有囍 (已結業)

始終香港食飯都係食廣東小菜最爽皮，今次就去左太子搵左間叫有囍~原來佢之前係大圍都幾出名, 之後就出左黎開分店~6個人入坐但一黎就叫左個4人餐, 因為睇MENU果陣都有D擔心太多野食XD結果係無擔心錯~ 4人餐6個餸, 但係碟碟都好似散叫咁樣咁大碟，好在無叫好多野咋……XD不過個4人餐質素好高, 碟碟都唔錯, 特別係一口牛同雲吞雞。本身一口牛比較難整, 一係唔入味, 一係過晒火, 但呢度就把握得幾好, 兩者都好平衡! 而個雲吞雞足料到我驚~ 個湯底已經好濃雞味, 加上佢成隻雞擺埋落去煮D雲吞, 瞬間變左雞湯精華版雲吞HAHA 呢個係一擺落檯就大家爭住清盤既一味餸~

於花墟附近跑完步，晚餐就到附近的有囍吃慰勞一下自己。店內的設計很新穎，與一般傳統中菜的餐廳格調很不同。先來一客星加坡麥皮蝦，大大隻蝦肉質彈牙而且有 片的甜香味、很新鮮。連殼吃亦可，麥皮質則甜甜的可以用嚟當飯吃。再來一客陳釀花雕醉鮑魚，這個雖然有點奢侈，但這個配搭的確很出色。一來 鮑魚本身好大隻而且口感彈牙，基本上很輕鬆就可以咬開，而當中最精髓的地方就是第一口的花雕沒有搶掉，反之令鮑魚本身的味道更突出而且口感更好。當中畫龍點睛的就是加入了話梅，情況就好像到日本吃海鮮再細嚼一口梅酒。而附送的紫薯糖水亦不馬虎，紫薯一絲絲的口感加上糖水本身味道亦不淡不太甜。最後一杯透心涼的凍檸多但運動後燃燒的脂肪又再被這頓驚喜的宵夜，填滿了😂

下午黎食飯想要一要餐紙都無 叫$3包要唔要最憎呢D連紙巾錢都要賺既鋪頭價錢又貴 食物同普通茶餐廳一樣專登放紙巾係收錢枱面指人去買，幾枱都買，為換一賺一包紙巾錢唔比餐紙人既食店。食物就通粉硬身 個蕃茄湯正常 個炒蛋就麻麻地 得杯飲品凍飲正常另外海南雞飯D飯凍又硬.....價錢黎講 太子呢條街最貴佢 一個通粉常餐要成$56加埋凍飲$3要成$59蚊地方環境算整潔 枱夠多夠大 唔使點等位但有種唔憂做你生意既態度總結 唔慣代紙巾既唔好去

約晒朋友去城市中心既中心食飯, 好難得有人話想食有囍唔使左度右度，梗係去試下啦!星加坡魚沙炸魚皮 $68呀某人又金沙魚皮癮起, 次次見到有得叫都一定狗衝LOL不過個質素係OK既, 起碼佢唔係炸魚皮+金沙粉, 而家真‧撈過既金沙魚皮~4人餐 $888話就話係4人餐但係個份量好足LOL 以為自己食緊6人餐~其中個雲吞雞真心唔錯，隻雞一D都唔HEA, 而且雲吞入晒雞味, 一絕呀!仲有個蒸海蝦都唔錯, 出街好怕食到蝦肉又梅又散咁, 呢度就隻隻都實實淨好爽口, 肯肯定係新鮮貨啦~之後仲每人送左碗紫薯糖水, 唔甜又唔辣, 好易入口~

