月橋正宗越南湯粉

营业中

休息中

今日朋友帶我去太子月橋正宗越南湯粉，她極力推薦這間小店，一試之下，非常有驚喜!小店裝修簡約，自助掃code 落單，但老板娘又會主動幫長者落單，非常細心！我和朋友點了以下食物：招牌火車頭湯河$69有牛腩、牛展、牛肉、牛丸，仲有大量牙菜、香菜配料，份量十足！湯頭濃郁但一點也不咸，牛腩夠淋又入味，牛肉爽嫰，河粉幼滑，值得一試！香茅豬扒湯檬粉$57豬扒好大份，新鮮即炸熱辣辣，而且肉汁多一點也不乾身，果然是必吃之一！越式紙米卷 $30紫米卷材料非常豐富，有大大塊扎肉、米粉、青瓜、紅蘿蔔、生菜絲，卷皮都好滑，味道唔錯！越式炸春卷$32春卷是我的最愛，又係新鮮即炸，外脆內軟，料頭又多，大大件，朋友和我都非常滿足！最後梗係點埋杯椰汁紅豆冰，為呢餐畫上完美句號！總括來說，餐廳食物水準非常好，抵食又好味，而且老闆娘好好客，非常有親切感，下次會再回來光顧！

大坑東踢完波 唔打算食咁肥所以朋友推薦嚟呢間越南河粉店食，舖頭都係比較細間，但好彩今日行日唔使等位!一坐低唔使諗㗎啦,一定係火車頭河粉大件夾抵食, 結果都冇令我失望, 呢間店舖湯底同其他越南舖頭比較 確實係清甜, 佢有牛肉牛展牛丸, 三樣都做得唔錯! 鍾意食小店嘅各位可以考慮吓!飲品青檸梳打正正常常!

食過兩次出色的越南法包後就瘋狂愛上越南菜，今次嚟到太子「月橋正宗越南餐廳」簡約裝修，座位不多原來小店老闆全家人都係越南華僑，可以食到正宗越南味道==========🔹扎肉青木瓜沙律 $42份量充足，加入去衣花生、乾蔥碎及九層塔花生香脆可口，青木瓜加上酸酸哋的沙律汁幾開胃==========🔹越式法國麵包 $42 (配烤牛肉 +$4)體積夠大好抵食法包加入番茄、青瓜絲、紅蘿蔔絲、青木瓜絲、乾蔥碎、九層塔及沙律醬，層次豐富烤牛肉用上甜醬汁，口感偏嫩而能令肉汁保留；法包烘烤至香脆，咬落去聽到「咔嚓」聲音==========🔹香茅雞扒撈檬 $40 (下午茶價)雞扒4件均有一定厚度，檬粉份量同樣很多，配料有花生、青瓜絲、紅蘿蔔絲及青木瓜絲雞扒帶淡淡香茅味道；檬粉加入酸甜汁夠滋味==========🔹招牌火車頭湯粉 $46 (下午茶價)選配金邊粉材料有牛肉、牛丸、牛𦟌、牛腩，再加入大量芽菜、蔥花及香菜等牛肉粉嫩軟嫩，牛𦟌的肉和筋位分佈平均、牛腩分量豐富，牛味不錯而帶嚼勁；金邊粉煮的時間剛好；湯底清湯而不太油膩==========🔹凍奶茶 (跟餐加配 $5)🔹熱檸水 (跟餐加配 $2)=======

上次嚟試過佢嘅湯粉, 今次就點左另一個招牌月喬四寶飯同一杯椰汁紅豆冰。月喬四寶飯有雞翼、豬扒、扎肉和煎蛋，每種肉類都烤得剛好，唔會太乾非常入味，配上煎蛋令人好開胃。而且份量十足，滿足左我嘅大食胃, 如果小鳥胃又想試哂咁多款送就記得叫少飯!佢嘅椰汁紅豆冰唔係香港茶餐廳會落花奶個種, 簡單用上椰汁比較清新，唔怕會好濟, 紅豆又帶有一點點甜味，加上冰涼的口感，都幾解渴。一路食飯都見到好多人買外賣，睇得出深受大眾喜愛。

我今次要同大家分享嘅係我去咗一間越南河粉餐廳。呢間餐廳係一間街坊小店，人情味濃，而且好受外國遊客歡迎。有幾個日本人同老闆娘傾左好耐，似係熟客。好多街坊都會行入黎say hi咁。首先，我要講下佢哋嘅招牌菜：蕃茄魚餅蟹膏河。佢哋嘅河粉好彈牙好滑，而且湯汁好鮮甜食完唔覺口乾，仲有蟹肉同魚餅好新鮮亦唔鬆散，真係好好味！我仲試咗佢哋嘅招牌火車頭牛河，有齊牛肉牛腱牛腩同埋牛丸。牛腱好嫩滑，同埋佢哋嘅河粉一樣好彈牙，真係好正！個牛骨湯底好清唔油，個人黎講幾鍾意❤️蟹餅好酥脆，而且蟹肉味道好濃郁，幾彈牙同即炸，好有誠意。同場加映椰汁紅豆冰香濃滑順，而且唔會太甜，非常好食！總括而言，呢間越南河粉餐廳嘅食物真係好出色，而且價錢都好親民。加上佢哋嘅人情味濃，真係一個非常好嘅用餐體驗。如果你想試下新嘅越南菜式，而且又想感受下街坊小店嘅風格，呢間餐廳絕對值得一試！

