晶輝飯店 (已結業)

相信有關注我食評的朋友都知道，全港我最喜愛的香港地道小炒王，一定首選深水埗愛文生 。但以單一區別來計的話，晶輝飯店，相信是大角咀區內，最佳地道小炒王（沒有之一）， 今晚點了：菠蘿生炒骨，三個菜中，這個是爆燈分數的，鑊氣夠，外表炸得香脆，但內部又不會乾柴，每次都必須要點的（這個生炒骨，完勝愛文生飯店）。椒鹽腰果魷魚絲，留意返，這個不是xx小炒王來的，因為內容並沒有韭菜蝦乾菜脯等等之類配料，這個專攻魷魚絲和腰果，愛此兩味配搭的不可錯過。沙爹肥牛粉絲煲，留意，沙爹牛肉粉絲煲 和 沙爹肥牛粉絲煲的，價錢不一樣（詳見附圖餐牌）我選的是肥牛，這個菜沙爹味濃，肥牛夠多，唯一缺點是“大豆芽”佔的份量太多，而我個人不太喜大豆芬的。這三個都是焦點推介小炒，是必吃之一，鑊氣夠，好味道，值得下次再試其他小菜。

 比勁多個LIKE 呢間野... 食左好多次水準都無失過一次手.. 無得彈蜆煲、白飯魚、生炒骨、仲正過酒店個D水準... 下一次我會再去試其他唔同既食物..... 不過聞說雞煲同羊腩煲都唔係我口味.. 所以一直都無去試.... 總之佢D野食唔油、好有愛既一間店~

和朋友一起來吃飯喝酒 點了多道菜味道都挺好 唯雞煲略價高沒什麼特色 也不是平時雞煲的口味 七個人吃了2小時.喝了10瓶啤花費約1200 雖然啤酒價格不算平 但環境比街市大排檔好很多 小菜也不過油 可來試試

家常便飯好有水準嘅小炒店，菠蘿咕嚕肉要encore，用了新鮮菠蘿，新鮮炸起皮夠鬆化，真係好食過其他酒店級嘅餐廳。籠仔蒸鱔飯-用荷葉包住飯，熱辣辣香噴噴，好足料，不會飯多過鱔，用了蒜蓉冬菇蒸，只有鮮味沒有腥味, 所有材料滲入飯中，非常美味！

平安夜，三人行去試下照牌菜啦。...叫了中size羊腩煲，菠蘿生炒骨，籠仔飯+3罐汽水。坐了一陣，羊腩煲上檯，幾多羊件啊，等滾中...跟住再上菠蘿生炒骨，又一驚喜，,賣相好靚，用新鮮菠羅煮的，生炒骨是即整的，甜甜酸酸及脆卜卜，陣骨也是脆的。讚讚讚羊腩煲滾起，起筷，啖啖肉，只有支竹外就是羊腩，無乜骨，味道不錯，其實，三個人叫細size都夠。籠仔飯，叫了鱔，滑雞兩個；鱔飯加入干瑤柱及冬菇去煮，非常野味。滑雞飯；與金針雲耳+冬菇一齊煮，有口感，有層次，好特別因滑雞飯是大size,吃不下，要打包回家。平平安安食飽飽，Merry Christmas!

是日氣温下降,羊腩煲癮發作,急急到來晶輝,一解與羊腩煲相思之苦.今晚只有兩人,所以選擇了細的份量,188元,其實份量也不小.羊腩肉質入味,口感佳,肥膏,皮及肉的比例恰到好處,而且湯底味道濃郁,其他的配料也十足.羊腩煲到來時即時令氣温上升.正也.芋頭片經過走油,放入煲中時香氣逼人,口感粉粉的,味道也十分吸引,推介.鵝腸份量也是奇多,而且爽口彈牙,新鮮,配合了羊腩湯底,好味.藍妹絕對是火鍋良伴,是夜之羊腩煲確實不錯.