太子花園街232-242 號禮賢大廈地下K-M舖「有囍有喜！」 - 有囍 Yo Hay難得約到班朋友一齊出黎食飯 梗係搵間咁上下嘅小菜食下啦！四人餐$888蒜蓉開邊蒸海蝦燒汁野菌一口牛星加坡海南雞(半隻)瑤柱蛋白炒飯燒鍋雲吞雞西蘭花炒龍躉球雖然有6個人，但係睇落叫個四人餐都夠。海蝦肉質爽口，明顯係新鮮野！蒜蓉味亦落足料，正呀！一口牛就不過不失，但起碼唔會過晒火先~加埋燒汁咸得唔過份，又吊到D牛味出黎既……蛋白炒飯最安全又試到廚房手勢既指定菜式之一，第一啖先係食到鑊氣，合格有餘啦！雲吞雞，事實證明雲吞係好食過雞HAHA 因為雲吞皮索晒雞味，成件事超濃郁，一啖擺落口以為係雞湯灌湯餃lol最後係炒龍躉球，都係不過不失~ 無乜特別但又唔差，其實已經算係咁啦~7/10

午餐常常吃茶餐廳, 有點厭倦的感覺, 今天和朋友找到了這間在太子的餐廳, 主打東南亞菜式, 也有港式的午餐, 我們當然選擇異國風情吧。星加坡炒貴刁$58: 星洲炒米的味道, 貴刁像闊身厚身版的河粉, 加入蛋、芽菜、青椒、叉燒、蝦仁來炒, 炒得不油膩, 夠乾身, 份量也好多, 男士也足夠飽肚。海南雞飯配迷你肉骨茶$78: 好幸運地, 得到了我最喜歡的雞腿, 口感柔潤滑溜, 最重要是點上幾款特色醬汁, 立即感覺像置身星加坡, 很有風情。小份的肉骨茶, 想不到用料這麼多, 可以喝又可以吃, 排骨連著的骨是軟骨, 可以一拼吃掉, 肉骨茶的湯有點醬油的味道, 藥材味如果多一點更好。熱柑桔蜜 跟餐半價$9, 不知怎的店員很難接收這一杯飲品的ORDER, 反覆問了幾次, 難道平時很少人叫特飲?這杯飲品沖得夠濃郁, 也不錯。

今日啱啱又要去太子做少少野放工就約咗朋友喺附近食飯行行吓經過呢一間小店見到個二人套餐都幾吸引唔使$500就有海鮮有雞煲食一於入去食侍應非常好人咁叫我地坐卡位個二人套餐包括雞煲( 可以揀辣定唔辣) 蒸海鮮 炒時蔬(可以喺眾多蔬菜中揀一款 同埋可以自己揀點樣炒) 蛋白炒飯或者豪仔粥 仲有是日甜品添雞煲好快送到 底下放上gas 爐 不停咁熱住 雞肉新鮮 配上鹹鹹地嘅醬汁 加上洋蔥一齊食 非常好送飯海鮮一想上到黎非常驚喜 非常多嘢食有兩隻扇貝 上邊鋪左極多粉絲同蒜蓉 差唔多有一隻手咁大仲有兩隻鮑魚 上邊鋪滿陳皮加上好多蒜蓉蝦仔 極度滿足時蔬我哋叫咗腐乳炒通菜 好大碟又好味 又係另一下飯之選!蛋白炒飯勁大盤 有勁多蛋白 咬得乾身唔油膩 加埋啲餸菜好快兩個人就食哂!食完之後送上兩碗南瓜露 呢個二人餐真係極之抵食

有囍聽個名真係會會心微笑，係太子覓食既時候見到 梗係入去試一試啦！餐牌環境乾淨舒適，裝修都幾特別鮑魚雞煲好少喺唔係專食雞煲嘅地方食雞煲，呢一個係夠味道既 不過就唔辣 啱哂d想食雞煲但又怕辣既人啦！鮑魚大大隻仲要唔腥 數量都幾多嫁 唔係得一兩舊粉絲什菜煲呢一個可以當湯飲埋，都唔錯幾好飲 白菜魚湯既味！份量好多 有白菜 菜心 冬菇 粉絲 多到完全食唔完！真心抵食芝士蝦伊麵好多芝士同海蝦加咗落伊麵到，伊麵爽彈 撈埋芝士同蝦真係不得了呀總結，有囍有驚喜 啱哂一班同事朋友聚會既地方