話說今日經開太子深水埗呢頭，經過呢間越南舖頭，之前聽朋友介紹好似唔錯，所以book mark咗好耐，今次終於有機會一試。中午時候非常爆滿好彩入咗去先，跟住已經要排隊了。從朋友二人點咗一人一碗嘅火車頭河粉，同埋豬頸肉，飲品方面點咗咖啡同埋鹹檸七。火車頭河粉，除咗分量十足，牛肉種類豐富之外。河粉嘅滑同埋湯頭嘅鮮甜亦都配合得天衣無縫而且佢嘅九層塔係分開上既，好少舖頭會咁樣做，個人喜歡自己將九層塔搣碎跟住滲係湯頭裡面會更加香，呢1點係值得稱讚。豬頸肉方面非常香，火候啱啱好，除咗將少量豬頸肉裡面的肥肉用火迫咗出嚟之外，亦都燒得個邊有好香脆，但又唔乾，以味道方面香茅味亦都非常濃郁，下次可能試埋同系列的香茅雞翼咖啡方面佢哋用左越南咖啡，都幾香濃總括而言，呢間舖可以話係臥虎藏龍，雖然舖頭細細，但係食物水平極高，會返轉頭再試佢既越南春卷同蝦餅，望落隔離枱好正咁，份量亦十分多

這間位於太子的越南餐廳，店內裝修簡潔，堂食外賣人流都多。招牌火車頭湯粉：一碗有齊牛肉、牛丸、牛展、牛腩，材料十足。火車頭最精華既係牛骨湯底，湯清味濃、河粉滑溜、牛肉肉質細嫩、牛丸爽彈爆汁、牛展炆得軟腍、牛腩肥瘦適中，果然係招牌，煮得出色，又抵食。月橋四寶飯：可以一次過品嚐四款食材，包括雞翼、豬扒、扎肉、煎蛋，雞翼煎得夠香、豬扒有香茅味、扎肉彈牙、加埋煎蛋，就成為一道超級美食。越式米子卷：餡料有扎肉、紅蘿蔔、青瓜、米粉、薄荷葉，沾上酸酸甜甜的魚露醬汁，非常開胃醒神。越式法國麵包：即叫即整，法包烘得好香脆，雞扒同配菜都有好多，雞肉嫩滑，加埋沙律醬，十分推介。椰汁紅豆冰：椰漿味香濃，紅豆煮得軟綿，香甜好飲。總括而言，店舖位置方便，越南人主理，食物有正宗越南菜既風味。

我最近在月橋正宗越南湯粉（太子)，店舖裝潢簡潔，價錢也非常實惠。店員也很友善。而且店舖最近在附近也開設分店，想品嚐地道越南美食有兩店舖選擇❣️招牌火車頭湯河~湯頭鮮味，質感細滑，配上嫩滑的牛肉、扎肉、牛腩和牛丸，讓人吃得非常過癮。❣️月喬四寶飯~也是一道不可錯過的美食，其中的雞翼、豬扒、扎肉和煎蛋都非常美味，而且份量十足，非常適合分享。除了主食之外有小食❣️越式炸蝦餅~爽口彈牙，鮮蝦味濃郁。❣️越式炸春卷~外皮炸得很酥脆，內餡也非常豐富，是一種非常美味的小吃。❣️棷汁紅荳冰和凍柚子蜜，兩者都非常清涼可口，是一種非常好的解暑飲品。

好味又幾正宗嘅越南pho，火車頭pho夠大碗，湯味夠濃，好多料，牛𦟌夠淋，牛肉夠多，仲有海鮮醬。另外點咗一碟春卷，上枱熱辣辣外面夠脆又好味。價錢抵，CP值好高。

今次想食越南野，所以就上網搵下睇下邊間啱心水🤣🤣 跟住見到呢間好似又抵又好食，所以就去試下!!!😆去到見佢價錢真係唔算貴，所以叫多左個小食🥰服務仲好好～第一樣係 !!香茅豬頸肉湯粉!!😜 $57佢係自助落單~ 所以可以自己慢慢揀。而湯粉有河粉、金邊粉、濛粉可以揀😙我就揀左金邊粉!! 佢粉同餸係分開上，但個粉一黎到已經好吸引，忍唔住食😂碗粉熱辣辣，個湯味好濃好香，加埋香料非常正!! 另外豬頸肉係即煎，但佢唔會煎到好乾好硬，淨係個皮好脆，但係啲肉好冧😜第二樣係 !! 香茅雞扒湯粉!! 💕 $61同樣地，都係個粉同餸分開上，雞扒同豬頸肉都一樣即煎，個皮好脆好香，不過比起豬頸肉有少少硬~飲品方面叫左 !!椰汁紅豆冰 & 凍柚子蜜!!🍹$18/$15講下個紅豆冰~ 杯野幾甜，係我中意嘅甜度，不過椰子味唔太重，可以重多啲啲😙柚子蜜就100分! 佢唔會係個啲好瀨喉嘅味，好滑唔太甜好好飲!! 推介

