃２）鹽燒三文魚伴溫室茄子　　香且唔乾，但久驚喜３）蟹煲　　以鮮味取勝，以大量甜椒煮，個湯超甜，但我較愛濃味菜４）焗龍蝦伴天使麵　　好味亦夠大隻甜品：紅豆慕思其實我好倦想食快ｄ，但師傅好有誠意，亦有要求，所以我都唔好意思催。不過食物真係好細緻，煮得很用心講究。整整食左三個鐘，因食得輕鬆我差ｄ想睡。因不夠時間我沒點蘋果批，下次一定試。我已經計劃下之去會再叫牛肋條同鵝肝。另外，師傅好推薦客人帶酒去，我話我要駕車，佢就叫我下之坐車去，佢話配酒先啱。（好後悔無影相）

近來酒聚頻頻, 本想休戰一回, 讓身體好好調息一下. 故有意不去參加一個心儀及留意已久的酒聚. 沒想到, 接到一個好友的邀請, 赫然就是這個心儀的公開聚會. 因緣際會, 便欣然赴約.餐廳地點也極易找,便在盛名的德龍隔鄰. 一直以來, 自己都覺得一間身處明星食肆旁的餐廳挺不易做, 一來來自他區慕名而來的生客, 大多都會只會記得該區的唯一明星,二來, 就算是該區的食客, 亦多易會有先入為主的偏見, 在沒有明確及堅定的選擇時, 往往步履就會向著名氣較佳的門戶走.是晚的主廚, 亦為這晚的特色酒聚(黎巴嫩酒)設計了很多相合的菜式. 據友人說, 主廚曾流浪遊學法國, 跟很多不同的主廚學習, 在這方面, 據我自己留意各味菜式與是晚酒的配合程度而言, 應是吻合的.在酒方面, 在此略去不贅. 拉開戰幔的, 是一道Caesar Salad with Salami, 亦具備它所應有的爽脆口感,不俗. 再來的湯就可能比較普通, 故筆者此時挖空了腦袋亦未能想起是甚麼. 再來一道西班牙甜椒配磨菇, 小弟不吃紅椒, 但據友人說這道紅椒爽脆味美; 接下來開始上主菜, 先來一道牛茄配牛肋條. 恰巧自己又是對蕃茄沒有興頭

上個月在朋友介紹下到了這一間食店食tea,老實說...味道還算ok...可是如果是在晚飯時間到訪恐怕坐得不太舒服.因店子不太...大約20個位...老細本身是5星酒店出身...所以食物新鮮道是講究的...　

星期日去過食假日午餐:豬扒雙腸跟意粉, 送餐飲, 28蚊, 轉湅飲加三蚊, 意粉都ok, 不過比較小, 啱女孩子份量. 另外也有45蚊的扒餐, 不過作為午餐, 太貴了!