呢間位於太子嘅有囍，主打星馬新派港式小炒。除左抵食嘅二人、四人套餐外，單點餐牌都有好多唔錯選擇。價錢大概 $78-$188 左右。 籠仔蒜蓉開邊蝦蒸糯米飯 $188蒜蓉開邊蝦共6隻，分12份。用左金銀蒜特別香口，糯米飯口感煙煙韌韌，散發住荷葉香氣。白飯魚煎蛋 $80 白飯魚好肥美大條，略嫌唔夠乾身。蜜椒金薯牛仔粒 $118聞落好香芝麻同牛油香氣，薯仔可惜切得唔夠大粒，唔夠脆口。幸好，牛柳軟稔，調味不錯。食飽飽仲送埋 糖水：南瓜露入口夠凍，順滑唔太甜。

放工約左朋友係太子覓食，依間門口有别於一般茶記吸引到我地目光，仲放滿餐牌可以睇岩先決定食唔食。入到去環境明亮整潔，裝修有特色，至少光線好足對我依啲中意食前影相就好有利😌，個廁所及廚房都叫乾淨，係廁所比較窄。餐牌有林林總總既菜式，我同朋友返工攰加上想食豬肚😂，就直接叫左個2人套餐🍻，唔洗左諗右諗🥳，拎左茶位，每人承為$16，唔想拎茶位都可以飲水既🤣🤣⭐豬肚雞煲平時就好中意食豬肚所以會好挑剔，依個完全冇腥味，看得出處理得好乾淨，合格👏🏻。雞肉煮左一陣已經好嫩口，食雞煲最緊要個汁，我地就叫左唔辣，所以汁係鮮甜都唔差。不過我地一致認為下次再喊會加小小辣應該再好食啲😌。⭐椒絲腐乳通菜套餐可以揀一個餐牌上有既菜。我地重口一啲所以叫腐乳通菜，味道不過不失，落腐乳冇好重手唔會一放入口就好多腐乳咁😂。腐乳同菜融得好好，不過如果你中意成口腐乳可能就會覺得淡左，偏向清淡爽口。⭐荷葉蒸海鮮蒸海鮮包括鮑魚，扇貝粉絲，蝦。重點要提隻蝦，蝦我好滿意同中意囉😌平時好小食到蝦或食到要狂點醬油先入味。依到食好入味好重蒜蓉和香蔥，又多汁。根本唔洗點醬油，我食左好幾隻先停口😆蒸海鮮仲包括2隻大大隻鮑魚，好厚肉，滿足你對鮑魚既

記得之前這裡應該是做新加坡和馬來西亞菜的，現在就加咗好多中菜元素入去，形成一個綜合多國菜餐廳。今日我哋試中國菜多啲，點了三個餸，另外我們亦點了喇沙。先來海南雞喇沙，這個是一個十分大件夾抵食的喇沙碗已經是重量級麵亦都很多，而且海南雞做得很嫰滑。如果一個人來叫這個已夠飽話梅豬手炆得好入味而且不會過稔，味道方面不會太酸或太甜，平衡得剛剛好金銀蛋時菜就做得四平八穩，沒有什麼地方可以挑剔薑蔥魚腩有很多件，每一件都是先煎炸然後再炆，吃的時間會感受到香脆。唯一要挑剔的地方就是太多碎骨。總括而言這裏的水準是不錯，價錢都相對合理，可以再叫多些朋友來試。