位於太子新開張 越南小店 全家人都是 越南 華僑。 越南小店 選擇都好多 我今次就選擇咗個 正宗越南蝦餅 配越南河粉。河粉 非常爽口 配上越南的香料 非常惹味 湯底清甜可口。 飲落個湯都唔會覺得口渴。個蝦餅即叫即炸， 蝦肉紮實彈牙 咬落香甜好味。 蝦肉好新鮮 食得出是用心鮮蝦肉秘製的。之後叫咗一碟 生菜 生菜非常之 清甜好味。 充滿 油菜清香。最後叫咗一杯凍檸茶走冰走甜。 凍檸茶用上 新奇士檸檬 透心涼的感覺。呢度座位都幾舒服 小 店充滿豐富的人情味 服務態度很好

今日好開心同屋企人去咗旺角嘅一間越南餐廳，呢一間餐廳性價比高，而且價錢經濟實惠，份量多，有越南風味，真係值得一讚，食咗一次真係食過返尋味，我哋再幫襯啦，我適合朋友或者同屋企人相處嘅地方，呢一間餐廳位置好方便，好容易搵，所以唔使驚蕩失路，然後呢一間餐廳裝修簡單，佢哋嘅餐牌食物選擇好多，有米粉米線或者飯類，而且全部都係大大碗，唔使驚肚餓，要等一等我食得好飽啊，而且呢度餐廳侍應都好好，全部好友服務有禮貌，而客人為上，有賓至如歸的感覺，我覺得發現附近嘅人都有啲外國人幫襯，特別係佢嘅肥牛湯金邊粉真係值得一讚，真係好好食，佢哋份量多之餘，而且佢湯底都好好飲，呢個先係最重要，依家係咪一間我覺得湯底係最好飲嘅，而且佢哋嘅小食都好多選擇，有炸春卷，豬頸肉等等，全部都好食㗎哇

昨晚到這裡用餐，餐廳屬越南人開的小店，鋪子大概可以容納十多人，相對迫促，等位時間大概十分鐘。野食點了「招牌的生熟牛肉湯河」和「香茅豬扒湯檬」。先說一下生熟牛肉湯河，湯汁充滿牛味，牛肉品種豐富，而且份量很多。另外，餐廳會提供新鮮青檸及辣椒碎，加在湯上可以增加了酸辣的味道和色澤。這道菜價錢實惠，可以一試。另一道是香茅豬扒湯檬，豬扒燒得不會很乾，湯汁正常。另外叫了小食春卷，沒有很特別。最後特別提一下這裡的咖啡，這裡沒有專門水吧，咖啡只是用G7即溶咖啡粉沖泡，不建議點選。這家越南餐廳，價格合理，經過也是可以一試。

朋友約左今日食飯派手信，揀左太子區揾好野食，呢區其實真係好多平靚正餐廳小店，好食又唔使排幾個鐘，今次就揀左呢間越南餐廳，因為日本野通街都係，越南餐廳就越開越少門面簡約，一睇就知食咩，餐牌放晒係門口比食客參考，睇岩就入去，值得讚揚下食店跟上時代步伐，坐低就比個QR code用手機點餐，唔會再好似其他舊式食店咁，用左幾年都係同一張膠餐牌手機點餐版面簡單，第一次去都會識用餐廳乾淨企理，坐位唔算闊，但老闆無為左放多張枱整窄條通道，算係行出行入都好闊落叫左豬頸肉撈檬，香茅豬扒河粉，紙米卷，仲有即叫即炸既炸蝦餅食完飽到上心口豬頸肉撈檬，一上菜我就諗”豬頸肉會唔會多左啲?”又大塊又多，女仔食真係有點多，但豬頸肉好爽好入味撈檬魚露係靈魂，酸甜惹味好開胃呀香茅豬扒湯河，湯頭真係好驚喜，味道好清甜，淡淡既芽菜同蔥香，唔同出面既味精湯底豬扒份量又係一大碟，真係使唔使咁抵食咁抵既價錢，唔怪之得成晚爆場，外賣單keep住出越式紙米卷，原本以為小食係細細啖一件，點知一黎，嘩，唔講以為係主菜，兩啖都食唔完一件，食落好明顯會知係即叫即包，因為生菜仲係爽脆新鮮，唔係一早包好焗到淋晒先上菜餡料又多又新鮮既紙米卷，扎肉大大

平時見到越南餐廳都唔會想入，因為覺得明明越南野應該係好平，但黎到香港就要比好貴既價錢先食到，覺得好唔抵，出親去食閒閒地都成舊水仲要冇野飲，咁岩行過見到佢下午茶先係40幾蚊仲包野飲！我叫阻碗生牛河，一碗有成十塊生牛肉超誇張，仲要係好食，下午茶完全冇縮水。