大角咀一間超美味大排檔,晶輝飯店豪無裝修可言,環境麻麻,不過冷氣夠,坐得不夠20人食物十分有獲氣而價錢平,我同朋友點左雞煲,佢叫深圳雞煲,味道漿汁濃但不辣,多汁,雞夠滑,不錯,同四川雞煲完全吾同籠仔飯,用籠仔包住飯下面ZIP左荷葉,十分香,飯粒分明而且吸收哂荷葉既香味,上面我地選左鱔同蒜蓉蝦,兩樣都好新鮮, 而且蒜蓉同葱花都滲入飯中, 一流金銀蛋覓菜,熱辣辣, 菜新鮮!胡椒粉絲蜆煲 蜆大隻新鮮,湯底好濃胡椒味,好香之餘亦有功多粉絲,超正生炒骨 炒得好乾身, 炒骨夠大舊,出面脆而入面肉多汁,好味腰果魷魚絲 送啤酒佳品,魷魚絲配腰果,十分可口!!

昔日肥仔黨首領糾眾聚舊攪飯局，我此等跟尾的當然永無托手踭全力支持。食飯的地方選擇固然落在小弟手中....市井麻甩的飯局當然要揀番夠麻甩地痞的地方啦....身處大角咀橫街內的"晶輝"，完全符合晒今次聚會的條件....其中一位老友過了相約時間仍未到。於是乎與首領先來枝大啤吹吹佢。餸未來，但人已先自醉了....再望望手錶，已接近半小時了....實在按捺不住嘞....馬上先來一碟椒鹽腰果魷魚絲來伴酒吃....平常叫來送酒的"椒鹽餸"不是如白飯魚便是鮮魷等一類的物事，以腰果加上魷魚絲倒是第一次食。嗒落椒鹽的香味不算特別強，惹味程度亦不如想像中的高。唯一的好處是真的夠乾，完全符合到食好吃椒鹽嘢的首要條件；腰果的水準則有點不平均，有的是脆卜卜的但亦吃到一些偏淰的；魷魚絲咬來很硬很鹹但卻欠鮮，感覺似是食魷魚乾多一點....之前聽許多人說這裡的生炒骨有多好吃，滿懷着盛興而來但最終卻失望而回....說得不錯肉是炸得乾身外皮也很脆，用的亦屬新鮮帶半肥的排骨。不過如此有水準的排骨卻被那醬汁全然破壞了 ---- 甜酸汁杰度極高但份量卻太少，大部份的汁都是沉於碟底的，掛醬的功夫絕對是一塌糊塗 (甚至可以說是沒有的

放工同朋友食飯, 一行5個人, 聽朋友講呢度生炒骨好食過好多地方, 所以特登來試試!未坐定己經叫一個生炒骨!嘩! 果然名不虛傳! 舊肉係新鮮炸起, 個皮比起一般餐廳什至酒樓吃的脆好多~酸甜汁很開胃又夠乾身, 剛剛好包住舊骨, 濃稠度適中,真係掛哂汁ga!! 我食過好多間食肆的生炒骨/咕嚕肉, 晶輝呢碟生炒骨真係數一數二好食!籠仔蝦飯-鮮蝦開邊用蒜蓉蒸, 飯底唔知有咩, 可能連蒜蓉蒸, 總之好香, 推介!鍾意食香口野既我, 見到椒鹽茄子已經流口水! 伴碟有D唔知係咪炸紫菜, 無乜味但食唔停口腰果魷魚絲呢個正! 朋友都讚不絕口, 香口惹味,送啤酒一流! 椒絲腐乳通菜-不過不失仲有個胡椒蜆煲都好好食, 胡椒味好搶! 加埋粉絲食索埋D湯應該好好味, 可惜我地之前唔知,無加到~下次一定要加呀!每人都係食左$100左右~不過呢類平民食堂, 環境較簡陋, 同埋服務普通, 咁既價錢可接受啦~

今次已經係第二次成功食到呢間雞煲.仲記得第一次食已經被那雞煲深深吸引住. 所以决定番來再食. 雖然這裡的環境有點欠佳, 像大排檔一樣,嘈嘈吵吵, 但它的食物少準的確不差.先來半只深圳滑雞煲.雞煲來了, 雞煲内的雞無論點煮幾耐都係好嬾滑, 而且好入味，湯底做得很好,很濃很香又不辣. 煲內的冬菇,黑木耳,金針菜都充分吸收了濃湯的道,真係好野味.這個籠仔蒸白鱔飯好特别, 底部鋪上荷葉蓋上香噴噴既飯,白鱔和一些配科,冬菇絲, 炸蒜,蔥粒和紅椒. 食落去還帶有一點陳皮香味道. 可惜白鱔有點淋,不能一整塊夾上來.但味道也不差.這個籠仔蒸蝦飯特别好味, d蝦好新鮮好爽, 而且飯也蒸得帶有蝦既鮮味. 好味.