今日又同朋友去太子食飯，經過呢間餐廳，出邊裝修都好吸引，所以就打算試吓依個粉絲索曬海鮮嘅味道，好入味，煲入面仲有蟹柳蝦同埋魚等等，材料非常豐富，抵食四季豆一向鍾意食，想枱嘅時候熱辣辣好有鑊氣，四季豆冇渣夠入味，而啲牛都想像唔到好滑嫩，一啲都唔韌，簡單一個小炒都好有驚喜全晚最鍾意就係依個黃金鮮魷，佢用咗鹹蛋黃去炒，外面充滿濃濃嘅鹹香，入邊嘅魷魚亦都爽口彈牙，好味到唔使5分鐘就俾我地K.O.晒最後叫咗兩隻乳鴿，外邊啲皮燒到脆卜卜，但難得入邊啲肉質都保持到，一啲都唔乾，唔需要點任何調味都已經好夠味，值得推介！

放工後身心俱疲，真的要吃點「好西」來奬勵一下自己！聞說位於太子的有囍的雞煲好正，作為「雞精」的我們，當然不能錯過！我們點了個「超值海鮮‧雞煲二人套餐」一來便是上滋味豬肚雞煲！雞煲的醬汁非常濃郁美味，雞件大大件，十分有肉地！雞肉也很軟嫩～沾滿了醬汁的雞肉超好吃！而且裡面的豬肚的份量也絕對不能開玩笑！不但多而且也很「林」，非常惹味！馳名蠔仔粥超多蠔仔，蠔仔漲卜卜，而且不會有沙。粥很甜，剛好能中和豬肚雞煲的濃味。清炒時蔬的菜不老，咬下去不會有渣，口味也較為清，似乎是為了下一道菜做準備（笑）最後一道菜就是籠仔荷葉蒸海鮮！裡面有2大隻扇貝、果皮蒸鮑魚及大蝦～扇貝上有超多粉絲！！！大大隻鮑魚很爽口，加上果皮絲後有一種「古早味」，不錯不錯！蝦也很鮮味，絕對不是雪藏蝦那種！最後的甜品也讓我們很驚喜！那是紫心蕃薯甜水～蕃薯很甜很好吃！！！！但糖水卻不會過甜，配搭起來非常好味～男友也說這糖水真的出乎意料之外好喝呢！超值海鮮‧雞煲二人套餐 $438／每席

餐廳坐位空間感都幾闊落，唔會好迫夾，有d單人位可以望街景，可以避開同人搭枱和你眼望我眼果種尷尬，裝修亦較色彩繽紛，比人一種活力既感覺$26咸檸七，咸味好出，用左不鏽鋼杯拎上手已經好冰涼，爽晒$198碧綠班球，約有7-8件班球，每件都好大塊，魚肉好滑，一定要配埋個飯一齊食先夠正$68海蜇青瓜，好香既麻油味，海蜇爽口，不會咬唔開咀嚼到口都累$98乾撈海皇粉絲煲，固名思意，即係冇加醬汁一齊煲，食落味道會淡一d，但就可以健康一d，魷魚同蝦其實都有好多，不過被粉絲覆蓋左紫薯糖水，職員話係送比我地食，真係好人，糖水唔會太甜，紫薯亦煮得好淋，哩餐飯好滿足

上次冬天時幫襯過，覺得個羊腩煲唔錯，依家天氣回暖左，餐廳都暫停供應，所以今日決定食下其他小菜，門口既射燈加上藍色牆身，真係好鮮明出眾，好易搵到麻辣雞煲，98蚊，雞件都幾厚肉，唔會骨大肉細，而且肉質嫩滑，味道唔算太辣又帶點麻香，好岩香港人口味，食晒之後煲底仲有湯汁，用黎撈飯食更加惹味黃金鮮魷，118蚊，外層粉漿炸得好酥脆，再用鹹蛋黃炒過，食落有起沙感覺仲有濃郁既鹹蛋黃香味，至於魷魚方面都好爽口蒜蓉白菜仔，66蚊，色澤雪白翠綠，冇黃葉，好新鮮，清清地夠健康蜜椒金薯牛仔粒，118蚊，牛仔粒份量都好多，食極都仲有，配埋個醬汁炒過好好味，薯仔切到同牛仔粒一樣大細，可以一粒一口方便食