沒來這裡差不多一年，這夜與老婆仔再來吃個家常便飯，叫來兩碟小菜作晚餐。因為本舖已客滿的關係，需要坐到本舖旁邊較為簡陋的舖位裡吃飯，這裡陳設雖然簡陋，幸好地方尚算乾淨。「菠蘿生炒骨」一向是這裡的推介菜式，以前自己也來吃過，覺得水準還不錯，這天再試，水準仍能保持，生炒骨肉地雖不太厚，但脆漿夠薄，咕嚕醬汁濃稠度恰可，味道也頗適中，如果能再酸一點，就更開胃了。另一道菜是惹味的「魚香茄子煲」。熱騰騰的煲仔中軟腍的茄子與細碎的豬肉末，在魚香醬汁的浸潤下，香濃惹味，絕對是送飯佳選。雖然這道菜少不免油膩了點，仍是一道可口的菜式。埋單計數，才不過一百元多點，已可把兩夫妻吃得飽飽的，捧腹而回，都不錯呢！

這裡是以前我們家庭做東的時候常來的地方 咕咾肉，豬肉我沒有吃 遠近馳名的蜆仔煲，胡椒味濃，現在分量多 差不多每一桌都會叫 金銀蛋yin菜，不知道那是什麼菜，只知道他是吃後口腔會怪怪的 不過這個還好，不會太強勁 JEJE雞煲，送上來的時候，一點都不JE 雞肉好像有點煮過頭了，有點老 麻麻地好吃 大概有一陣子都不會吃了

點了雞煲，油鹽水蜆，蝦飯，蟹飯，鵝腸黑柏葉，生炒骨，炸九肚魚，炒吊片，雞腳，金銀蛋莧菜，味菜生腸，梅菜肉餅。除雞煲與生炒骨外，全部都好咸，雞煲無甚特色，作為招牌菜未免失色，原裝深圳的雞煲大多帶辣，這裡的應叫家常雞煲比較合適，最正常是九肚魚同生炒骨，但全部菜用料新鮮，大廚係有誠意嘅，如可落味輕手一點就完美！價錢在偏僻平舖租幫助下算合理！

後補生日飯, 個fd book左呢間餐廳.佢話要靠人事先book到間vip房喎我生日,竟然我最早到, 個fd叫我坐住先...一去到, 全場都係麻甩佬完全唔敢入!!齊人叫餸1) 深圳滑雞煲: 一般, 之後用埋個煲打邊爐, d料都係一般2) 菠蘿咕嚕肉: 真係好食!!未食過咁好食既生炒骨,層粉好薄,個汁又好食. 放左一陣都係脆既~3) 椒鹽腰果魷魚絲: 一黎到完全唔知係咩, 食落去不得了, 好惹味! 送飯一流!! 送酒都好好~~4) 籠仔蒸蝦飯: 食過既fd話今次d蝦無上次咁好食, 我都覺得d蝦梅梅地, 但個飯幾好食,好香 食左3碗!因為邊爐料叫左好多,所以都飽飽地,仲一要留肚食蛋糕叫個把我估係老細既人幫我地影相,都笑笑口好好service,仲幫我地問人借火機添有機會會再試, 不過都係一班人好d可以試多d野p.s.好在坐左入房, 無關門真係好嘈!! d客係出面爆晒粗咁傾計,小情侶係度食都可能驚驚地

二人來到離奧運地鐵站不遠的晶輝，如非有人推介她的生炒骨也不會來這邊找吃的。叫了菠蘿生炒骨、椒鹽腰果魷魚絲、金銀蛋菠菜、蒸蝦籠飯。(預計會吃剩的，但來到樣樣都想試)菠蘿生炒骨: 由於我吃得很酸的，我覺得可以再酸點，但炸得很新鮮，骨很掛汁。椒鹽腰果魷魚絲: 夠辣!! 很精緻的佐酒小吃，真的很像零食蒸蝦籠飯: 不肥膩，飯吸收了荷葉味很香，要是換了炒底的飯反而失色，讚!為什麼只upload到一張 相……一定有下次，下次再影過